God Is Good Greater Glory Church

25/06/2023

💕MAAYO GID AND PLANO SANG DIOS SA KABUHI MO!

Ako lamang ang nakahibalo sang akon mga plano para sa inyo, mga plano sa pagpauswag sa inyo, kag indi sa paglaglag, mga plano nga magadala sa inyo sang palaabuton nga inyo ginalauman.
Jeremias 29:11

🥰PWEDE MO MAHIBALUAN MO ANG PLANO SANG DIOS SA IMO!

“Panawag ka sa akon, kag ako magasabat sa imo. Sugiran ko ikaw sang makatilingala kag makatalanhaga nga mga butang nga wala mo mahibaloi.
Jeremias 33:3

Dayon magapanawag kamo sa akon. Magapalapit kamo kag magapangamuyo sa akon, kag ako magasabat sa inyo. Magapangita kamo sa akon, kag inyo ako makita, tungod kay magapangita kamo sa akon sa bug-os ninyo nga tagipusoon.Jeremias 29:12‭-‬13

🤩MAS MAAYO ANG PLANO SANG DIOS KAY SA PLANO MO!

Ang Ginoo nagasiling, “Ang akon mga plano indi pareho sang inyo mga plano, kag ang akon mga pagginawi indi pareho sang inyo mga pagginawi. Subong nga ang mga langit mataas sang sa duta, amo man ang akon mga pagginawi kag mga plano mas mataas sang sa inyo. Isaias 55:8‭-‬9

😘TUMANON SANG DIOS ANG IYA MGA PLANO NGA MAAYO PARA SA IMO KAAYUHAN!

Tumanon mo, Ginoo, ang imo mga promisa sa akon. Ang imo gugma wala sing katapusan. Indi pagpabay-i ang imo mga ginhimo.
Salmo 138:8

Bisan magkalatiphag pa ang mga bukid, ang akon gugma indi gid madula, subong man ang akon kasugtanan sa imo nga hatagan ko ikaw sang maayo nga kahimtangan. Ako, ang Ginoo nga naluoy sa imo, ang nagasiling sini.
Isaias 54:10

Gani isiling ini sa ila: ‘Ako, ang Ginoong Dios, nagasiling nga sa labing madali matuman na ang akon ginsiling. Huo, matabo na ini.’ ”Ezekiel 12:28

🥳ANG IMO ILISTARAN SA LANGIT GINAAMAN NA NI HESUS:

Si Jesus nagsiling sa ila, “Indi kamo magpalibog kag magkatublag. Magtuo kamo sa Dios, kag magtuo man kamo sa akon. Sa balay sang akon Amay may madamo nga mga kwarto, kag magalakat ako sa pag-aman sing lugar para sa inyo. Indi ako magsiling sini sa inyo kon indi ini matuod. Sa tapos ako makalakat kag makaaman sing lugar para sa inyo, magabalik ako kag dalhon ko kamo, agod nga kon diin ako didto man kamo.
Juan 14:1‭-‬3
😇NAGATUO KA BALA SA SINI NGA MGA PULONG SANG DIOS?

08/12/2022

❤️ MGA INDI SANG GINOO ❤️

1. INDI KA NIYA PAGPAGUTUMAN
Indi pagpagutoman sang Ginoo ang matarong nga tawo,
pero indi niya paghatagan ang malaut nga tawo sang iya luyag.
Mga Hulobaton 10:3

2. INDI KA NIYA PAGPASLAWON
Ang kasulatan “Ang tagsatagsa nga nagatuo sa iya indi mapaslawan.” Roma 10:11

3. INDI KA NIYA PAGKULANGON
Ang leon mahimo nga kulangon sang kalan-on kag gutumon, pero ang mga nagadangop sa Ginoo indi gid pagkulangon sang maayo nga mga butang. Salmo 34:10

4. INDI KA NIYA PAGPABAY-AN
Likawi ninyo ang paghigugma sa kwarta, kag manginkuntento kamo sang yara sa inyo. Kay ang Dios nagsiling, “Indi gid ako magbiya kag magpatumbaya sa inyo.”
Mga Hebreo 13:5

5. INDI KA NIYA PAGSIKWAYON
Ang tagsatagsa nga ginahatag sang Amay sa akon magapalapit sa akon, kag ang bisan sin-o nga nagapalapit sa akon indi ko gid pagsikwayon.
Juan 6:37

