Apo Ana de Hagonoy

Apo Ana de Hagonoy Maaari po kayong maglahad ng mga himalang nagawa ni Apo Ana sa inyong buhay.

Kung may paghihimala po sa inyong buhay si Apo Ana aaari nyo pong ilahad sa page na ito ang inyong kwento.

I PANALANGIN KAY SANTA ANAI TUWING MARTES | PAMIMINTUHO Minumutya naming Santa Ana, ang kahulugan ng iyong ngala'y Gr...
24/08/2026

I PANALANGIN KAY SANTA ANA
I TUWING MARTES

| PAMIMINTUHO

Minumutya naming Santa Ana, ang kahulugan ng iyong ngala'y Grasya at Awa, kaya hindi ka kailanman nagbibingi-bingihan sa mga napakukupkop sa iyo. Loobin mong matutuhan namin ang tumpak na kahulugan ng aming buhay sa lupa, na kami'y naritong naglalakbay lamang patungo sa Ama sa langit. Tulungan mo kaming mapalapit kay Hesus at maisabuhay namin ang Salita ng Diyos.

Matupad nawa namin ang aming tungkulin sa buhay at ang kabanalang kailangan sa aming kaligtasan. Sumampalataya nawa kaming lubos sa pag-ibig ni Hesus sa amin at italaga naman namin bilang tugon ang aming buhay, talino, panahon at kakayahan sa ikauunlad ng aming kapwa. Maimulat nawa namin ang iba sa paghahari ng Diyos sa kanila. Turuan mo kaming ipaibig si Hesus at si Maria sa lahat ng tao sa aming sambayanan at maakit ang lahat na maglingkod sa kapwa. Maging Kristiyano nawa ang aming pamumuhay at mabuo kami sa isang Kristiyanong pamayanan, upang matupad ang tinuro ni Kristong Bagong Kaayusan ng pag-iibigan, katarungan, kapayapaan at kasaganaan sa buhay.

Pinagpalang Santa Ana, gamutin mo ang sugat ng aming kapalaluan, kasakiman, pagkamakasarili, pag-iimbot, pagsasamantala at pang-aapi. Pawiin mo ang aming pagkakawatak-watak at buklurin mo kami sa pag-ibig ng Espiritu Santo. Iligtas mo kami sa panganib, aliwin sa kapighatian at hanguin sa kahirapan. Lalung-lalo na, butihing Santa Ana, tulungan mo kaming magkamit ng isang tanging biyayang kailangang-kailangan namin.

(Banggitin ang mga kahilingan.)

Tugunin mo nang buong giliw ang taimtim naming dalangin.








| PANALANGIN KAY | SANTA ANA | NG ISANG INANG | NAGDADALANG – TAO | Lunes Maluwalhating SANTA ANA, pambihira at wa...
23/08/2026

| PANALANGIN KAY
| SANTA ANA
| NG ISANG INANG
| NAGDADALANG – TAO

| Lunes

Maluwalhating SANTA ANA, pambihira at walang katulad ang iyong kapalaran. Isinilang mo sa mundo ang Pinagpalang Babaeng, itinalagang Ina ng Diyos, kaya;t labis kong itinatagubilin ang buong sarili ko sa iyong kandili.

Ipinagkatiwala ko ang aking sarili sa iyo, sa sanggol na nasa sinapupunan ko. Mahal na Santa Ana, utang sa iyo ang buhay ng maraming mga bata at ang biyaya ng Sakramento ng Binyag. Sa iyo ang lubos kong tiwala ar pag-asa. Huwag mo pong ipahintulot na mapabayaan ko at maisa panganib ang buhay at kaligtasang walang hanggan ng sanggol na ipinaubaya ng Diyos sa aking pag-iingat.

