Parish of Sta. Monica

09/08/2026

LIVE | 19TH SUNDAY IN ORDINARY TIME
Sunday, August 9, 2026 | 4:30pm
Parish of Santa Monica, Hamtic, Antique

08/08/2026

LIVE | IKA-19 NGA DOMINGO SA ORDINARYO NGA PANAHON Domingo, Agosto 9, 2026 | 7:30am Parokya ni Santa Monica, Hamtic, Antique

08/08/2026

𝐃𝐚𝐥𝐢! 𝐌𝐚𝐠𝐬𝐢𝐦𝐛𝐚 𝐤𝐢𝐭𝐚 𝐬𝐚 𝐃𝐨𝐦𝐢𝐧𝐠𝐨!✨

Sa maabot nga Domingo, Agosto 9, 2026, ginaagda ang tanan nga mga tumuluo sa pagsimba sa aton mahal nga parokya sa Ika-19 nga Domingo sa Ordinaryo nga Panahon.

Ang Iskedyul kang mga Misa amo ang mga masunod:
1st Mass (Karay-a) sa alas-5:30 sa aga
2nd Mass (Karay-a) sa alas-7:30 sa aga (Live via Media Igkabuhi - Parish of Santa Monica Social Communications Ministry FB Page)
3rd Mass (English) sa alas-4:30 sa hapon (Live via Media Igkabuhi - Parish of Santa Monica Social Communications Ministry FB Page)

Gani, ginapanawagan man ang tanan magtipon sa aton simbahan sa pagselebrar kang aton Santa Eukaristiya🙏🏼✨.

04/08/2026

𝗟𝗢𝗢𝗞 | 𝗠𝗮𝘀𝘀 𝗼𝗳 𝘁𝗵𝗲 𝗛𝗼𝗹𝘆 𝗦𝗽𝗶𝗿𝗶𝘁 𝘀𝗮 𝗚𝘂𝗶𝗻𝘁𝗮𝘀 𝗘𝗹𝗲𝗺𝗲𝗻𝘁𝗮𝗿𝘆 𝗦𝗰𝗵𝗼𝗼𝗹

Ang mga manunudlo kag mga estudyante nagtiriripon sa Mass of the Holy Spirit nga ginpangunahan ni Rev. Fr. Danny S. Tabuyan nga ginhiwat sa Guintas Elementary School sa Barangay Guintas, Hamtic, Antique.

04/08/2026

𝗟𝗢𝗢𝗞 | 𝗠𝗮𝘀𝘀 𝗼𝗳 𝘁𝗵𝗲 𝗛𝗼𝗹𝘆 𝗦𝗽𝗶𝗿𝗶𝘁 𝘀𝗮 𝗕𝘂𝗱𝗯𝘂𝗱𝗮𝗻 𝗘𝗹𝗲𝗺𝗲𝗻𝘁𝗮𝗿𝘆 𝗦𝗰𝗵𝗼𝗼𝗹

Ang mga manunudlo kag mga estudyante nagtiriripon sa Mass of the Holy Spirit nga ginpangunahan ni Rev. Fr. Alex S. Salvante nga ginhiwat sa Budbudann Elementary School kang Hulyo 31, 2026 sa Barangay Budbudan, Hamtic, Antique.

04/08/2026

𝑴𝒂𝒈𝒌𝒊𝒏𝒂𝒍𝒊𝒑𝒂𝒚 𝑲𝒊𝒕𝒂🎉!

Ang aton Diosesis kag aton parokya nagakalipay tungod may bag-o naman na ordinahan bilang isa ka pari sa persona ni Rev. Fr. Ely Juniver B. Lagarde. Siya ig-assign sa aton Parokya bilang Parochial Vicar.

Siya gin-ordinahan sa Parokya ni Sto. Niño de Bugasong, Bugasong, Antique, Agosto 4, 2026, Handumanan ni San Juan Maria Vianney.

04/08/2026

𝐌𝐚𝐥𝐢𝐩𝐚𝐲𝐨𝐧 𝐧𝐠𝐚 𝐀𝐝𝐥𝐚𝐰 𝐤𝐚𝐧𝐠 𝐦𝐠𝐚 𝐏𝐚𝐫𝐢✨️!

