https://www.facebook.com/108726375569778/

Sagrada Familia Chapel, Ibaan (2026)

13/06/2026

𝟭𝟭𝟲𝘁𝗵 𝗕𝗮𝗿𝗿𝗶𝗼 𝗙𝗶𝗲𝘀𝘁𝗮 | 𝗧𝗮𝗽𝘂𝘀𝗮𝗻 𝟮𝟬𝟮𝟲
𝘗𝘢𝘨𝘭𝘢𝘭𝘢𝘬𝘣𝘢𝘺 𝘴𝘢 𝘗𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢

Sa pag-usad ng prusisyon sa lansangan ng Barangay Malainin, muling nasilayan ang buhay na pananampalatayang nagbubuklod sa komunidad sa pagdiriwang ng ika-116 na anibersaryo nito. Sa bawat hakbang, bitbit ang panalangin, pasasalamat, at pag-asa ng bawat pamilyang patuloy na nananatiling tapat sa pananampalataya sa kabila ng paglipas ng panahon.

Ang paglalakbay na ito ay hindi lamang isang tradisyon, kundi isang tahimik ngunit makapangyarihang paggunita sa debosyong ipinapasa mula sa isang henerasyon tungo sa susunod. Ito'y isang patunay na ang pananampalataya ay patuloy na buhay sa gitna ng komunidad.

𝘗𝘩𝘰𝘵𝘰 𝘊𝘰𝘶𝘳𝘵𝘦𝘴𝘺: 𝘚𝘰𝘤𝘪𝘢𝘭 𝘔𝘦𝘥𝘪𝘢 𝘔𝘪𝘯𝘪𝘴𝘵𝘳𝘺

13/06/2026

𝟭𝟭𝟲𝘁𝗵 𝗕𝗮𝗿𝗿𝗶𝗼 𝗙𝗶𝗲𝘀𝘁𝗮 | 𝗧𝗮𝗽𝘂𝘀𝗮𝗻 𝟮𝟬𝟮𝟲
𝘗𝘢𝘨𝘱𝘢𝘱𝘢𝘬𝘪𝘭𝘢𝘭𝘢 𝘴𝘢 𝘮𝘨𝘢 𝘛𝘢𝘨𝘢𝘱𝘢𝘨𝘨𝘢𝘯𝘢𝘱

Ngayong taon ay muling binigyang-buhay ang tradisyon ng tapusan bilang huling alay ng Flores de Mayo sa Mahal na Birheng Maria. Bilang paggunita sa pagdiriwang na ito, ipinakikilala ang mga tagapagganap na nagbigay-buhay sa prusisyon:

𝗠𝗴𝗮 𝗔𝗻𝗴𝗵𝗲𝗹:
❀ Zemira Athena M. Falsario
❀ Myrey Zhamia Alvarez
❀ Myrey Zhamia Alvarez
❀ Zhoey Micah Tolentino
❀ Kiyeana Gonzales
❀ Christine Joy Pateña
❀ Aviah Atalia Cagubcob
❀ Penelope Bangayan
❀ Caliah Isabelle Hernandez
❀ Iesha Calynn Montante

𝗦𝗮𝗴𝗮𝗹𝗮:
❀ Dianne Hernandez & Emmanuel Magnaye
❀ Lyra Angela Magtibay & John Daniel Bejasa
❀ Ma. Jean Frago & Kian Guadalupe
❀ Nicole Lumanang & Victor Lorenz Guerra
❀ Jazairah Velasco & James Ramo
❀ Jamilla Velasco & Aeron Umali
❀ Alyssa Magtibay & Jonas Steven Magtibay
❀ Kieran Mae Velasco