6. INDI KA NIYA PAGKALIMTAN
“Magakalipat bala ang babayi sa iya bata nga nagasoso, nga indi sia magkalooy sa anak sang iya tiyan?” Bisan ini sila malipat, apang ako indi malipat sa imo.
Isaias 49:15

7. INDI SIYA MAG-UNTAT SA PAGHIMO SANG MAAYO SA IMO
Magahimo ako sa ila sang kasugtanan nga wala sing katapusan, nga indi ako mag-untat sa paghimo sang maayo sa ila. Hatagan ko sila sang handom sa pagtahod sa akon, agod indi sila magbiya sa akon.
Jeremias 32:40

16/07/2022

07/07/2022

Mga INDI sa Kasulatan

1. Indi Magkataka
Indi kita magkataka sa paghimo sing maayo, kay kon magpadayon kita, magaabot ang tion nga magaani kita.Galacia 6:9

2. Indi Magpalibog
Indi kamo magpalibog sang bisan ano kundi sa inyo tagsa ka pagpangamuyo, magpangayo kamo sa Dios sang inyo kinahanglanon nga nagapasalamat sa gihapon. kag ang paghidait sang Dios nga indi matungkad sang paghangop sang tawo, magatipig sang inyo mga tagipusoon kag mga hunahuna paagi kay Cristo Jesus.
Filipos 4:6‭-‬7

3. Indi Magpakaluya
Dayon si Jesus nagsugid sa iya mga gintuton-an sining palaanggiran, sa pagtudlo sa ila nga dapat sila magpangamuyo pirme kag indi magpakaluya.
Lucas 18:1

4. Indi Magtinamad
Magmapisan kamo kag indi magtinamad. Alagara ninyo ang Ginoo sa bug-os ninyo nga tagipusoon. Roma 12:11

5. Indi Magkomparahanay
Indi kami mangahas nga magkomparar ukon magkabig sang amon kaugalingon nga pareho sa iban dira nga sobra ang ila pagpadayaw sang ila kaugalingon. Mga buang-buang gid sila, kay nagataksanay sila kag nagakomparahanay sang ila kaugalingon nga kaayo.
2 Corinto 10:12

6. Indi Magkahisa
Indi ka mag-ugtas tungod sang malaut nga mga tawo, ukon magkahisa sa mga nagahimo sing malain, sa indi madugay magakadula sila kaangay sang hilamon nga nagakalaya, magakamatay sila kaangay sang mga tanom nga nagakalayong.
Salmo 37:1-2

7. Indi Mag-ugtas
Magpakalinong ka sa presensya sang Ginoo, kag hulata sia nga may pagpailob, indi ka mag-ugtas nahanungod sa mga mainuswagon, ukon sa mga nagamadinalag-on sa ila malaut nga mga plano.
Salmo 37:7

8. Indi Mangakig
Indi ka magpangakig kag indi ka magpanginit! Indi ka mag-ugtas! Nagapadulong lamang ini sa kagamo.Salmo 37:8
Kay ang kaakig sang tawo indi makatuman sang matarong nga tinutuyo sang Dios.Santiago 1:20

9. Indi Magpangaway
Ang alagad sang Ginoo indi dapat magpangaway. Kinahanglan nga maayo sia sa tanan, isa ka maayo kag mapinasensyahon nga manunodlo, nga malulo sa iya pagtadlong sa iya mga kasumpong. Basi pa lang nga hatagan sila sang Dios sing kahigayunan sa paghinulsol kag sa pagkilala sang kamatuoran. Ti, kundi makatalupangod sila kag makapalagyo sa siod sang Yawa nga nagdakop sa ila kag nagpatuman sa ila sang iya kabubot-on.2 Timoteo 2:24‭-‬26

10. Indi Magkumod o Magsuay
Himua ninyo ang tanan nga mga butang nga wala sing pagkumod ukon pagsuay, agod nga manginputli kamo kag wala sing sayop, subong nga himpit nga mga anak sang Dios, nga nagakabuhi sa kalibutan nga puno sing malaut kag makasasala nga mga tawo. Dapat magsiga kamo sa tunga nila subong sang mga bituon sa kalangitan, samtang ginatanyag ninyo sa ila ang pulong sang kabuhi. Kon himuon ninyo ini, may katarungan ako sa pagpabugal tungod sa inyo sa Adlaw ni Cristo, bangod kay ini magapakita nga ang tanan ko nga pagpanikasog kag pagpangabudlay may pulos gid man.Filipos 2:14‭-‬16

13/09/2021

When you hang around with God, you become like Him!

08/09/2021