Ilonggong Kristiano

25/05/2026

San Felipe Neri, Ig-ampo mo kami!

𝗛𝗔𝗡𝗗𝗨𝗠𝗔𝗡𝗔𝗡 𝗡𝗜 𝗦𝗔𝗡 𝗙𝗘𝗟𝗜𝗣𝗘 𝗡𝗘𝗥𝗜

𝗠𝗔𝗬𝗢 26 | Subong nga adlaw, ginasaulog sang Santa Iglesia Katolika ang Handumanan ni San Felipe Neri ukon Memorial of Saint Philip Neri.

Kilala sia nga "ikaduha nga apostol sang Roma," pagkatapos ni San Pedro, isa sia ka Italyano nga pari nga kilala sa iya pagtukod sang sociedad sang sekyular nga mga pari nga ginatawag Congregation of Oratory.

𝗞𝗔𝗕𝗨𝗛𝗜

Si San Felipe Neri ukon si Filippo Romolo Neri natawo sang Hulyo 22, 1515 sa
Florence, Republica sang Florence
Ang iya amay isa ka abogado samtang ang pamilya sang iya Iloy isa ka dungganon nga nagaserbisyo sa estado.

Sang bata pa sia, ginatawag sia sang iya pamikya kga mga abyan nga "Pippo Buono" (maayo nga bata nga Filipe). Ginpadaku gid sia sing maayo, kag ginpaeskwela sa mga prayle sa Monasteryo sang mga Dominicano sa Florence, sa San Marco.

Sang nag-edad sia 18 anyos, ginpadala sia para mag-istar sa manggaranon nga pakaisa sang iya tatay, nga si Romolo, wala sia mga bata, gani ginpadala sa iya si San Felipe para mangin manonobli sang iya mga manggad.

Samtang didto, nakaeksperyensya si San Felipe sang Mistikal nga talan-awon, nga gintunaan sang iya Kristohanaon nga konbersiyon.

Nangin indi na sia interesado nga manobli sang manggad. Nabatyagan niya ang pagpanawag sang Espiritu Santo nga magkabuhi kag mag-alagad sa Ginoong Jesu-Cristo kag sang iya Santa Iglesia. Gani nagkadto si San Felipe sa Roma. Samtang didto sia nangin manunodlo sia sa mga bata.

Sang 1535, nagesklwesia sia sang Teolohiya kag Pilosopiya sa Sapienza kag sa Monasteryo de San Agustin. Pagkatapos magtuon sang tatlo ka tuig wala na sia nagpinsar nga maordinahan.
Naggwa sia para buligan ang mga pigado sa Roma kag sa pagbantala liwat sang Ebanghelyo sa Siyudad.

Sang 1544, sa gab-i sang pentecostes, nakakita si San Felipe sang daw globo nga kalayo. Ginasiling nga nagsulod ini sa iya baba, nga nagtuga nga magdaku ang iya kasingkasing. Napuno si San Felipe ang diosnon nga gugma nga nagtuga sa iya magsinggit, "Tama na, tama na, Ginoo, indi ko na mabatas." Nadiskobrehan pagkatapos ni San Felipe ang paghabok sang iya kasingkasing, bisan wala ini nagasakit.

Sang 1548, sa bulig sang iya Confessor, nga si Padre Persiano Rossa, gintukod ni San Felipe ang isa ka Cofradia para sa mga pigado nga layko para masabat ang espirituhanaon nga mga bulohaton kag pagserbisyo sa mga pigado, ang Cofriadia sang Santisima Trinidad

Sa edad nga 34 anyos, madamo na ang nalab-ot ni San Felipe, apang naghambal ang iya Confessor nga ang iya mga binuhatan mas mangin epektibo kon pari sia. Nakombinsi sia, ginordinahan sia sa pagkadiacono kag sang ulihi sa pagkapari sang Mayo 23, 1551.

Halin dira, nag-istar si San Felipe upod kay Padre Rosa kag iban pa nga mga Pari sa San Girolamo, nga ginapadayon ang iya misyon, pero kalabanan paagi sa pagpakonpisar.

Naghimo sila sang daku nga kwarto sa ibabaw sang simbahan sang San Giloramo para maakomodar ang madamo nga peregrino ni San Felipe kag iban pa nga mga pari nga nagabulig sa iya. San Felipe kag ang mga Pari sang ulihi gintawag nga "Oratorians," bangod ginabagting nila ang isa ka lingganay para tawgon ang mga tumuluo sa ila Oratoryo. Ang organisayon ni San Felipe opisyal nga ginaprobahan ni Papa san Gregorio XIII sang 1575.

Ginarespeto kag ginahigugma gid si San Felipe sa Bug-os nga Roma, nangin masaligan sia nga taglaygay sang mga Papa, mga Hari, mga Cardinal, kag tupong man sa mga pigado.

Bug-os sa tagipuson gid niya nga ginahandum nga repormahon ang Simbahan nga Katoliko kag ginahimo niya ini sa kalulo kag pagpakig-abyan, sang sa kritisismo kag pagsakit.

Sa Kapiestahan sang Corpos Cristi, Mayo 25, ginhambalan si San Felipe sang iya doctor nga indi maayo ang iya lawas. Antes sia magtulog nagahambal sia "sa katapusan sang tanan, kinahanglan naton mapatay."

Sa tunga-tunga sang kagab-ihon sang Mayo 26, 1595, nag antos si Sam Felipe sang pagdugo sang utok kag napatay sia sa edad nga 80 anyos..

SAN FELIPE NERI, IG-AMPO KO KAMI!

25/05/2026

Ano ang natabo sang tunga sa ng pagkayab sang Ginoong Jesu-Cristo sa langit kag sang Pentecostes?

𝗔𝗡𝗢 𝗔𝗡𝗚 𝗡𝗔𝗧𝗔𝗕𝗢 𝗦𝗔 𝗧𝗨𝗡𝗚𝗔 𝗦𝗔𝗡𝗚 𝗣𝗔𝗚𝗞𝗔𝗬𝗔𝗕 𝗦𝗔𝗡𝗚 𝗚𝗜𝗡𝗢𝗢 𝗦𝗔 𝗟𝗔𝗡𝗚𝗜𝗧 𝗞𝗔𝗚 𝗦𝗔𝗡𝗚 𝗣𝗘𝗡𝗧𝗘𝗖𝗢𝗦𝗧𝗘𝗦?

