Cofradia de Santa Marta de Cavite - Ministri ng mga Debosyon

Cofradia de Santa Marta de Cavite - Ministri ng mga Debosyon Aims to propagate the devotion to the Holy Virgin Saint, Saint Martha of Tarascon and Bethany.

DEBOSYON TUWING LUNES ALAY SA ESPIRITU SANTOPANALANGINHalina Espiritu Santo, punuin Mo ang puso ng mga nananalig sa Iyo ...
10/08/2026

DEBOSYON TUWING LUNES ALAY SA ESPIRITU SANTO

PANALANGIN

Halina Espiritu Santo, punuin Mo ang puso ng mga nananalig sa Iyo at pag-alabin mo sa kanila ang apoy ng Iyong banal na pag-ibig.Ipadala mo ang Iyong Espiritu at sila’y malilikha, at sa gayo’y mapaninibago Mo ang mukha ng mundo.

Manalangin Tayo.

O Diyos, na sa liwanag ng Espiritu Santo ay tinuruan ang mga puso ng mga mananampalataya, Ipagkaloob mo na sa pamamagitan din ng Espiritu Santo, ay ibigin namin kung ano ang wasto at makatarungan at sa tuwina’y magalak sa Kanyang pagkilos na nakapagdudulot ng ginhawa ng aming loob. Sa pamamagitan ni Kristong aming Panginoon. Amen.




DEBOSYON TUWING MARTES ALAY KAY SANTA MARTA, ANG PATRONA NG GREENGATE HOMES, MALAGASANG SEGUNDOPanalangin kay Santa Mart...
04/08/2026

DEBOSYON TUWING MARTES ALAY KAY SANTA MARTA, ANG PATRONA NG GREENGATE HOMES, MALAGASANG SEGUNDO

Panalangin kay Santa Marta

O kahanga-hangang Santa Marta, ako ay lumalapit sa iyo taglay ang pag-asang ako’y iyong sasaklolohan. Aliwin mo ako sa aking
mga alalahanin at paghihirap, buong kababaang-loob kong isinasamo sa iyo.

Buong galak mong tinanggap ang Manunubos sa inyong abang tahanan sa Betania, at ngayon ay aking hinihiling ang iyong pamamagitan para sa akin at sa aking mga mahal sa buhay, upang mapanatili namin ang Diyos sa aming mga puso, nang sa gayon ay maging karapat-dapat kaming tumanggap ng mga biyayang aming hinihiling, lalo na ang biyayang ito.

(banggitin ang kahilingan.)

Dumudulog ako sa iyo, o saklolo ng mga Kristiyano sa bawat pangangailangan, gabayan mo kami upang malampasan namin
ang mga paghihirap at sakit, at matularan ka nawa namin, na matagumpay na nagapi ang kasamaan. AMEN.

(1 Ama Namin, 1 Aba Ginoong Maria, 1 Luwalhati.)

O Martang matimtiman, kay Kristo kami’y ipamagitan!




IKASIYAM NA ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPanalangin sa...
28/07/2026

IKASIYAM NA ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikasiyam na Araw

Pintakasi naming Santa Marta, yayamang ikaw po ay naririyan sa langit, at natatalastas mo ang dakilang kapangyarihan ni San Jose, ay ipagmakaawa mo sa kanya na magkaroon kami ng tunay na pamumuhay-Kristiyano at matularan ang kanyang kalinisan, kababaan ng loob at ang katiisin sa mga karalitaan, at kapagalan sa pagganap ng mga utos ng Diyos at ng mga sariling tungkulin, upang sa gayo'y maging dapat kaming magkamit ng kaluwalhatian sa langit. Amen.

O Martang matimtiman, kay Kristo kami'y ipamagitan!




(Late Post)IKAWALONG ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPana...
28/07/2026

(Late Post)

IKAWALONG ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikawalong Araw

Lubhang masintahing Pintakasing Santa Marta, na noong ikaw po'y nabubuhay ay kataimtiman ng loob mong pinaglingkuran si Hesus at Maria. Ngayong ikaw ay lumuluwalhati na diyan sa langit ay totoong malakas ang iyong pamamagitan. ipagmakaawa mo nga po kami, dito sa lubhang maalindog na Birhen na pagindapatin kami kaming magtamo ng di masayod na kapalaran ng pananatili sa kabanalan hanggang sa oras ng kamatayan upang sa ganito'y maging karapat-dapat kami sa kaluwalhatian ng langit. Hingin mo po na bago malagot ang aming hininga'y matanggap namin muna ang mga huling Sacramento, kalakip ang malalim na pagsisisi sa aming mga kasalanan, ang maningas na pag-ayon sa Kanyang kabanal-banalang Kalooban. Amen.

O Martang matimtiman, kay Kristo kami'y ipamagitan!




IKAPITONG ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPanalangin sa I...
26/07/2026

IKAPITONG ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikapitong Araw

Saklolohan mo nga kami, mapagpalang Santa Marta, upang magtagumpay sa marurungis naming kaaway, walang pinagpipilitan kundi ang mapahamak ang aming kaluluwa sa pamamagitan ng pagsunod sa mga lisyang hilig ng katawan. Loobin mo namang manatili kaming matibay sa pakikipaglaban sa kanyang mga tukso at daya. Idalangin mo kami at ihingi ng biyaya upang maingatan namin ayon sa aming kalagayan, ang isang malinis at banal na pamumuhay, na maghahandog sa amin ng wagas na kaligayahan. At kapayapaan ng loob. Gayon din ng dakilang pag-asa sa awa't pag-aampon ni Hesus at ni Maria habang kami'y nabubuhay, at lalong lalo po sa oras ng kamatayan. Amen.

