15/05/2026
༺❀༻ 𝓕𝓲𝓮𝓼𝓽𝓪 𝓼𝓪 𝓶𝓰𝓪 𝓜𝓪𝓰-𝓾𝓾𝓶𝓪 2026 ༺❀༻
*SALMO 67:6*
“Ang yuta mihatag sa iyang abot; gipanalanginan kita sa Dios, nga atong Dios.”
*SALMO 107:37*
"Ug sila nagtanom sa mga uma, ug nagbunga sa mga walog; nag-ani sila sa mga bunga ug nagpasalamat sa Ginoo sa iyang mga kaayo."
Niadtong Mayo 14–15, 2026, malampusong gisaulog ang Fiesta sa mga Mag-uuma 2026 uban sa pagtuo, pagpasalamat, ug pagdayeg sa Ginoo. Sa Mayo 14, nga maoy Vespera sa Fiesta, gihimo ang Balaang Misa ug ang pag-canvassing sa mga kandidata pinaagi sa SELDA isip pagsugod sa kasaulogan.
Sa Mayo 15, nga maoy Adlaw sa Fiesta, naghiusa ang tanan pinaagi sa Balaang Misa, programa, ug coronation sa King ug Queen of Farmers 2026. Gipakita usab ang kalipay ug panaghiusa pinaagi sa parlor games, fellowship, mass singing, ug inspirational message nga nagpahinumdom nga ang tanang panalangin ug madagayaong ani naggikan lamang sa Ginoo.
Sa matag binhi nga gipugas sa atong mga mag-uuma, adunay paglaum; ug sa matag ani, nakita ang grasya ug pagkamaayo sa Dios.
Kining kasaulogan nahimong pasidungog sa kakugi, pagtuo, ug paningkamot sa atong mga mag-uuma nga gigamit sa Dios aron mapanalanginan ang komunidad.
Naghiusa kita sa pagpasalamat ug paghimaya sa Ginoo alang sa iyang walay katapusang grasya ug kaayo.
❤️ MALIPAYONG FIESTA SA MGA MAG-UUMA! ❤️
Ang tanang himaya ug pasidungog alang lamang sa Dios.