𝗥𝗲𝘆𝗻𝗮 𝗻𝗴 𝗺𝗴𝗮 𝗔𝗻𝗴𝗵𝗲𝗹:
❀ Reignelle Callos

𝗥𝗲𝘆𝗻𝗮 𝗻𝗴 𝗺𝗴𝗮 𝗣𝗮𝘁𝗿𝗶𝗮𝗿𝗸𝗮:
❀ Airish Claire De La Peña

𝗥𝗲𝘆𝗻𝗮 𝗻𝗴 𝗺𝗴𝗮 𝗣𝗿𝗼𝗽𝗲𝘁𝗮:
❀ Mirachelle Ebero

𝗥𝗲𝘆𝗻𝗮 𝗻𝗴 𝗺𝗴𝗮 𝗔𝗽𝗼𝘀𝘁𝗼𝗹:
❀ Hazel Vergara

𝗥𝗲𝘆𝗻𝗮 𝗻𝗴 𝗺𝗴𝗮 𝗠𝗮𝗿𝘁𝗶𝗿:
❀ Jenina Maica Maralit

𝗥𝗲𝘆𝗻𝗮 𝗻𝗴 𝗺𝗴𝗮 𝗞𝘂𝗺𝗽𝗲𝘀𝗼𝗿:
❀ Arline Guerra

𝗥𝗲𝘆𝗻𝗮 𝗻𝗴 𝗺𝗴𝗮 𝗕𝗶𝗿𝗵𝗲𝗻:
❀ Leamay Guerra

𝗥𝗲𝘆𝗻𝗮 𝗻𝗴 𝗺𝗴𝗮 𝗦𝗮𝗻𝘁𝗼:
❀ Mary Jane De Torres

𝗥𝗲𝘆𝗻𝗮𝗻𝗴 𝗜𝗽𝗶𝗻𝗮𝗴𝗹𝗶𝗵𝗶 𝗻𝗮 '𝗱𝗶 𝗡𝗮𝗴𝗺𝗮𝗻𝗮 𝗻𝗴 𝗦𝗮𝗹𝗮𝗻𝗴 𝗢𝗿𝗶𝗵𝗶𝗻𝗮𝗹:
❀ Dhanicalene Briones

𝗥𝗲𝘆𝗻𝗮𝗻𝗴 𝗜𝗻𝗶𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁:
❀ Angyle Guerra

𝗥𝗲𝘆𝗻𝗮 𝗻𝗴 𝗞𝗮𝘀𝗮𝗻𝘁𝘂-𝗦𝗮𝗻𝘁𝘂𝘀𝗮𝗻𝗴 𝗥𝗼𝘀𝗮𝗿𝘆𝗼:
❀ Jayline Margarette Berroya

𝗥𝗲𝘆𝗻𝗮 𝗻𝗴 𝗞𝗮𝗽𝗮𝘆𝗮𝗽𝗮𝗮𝗻:
❀ Shanelle Gems Guerra

𝗥𝗲𝘆𝗻𝗮 𝗻𝗴 𝗣𝗮𝗺𝗶𝗹𝘆𝗮:
❀ Katherine Dela Peña, kasama ang kaniyang asawa na si Mark Anthony Dela Peña at bunsong anak na si Zymon Nathaniel Dela Peña

𝗥𝗲𝘆𝗻𝗮 𝗗𝗲𝗹𝗮𝘀 𝗙𝗹𝗼𝗿𝗲𝘀:
❀ Joana Mariel Dela Peña

𝘗𝘩𝘰𝘵𝘰 𝘊𝘰𝘶𝘳𝘵𝘦𝘴𝘺: 𝘚𝘰𝘤𝘪𝘢𝘭 𝘔𝘦𝘥𝘪𝘢 𝘔𝘪𝘯𝘪𝘴𝘵𝘳𝘺

12/06/2026

𝗞𝗮𝗽𝗶𝘀𝗮𝗻𝗮𝗻 𝟮𝟬𝟮𝟲-𝟮𝟬𝟮𝟳
𝘚𝘢𝘨𝘳𝘢𝘥𝘢 𝘍𝘢𝘮𝘪𝘭𝘪𝘢 𝘊𝘩𝘢𝘱𝘦𝘭 - 𝘒𝘢𝘱𝘪𝘴𝘢𝘯𝘢𝘯

Ang paglilingkod ay hindi lamang isang tungkulin, kundi isang pananagutan na hinuhubog ng panalangin at pusong handang mag-alay para sa Diyos at sa simbahan.

Ngayon ay isang bagong yugto ng paglilingkod ang muling bubuksan. Pagbati sa mga bagong lingkod simbahan na handang magpatuloy sa nasimulang misyon ng pag-asa at kapayapaan.