Ang mga apostoles kag ang Birheng Maria nagtipon sa pag-upod sa pagpangamuyo sa tunga sang Pagkabayab ni Jesus sa langit kag Pentecostes, nga nagahulat sa pag-abot sang Espiritu Santo.

Sa Mga Binuhatan sang mga Apostoles may lip-ot nga espasyo sang mga adlaw sa tunga sang pagkayab ni Jesus sa Langit kag sa pag-abot sang Espiritu Santo sa adlaw sang Pentecostes

Ano ang natabo sa yadto nga mga inadlaw? Ano ang ginhimo sang mga apostoles ss tunga sang pagkayaba sang Ginoo sa langit kag Pentecostes.

𝟣. 𝙂𝙞𝙣𝙝𝙖𝙡𝙖𝙙 𝙣𝙞𝙡𝙖 𝙖𝙣𝙜 𝙞𝙡𝙖 𝙠𝙖𝙪𝙜𝙖𝙡𝙞𝙣𝙜𝙤𝙣 𝙨𝙖 𝙥𝙖𝙜𝙥𝙖𝙣𝙜𝙖𝙢𝙪𝙮𝙤

Sa gilayon matapos si Jesus magsaka sa langit, ang mga apostoles kag ang Birheng Maria nagtipon sa isa ka balay para magpangamuyo. Ini amo ang pareho nga balay ukon lokasyon kon sa diin ginsaulog ni Jesus ang Ulihi nga panihapon.

Ini sila permi nagatipon agod magpangamuyo (Bin 1:14)

𝟤. 𝙂𝙞𝙣𝙗𝙪𝙨𝙡𝙖𝙣 𝙣𝙞𝙡𝙖 𝙨𝙞 𝙅𝙪𝙙𝙖𝙨 𝙠𝙖𝙮 𝙈𝙖𝙩𝙞𝙖𝙨

Magluas sa pagpangamuyo, aktibo man sila sa sini mga nga inadlaw. Ang Binuhatan sang mga apostoles nagapaathag,

"Sang nagligad ang pila ka adlaw, nagtipon ang mga 120 ka tumuluo. Nagtindog si Pedro kag naghambal, ... Pagkatapos nila pangamuyo, naggabot-gabot sila. Kag ang napilian amo si Matias. Gani si Matias amo ang gindugang sa onse ka apostoles" (Acts 1:15,26)

𝟥. 𝙉𝙖𝙜𝙩𝙞𝙡𝙞𝙡𝙞𝙥𝙤𝙣 𝙨𝙞𝙡𝙖 𝙨𝙖 𝙋𝙚𝙣𝙩𝙚𝙘𝙤𝙨𝙩𝙚𝙨 𝙨𝙖𝙣𝙜 𝙢𝙜 𝙅𝙪𝙙𝙚𝙤

Ang mga apostoles kag ang Birheng Maria naghimo sang kinahanglanon nga mga preparasyon para sa piesta sang Pentecostes sang mga Judeo.

Ang Pentecostes isa ka Griego nga ngalan para sa kapiestahan nga nakilala nga "Piesta sang mga Semana" ukon "Feast of the Week", ukon "Shavuot" sa Hebreo.

Ini upod sa *Pesach* kag *Sukkot*,
Nga isa ka tatlo ka pilgrimage nga mga piesta sang mga Judeo, kon sa diin ang kada dako na nga mga lalaki ginakinahanglan nga magkadto sa Jerusalem (cf. Ex 23:14-17).

Ini nagapaathag kon ngaa ara sila tanan sa Jerusalem, kag nahatag sang panghunahona kon ano ang ila ginhimo sang yadto nga tiempo.

*Badbad halin sa Online sources

24/05/2026

San Beda el Venerable, Ig-ampo mo kami!

𝗛𝗔𝗡𝗗𝗨𝗠𝗔𝗡𝗔𝗡 𝗡𝗜 𝗦𝗔𝗡 𝗕𝗘𝗗𝗔 𝗘𝗟 𝗩𝗘𝗡𝗘𝗥𝗔𝗕𝗟𝗘

𝗠𝗔𝗬𝗢 25 | Subong nga adlaw, ginasualog sang Santa Iglesia Katolika ang Handumanan ni San Beda el Venerable ukon Memorial of Saint Bede the Venerable.

Isa sia ka Inggles nga Monghe kag isa ka awtor kag Iskolar. Isa sia sa pinakadaku nga manunodlo kag manunolat sang iya tiempo, ang iya gin-obra nga Historia Ecclesiatica, naghatag sa iya sang titulo nga "Ang Amay sang Inggles nga kasaysayan." Gindeklarar sia Doctor sang Simbahan.

𝗞𝗔𝗕𝗨𝗛𝗜

Si San Beda natawo sang c. 673, Ginharian sang Northumbria, sa Jarrow sa subong Tyne kag Wear, England. Sa edad nga tatlo ka tuig ginpadala sia para mag-eskwela sang iya ginikanan sa monasteryo kag gintudloan sang mga abad nga si Benedict Biscop kag Ceolfrith. Nangin monghe sia sa monasteryo, sa edad nga 30 anyos gin-ordinahan sia nga Pari.

Halos sang iya kabuhi nagtinir si San Beda sa Monasteryo, nagpanglakaton man sia sa pila ka mga Abadia kag Monasteryo sa bug-os nga isla sang Britanya, nagbisita man sia sa Arsobispo sang New York kag Haring Ceolwulf sang Northumbria.

Gindedikar niya ang iya kabuhi sa pagtuon sang Biblia kag sa pagtudlo kag pagsulat. Ginakabig sia nga isa sa pinakamaalam nga tawo sang iya tiempo kag may daku nga impluwensya sa Inggles nga literatura. Ang iya mga sinulatan matuod nga kabug-osan sang mga tinun-an sang iya tiempo kag lakip ang mga komentaryo sa Pentateuco kag nagkalainlain nga mga libro sang Biblia, teolohikal, kag scientipikal nga mga tratado, pangkasaysayan nga mga buhat kag biograpiya. Ang iya pinakakilala nga gin-obra amo ang Historia Ecclesiatica, istorya sang Inggles nga Simbahan kag katawhan, nga natapos niya sang 731.

