Tambo Mission

10/05/2026

Ang gugma sa inahan usa sa mga paagi nga gigamit sa Dios aron ipakita ang Iyang pag-atiman sa pamilya. Pinaagi sa ilang pagpangga, pagpailub, pag-ampo, ug sakripisyo, ang Dios mismo nagaalagad sa panimalay pinaagi kanila.

Happy Mother’s Day sa tanang inahan! 🌸✝️

28/04/2026

𝐒𝐢 𝐂𝐫𝐢𝐬𝐭𝐨 𝐌𝐚𝐨 𝐚𝐧𝐠 𝐈𝐦𝐨𝐧𝐠 𝐊𝐚𝐬𝐢𝐠𝐮𝐫𝐚𝐝𝐮𝐡𝐚𝐧; 𝐛𝐢𝐬𝐚𝐧 𝐬𝐚 𝐤𝐚𝐤𝐮𝐥𝐚𝐧𝐠, 𝐝𝐢𝐥𝐢 𝐤𝐚 𝐍𝐢𝐲𝐚 𝐩𝐚𝐬𝐚𝐠𝐝𝐚𝐧.

Sa panahon nga lisod ang panginabuhi—walay trabaho, kulang ang kita, daghang kabalaka—murag natural nga ang una nato hunahunaon mao ang: “𝐔𝐧𝐬𝐚𝐨𝐧 𝐧𝐚𝐤𝐨 𝐩𝐚𝐠-𝐬𝐮𝐫𝐯𝐢𝐯𝐞?”

Pero si 𝐉𝐞𝐬𝐮𝐬 miingon sa Matthew 6:33:
“𝐏𝐚𝐧𝐠𝐢𝐭𝐚𝐚 𝐮𝐧𝐚 𝐚𝐧𝐠 𝐆𝐢𝐧𝐠𝐡𝐚𝐫𝐢𝐚𝐧 𝐬𝐚 𝐃𝐢𝐨𝐬 𝐮𝐠 𝐚𝐧𝐠 𝐈𝐲𝐚𝐧𝐠 𝐩𝐚𝐠𝐤𝐚𝐦𝐚𝐭𝐚𝐫𝐮𝐧𝐠, 𝐮𝐠 𝐚𝐧𝐠 𝐭𝐚𝐧𝐚𝐧 𝐢𝐩𝐚𝐝𝐮𝐠𝐚𝐧𝐠 𝐤𝐚𝐧𝐢𝐧𝐲𝐨.”

Dili kini pasabot nga dili kana mangita ug trabaho o maningkamot.
Hinuon kini usa ka pahinumdom: ang imong kinabuhi wala nagadepende sa imuhang kusog ug imuhang paningkamot—kundi sa grasya lamag gayud sa Dios.

Ang pinakadako nimong panginahanglan dili trabaho…
kundi si Cristo.

Kay pinaagi Kaniya:

napasaylo ang imuhang mga sala
gidawat ka na sa Dios Amahan
anaa kay kasiguruhan sa kinabuhi nga walay katapusan

Busa bisan wala pa ang trabaho,
anaa na ang labing importante sa kinabuhi mao si — Cristo.

Ug tungod kay anaa kana Kaniya,
pwede ka mangita ug trabaho dili sa kahadlok nga unsa ang mahitabo sa mga sumusunod nga adlaw sa imuhang kinabuhi—
kundi sa pagsalig aduna kay paglaum Kaniya.

Ang imong Amahan sa langit nasayod sa imong panginahanglan.
Dili ka Niya biyaan o pasagdan.
Sa Iyang hustong panahon ug paagi,
Siya muhatag sa imong gikinahanglan sumala sa Iyahang mga saad ug Iyahang kabubut-on.

Busa:
Unaha si Cristo. Pabilin sa Iyang Pulong. Salig sa Iyang grasya.

𝐊𝐚𝐲 𝐚𝐧𝐠 𝐃𝐢𝐨𝐬 𝐧𝐠𝐚 𝐧𝐚𝐠𝐡𝐚𝐭𝐚𝐠 𝐬𝐚 𝐢𝐦𝐨𝐧𝐠 𝐤𝐚𝐥𝐮𝐰𝐚𝐬𝐚𝐧, 𝐦𝐚𝐨 𝐮𝐬𝐚𝐛 𝐚𝐧𝐠 𝐃𝐢𝐨𝐬 𝐧𝐠𝐚 𝐦𝐚𝐠𝐚𝐛𝐚𝐧𝐭𝐚𝐲 𝐮𝐠 𝐦𝐚𝐠𝐚-𝐚𝐭𝐢𝐦𝐚𝐧 𝐤𝐚𝐧𝐢𝐦𝐨—𝐛𝐢𝐬𝐚𝐧 𝐬𝐚 𝐤𝐚𝐤𝐮𝐥𝐚𝐧𝐠 𝐮𝐠 𝐤𝐚𝐥𝐢𝐬𝐨𝐝 𝐬𝐚 𝐤𝐢𝐧𝐚𝐛𝐮𝐡𝐢.