Sagrada Familia Chapel - Kapisanan

12/06/2026

𝟭𝟭𝟲𝘁𝗵 𝗕𝗮𝗿𝗿𝗶𝗼 𝗙𝗶𝗲𝘀𝘁𝗮 | 𝗧𝗮𝗽𝘂𝘀𝗮𝗻 𝟮𝟬𝟮𝟲
𝘉𝘢𝘯𝘢𝘭 𝘯𝘢 𝘔𝘪𝘴𝘢, 𝘗𝘢𝘨𝘴𝘢𝘴𝘢𝘭𝘪𝘯 𝘯𝘨 𝘛𝘶𝘯𝘨𝘬𝘶𝘭𝘪𝘯, 𝘢𝘵 𝘉𝘪𝘯𝘺𝘢𝘨

"Ang pananampalataya ay hindi lamang ipinagdiriwang; ito ay ipinapasa, isinasabuhay, at patuloy na pinagtitibay sa bawat salinlahi."

Sa paggunita ng ika-116 na anibersaryo ng Barangay Malainin, sama-samang nagtipon ang pamayanan sa pagdiriwang ng Banal na Misa bilang pasasalamat sa mga biyayang ipinagkaloob ng Diyos sa paglipas ng mga taon. Kasabay nito ang pagsasalin ng tungkulin ng Kapisanan at ang pagtanggap sa mga bagong binyagan, mga tanda ng pananampalatayang hindi natatapos sa isang henerasyon, kundi patuloy na isinasabuhay at ipinapamana.

Sa paglipas ng mga taon, nananatiling buhay ang mga tradisyong nagbubuklod sa komunidad, pananampalatayang isinasabuhay, paglilingkod na ipinagpapatuloy, at pagmamahal sa Diyos na patuloy na gumagabay sa bawat tahanan.

𝘗𝘩𝘰𝘵𝘰 𝘊𝘰𝘶𝘳𝘵𝘦𝘴𝘺: 𝘚𝘰𝘤𝘪𝘢𝘭 𝘔𝘦𝘥𝘪𝘢 𝘔𝘪𝘯𝘪𝘴𝘵𝘳𝘺

31/05/2026

𝐓𝐚𝐩𝐮𝐬𝐚𝐧 𝟐𝟎𝟐𝟔
𝘗𝘢𝘨𝘱𝘶𝘱𝘶𝘨𝘢𝘺 𝘴𝘢 𝘔𝘢𝘩𝘢𝘭 𝘯𝘢 𝘐𝘯𝘢

Sa pagtatapos ng Flores de Mayo, muling naipamalas ang pagpupugay at pagmamahal para sa Mahal na Birheng Maria.

Sa loob ng isang buwan, ang bawat bulaklak na inialay ay naging tahimik na panalangin, at ang bawat hakbang ng debosyon ay naging patunay ng pananampalatayang patuloy na namumukadkad sa puso ng komunidad. Ang tapusang ito ay hindi lamang pagtatapos ng isang pagdiriwang, kundi isang makabuluhang paggunita sa kabutihan at pagkalinga ng ating Mahal na Ina.

Taos-puso rin ang aming pasasalamat sa mga Hermana na naging katuwang sa buong buwan ng Mayo, gayundin sa mga nanguna sa pagdarasal, sa mga pag-awit at pagtugtog, sa ating Kapisanan, at sa lahat ng mga naglaan ng panahon, pagod, at paglilingkod upang maging maayos at makahulugan ang bawat araw ng Flores de Mayo. Ang inyong sama-samang pagtutulungan ay naging buhay na patunay ng pagkakaisa at debosyong nag-uugnay sa ating pamayanan.

Sa pagtatapos ng buwang ito ng pagpupugay, nananatili ang paanyayang isabuhay ang mga aral ng pananampalataya, kababaang-loob, at pagmamahal na ipinamalas ng Mahal na Birheng Maria.

