05/07/2016
Katii so Miyaaloy a Takbiyr sii ko Eid!
By: Alim Abdullah M. Edres
Paganay ron:
"اللهُ أَكْبَرُ اللهُ أَكْبَرُ، اللهُ أَكْبَرُ كَبِيرًا"
"Allaho Akbar Allaho Akbar, Allaho Akbar Kabiyra".
Miyaaloy anan o Salman (R.) a Piyakaliyo i Bayhaqi ago si Abdur Razzaq a aya a Sanad iyan na Correct (Sahih).
Ikadowa:
"اللهُ أَكْبَرُ اللهُ أَكْبَرُ، اللهُ أَكْبَرُ وَللهِ الحَمْدُ، اللهُ أَكْبَرُ وَأَجَلُّ، اللهُ أَكْبَرُ عَلَى مَا هَدَانَا"
"Allaho Akbar Allaho Akbar, Allaho Akbar Walillhil-Hamd, Allaho Akbar Wa Ajallo, Allaho Akbar Ala Ma Hadana".
Miyapanothol a so Ibn Abbas (R.) na gii niyan anan Tharoon. [Piyanothol i Bokhari a Iniitong anan i Shiekh Albanie sa Sahih].
Pithao i Hafidh a adn a Miyambago sangkanan a Masa a Inioman san a da a Pakaasal iyan.
Ikatlo:
"اللهُ أَكْبَرُ اللهُ أَكْبَرُ، لَا إِلَهَ إِلَّا اللهُ، وَاللهُ أَكْبَرُ اللهُ أَكْبَرُ وَللهِ الحَمْد"
"Allaho Akbar Allaho Akbar, Lailaha Illallah, Wallaho Akbar Allaho Akbar Walillahil-Hamd".
Miyaaloy anan o Ibn Mas'owd (R.). a Piyakaliyo i Tabranie ago si Ibn Abi Shaybah.
Thanodan:
Giyanan i Miyaaloy a Ropaan o Takbyir a adn a manga Sanad iyan ko khikasasarigan a gii Mamanothol ko Hadith, Na sadn a Ithakbyir san o Moslim na Khapakay, so pman so Matas a Takbyir a Kalalayaman a Pilimpinas na Iniomanon oto o manga Olama sabap ko Ijtihad iran ko Miyaaloy o Shafii a Katharo a Opama ko Omani o Taw na aya Mapiya, Ogaid na da a Tindo o Shafii a Inioman iyan sangkanan a manga Takbyir.
عيدكم المبارك، وكل عام ونحن بخير!.