Loobin mo makamtan ko ang mga kabanalang itinuro mo sa iyong anak na siyang nahirang na Ina ng Diyos, sanay maituro ko ang kabaitang ito sa aking anak,

AMEN

(Tuwing LUNES, magdasal at ipanalangin natin ang mga ina na nagdadalang tao. I share po sa mga Ina na kilala natin.)






| PANALANGIN KAY SANTA ANA| PARA SA MGA MAG-ASAWA| LinggoO pintakasing Santa Ana, tulungan mo po ang lahat ng Kristyanon...
22/08/2026

| PANALANGIN KAY SANTA ANA
| PARA SA MGA MAG-ASAWA

| Linggo

O pintakasing Santa Ana, tulungan mo po ang lahat ng Kristyanong mag-asawa, na makapamuhay sila nang ayon ng plano sa kanila ng Diyos. Tulungan mo silang tunay na magmahalan sa lahat ng araw, sa kalusugan at karamdaman, sa kasiyahan at kalungkutan.

Santa Ana, turuan mo ang mga mag-asawa kung paano dapat maganap ang pagtawag sa kanila sa buhay mag asawa, para sa bawat isa sa kanila at sa kanilang mga supling. Bilang mga tagapagtotoo ng pananampalataya kay Kristo at bilang kinatawan ni Kristo sa pamilya.
Amen

---------------------------------------------

Tuwing Linggo ipagdasal natin ang mga MAG ASAWANG KATOLIKO sa ating patrona na si SANTA ANA




| PANALANGIN KAY SANTA ANA| PARA SA MGA INA | Sabado(Tuwing araw ng Sabado ipanalangin natin ang ating mga Ina)PANALANG...
21/08/2026

| PANALANGIN KAY SANTA ANA
| PARA SA MGA INA
| Sabado

(Tuwing araw ng Sabado ipanalangin natin ang ating mga Ina)

PANALANGIN PARA SA MGA INA

SANTA ANA, sa dahilang ikaw ay Ina ng Ina ng Diyos, ang pagiging ina ay karapat-dapat na tawag ng Diyos para sa iyo.

Sa pagiging ina ng isang babae ay siya ay nagiging katulong at kamanlilikha ng Diyos. Kailangan ng Diyos ang tulong ng mga ina, upang ipagpatuloy ang Kanyang gawaing paglikha at pagtubos. Yayamang ito ay isang mabisang tanda na sagisag ng buhay ng Diyos ang buhay ng tao ay napakahalaga sa balat ng lupa nang magkatawang tao ang Anak ng Diyos. Itinataas ng Diyos ang tao sa karangalan ng buhay na makalangit, ibinuhos Niya sa tao ang Kanyang binhi ng kaluwalhatiang walang hanggan,

Santa Ana, ikaw po ang Ina, na lubhang pinagpala, na pinili ng Diyos na magbigay buhay at maluwal sa Ina ng Kanyang Anak, at humubog sa kanya na hindi mapapantayan. Turuan mo sana ang mga inang Kristyano, na itimo sa isip ng kanilang mga anak ang malinaw na pagkaunawa sa tunay na kahalagahan ng buhay. Salamat sa mga ina na ang napakaliit na binhi sa kanilang sinapupunan ay lumaki at umuunlad hanggang maging anak at tagapagmana ng langit.

Santa Ana, ipagdasal mo kaming mga ina. Idalangin mo ang lahat ng mga ina sa ibabaw ng lupa. Sa pamamagitan ng mga ina. Ang lahat ng tao nawa ay makabuo, ng isang kalipunan ng mga pamilya na nagkakaisa sa buklod ng tapat nap ag-ibig sa Diyos na kanilang Ama. Amen



I PANALANGIN KAY SANTA ANAI NG MGA MAYSAKITI Panalangin kay Sta. Ana | BiyernesSANTA ANA, kahabagan mo sana ako. Ang aki...
21/08/2026

I PANALANGIN KAY SANTA ANA
I NG MGA MAYSAKIT
I Panalangin kay Sta. Ana
| Biyernes

SANTA ANA, kahabagan mo sana ako. Ang aking katawan ay laging pinapahirapan ng karamdaman. Laging akong nagdurusa’t nababagabag dahil sa aking sakit na dinaranas. Paginhawahin mo po sana ako’t pagalingin sa aking karamdaman. Santa Ana, pawiin mo ang aking sakit kung mamarapatin ni Jesus, sa tulong ng awa ng Diyos, kung ihalulugod Niya ito.