O Martang matimtiman, kay Kristo kami'y ipamagitan!




(Late Post)IKAANIM NA ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPan...
26/07/2026

(Late Post)

IKAANIM NA ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikaanim na Araw

Maawaing Santa Marta, maalindog naming Pintakasi, alang-alang po sa kababaan mong loob, na ipinaging-dapat mo sa mataas na kaluwalhatian ay ipanalangin mo kami sa Diyos, na pagkalooban kami ng kababaan ng loob, na totoong kinakailangan namin sa pamimintuho sa Kanya. Sa ganito nga, kung kami'y makaraang maluwalhati sa kahapis-hapis naming paglalakbay-bayan ay magkapalad po kaming makasama mo diyan sa kaluwalhatiang walang hanggan. Amen.

O Martang matimtiman, kay Kristo kami'y ipamagitan!




IKALIMANG ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPanalangin sa I...
24/07/2026

IKALIMANG ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikalimang Araw

Pintakasi naming Santa Marta, masunuring alagad ni Hesukristo, noong ikaw ay nabubuhay ay totoong tinupad mo ang matatamis niyang aral. Ipamagitan mo po kami dito sa lubhang masintahing G**o, na pagkalooban kami ng biyayang umibig sa lahat naming kapwa, pati sa aming mga kaaway, maging maawain sa mga dukha't nasasalat na saklolohan namin ayon sa makakayanan gaya ng iyong ginawa. Tulungan rin nawa namin sa aming mga panalangin at magandang kahatulan ang mga nag-aalinlangan ng tungkol sa kaluluwa, lalo na ang mga makasalanan, na nasa malaking kapanganibang mapahamak magpakailan man, gayon din ang mga kaluluwang nasa purgatoryo na nagdaralita nang di masayod na kahirapan, upang kung masunod namin ang pagkakawanggawang ito'y maganap sa amin ang mga kaaliw-aliw na pangungusap ng ating Mananakop na ang wika: "Mapalad ang mga maawain at sila'y magkamit ng awa" (Mateo 5:7). Amen.

O Martang matimtiman, kay Kristo kami'y ipamagitan!




IKAAPAT ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPanalangin sa Ika...
23/07/2026

IKAAPAT ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikaapat na Araw

Idalangin mo po kami, lubhang mapagpalang Pintakasi naming Santa Marta, na liwanagan ang aming mga isip nang makilala namin ang kabulaanan ng aral ng mundo, na ngayo'y totoong ikinakalat ng mga kaaway ng Santa Iglesia. Ang tunay na daang patungo sa langit ay ang aral ni Hesukristo, na totoo mo pong kinawiwilihang dinggin at iyong pinagpilitang tupdin noong ikaw ay nabubuhay dito sa lupa. Huwag nawa kaming madaya ng demonyo, at mapahamak ang aming kaluluwa dahil sa panandalian at maraming lugod. Kung mabata namin ang munting kasakitan at pagtitiis ng mga karalitaan sa buhay na ito, maging dapat nawa kaming magtamo ng dalisay na kaligayahan at katiwasayan ng diwa na ipinagkaloob ng Diyos, dito sa lupa, at ng kaluwalhatian sa langit. Amen.

O Martang matimtiman, kay Kristo kami'y ipamagitan!




(LATE POST)IKATLONG ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPanal...
23/07/2026

(LATE POST)

IKATLONG ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikatlong Araw

O Maluwalhating Santa Marta, alang-alang sa kaningasan ng iyong loob sa pananalangin at pakikipanayam sa Diyos, ipagmakaawa mo po kami sa Kanya na huwag tumamlay at lumamig ang aming mga puso, at hingin naming walang likat ang ikagagaling ng aming kaluluwa, yayamang Kanyang ipinangako sa mga humihingi sa Kanya. Amen.

O Martang matimtiman, kay Kristo kami'y ipamagitan!




(LATE POST)IKALAWANG ARAW NG NOVENA MAYOR SA KARANGALAN NI SANTA MARTAPatrona ng Greengate Homes, Malagasang SegundoPana...
23/07/2026

(LATE POST)

IKALAWANG ARAW NG NOVENA MAYOR SA KARANGALAN NI SANTA MARTA
Patrona ng Greengate Homes, Malagasang Segundo

Panalangin sa Ikalawang Araw

Idalangin mo kami sa Diyos, mapaghimala naming Pintakasing Santa Marta, nang maganap namin ang banal na tungkuling magmalasakit sa Kanyang kapurihan at nang kung kami'y pagpalain niya habang kami'y nabubuhay at makamtan namin ang isang magandang kamatayan. Amen.

O Martang matimtiman, kay Kristo kami'y ipamagitan!




Address

Saint Martha Parish, Greengate Homes, Malagasang II-A
Imus
4103

Website

Alerts

Be the first to know and let us send you an email when Cofradia de Santa Marta de Cavite - Ministri ng mga Debosyon posts news and promotions. Your email address will not be used for any other purpose, and you can unsubscribe at any time.

Shortcuts

Share

Category