28/04/2026

𝗠𝗚𝗔 𝗣𝗔𝗔𝗟𝗔𝗟𝗔 𝗣𝗔𝗥𝗔 𝗦𝗔 𝗙𝗟𝗢𝗥𝗘𝗦 𝗗𝗘 𝗠𝗔𝗬𝗢
𝘚𝘢𝘨𝘳𝘢𝘥𝘢 𝘍𝘢𝘮𝘪𝘭𝘪𝘢 𝘊𝘩𝘢𝘱𝘦𝘭 – 𝘉𝘢𝘳𝘢𝘯𝘨𝘢𝘺 𝘔𝘢𝘭𝘢𝘪𝘯𝘪𝘯

Ipinapaabot sa lahat ng mga kabarangay at nasasakupan ng Sagrada Familia Chapel ang mga sumusunod na alituntunin at gabay para sa pagdiriwang ng Flores de Mayo ngayong taon:

𝗠𝗔𝗛𝗔𝗟𝗔𝗚𝗔𝗡𝗚 𝗣𝗘𝗧𝗦𝗔 𝗔𝗧 𝗢𝗥𝗔𝗦
(𝟭) 𝗣𝗮𝗴-𝗮𝗮𝗹𝗮𝘆 𝗻𝗴 𝗕𝘂𝗹𝗮𝗸𝗹𝗮𝗸
𝗣𝗲𝘁𝘀𝗮: Mayo 1-31, 2026
𝗢𝗿𝗮𝘀: 5:00 PM (Karaniwang Araw)
4:30 PM (Huwebes at Sabado)

(𝟮) 𝗣𝗮𝗴𝗱𝗮𝗿𝗮𝘀𝗮𝗹 𝗻𝗴 𝗦𝗮𝗻𝘁𝗼 𝗥𝗼𝘀𝗮𝗿𝘆𝗼
𝗣𝗲𝘁𝘀𝗮: Hunyo 1-6, 2026
𝗢𝗿𝗮𝘀: 5:00 PM

𝗚𝗔𝗕𝗔𝗬 𝗦𝗔 𝗣𝗔𝗚-𝗔𝗔𝗟𝗔𝗬 𝗔𝗧 𝗣𝗔𝗥𝗔 𝗦𝗔 𝗠𝗚𝗔 𝗛𝗘𝗥𝗠𝗔𝗡𝗔
(1) Ang gagamiting bulaklak sa pag-aalay ay dapat sariwa o tunay.

(2) Responsibilidad ng nakatalagang Hermana ang paglilinis ng loob ng chapel at ang pagsasaayos ng mga bulaklak sa tukil.

(3) Ang pintuan sa gitna (malapit sa Barangay Hall) ang itinakdang daanan para sa mga magdadala ng bulaklak at mag-iimis ng chapel.

(4) Pinapakiusapan ang mga Hermana na dumating bago ang itinakdang oras. Magbibigay lamang ng limang (5) minutong palugit; kung wala pa ang Hermana, sisimulan na ang pagdarasal.

(5) Sa mga araw na walang nakatalagang Hermana, inaanyayahan pa rin ang mga deboto na magdala ng sariling bulaklak. I-aanunsyo ng mga tagapamuno kung sino ang susunod na Hermana kinabukasan.

𝗞𝗔𝗔𝗬𝗨𝗦𝗔𝗡 𝗔𝗧 𝗣𝗔𝗚𝗗𝗔𝗟𝗢 𝗦𝗔 𝗖𝗛𝗔𝗣𝗘𝗟
(1) Hinihikayat ang lahat ng dadalo na magsuot ng naangkop na damit. Ipinagbabawal ang pagsusuot ng shorts, sleeveless, at iba pang hindi pormal na kasuotan. (Inirerekomenda: Pantalon at T-shirt para sa mga lalaki; Palda/pantalon at blouse para sa mga babae).

(2) Pinakikiusapan na ang dadalhing kandila ay ang "Liwanag" brand (V #2) na naiilagay sa loob ng baso.

(3) Ang 'main door' ng chapel ang gagamiting daanan para sa pagpasok at paglabas ng mga dadalo.

(4) Para sa mga nagnanais mamahagi ng candies, mangyaring gawin ito sa tapat o harap ng Grotto.

(5) Pinapakiusapan ang mga magulang o guardian na samahan o ihatid ang mga bata patungong chapel para sa kanilang seguridad.

Maraming salamat sa inyong kooperasyon at pakikiisa sa ating mahal na Birhen!