Higit sa lahat, mahabag ka sa aking kaluluwa. Nawa ang pagbabata ng hirap ay maging bukal ng kapakinabangan sa aking kaluluwa nang higit sa aking kalusugan ng katawan.Kung ang pagsubok at mga tiisin ay lubhang makapaglalapit sa akin sa pagbabalik loob ng mga makasalanan, hindi ko hinihiling sa iyo na “ibsan mo ako sa mga pagdurusang ito.” Ang hinihiling ko sa iyo ay lawitan mo ako ng wagas na kataimtiman at banal na pagsang-ayon sa kalooban ng Diyos.
Amen






Friday Devotion to the SACRED HEART OF JESUSP R A Y E RO Most Sacred Heart of Jesus, pour down Thy blessings abundantly ...
20/08/2026

Friday Devotion to the
SACRED HEART OF JESUS

P R A Y E R

O Most Sacred Heart of Jesus,
pour down Thy blessings
abundantly upon Thy Church,
upon the Supreme Pontiff, and
upon all the clergy;
give perseverance to the just,
convert sinners,
enlighten unbelievers,
bless our parents, friends
and benefactors,
help the dying,
free the souls from Purgatory,
and extend over all hearts
the sweet empire of Thy love.
Amen.

(Pre-1968 Indulgence of 500 days)

I PALAGIANG PANALANGIN KAYI NUESTRO PADRE JESUS NAZARENOI BiyernesKatamis-tamisang naming mahal na Poong Jesus Nazareno,...
20/08/2026

I PALAGIANG PANALANGIN KAY
I NUESTRO PADRE JESUS NAZARENO
I Biyernes

Katamis-tamisang naming mahal na Poong Jesus Nazareno, Diyos at Manunubos ko, na naglalakbay sa kalbaryong pasan-pasan Mo ang Krus na pagpapakuan sa Iyo.
Akong abang makasalanan, na naging dahilan ng Iyong di masayod na hirap ay nagpupuri sa Iyo at nagpapasalamat, na bilang maamong Kordero ay buong hinahong tinanggap Mo sa ibabaw ng Iyong balikat ang kahoy ng Iyong kamatayan upang doon mawakasan ang aking mga kasalanan at ng sandaigdigan.
Patawarin mo ako, O Butihing Jesus; inaamin ko ang aking mga sala at ako’y nananalig na dahil sa kabutihan Mong walang kahulilip ay hugasan Mo ng Iyong Dugo. Iniibig kita nang higit sa lahat ng bagay, ipinangangako na ako’y magiging matapat hanggang sa oras ng aking kamatayan. Patnubayan Mo ako, Diyos ko, ng Iyong biyaya at ihatid Mo ako sa landas ng Iyong mga utos diyan sa Iyong langit na kaharian. Siya nawa.



Panalangin sa Mahal na Poong Santo Niño( Tuwing Biyernes)O Hesus, ang aming bunying Santo Niño,Kapuri-puri ka sa iyong d...
20/08/2026

Panalangin sa
Mahal na Poong Santo Niño
( Tuwing Biyernes)

O Hesus, ang aming bunying Santo Niño,
Kapuri-puri ka sa iyong dakilang pag-ibig sa taong nagupuling sa kadiliman. Nagpakumbaba ka lubos upang iligtas ang tanan. Naging tao ka at ipinakita mo na ang Diyos ay kasama namin.
O Hesus, ikaw na nagbigay ng bagong mukha, bagong tinig bagong puso sa taong masuwayin. Sa iyong pagkakatawang-tao ay binigyan Mo kami ng katangalan na maging mga anak ng Diyos at tawagin siya na "Ama, Ama ko". Sa iyong Espiritung bigay kami nawa ay makilala bilang mga anak ng Diyos sa isang matuwid na buhay at pag-ibig sa kapwa.
Ikaw ang masunuring Anak na nagbalik sa tao na maging kalugod-lugod sa Diyos.
Sa iyong buhay ay ipinakita Mo na naghahari ang Diyos. Patuloy Mo kaming akayin sa kaliwanagan upang mabuhay kaming tapat sa mga itinuro Mo. Sa wakas ng aming paglalakbay ay masapit namin ang kaluwalhatian na Iyong inilaan sa aming mga tagapagmana ng langit na aming tahanan, ikaw na doon ay naghahari kasama ng Ama at ng Espiritu Santo magpasawalang hanggan.
Amen.

