20/05/2026
Panunutem daytoy kabsat,.
Idi awagan naka ti Apo nga agserbi Kenkuana, nagkedked ka. Ti in-request mo, "pagturpusen nak pay ngarud ta marigatan nak a mangigiddan iti ministry'k ken iti panagadalko." Pinalubusan naka ti Apo, nakaadal ka ket ngarud. (Praise the Lord!)
Idi nakaadal ka, awagan naka manen ti Apo nga agserbi Kenkuana, nagkedked ka. Ti in-request mo, "ikkan nak pay ti permanente a trabaho tapnu agserbiakton Kenka." Pinalubusan naka ti Apo, naaddaan ka ket ngarud iti trabaho. (Praise the Lord!)
Idi naaddaan kan iti permanente a trabaho, awagan naka manen ti Apo nga agserbi Kenkuana, nagkedked ka. Ti in-request mo, "Urayem lattan nga ag-retire nak ta diak mapaggiddan ti panag-ministry'k iti panagtrabahok." Pinalubusan naka ti Apo, inuray Na ket ngarud iti panagretire mo. (Praise the Lord, ag-penpension kan!)
Ngem idi kanito nga nagretire ka, nagsakit kan iti nakaro agsipud ta nataengan ka unayen. Nakapuyen ti resistensyam, nasobraam ti nagbisyo, nangan iti saan a balanse ken nakaru a puypuyat iti panagtrabahom. Naurnong dagitoy ket isu iti nangted kenka iti sagubanit a nakaro. Ita, 50/50'n ti biagmo.
Kabayatan ti kaaddam iti ospital, ur-urayem nga awagan naka ti Apo, ngem awan ti immay.. Nagkararagka ka ket ngarud a nagkararag ket kunam, "Apo, no paimbagen nak pay, agserbi akon Kenka."
Ket gapu ta manangngaasi ti Dios, pinaimbag naka, ngem dinakan inawagan. Nakaawid ka ket ngaruden iti pagtaenganyo. Ngem laglagipem, nataengan kan iti dayta a kanito ket nakapsut kan unay nga agtrabaho, marigatan ka payen a magna iti naadayo.
Iti kaaddam iti pagtaenganyo nga agmaymaysa, agpanpanunot ka no kasanom a mapagserbian ti Apo, ti kunam iti panunot mo.
No mapanak agdaydayaw idiay simbaan, madik met kaya iti magna nga mapan a sisiak, masapol ko a kanayun ti mangalalay kanyak. No ag-ebanghelyo, kaskasdi met ta nakapuyak ket ngaruden. Uray online madik kayan ta nasakiten ti matak nga agpaut iti screen ti selpon. Uray agkanta, saan kun kaya ta nasakit ti karabukob ko gapu't arak ken sigarilyo idi kabanwagko, uray agbasa biblia saan kun maaramid ta saan kun a makita. Kasanoak payen Apo?๐ญ
Iti dayta a kanito nga naamirismo nga isumetlang gayam nga inayaban nakan ti Apo idi kabanwag mo paylaeng ta napigsa ka pay nga usaren na iti ministry. Dayta gayam ti rason no apay nga idi addakan ospital, saan nakan inayyaban nga agministry, ta ammo na ngamin nga saan mon kabaelan.
Unayen aya nga babbabawim nga laklakayan nga duduugan, kasanom pay a maisubli ita ti pigsam idi kinaubing mo tapnu lang mailinteg mo dagiti biddutmo? Awanen, naladawen ti amin.๐ญ The end---
Sika ngay kabsat, kaano ka met nga agserbi iti Apo? Kaanom nga ipaay ti tiempo ken pigsam iti panagserbi Kenkuana? Intun saan kan a makatakder? Intun saan kan a makabangon a siksika? Intun nakudrepen ti panagkitam? Agpanpanunot ka kuma kabsat.
Kararagko iti Apo nga sapay kuma ta saan ka a tumulad iti adda iti estorya. Saan tayun nga urayen nga makaadal, makatrabaho wenno ag-retire tayo sakbay tayo nga agserbi. Ti panagserbi ket itan, itattan ta kayatayo pay. Ta ditay la ammo iti biag kabsat, amangan laketdi ta saan tayon mariing intuno bigat. Kuna diay kanta,...
"Agpanpanunot kan a, sakbay a maladaw ka...๐ถ"
Eclesiastes 12:1-5
Laglagipem ti Namarsua kenka ita ta agtutuboka pay sakbay a dumteng dagiti dakes nga aldaw ken tawen a panagkunam, โAwan ragsakko iti biag.โ Mapasamak daytoy inton agsipnget iti imatangmo ti init, ti bulan ken dagiti bituen ket dinto umadayo dagiti ulep a mangyeg iti tudo. Kalpasanna, agtigergerto dagiti takkiagmo a nangsalsalaknib kenka, ket agkutukotto dagiti natibker a tumengmo. Dimonto mangalngal ti taraonmo agsipud ta agtuppolkanton. Kumudrepto metten dagiti matam. Dimonton mangngeg dagiti ariwawa iti kalsada. Narigatmonton a maallingag ti uni ti gilingan, kasta met ti aweng ti musika, ngem uray ti kanta ti billit riingennakanto. Mabutengkanto kadagiti nangato a disso ket napeggadto ti pannagnam. Agubankanto; awanton ti essemmo a makikaidda ket mapukawmonton ti amin a tarigagaymo. ...
Naimbag a sumepngetmo kabsat...๐