27/04/2026

𝗔𝗻𝗴 𝗧𝗶𝗻𝗴𝗼𝗴 𝗻𝗴𝗮 𝗡𝗮𝗴𝗮𝗵𝗮𝘁𝗮𝗴 𝘂𝗴 𝗞𝗶𝗻𝗮𝗯𝘂𝗵𝗶
John 10:1–10

Usa ra ang Pultahan.
Usa ra ang Magbalantay.
Si Cristo lamang—atong kinabuhi ug kaluwasan. Amen!

21/04/2026

Dayon ug ayaw kaulaw.

Malipayon kami nga nakig-uban ka kanamo sa pagpaminaw sa Pulong sa Dios—diin ang Espiritu Santo nagalihok sa paghatag ug pagpalig-on sa pagtuo (Romans 10:17).

Tara, uban ang imong pamilya. Sa Pulong, ang Dios mismo nagahatag sa Iyang grasya ug kapasayloan pinaagi kang Cristo. ✝️

📖Adult Bible Study
🗓 Tuesday | 7:00 PM
📍Red Cross Village, Hinaplanon

21/04/2026

21/04/2026

Jesus said, “Let the little children come to me, and do not hinder them, for the kingdom of heaven belongs to such as these.” - Matthew 19:14

21/04/2026

Ang misyon dili atong buhat—iya kini sa Dios.

Dili kini nagasalig sa atong kusog, kahibalo, o kapabilidad; ang Ginoo mismo ang nagalihok pinaagi sa Iyang Pulong ug Espiritu aron tawgon, tigomon, ug magpadayon sa Iyang katawhan (Romans 10:17). Bisan gamay ang atong mahimo ug puno sa kakulang, dili mapakyas ang misyon—kay ang Pulong sa Dios dili mobalik nga walay bunga (Isaiah 55:11).

Busa magpadayon kita—dili aron magpaila sa atong kaugalingon, kundi aron ipahayag si Cristo. Kay sa tinuod, ang misyon dili mahitungod sa atong kalampusan, kundi sa grasya sa Dios nga nagaluwas sa mga makasasala pinaagi kang Cristo lamang.

Dalaygon ang Dios!

21/04/2026

Tambo Mission Thanksgiving Sunday ✝️🔥

Ang Dios nagalihok—nagatawag, nagatigom, ug nagapalig-on sa Iyang katawhan pinaagi sa Iyang Pulong. Ang mga kinabuhi giusab, ang mga pamilya ginadala ngadto kang Cristo, ug ang pagtuo gitukod dili sa atong buhat, kundili sa Iyang grasya lamang.

Nidool kita uban sa mapasalamatong kasingkasing, ug mibiya nga lig-on ang pagtuo—kay buhi ang Pulong, anaa si Cristo, ug sigurado ang Iyang mga saad.

Dalaygon ang Dios!

09/04/2026

Wala na siya dinhi; nabanhaw siya sumala gayod sa iyang giingon. Dali kamo ug tan-awa ang dapit nga gilubngan kaniya. - Mateo 28:6

Mga igsoon, ang pagkabanhaw ni Cristo dili lang maayong balita—kini mao ang pagpamatuod sa Dios nga nahuman na ang kaluwasan alang sa mga makasasala. (Roma 4:25)

Apan una, atong atubangon ang kamatuoran: kita tanan makasasala ug dili makaluwas sa atong kaugalingon. (Roma 3:23; Salmo 130:3)

Bisan unsa pa atong buhat, dili kini makapahimuot sa Dios aron kita maluwas. (Roma 3:20)

Mao nga ang Dios, sa Iyang gugma, nagpadala kang Cristo—Siya ang mipasan sa atong sala sa krus alang kanato. (Isaias 53:5; 1 Pedro 2:24)

Ug karon—ang labing kusgan nga kamatuoran:
Si Cristo nabanhaw.

Ug sa Iyang pagkabanhaw, gipamatud-an sa Dios nga gidawat Niya ang sakripisyo ni Cristo alang kanato. (Roma 4:25; 1 Corinto 15:17)

Busa, ang kaluwasan dili pinaagi sa atong mga buhat,
kundili pinaagi sa grasya sa Dios lamang—nga atong nadawat pinaagi sa pagtuo kang Cristo. (Efeso 2:8–9; Roma 3:28)

Ang pagtuo dili nato buhaton aron makaluwas—
kini gihatag sa Dios pinaagi sa Iyang Pulong ug Espiritu. (Roma 10:17)

Busa ayaw pagsalig sa imong kaugalingon.
Ayaw pagtan-aw sa imong kahuyang. Tan-awa si Cristo nga buhi—alang kanimo. (Hebreo 12:2)

Kay kung si Cristo nabanhaw—
(a) napasaylo na ang imong sala (Colosas 1:13–14)
(b) wala nay silot alang kanimo diha Kaniya (Roma 8:1)
(c) ug ikaw pagabanhawon usab ngadto sa kinabuhing walay katapusan (Juan 11:25–26; 1 Corinto 15:22) ug pagadalhon sa Iyahang himaya.

AMEN!

Resurrection Celebration
April 5, 2026