Immaculate Concepcion Chapel -Anhawan Proper Janiuay Iloilo

Immaculate Concepcion Chapel -Anhawan Proper Janiuay Iloilo Contact information, map and directions, contact form, opening hours, services, ratings, photos, videos and announcements from Immaculate Concepcion Chapel -Anhawan Proper Janiuay Iloilo, Religious organisation, Anhawan Janiuay Iloilo, Iloilo City.

15/05/2026

Thank you so much sponsor sa pamahaw.

Flores de Mayo – DAY 15 Ikanapulo kag Lima nga Adlaw sang FloresSI MARIA KAG ANG EUKARISTIYAPAGBUNO SANG KILID NI JESUS ...
15/05/2026

Flores de Mayo – DAY 15
Ikanapulo kag Lima nga Adlaw sang Flores

SI MARIA KAG ANG EUKARISTIYA
PAGBUNO SANG KILID NI JESUS — NAG-ILIG ANG DUGO KAG TUBIG SAMTANG GINALAPOS MAN SANG ESPADA ANG KASING-KASING NI MARIA

📖 Katekesis:
Sa Bukid sang Kalbaryo, samtang madamo ang nagatulok kay Jesus nga may pagpakamalaut, ginbuno sang soldado ang Iya tagiliran paagi sa bangkaw. Para sa iban, daw tanda ini sang katapusan kag kapierdehan. Pero sa matuod, amo ini ang tanda sang kadalag-an ni Jesus.

Sang ginbuno ang Iya kilid, nag-ilig ang dugo kag tubig. Ini indi lamang ordinaryo nga hitabo. Para sa Simbahan, ini tanda nga halin sa tagipusuon ni Jesus nagaguwa ang mga Sakramento, ang tuburan sang bag-o nga kabuhi.

Ang tubig nagapahanumdom sang Bunyag, nga sa diin nahugasan kita sa sala kag nangin mga anak sang Dios. Ang dugo nagapahanumdom sang Santa Eukaristiya, nga nagapakaon kag nagapalig-on sa aton kalag.

Si Maria nagatindog didto, hipos nga saksi sa tanan. Wala siya nagpalayo. Nakita niya ang pag-ilig sang dugo kag tubig, kag bisan nasakitan ang iya tagipusuon, nagpabilin siya nga matinuohon.

Sa amo nga tion, ang Simbahan daw ginbun-ag halin sa tagiliran ni Jesus. Pareho sang pagkuha kay Eva halin sa kilid ni Adan, amo man nga ang Simbahan nagguwa halin sa nabuno nga kilid ni Kristo. Gani si Maria ginatawag man nga Iloy sang Simbahan, kay nagtindog siya didto sang “natawo” ang Simbahan.

Kita nangin kabahin sini nga Simbahan paagi sa Bunyag, kag ginapabaskog kita sa Santa Eukaristiya. Ang duha ka sakramento nga ini nagaguwa sa gugma ni Jesus nga gin-ula sa Krus.

🙏 Ginatudluan kita ni Maria nga:
• magpabilin nga matinuohon bisan sa kasakit
• magpalapit kay Jesus sa Bunyag kag Eukaristiya
• magsalig sa gugma nga nag-ula halin sa Krus

Kag aton ginapasalamatan ang nagshare sang ila kaalwan sa pagpamahaw sa mga kabataan nga amu ang Pamilya ni Ma. Ivy Garete and Family salamat gid sa inyu ginpaambit 🙏🙏

Mayo 6, 2026 ika anum nga adlaw sang Flores De MayoUpod ang kalipay kag pagpasalamat, ginasaulog naton ang Flores de May...
06/05/2026

Mayo 6, 2026 ika anum nga adlaw sang Flores De Mayo

Upod ang kalipay kag pagpasalamat, ginasaulog naton ang Flores de Mayo 2026, isa ka matahum nga tradisyon sang pagpasidungog sa Mahal nga Birhen Maria paagi sa mga bulak, mga pangamuyo, kag mahigugmaon nga debosyon. Labaw pa sa isa ka tradisyon, ang Flores de Mayo isa ka selebrasyon sang pagtuo—nagapalapit sa mga pamilya, kabataan, pamatan-on, kag bug-os nga parokya palapit kay Jesus paagi kay Maria, ang aton Iloy kag giya. Kabay nga ang tagsa ka bulak nga ginahalad mangin tanda sang aton gugma, ang tagsa ka pangamuyo isa ka ambahanon sang pagdayaw, kag ang tagsa ka tagipusuon isa ka saksi sang pagtuo, paglaum, kag pag-alagad.