Gintawag sia "el Venerable" para kilalahon ang iya kaaalam kag tinun-an. Nagbulig man sia nga mapasikat ang praktis sang pagbutang sang petsa halin sa pagbun-ag kay Cristo (ang "Anno Domini" ukon sa tuig sang Ginoo).

Napatay sia sang Mayo 26, 735 (sa edad nga 61 ukon 62) sa
Jarrow, Northumbria.

24/05/2026

MAYO 24| Solemnidad sang Pentecostes

𝗦𝗢𝗟𝗘𝗠𝗡𝗜𝗗𝗔𝗗 𝗦𝗔𝗡𝗚 𝗣𝗘𝗡𝗧𝗘𝗖𝗢𝗦𝗧𝗘𝗦

Subong nga adlaw ginasaulog sang Iglesia Katolika ang Solemnidad sang Pentecostes, singkwenta ka adlaw sa tapos mabanhaw si Cristo. Ang Katesismo sang simbahan nagasiling:

"Sa adlaw sang Pentecostes sang natapos ang pito ka mga semana sang Pascua sang Pagkabanhaw, ang Pascua ni Cristo natuman sa pagbubo sang Espiritu Santo, nga ginhayag, ginhatag, kag ginkumonikar bilang isa ka Diosnon nga Persona: sa iya kapunoan, si Cristo, ang Ginoo, ginhuwad ang Espiritu sa kabuganaan." (CCC 731)

Sa amo nga adlaw, ang Santisima Trinidad husto nga nahayag. Halin sa adlaw nga ato, ang ginharian nga ginbantala ni Cristo nabuksan sa mga nagatuo sa iya: sa pagpakaubos sa unod kag sa pagtuo, nagaambit na sila sa pagpakig-upod sa Santisima Trinidad. Paagi sa iya pag-abot, nga wala nagauntat, ang Espiritu Santo nagahimo sa kalibutan nga magsulod padulong sa "ulihi nga mga inadlaw," ang panahon sang Iglesia, ang Ginharian napanobli na bisan nga wala pa natapos.

Nakita naton ang matuod nga Kasanag, nabaton naton ang langitnon nga Espiritu, nakit-an naton ang matuod nga pagtuo: ginasimba naton ang indi matunga nga Trinidad, nga nagluwas sa aton (CCC 732).

Ang Pentecostes naghalin sa Greigo nga pulong Πεντηκοστή (Pentēkostē) nga naghalin sa duha ka tinaga: "Pente" kon sayuron "singkwenta," kag "kostes" kon sayuron "adlaw." Buot silingon ang Pentecostes nagakahulogan "ika-singkwenta nga adlaw" ukon "50".

𝗦𝗔 𝗔𝗗𝗟𝗔𝗪 𝗦𝗔𝗡𝗚 𝗣𝗘𝗡𝗧𝗘𝗖𝗢𝗦𝗧𝗘𝗦 𝗠𝗔𝗚𝗞𝗨𝗡𝗦𝗔𝗗 𝗔𝗡𝗚 𝗘𝗦𝗣𝗜𝗥𝗜𝗧𝗨 𝗦𝗔𝗡𝗧𝗢

Sa adlaw sang Pentecostes ginacelebrar naton ang pagkunsad sang Espiritu Santo nga ginpromisa ni Cristo (Bin. 1:4-8). Suno sa Biblia nagkunsad ang Espiritu Santo sa dagway sang nagadabdab nga kalayo nga daw sa dila kay Birheng Maria, mga Apostoles, kag sa iban pa nga mga gintuton-an ni Jesu-Cristo nga yara sa amo nga balay. Ang Biblia nagasiling:

Binuhatan 2:2-4 | HLGN
Sang nagatipon sila, hinali lang nga may naghagunos nga halin sa langit pareho sang mabaskog nga hangin, kag pulos na lang hagunos ang ila nabatian sa sulod sang balay nga ila ginatipunan. Dayon may nakita sila nga mga dabdab sang kalayo nga daw sa mga dila nga naglalapta kag nagtungtong sa kada isa sa ila. Napun-an sila tanan sang Espiritu Santo, kag naghambal sila dayon sang nagkalain-lain nga mga lingguahe nga wala nila natun-i. Ang Espiritu Santo amo ang nagpahambal sina sa ila.

𝗦𝗔 𝗔𝗗𝗟𝗔𝗪 𝗦𝗔𝗡𝗚 𝗣𝗘𝗡𝗧𝗘𝗖𝗢𝗦𝗧𝗘𝗦 𝗡𝗔𝗧𝗔𝗪𝗢 𝗔𝗡𝗚 𝗦𝗜𝗠𝗕𝗔𝗛𝗔𝗡 𝗡𝗚𝗔 𝗞𝗔𝗧𝗢𝗟𝗜𝗞𝗢

Sa adlaw sang pentecostes nag-umpisa ang misyon sang ginpangako ni Cristo nga iglesia nga iya pagatukoron (Mateo 16:18).

Gingamham sang Espiritu Santo ang una nga kristohanon nga kumonidad agod dal-on ang mando ni Jesu-Cristo nga ibantala ang Maayong balita sa bug-os nga kalibutan.

Binuhatan 1:8 HLGN
Pero pag-abot sang Espiritu Santo sa inyo, hatagan niya kamo sing gahom. Dayon isugid ninyo ang mga butang parte sa akon, halin diri sa Jerusalem hasta sa bug-os nga Judea kag Samaria, kag hasta sa bug-os nga kalibutan.”