Mula sa Palagiang Nobena sa Santo Nino ng Tondo.

I PAMAMANATA KAY SAN JOAQUINI HuwebesTuwing Huwebes - alalahanin sa pananalangin si APO AQUINPANALANGIN KAY SAN JOAQUINA...
19/08/2026

I PAMAMANATA KAY SAN JOAQUIN
I Huwebes

Tuwing Huwebes - alalahanin sa pananalangin si APO AQUIN

PANALANGIN KAY SAN JOAQUIN

Ama naming mapagmahal, nagpapasalamat kami sa Iyo. Sa iyong pagkalinga, pinuno Mo ang mga magulang ni Maria ng Iyong kagandahang loob at karilagan sa mga gawaing kabanalan. Sa kanilang piling at pagsasamang matapat, umusbong at namulaklak ang kalinis-linisan nilang anak, ang Mahal na Birheng Ina ng Diyos.

San Joaquin, banal naming tagatangkilik, katangi-tangi ka sa mata ng Diyos. Ang kabutihang loob ng Makapangyarihang Diyos ay nasa iyo. Ang iyong tahanan ay tunay na "bahay dalanginan," pugad ng pananampalataya at paggawa, silid-aralan ng karunungan, kadluan ng kapayapaan at pag-ibig. Mula roon, ang daloy ng biyaya ang umapaw sa buong mundo. ipanalangin mo ang mga ama ng tahanan. upang tularan nila ang diwa ng iyong matibay na pananampalataya, maalab na pagmamahal sa katarungan at pagtitimpi sa sarili nang sumagana ang bunga ng kaligtasan. Nawa ang bawat pamilya ay mamunga ng kabanalan at mapalaganap ang Mabuting Balita ng kaligtasan. AMEN





I PANALANGIN KAY SANTA ANA| PARA SA MGA ANAKI Huwebes(Tuwing Huwebes ipanalangin natin kina Apo Ana at Apo Aquin ang ...
19/08/2026

I PANALANGIN KAY SANTA ANA
| PARA SA MGA ANAK
I Huwebes

(Tuwing Huwebes ipanalangin natin kina Apo Ana at Apo Aquin ang ating mga anak)

SANTA ANA, Iikaw ang pinakamalapit sa dalawang bukod tanging anak, na nabuhay sa balat ng lupa, sina Jesus at Maria. Kapag nakakita ka ng isang bata, bumabalik sa iyong gunita ang mga ala-alang kaaya-aya.

Ang pangunahing pangarap mo noon ay imulat ang iyong anak ayon sa pamantayang halimbawa ni Kristong Sanggol at ng batang Birheng Maria.

Ang mga bata ay laging itinatangi ng Diyos. Ang pagmamahal ni Kristo ay ipinamalas sa kanila at ang sabi niya, “Hayaang ninyong lumapit sa akin ang mga bata. Huwag ninyo silang pagbawalan, sapagka’t sa mga katulad nila naghahari ang Diyos.. Ito ang tandaan ninyo: ang sinumang hindi tumulad sa maliit na bata sa pagtanggap sa paghahari ng Ditos ay hindi mapapabilang sa mga taong pinaghaharian Niya (Lukas 18: 16)

SANTA ANA Ipinagdarasal ko ang aking mga anak. Ang daigdig sa araw ng bukas ay magiging mundong katulad ng kaayusang gagawin ng mga anak sa ngayon. Puspusin nawa nila sa pag-ibig ng Diyos ang kanilang magulang. Turuan mo silang tumahak sa mga yapak ng Nino Jesus, umiibig at sumusunod sa ating Ama at Panginoon, magmahal at dumamay sa kapwa at sa isa’t isa. Turuan mo silang maging kasangkapan ng Diyos sa pagpapairal ng Kanyang pag-ibig at kapayapaan. AMEN




Address

Hagonoy
3002

Telephone

+63447945536

Website

Alerts

Be the first to know and let us send you an email when Apo Ana de Hagonoy posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Apo Ana de Hagonoy:

Shortcuts

Share

Category