12/08/2026
๐๐๐๐๐๐๐๐๐๐๐๐
๐๐: ๐๐ฅ๐ฅ ๐ญ๐ก๐ ๐
๐๐ข๐ญ๐ก๐๐ฎ๐ฅ ๐จ๐ ๐ญ๐ก๐ ๐๐ซ๐๐ก๐๐ข๐จ๐๐๐ฌ๐, ๐๐ฌ๐ฉ๐๐๐ข๐๐ฅ๐ฅ๐ฒ ๐ข๐ง ๐ญ๐ก๐ ๐๐จ๐ซ๐ญ๐ก๐๐ซ๐ง ๐๐ข๐๐๐ซ๐ข๐๐ญ๐๐ฌ
๐๐: ๐๐ง๐๐ฎ๐ญ๐ก๐จ๐ซ๐ข๐ณ๐๐ ๐๐๐ฅ๐ข๐ ๐ข๐จ๐ฎ๐ฌ ๐๐๐ญ๐ข๐ฏ๐ข๐ญ๐ข๐๐ฌ ๐๐ฒ ๐ ๐๐๐ซ๐ญ๐๐ข๐ง ๐๐ซ๐จ๐ฎ๐ฉ
Nakadangat sa atensyon sang Arkidiyosesis, paagi sa mga panaysayon halin sa Parokya sang Inmaculada Concepcion sa Concepcion, Iloilo kag halin sa Vicar Forane sang Vicariate of St.
James nga may pila ka mga indibidwal nga nagapakilala bilang mga pari kag obispo sang Holy Chaldean Eastern Catholic Traditional Church of the Philippines, St. Peter and Thomas Apostolic Line of Succession nga nagapatigayon sang mga hilikuton relihiyoso nga wala sang pahanugot sang Arkidiyosesis.
Ini nga mga hilikuton nagalakip sang ginadumilian (illicit) nga pagsaulog sang Eukaristiya, pagpangulo sang mga rito sang paglubong para sa mga tumuluo nga Romano Katoliko, kag pag-organisar sang mga komunidad nga nagadala sang pagpangduha-duha sa mga tumuluo.
Ginapahibalo nga ini nga grupo indi katapo sang Simbahan nga Romano Katoliko kag wala man sila nahiusa sa Simbahan nga Katoliko sa idalom sang pagdumalahan sang Santo Papa kag sang lokal nga Obispo. Gani, ang mga tawo nga may kaangtanan sa sini nga grupo wala ginakilala bilang balido nga gin-ordinahan nga mga pari sang Simbahan nga Romano Katoliko. Tungod sini, ang bisan ano nga mga sakramento ukon mga hilikuton liturhiko nga ila ginasaulog sa Arkidiyosesis, ginadumilian (illicit) kag wala sang pahanugot halin sa Simbahan.
Bangud sini, ang mga tumuluo hugot nga ginalaygayan nga indi magpartisipar, magpakigbahin, ukon magsuporta sa bisan ano nga mga hilikuton nga ginapatigayon sini nga grupo tubtob sa dugang nga pahibalo. Ini agud nga madampigan ang paghiliusa sang Simbahan kag malikawan ang pagpatalang sang mga tumuluo nahanungod sa matuod nga pagtuluohan nga Katoliko kag paghiliusa bilang Simbahan.
Para sa matuod nga mga sakramento kag mga selebrasyon liturhiko, ginapangabay ang mga tumuluo nga magpakig-angot lamang sa ila tagsa ka opisina sang parokya kag sa inyo nga kura
Padayon kita nga maghiusa sa pagpangamuyo, kamatuoran, kag pagkatampad sa Simbahan nga Romano Katoliko nga gintukod ni Kristo.
Madamo gid nga salamat sa inyo paghangop kag kooperasyon.