Ang pagpanaksi kay Cristo ginpangunahan sang hepe sang mga apostoles, si Pedro kon sa diin gintukod ni Cristo ang iya iglesia. Suno sa Biblia, sa adlaw sang Pentecostes masobra 3,000 ang ginbautisohan. Ang Biblia nagasiling:

Binuhatan 2:14,41 HLGN
Gani nagtindog si Pedro upod sa onse ka apostoles, kag sa mabaskog nga tingog naghambal siya sa mga tawo, “Mga kasimanwa ko nga mga Judio, kag kamo tanan nga nagaestar sa Jerusalem, pamatii ninyo ako, kay isugid ko kon ano ang kahulugan sang sini nga mga butang. . . Madamo ang nagtuo sa iya mensahi kag nagpabautiso dayon sila. Sa sadto nga adlaw mga 3,000 ka tawo ang nagdugang sa mga tumuluo.

Ang Iglesia Katolika nagapabilin nga nagatindog kag mapag-on sa gihapon sa sulod sang 2,000 ka tuig, tungod ini sa amo nga Espiritu Santo. Ang Espiritu Santo nga nagpabilin sa simbahan sa tanan nga katapusan, kag magatuytoy sa mga pinaagi sang pagkabalaan kag kamatuoran.

KARI KA ESPIRITU SANTO!

23/05/2026

𝗠𝗚𝗔 𝗕𝗔𝗟𝗔𝗦𝗔𝗛𝗢𝗡 𝗦𝗔 𝗦𝗔𝗡𝗧𝗢𝗦 𝗡𝗚𝗔 𝗠𝗜𝗦𝗔
Dominggo sang Pentecostes
Mayo 24, 2026 🔴

𝗡𝗔𝗛𝗔𝗨𝗡𝗔 𝗡𝗚𝗔 𝗕𝗔𝗟𝗔𝗦𝗔𝗛𝗢𝗡: (Binuhatan 2:1-11)

Pagbasa gikan sa Libro sang mga
Binuhatan sang mga Apostoles

SANG PAG-ABOT sang adlaw
sang Pentekostes, ang tanan nga
mga tumuluo nagatipon sa isa ka
duog. Sa hinali may naghagunos
halin sa langit nga daw huyop sang
mabaskog nga hangin. Nagtugob
ini sa balay nga ila ginatipunan.
Dayon nakita nila ang daw mga
dila nga kalayo nga naglapta kag
nagtungtong sa kada isa sa ila.
Napun-an sila sang Espiritu Santo
kag nagsugod sila sa paghamlbal
sa iban nga mga linggwahe suno
sa ginhatag sa ila sang Espiritu nga ihambal.
Sadto nga tion may mainanmpuon nga mga Judio nga nagapuyo
sa Jerusalem nga nagikan sa tanan nga mga pungsod sang kalibutan.
Sang pagkabati sang mga tawo
sini nga ginahod nagdulogok sila.
Natingala gid sila sang mabatian
sang tagsatagsa sa ila nga ang
mga tumuluo nagahambal sa
iya kaugalingon linggwahe.
Sa ila kahangawa kag katingala
nagsiling sila, "Indi bala taga-
Galilea ining mga nagahambal?
Ngaa nga karon mabatian naton
sila nagahambal sa aton mga
linggwahe? Kita mga taga-Parto,
Medo, Elam, Mesopotamia, Judea,
Capadocia, Ponto, Asia, Frigia,
Panfilia, Egipto, kag sa sakop sang
Libya nga malapit sa Cirene. Ang
iban sa aton halin sa Roma, mga Judio. Ang iban sa aton halin sa
Creta kag Arabia. Pero mabatian
naton sila nga nagahambal sa
aton mga linggwahe nahanungod
sang dalagku nga mga binuhatan
sang Dios."

𝗦𝗔𝗟𝗠𝗢 𝗦𝗔 𝗣𝗔𝗚𝗦𝗔𝗕𝗔𝗧: (Sal 103)

𝗦𝗮𝗯𝗮𝘁 - Ipadala ang imo Espiritu,
O GINOO, kag bag-oha ang dagway
sang kalibutan.

1. Dayawa ang GINOO, O kalag ko!
O GINOO nga akon Dios, daw ano
ka gamhanan sa imo! Madamo
nga mga butang ang imo ginhimo,
O GINOo! Ang duta napuno sang
imo mga tinuga. (S)

2. Kon punggan mo ang imo
pagginhawa, nagakamatay sila,
nagabalik sila sa duta nga ila
ginhalinan. Pero kon hatagan mo
sila sing ginhawa, nagakabuhi sila;
ginahatagan mo sang bag-o nga
kabuhi ang duta. (S)

3. Kabay nga magpadayon ang
himaya sang GINOO sa walay
katapusan! Kabay nga magkalipay
ang GINOO sa iya mga binuhatan!
Kabay nga mahamut-an niya ang
akon ambahanon, kay ginhatagan
niya ako sing kalipay. (S)

𝗜𝗞𝗔𝗗𝗨𝗛𝗔 𝗡𝗚𝗔 𝗕𝗔𝗟𝗔𝗦𝗔𝗛𝗢𝗡
(1 Cor 12:37, 12-13)

Pagbasa gikan sa nahauna nga
Sulat ni Pablo sa mga taga-Corinto

MGA UTOD:
Wala sing tawo nga
makasiling, "Si Jesus Ginoo,"
kon wala sia ginatuytoyi sang
Espiritu Santo.
May nanarisari nga mga bugay
nga espirituhanon, pero amo
man nga Espiritu ang nagahatag
sini tanan. May nanuhaytohay
nga mga paagi sang pag-alagad,
pero amo man nga Ginoo ang
ginaalagaran. May nanuhaytohay
nga mga ikasarang sa pag-alagad,
pero amo man nga Dios ang
nagahatag sa tagsatagsa sang
nanuhaytohay nga mga ikasarang
sa pag-alagad. Ang tagsatagsa
ginahatagan sang pagpamatuod
sang presensya sang Espiritu para
sa kaayuhan sang tanan.
Kay si Kristo kasubong sang
isa ka lawas nga may madamo
nga mga bahin, pero isa lang
ini ka lawas. Sa amo man nga
bagay, kita tanan, Judio ukon
Hentil, ulipon ukon hilway,
ginbautisohan sang amo man nga
agod mangin-isa kita
kag kita tanan ginpainom
sa amo man nga Espiritu.