Kag sa subong nga adlaw aton ginapasalamatan ang pamilya nanday Viola Porras and Family sa pagpaambit sang ila kaalwan sa pagsponsor sang pamahaw sa aton mga bata. Salamat gid sang madamu

Sa mga tagipusuon nga puno sang kalipay kag debosyon, nagtipon liwat ang komunidad sang aton parokya para selebraron ang...
05/05/2026

Sa mga tagipusuon nga puno sang kalipay kag debosyon, nagtipon liwat ang komunidad sang aton parokya para selebraron ang pinangga nga tradisyon sang Flores de Mayo 2026—isa ka bulan nga paghalad sang mga bulak, pangamuyo, kag gugma sa pagdayaw sa aton Balaan nga Ina, si Maria.

Sa tagsa ka bulak nga aton ginahalad kag sa tagsa ka pangamuyo nga aton ginabayaw, nagahiuban kita kay Maria sa iya Magnificat, nga nagapahayag sang kadaku-on sang Ginoo sa aton kabuhi. Ining matahom nga debosyon nagapanawag sa aton—lalo na sa aton mga kabataan kag pamilya—nga magpalalom pa gid sang aton pagtuo, sundon ang pagkamapainubos ni Maria, kag makilala si Hesus nga ginadala Niya nga may mainit nga gugma sa aton mga tagipusuon.
Ini nga selebrasyon mahimo nga labi pa sa pagpakita lang sang mga bulak; kabay pa nga mangin buhi nga pamatuod ini sang aton pagtuo.
Kag sa subong nga adlaw aton man ginapasalamat ang ang pamilya nanday Cora Pangantihon and Family sa pagpaambit sang ila kaalwan sa pagshare sang pagkaon sa aton mga kabataan 🙏🙏 salamat gid sang inyu kaalwan

4th Day of Flores De Mayo Paagi sa pagtugot sa Balaan nga Espiritu kay Maria kita tanan giyahan man nga mangin malinong,...
04/05/2026

4th Day of Flores De Mayo
Paagi sa pagtugot sa Balaan nga Espiritu kay Maria kita tanan giyahan man nga mangin malinong, maayo kag mapainubuson. Magpangamuyo kita tanan nga pun- a ang aton kasing kasing sang kaayo sang Gugma, Pagpatawad kag pagpamati sang maayo katulad ni Maria. Kag sa sini nga bahin aton gid ginapasalamatan ang kaalwan nga ginpaambit sang pamilya nanday Mie and Family kag Kgwd. TJ JM and Family kabay nga paagi sa Espiritu Santo maghatag sang madamu nga blessings sa inyu pamilya.

3rd Day of Flores De Mayo. Ang Huo ni Maria sa Dios gani kita nga mga tumuluo padayon kita sang aton mga hilikuton sa Fl...
03/05/2026

3rd Day of Flores De Mayo.
Ang Huo ni Maria sa Dios gani kita nga mga tumuluo padayon kita sang aton mga hilikuton sa Flores De Mayo paagi sa pagsunod, pagpangamuyo kag pagpaambit. Kag ginapasalamatan ko gid ang mga sponsor sang pamahaw paagi sa ila kaalwan sa pamilya nanday Wendy &Rovie Belaño and Family kag Bobby Lentija and Family kabay nga mahal nga Dios magbalos sang inyu kaalwan.

Address

Anhawan Janiuay Iloilo
Iloilo City
5034

Website

Alerts

Be the first to know and let us send you an email when Immaculate Concepcion Chapel -Anhawan Proper Janiuay Iloilo posts news and promotions. Your email address will not be used for any other purpose, and you can unsubscribe at any time.

Shortcuts

Share

Category