Sa kadya nga adlaw kang Handumanan ni San Juan Maria Vianney, aton ginaselebrar ang Adlaw kang mga Pari! Aton pasalamatan ang malaumon nga pag-alagad kang aton Team Ministry sa aton parokya nga amo sanday Rev. Fr. Victor S. Baguna kag Rev. Fr. Danny S. Tabuyan, kaimaw man ang bag-o nga gin-ordinahan nga pari nga si Rev. Fr. McJames T. Vitudio nga nangin resident deacon kang aton parokya sa 2 ka bulan na nga pagtinir.

Aton pangamuyuon ang pagpadayon kang anda nga pagpanglakaton sa anda nga misyon sa pagbantala kang Mayad nga Balita kag pagtugro kang Mahal nga Dios kang grasya kananda nga napun-an kang anda nga paghigugma, kaaram, kag dedikasyon nga ang Dios imaw naton sa aton nga kabuhi paagi sa anda pag-alagad.

Ad multos annos, mga padre!

03/08/2026

𝐒𝐚 𝐤𝐚𝐝𝐲𝐚 𝐧𝐠𝐚 𝐀𝐝𝐥𝐚𝐰✨| 𝐇𝐚𝐧𝐝𝐮𝐦𝐚𝐧𝐚𝐧 𝐧𝐢 𝐒𝐚𝐧 𝐉𝐮𝐚𝐧 𝐌𝐚𝐫𝐢𝐚 𝐕𝐢𝐚𝐧𝐧𝐞𝐲 - 𝐀𝐠𝐨𝐬𝐭𝐨 𝟒

Ginaselebrar ta kadya ang Handumanan ni San Juan Maria Vianney. Sangka pari nga taga Ars, Pransya kon sa diin ginakilala tana nga Curé d’Ars ukon Kura Paroko kang Ars kag bilang patron kang mga kaparian. Si Vianney kilala man sa ana dedikasyon bilang sangka konpesor nga nagapamati sa mga nagakumisar nga naga-abot sa 16 ka oras sa sangka adlaw hasta sa ana kamatayon.

Bilang sangka ehemplo kang pagkapari, duro nga mga kaparian kag mga tumuluo ang nagpangamuyo paagi kana kon sa diin tanda nagapangayo kang giya sa anda nga misyon bilang pagkapari kag espiritwal nga bulig tungod sa ana nga misyon bilang sangka konpesor.

Aton man ginaselebrar ang aton kaparian sa kadya nga adlaw sa kadungganan ni San Juan Maria Vianney. Gani, ipangamuyo kag ipasalamat naton ang aton mga pari sa anda nga pagpanglakaton sa pagkapari kag misyon sa pagtipon kang mga karnero kang Dios nga may kaaram, dedikasyon, kag bahul nga tagipusuon nga makabulig kag maga-ubay sa tagsa ka tinuga kang aton Dios.

𝑆𝑎𝑛 𝐽𝑢𝑎𝑛 𝑀𝑎𝑟𝑖𝑎 𝑉𝑖𝑎𝑛𝑛𝑒𝑦, 𝑖𝑔-𝑎𝑚𝑝𝑜 𝑚𝑜 𝑘𝑎𝑚𝑖.

03/08/2026

𝐏𝐚𝐧𝐠𝐢𝐧𝐛𝐮𝐥𝐚𝐡𝐚𝐧 𝐬𝐚 𝐈𝐦𝐨 𝐏𝐚𝐠𝐤𝐚𝐩𝐚𝐫𝐢, 𝐅𝐫. 𝐌𝐜𝐉𝐚𝐦𝐞𝐬✨!

Halin sa mga kaparian, katapo kang aton parokya, kag sa mga tumuluo, aton gina-abi-abi ang aton resident deacon nga nangin pari nga si Rev. Fr. McJames T. Vitudio! Duro gid nga salamat, padre, sa 2 ka bulan mo nga pagtinir sa amon parokya nga buta kang pagsinadya, pagpamalandong, kag inspirasyon sa pagpadayon kang misyon.
Gin-ordinahan tana kadya nga adlaw, Agosto 3, 2026, sa Parokya ni San Lukas Ebanghelista sa Valderrama, Antique.

Bilang sangka matuod run nga manugbantay kang mga karnero, ginapangamuyo namon nga mas maduro pa gid ang maparapit sa aton mahal nga Dios kag makabati kang imo manami nga homiliya para mapamalandongan kang tagsa ka tumuluo.

Gani, aton man ilakip sa tagsa aton ka pangamuyo nga bugayan tana kang Dios kang kaaram, paghigugma, kag grasya sa ana bag-o nga pagpanglakaton bilang pari!

03/08/2026