𝗦𝗘𝗞𝗦𝗘𝗡𝗦𝗬𝗔
Kari ka, O Espiritu Santo, kag
gikan sa langit, imo ipadala ang
silak sang imo kapawa.
O Amay sang mga imol, kari ka!
Kari ka, Tagtuga sang mga bugay.
O Iwag sang amon kasingkasing,
kari ka!
Ikaw ang labing maayo nga
manuglipay, ang matam-is nga
dinapit sang kalag namnon,
taghatag sang kabugnaw nga
masulhay, ang palahuwayan sa
pagpangabudlay, ang dupoydupoy
sa tingadlaw, sang nagahibi ikaw
ang kalipay.
O Labing Santos nga Iwag, imo
pun-on, tubtob sa kaalibutoran
sang tagipusoon, kami nga sa imo
nagmatinuohon.
Kon wala ang imo pagbulig,
wala sing mahimo ang tawo, wala
sing butang nga maayo.
Hugasi ang mga nadagtaan,
bunyagi ang mga mamala, ang
mga masakiton ayuha.
Buyoka ang nagapakatig-a, ang
mga matugnaw painita, ang mga
nagtalang tuytoyi sila.
Ihatag sa imo mga tumuluo,
kami tanan nga nagasalig sa
imo, ang pito ka mga bugay nga
sagrado.
Hatagi sila sing balos sang ila
Birtudes, hatagi sila sing dungkaan
sang kaluwasan, hatagi sila sing
kalipay nga walay katapusan.

𝗔𝗟𝗘𝗟𝗨𝗬𝗔
Aleluya, aleluya! Kari ka,
O Espiritu Santo; pun-a ang
tagipusoon sang imo mga tumuluo
kag padabdaba sa ila ang kalayo
sang imo gugma. Aleluya, aleluya

𝗘𝗕𝗔𝗡𝗚𝗛𝗘𝗟𝗬𝗢: (Jn 20:19-23)

Pagbasa gikan sa santos nga
Ebanghelyo suno kay Juan

SANG SIROM na sadto nga adlaw
nga amo ang nahauna nga adlaw
sang semana, nagtipon sa isa ka
balay ang mga gintuton-an kag
nagpanarangka sila, kay nahadlok
sila sa mga pangulo sang mga
Judio. Dayon si Jesus nag-abot kag
nagtindog sa tunga nila. Nagsiling
sia, "Paghidait sa inyo." Sang
makasiling sia sini, ginpakita niya
sa ila ang iya mga kamot kag ang
iya kilid. Daku gid ang kalipay
sang mga gintuton-an sang makita
nila ang Ginoo. Dayon si Jesus
nagsiling liwat sa ila, "Paghidait sa inyo. Subong nga ang Amay
nagpadala sa akon, ako man
nagapadala sa inyo." Ginsiling niya
ini, kag ginhuypan niya sila kag
ginsingganan, "Batuna ninyo ang
Espiritu Santo. Kon ginapatawacd
ninyo ang mga sala sang bisan
sin-o, ginapatawad sila; kon wala
ninyo ginapatawad sila, wala marn
sila ginapatawad.''

22/05/2026

San Juan Bautista De Rossi, Ig-ampo mo kami!

𝗛𝗔𝗡𝗗𝗨𝗠𝗔𝗡𝗔𝗡 𝗡𝗜 𝗦𝗔𝗡 𝗝𝗨𝗔𝗡 𝗕𝗔𝗨𝗧𝗜𝗦𝗧𝗔 𝗗𝗘 𝗥𝗢𝗦𝗦𝗜

𝗠𝗔𝗬𝗢 𝟮𝟯 | Subong nga adlaw, ginadumdom sang Santa Iglesia Katolika si San Juan Bautista de Rossi (Saint John Baptist de Rossi).

Isa sia ka pari nga ginbalaan tungod sang iya buhi nga pag-alagad sa mga pobre, masakiton, mga priso, kag mga ginasikway sang sosyodad. Isa siya ka ehemplo sang kaayo, kabakod, kag kaluoy bisan sa tunga sang iya kaugalingon nga kasakit.

𝗞𝗔𝗕𝗨𝗛𝗜

Si Juan Bautista de Rossi natawo sang Pebrero 22, 1698 sa Voltaggio, Italya, sa isa ka diosnon nga Kristyano nga pamilya. Sang bata pa siya, nakita na sang mga ginikanan niya ang iya kahilig sa pagtuo kag pagkabuot. Ginsuportahan siya sang isa ka manggaranon nga pamilya nga nagdala sa iya sa Roma sa edad nga 13 agud makapadayon sang pag-eskwela sa seminaryo.

Apang samtang nagatoon, nagsugod siya mag-antos sang epilepsy, isa ka balatian nga nagapabudlay sa iya adlaw-adlaw nga kabuhi. Bisan sini, nagpangibabaw ang iya handum nga mangin pari. Sang 1721, sa edad nga 23, gin-ordenahan siya nga pari.

Ang iya misyon wala nagapungko sa altar lang. Ginpanikasogan niya ang pagbulig sa mga ginapabay-an sang sosyodad:
• mga priso,
• mga masakiton,
• mga walay puloy-an,
• kag mga pigado nga naga-istar sa karsada sang Roma.

Ginbuksan niya ang iya balay bilang dalangpanan para sa mga tawo nga wala sing kasandigan. Wala siya nagapili; bisan ang mga ginakabudlayan sang espiritu o ginakabudlayan sang tagipusuon, ginaatipan niya.

Isa siya ka kilala nga kumpesor. Masami siya ginapangita sang mga tawo bangud sa iya mahinalumo nga paglaygay kag mapailubon nga tagipusuon.

Bisan ginabudlayan sang iya kondisyon, nagpadayon siya sa iya pagmisyon tubtob sa katapusan snag iya kabuhi. Napatay siya sang Mayo 23, 1764 sa Roma.

Sang 1881, ginkilala siya nga santo ni Papa Leo XIII, bangud sang iya buhi nga pagpangabuhi sang Ebanghelyo kag halimbawa sa mga pari nga nagaalagad sa mga marginado.

𝗣𝗔𝗧𝗥𝗢𝗡𝗔𝗧𝗢

Ginapangamuyuan si San Juan Bautista de Rossi sang:

• Mga may epilepsy
• Mga may balatian sa tagipusuon
• Mga priso kag mga nagaalagad sa ila
• Mga pari kag layko nga nagaalagad sa mga marginado
• Mga nagapangayo sang kaluoy kag paglaum.