06/04/2026

𝗕𝗮𝘁𝗶 𝗱𝗲 𝗕𝗮𝗻𝗱𝗲𝗿𝗮 𝟮𝟬𝟮𝟲
𝘚𝘢𝘺𝘢𝘸 𝘯𝘨 𝘗𝘶𝘴𝘰𝘯𝘨 𝘕𝘢𝘨𝘢𝘨𝘢𝘭𝘢𝘬

Sa bawat kumpas ng palad at indak ng paa, naipapahayag ang isang pananampalatayang buhay at nagliliyab. Muling napuno ng sigla at kagalakan ang kapilya ng Sagrada Familia, habang ang bandera ay iwinawagayway bilang sagisag ng tagumpay, ang muling pagkabuhay ng Panginoon, tagumpay ng pag-ibig na hindi kailanman nagapi.

Taos-puso ang aming pasasalamat sa bawat naging bahagi ng pagdiriwang, sa mga kamay na naglingkod at sa mga pusong nag-alay:

𝗞𝗮𝗽𝗶𝘁𝗮𝗻𝗮: Jean Maureen T. Avila
𝗞𝗮𝗽𝗶𝘁𝗮𝗻: Raytian Paul Joseph M. Mendoza
𝗕𝗶𝘀𝗲-𝗞𝗮𝗽𝗶𝘁𝗮𝗻: Jacob Gabriel L. Arias

𝗦𝗽𝗼𝗻𝘀𝗼𝗿𝘀:
Atty. Mahinardo 'Bobby' and Mrs. Lilibeth Mailig & Family
Engr. Artemio 'Boy' & Mrs. Vergie Mary Chua & Family
Brgy. Capt. Dante Dela Peña & Sangguniang Barangay
Ms. Elizabeth Ramos & Family
Kapisanan 25-26

Lubos din ang pasasalamat sa lahat ng nasasakupan ng Brgy. Malainin, na patuloy na nagkakaisa sa pagyakap sa pananampalataya at kultura. Sa bawat taon, mas lalo pang tumitibay ang diwa ng pagdiriwang at pagkakabuklod ng komunidad.

𝘗𝘩𝘰𝘵𝘰 𝘤𝘰𝘶𝘳𝘵𝘦𝘴𝘺: 𝘚𝘰𝘤𝘪𝘢𝘭 𝘔𝘦𝘥𝘪𝘢 𝘔𝘪𝘯𝘪𝘴𝘵𝘳𝘺

02/04/2026

𝗩𝗶𝗮 𝗖𝗿𝘂𝗰𝗶𝘀
𝘈𝘯𝘨 𝘓𝘢𝘯𝘥𝘢𝘴 𝘯𝘨 𝘋𝘢𝘬𝘪𝘭𝘢𝘯𝘨 𝘚𝘢𝘬𝘳𝘪𝘱𝘪𝘴𝘺𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯

30/12/2025

𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗕𝗮𝗻𝗮𝗹 𝗻𝗮 𝗠𝗮𝗴-𝗮𝗻𝗮𝗸
𝘗𝘳𝘶𝘴𝘪𝘴𝘺𝘰𝘯

Bilang bahagi ng pagdiriwang ng Kapistahan ng Sagrada Familia, idinaos ang isang prusisyon na nagbuklod sa buong pamayanan sa isang tahimik at taimtim na paglalakbay ng pananampalataya. Sa pagkakataong ito, unang nasilayan ng mga dumalo ang Banal na Mag-anak na nakasuot ng kanilang bagong kasuotan. Ang prusisyong ito ay nagsilbing paalala ng huwarang buhay ng Banal na Pamilya at isang paanyaya sa bawat tahanan na isabuhay ang pagmamahal, pagkakaunawaan, at ganap na pagtitiwala sa Diyos.

𝘗𝘩𝘰𝘵𝘰 𝘊𝘰𝘶𝘳𝘵𝘦𝘴𝘺: 𝘚𝘰𝘤𝘪𝘢𝘭 𝘔𝘦𝘥𝘪𝘢 𝘔𝘪𝘯𝘪𝘴𝘵𝘳𝘺

Sagrada Familia Chapel

13/06/2026

13/06/2026

12/06/2026

12/06/2026

31/05/2026

28/04/2026

06/04/2026

02/04/2026

30/12/2025

Address

Website

Alerts

Shortcuts

Share

Category

Listing takedown request