11/01/2026
STORYA NIÑO | Ang Kapilya sa Mabagon nahimo tungod sa hangyo ug panginahanglan sa komunidad nga nagpuyo sa Mabagon, tungod kay kadaghanan sa mga tawo didto mga Romano Katoliko ug gusto sila nga adunay kaugalingong kapilya diin sila makasimba ug makapasidungog sa Ginoo. Ang pagtukod sa kapilya dili pa konkreto kaniadto, apan gamit lang ang "sasa", ug pinaagi sa bayanihan o panagbinuligay sa mga tawo, nagtukod sila sa kapilya. Gitukod kini sa ulahing bahin sa tuig 1920s.
Ang unang presidente mao ang namatay nga si Bro. Egnacio Capiones, ug ang magtutukod mao ang namatay nga si Bro. Edro. Ang misa kaniadto ginaselebrar lang kausa sa usa ka bulan.
Ang patron saint sa Mabagon Chapel mao si Sr. Sto. Niño, tungod kay kini milagroso sa lugar nga gitawag og "Duwang". Ang larawan ni Señor nilakra sa Duwang nga naa sa suba. Ang Duwang kay gipanag-iya sa namatay nga si Sis. Alang Corpuz. Tungod niini, nakita sa mga misyonaryo ug gidesisyunan nga buhaton og larawan si Sr. Sto. Niño sa Duwang de Mabagon sa Manila pinaagi sa usa ka Kastilang eskultor. Si Bro. Edro ang miadto sa Manila aron magpatukod sa eskultura.
Gipasa-pasa usab nga istorya sa mga tawo nga "naa'y usa ka tiguwang nga nagdala og bata gikan sa Sogod, Southern Leyte. Niabot sila sa Mabagon aron ipa-ila ang Sto. Niño sa Duwang dinhi sa Mabagon. Ang iyang apo nasakit ug gitambalan sa usa ka tiguwang nga wala sila kaila. Naulian ang bata, unya miingon ang tiguwang, ‘Maulian gani ka, d**g, adtoa ning Sto. Niño sa Duwang sa Mabagon.’"
Sa sinugdan, ang pista ginaselebrar matag Pebrero 15-16, apan kini gibalhin ni Rev. Fr. Msgr. Amado D. Olavyar ngadto sa Enero 12 sa tuig 2007, tungod kay ang tinuod nga pista ni Señor Sto. Niño ginaselebrar sa bulan sa Enero. Ug hangtod karon mao na kini ang petsa sa pista sa Sr. Sto Niño de Mabagon.