𝗦𝗔𝗡 𝗝𝗨𝗔𝗡 𝗕𝗔𝗨𝗧𝗜𝗦𝗧𝗔 𝗗𝗘 𝗥𝗢𝗦𝗦𝗜, 𝗜𝗚-𝗔𝗠𝗣𝗢 𝗠𝗢 𝗞𝗔𝗠𝗜!

22/05/2026

Sta. Rita de Cascia, Ig-ampo mo kami!

𝗛𝗔𝗡𝗗𝗨𝗠𝗔𝗡𝗔𝗡 𝗡𝗜 𝗦𝗔𝗡𝗧𝗔 𝗥𝗜𝗧𝗔 𝗗𝗘 𝗖𝗔𝗦𝗖𝗜𝗔

𝗠𝗔𝗬𝗢 22 | Subong nga adlaw, ginasaulog sang Santa Iglesia Katolika ang Handumanan ni Santa Rita de Cascia ukon Memorial of Saint Rita of Cascia

Isa sia ka balo nga Italyano kag madre nga Agustino, kilala sia sa Espnya nga "La Santa de los Impossibiles (ukon the saint of the Impossible), isa man sia ka Stigmatista.

𝗞𝗔𝗕𝗨𝗛𝗜

Si Santa Rita de Cascia natawo nga si Margherita Lotti sang tuig 1381 sa
Roccaporena, Perugia, Umbria, Italya.

Ang iya ngalan nga Margherita nagakahulogan "Perlas." Ginatawag sia sa hayo nga Rita, nga ginpanubo sang iya binunyagan nga ngalan. Ang iya ginikanan nga sanday Antonio kag Amata Ferri Lotti, kilala nga manggaranon, maalwan nga mga tawo, nga ginhayoan Conciliatori di Cristo (ukon peacemaker of Christ).

Sa lamharon nga edad, nagpakitlouy sia sa iya ginikanan nga nagsulod sa kombento, apang
Sa edad nga 12 anyos ginpakasal si Santa Rita sang iya mga ginikanan paagi sa ginpatigayon nga kasal sa bayolente kag maakigon nga bana nga si Paolo Mancini. Indi maayo ang pagtratar niya kay Santa Rita, ginainsulto, ginasakit sia pisikal kag emosyonal, nagapangbabaye sia kag madamo sia mga kontra.

Ginbatas ini tanan ni Santa Rita, kag sa iya impluwensya nagdala ini sa iya bana nga mangin maayo nga tawo. Ginbalibaran niya man ang pagkontrahanay sa pamilya sa tunga sang Mancini kag Chiquis nga kilala sang ila tiempo "La Vendetta." Sa malain nga palad, ang pag-inaway sang duha ka pamilya nagdaku kag ang isa sa mga kaalyado ni Paulo gintraidoran sia kag ginpatay.

Sa lubong sang bana ni Sta. Rita, ginpatawad niya ang nagpatay sa iya bana, pero ang utod ni Paolo nga si Bernardo naakig sa gihapon kag ginpa-isog ang duha ka bata ni Sta. Rita nga sanday Giovanni Antonio kag Paulo Maria nga mag intra sa inaway, sa pagdaku sang iya mga bata nagbaylo ang ila batasan sa impluwensya sang ila tiyo, kag gusto nila nga balusan ang nagpatay sa ila tatay. Sa kahadlok ni Sta. Rita nga mawala ang kalag sang iya mga bata, gintestingan nya ini nga punggan sa pagtimalos, pero wala gid sia nagdaog. Nagpangamuyo sia sa Dios nga kuhaon ang iya mga bata sa siklo nga inaway kag punggan sa mortal nga sala kag pagpatay. Ang iya mga bata napatay sa natural nga kamatayon pagkatapos sang isa ka tuig, kon sa diin ginapatihan sang iban nga sabat sa iya pangamuyo.

Pagkatapos mapatay ang iya bana kag mga bata, naghandum sia nga magsulod sa monasteryo ni Santa Maria Magdalena sa Cascia pero wala sia nagdayon. Bisan ginakilala sang kombento ang maayo nga karakter kag pagkadiosnon ni Sta. Rita, nahadlok ang mga madre nga magpakig-upod sa iya tungod sa iskandalo nga bayolente nga kamatayon sang iya bana kag bangod ini na sia ulay. Pero nagpamilit gid si Sta. Rita sa iya luyag kag gintagaan sia kondisyon antes sia batunon sang kombento: ipakig-uli niya ang iya pamilya sa pamilya sang nagpatay sa iya bana.

Nagpanawag sia sa tatlo niya ka Santo Patron (San Juan Bautista, San Agustin de Hippo, kag San Nicolas de Tolentino) nga buligan sia kag ginhimo niya nga magtukod sang kalinong sa duha ka nagainaway nga partido sa Cascia. Ang Bubonic nga pandemya, nagalapta sa Italya sang amo nga tiempo, sang natapikan si Bernardo Mancini, nagtuga ini sa iya nga bayaan na ang iya handom nga away sa pamilya Chiqui. Nasarangan niya nga solbaron ang di-paghangpanay sang duha ka pamilya, kag sa edad nga 36 anyos, ginpasugtan sia nga makasulod sa Monasteryo.

Suno sa mga maragtas gindala si Santa Rita sa Monasteryo ni Santa Magdalena paagi sa levitasyon sang gab-i pakdto sa hardin sang iya tatlo ka mga santo patron, samtang sa Monasteryo nagpuyo sia sa pagsulondan sang Agustino, pirme sia nagabaton sang Sacramento. May daku nga debosyon si Sta Rita sa Pasyon sang Ginoo, kag isa ka adlaw, sang 60 anyos na sia, nangampo sia, "Tuguti ako nga mag-antos kasubong mo, Manlulowas nga Dios."

Sa iya pangampo, isa ka pilas ang nagtuhaw sa iya agtang, nga daw sa tunokon nga korona ang nagpilas sa iya, nagbilin ini sang dalom nga pilas, nga wala nag-ayo, kag nagtuga ini sa iya nga mag-antos tubtob nga sia napatay.

Ginasiling sang lapit na sia mapatay, ginhambalan niya ang iya pakaisa nga nagbista nga dal-an sia sang rosas halin sa hardin sa daan nila nga balay. Bulan sang Enero adto, indi pa tiempo sang mga rosas, wala gid naglaum nga makakita ang iya pakaisa sang rosas, pero may isa ka rosas nga nagpamutlak, nga gindala sa kombento kay Santa Rita. Pagkaligad sang apat ka bulan, napatay si Santa Rita sang Mayo 22, 1457.

SANTA RITA DE CASCIA, IG-AMPO MO KAMI!

20/05/2026

San Cristobal Magallanes, Ig-ampo mo kami!

𝗛𝗔𝗡𝗗𝗨𝗠𝗔𝗡𝗔𝗡 𝗡𝗜 𝗦𝗔𝗡 𝗖𝗥𝗜𝗦𝗧𝗢𝗕𝗔𝗟 𝗠𝗔𝗚𝗔𝗟𝗟𝗔𝗡𝗘𝗦 𝗞𝗔𝗚 𝗠𝗚𝗔 𝗞𝗔𝗨𝗣𝗗𝗔𝗡𝗔𝗡

𝗠𝗔𝗬𝗢 𝟮𝟭 | Subong nga adlaw, ginadumdom sang Santa Iglesia Katolika si San Cristóbal Magallanes kag ang iya 24 ka mga kauban.

Si San Cristobal isa ka pari kag upod ang mga layko nga ginpamatay sa Mexico sa tunga sang walay kaluoy nga paghingabot sang gobyerno kontra sa Katolisismo. Ang ila kabuhi haligi sang kabakod, paglaum, kag pagtuo nga indi matandog sang kahadlok ukon kamatayon.

𝗞𝗔𝗕𝗨𝗛𝗜

Si Cristóbal Magallanes Jara natawo sang Hulyo 30, 1869 sa Totatiche, Jalisco, Mexico. Anak siya sang pigado nga mga mangungoma. Sa iya kabata, ginpakita na niya ang daku nga pagrespeto sa Simbahan kag daku nga handum nga magpari. Gintabangan siya sang pari sa ila parokya nga makasulod sa Seminaryo sang Guadalajara, bisan pigado, kag didto nagtuon siya sang pilosopiya kag teolohiya.

Pagkatapos sang lima ka tuig, naordinahan siya bilang pari sang 1899 sa edad nga 30 anyos. Gin-assign siya sa iya lugar nga natawhan, Totatiche, nga wala pa sang pari sa pila ka tuig. Isa siya ka masinulondon, mainit nga pari nga nangin lider sang komunidad. Nagtukod siya sang:

• Eskwelahan para sa mga kabataan
• Kooperatiba para sa mga mangunguma
• Simbahan kag kapilya sa mga baryo
• Tuburan sang tubig kag mga proyekto para sa kaayohan kag kabuhi sang pumuluyo

Bilang masinadyahon nga pari, ginpakita niya nga ang simbahan dapat aktibo sa pagbulig sa tawo—indi lang espirituhanon kundi pati sa ekonomiya kag edukasyon.

Apang sang 1926, nagsugod ang ginatawag nga Cristero War, isa ka madugo nga giyera sang gobyerno (sekular) kontra sa mga Katoliko nga luyag magpadayon sa ilang pagtuo. Ang gobyerno ni Presidente Plutarco Elías Calles nagpagwa sang mga layi nga nagdili sa mga pari nga magserbisyo, nagpasira sang mga simbahan, kag nagbawal sang misa kag sakramento.

Sa tunga sini nga kalisdanan, si Padre Cristóbal nagtukod sang sekreto nga seminaryo sa Jalisco para padayon nga makapadayon ang pagtuon sang mga kabataan nga luyag magpari. Ginabanta nga 17 ka seminarista ang nakapadayon pinaagi sini. Wala siya sang armas, kag indi siya rebelde, pero nagapadayon siya sa misa, kumpisar, kag sakramento sa tago nga paagi.

Sang Mayo 21, 1927, samtang pakadto siya sa isa ka baryo agud magmisa sa kasal, gin-aresto siya sang mga sundalo. Bisan wala siya armas ukon inbolbado sa rebelyon, ginpasibangdan siya nga lider sang Cristero kag gindala siya sa prisohan sa Colotlán.

Sa prisohan, wala siya ginpasakaan sang kaso ukon ginpaagi sa korte. Sa baylo, ginsensyahan siya nga patyon. Sa iya sulat sa pamilya, ginpanugyan niya nga:

Mapatay ako nga inosente, kag nagapangayo ako sa Diyos nga ang akon dugo mangin kasangkapan sa paghiusa sang akon mga utod nga Mexikano.

Ginpusil siya kaupod ni Padre Agustín Caloca, isa ka batan-on nga pari nga nangin maestro sa iya sekreto nga seminaryo. Ginpahalin si Padre Caloca, pero nagpabilin siya para indi niya pagbayaan si Padre Cristóbal.

Ang ila mga katapusan nga pulong amo ini:
"Mapatay kami para sa Dios, kag sa iya kami mabuhi.”

Sang Mayo 21, 2000, gin-kanonisar sila ni San Juan Pablo II upod ang 24 pa ka Cristero martyrs. Ang ila pagpakamartir nagapakita nga ang pagtuo dapat indi lang gamiton sa kalinong kundi pati sa pagpakigbato sang kabakod sa Dios.

𝗣𝗔𝗧𝗥𝗢𝗡𝗔𝗧𝗢

Ginapangamuyuan sila bilang:

• Patron sang mga pari nga nagaatubang sang pagpanghingabot
• Modelo sang pagkamatuod sa bokasyon
• Inspirasyon sang mga misyonero kag seminarista
• Mga tagpangabay sang relihiyoso nga kahilwayan

𝗦𝗔𝗡 𝗖𝗥𝗜𝗦𝗧𝗢𝗕𝗔𝗟 𝗠𝗔𝗚𝗔𝗟𝗟𝗔𝗡𝗘𝗦 𝗞𝗔𝗚 𝗜𝗠𝗢 𝗠𝗚𝗔 𝗞𝗔𝗨𝗣𝗗𝗔𝗡𝗔𝗡, 𝗜𝗚-𝗔𝗠𝗣𝗢 𝗡𝗜𝗡𝗬𝗢 𝗞𝗔𝗠𝗜!

20/05/2026

Ano ang Numero sang ngalan ni Jesus?

ANO ANG NUMERO SANG NGALAN NI JESUS?

Ang sapat sa libro sang Bugna siling sang Biblia ginarepresentar ang ngalan sang tawo nga may numero 666.

Sa gusto mahibaluan ang numero sang ngalan ni Jesus, sa sulat ni Barnabas ginsingganan kita niya nga ang ngalan ni Jesus sa Griego ginarepresentar sang numero 888:

I - 10
H - 8
S - 200
O - 70
U - 400
S - 200
= 888

19/05/2026

San Bernardino de Siena, Ig-ampo mo kami!

𝗛𝗔𝗡𝗗𝗨𝗠𝗔𝗡𝗔𝗡 𝗡𝗜 𝗦𝗔𝗡 𝗕𝗘𝗥𝗡𝗔𝗥𝗗𝗜𝗡𝗢 𝗗𝗘 𝗦𝗜𝗘𝗡𝗔

𝗠𝗔𝗬𝗢 20 | Subong nga adlaw, ginasaulog sang Santa Iglesia Katolika ang Handumanan ni San Bernandino de Siena ukon Memorial of Saint Bernardine of Siena.

Isa isa ka pari nga Italyano kag Franciscano nga misyonero nga manugwali sa Italya. Tagkay-o sistema sia sang scholastiko sa ekonomiya. Ang iya pagwali, pagsunog sang mga libro, kag ang iya "bonfires of the vanities" naghimo sa iya sikat sang nagakabuhi sia bangod pirme ini nagadirekta batok sa binabaylan, sugal, pagpatay sa lapsag, pagpanghiwit, homosekswal, Judeo, Romani "Gypsies", pagpa-utang nga may daku nga saka, kag iban pa. Ginakilala man sia nga "Apostol sang Italya" sa iya pagpaninguha nga buhion ang Katolisismo sa Italya sang ika-15 nga siglo.

𝗞𝗔𝗕𝗨𝗛𝗜

Si San Bernardino de Siena natawo sang Septiembre 8, 1380, sa Massa Marittima, Siena, Italya, sa manggaranon nga pamilya. Sang 6 anyos nangin ilo na sia, ginpadaku sia sang iya tiya.

Sang nakatapos sia eskwela sa Siena, gin-alagaran niya ang mga masakiton sa Ospital sang 1400, nga nalapnan kag halos mapatay sa pandemya.

Sang 23 anyos sia nagsulod sia sa Orden Franciscano (Order of Friar Minor). Gin-ordinahan sia bilang pari isa ka tuig ang nakaligad kag ginkomisyon bilang manugwali sa nagsunod nga mga tuig. Antes magbiya sa Italya, si San Vicente Ferrer, nagwali sang sermon kon sa diin ginpropesiya niya nga ang isa sa iya mga tagpamati amo ang magapadayon sang iya buhat sa Italya, personal ini nga nabatian ni San Bernardino kag ini natuman sa iya.

Ang personal nga debosyon ni San Bernardino sa Dios, nagpabilib bisan sa mga strikto nga mga Franciscano, nga naghimo mangin tuman ka epektibo ang iya pagwali. Ginahambalan niya ang iya mga tagpalamati nga bayaan ang ila mga bisyo, magbalik sa Dios, kag magpatawaray sa isa kag isa. Ginapromotar niya ang ngalan ni Jesus sa simple kag epektibo nga mga paagi sa pagpahanumdom sa gugma sang Dios sa tanan nga tion.

Kon ang iban nga mga pari magdangop sa iya, ginahatagan sila ni San Bernardino sang simple nga pagsulondan, "Sa tanan ninyo nga aksiyon, pangitaa una ang ginharian sang Dios kag ang iya himaya, idirekta ang tanan ninyo nga ginahimo sing putli sa iya kadungganan, magpadayon sa utodnon nga pagkamaalwan, kag himoa una ang tanan ninyo nga handum sa pagtudlo sa iban."

"Sa sini nga paagi" siling niya, "Ang Espiritu Santo mangin inyo agalon, kag hatagan kamo sang ina nga kaalam, kag sang ina nga dila nga wala sing kaaway ang sarang makadaug sa imo."

Ang kabuhi ni San Bernardino nagapamatuod sang sini nga ginhalinan nga kusog sa pag-atubang sang mga pagtilaw. Mapailubon sia nga nag-antos sang akusasyon nga heresiya, kon sa diin ginhukman ni Papa Martin V nga indi matuod, kag nagpamalibad sia sang iya maisog nga pagwali sang ginpahog sia sang manggaranon nga lalaki nga patyon.

Apang, madamo gid ang nagadayaw kay San Bernardino sa sa bug-os nga Italya, kag gintanyagan pa sia tatlo ka beses nga mangin Obispo. Sa kada ginahambalan sia, nagapangindi sia, ginapili niya nga tumanon ang predikdisiyon ni San Vicente Ferrer paagi sa iya misyonero nga mga buhat. Nagwali si San Bernardino sa bug-os nga italya sang madamo nga bes, kag ginpakig-uli man niya ang mga miembro nga nagapakigbato sa pulitika nga pagbahin-bahin.

Sa katapusan sang iya kabuhi, nagserbe sia lima ka tuig bilang Vicar General sang Orden Franciscano, kag ginbuhi liwat ang praktis sang istriko nga layi sa pagkabuhi. Sang 1444, 40 ka tuig pagkatapos sia magsulod sa relihiyoso nga kabuhi, nagmasakit si San Bernandino samtang nagapanglakaton. Nagpadayon sia nga magwali, Pero sang ulihi nadula ang iya kusog kag tingog.

Napatay si San Bernandino de Siena sang Mayo 20, 1444.

SAN BERNANDINO DE SIENA, IG-AMPO MO KAMI!