Ang Tinig - St. John the Baptist Parish Hagonoy, Bulacan

30/08/2026

Mapagpalang Linggo!

Panginoon, kaawaan mo kami.

29/08/2026

𝙊𝙍𝘼𝙏𝙄𝙊 𝙄𝙈𝙋𝙀𝙍𝘼𝙏𝘼
𝘗𝘢𝘳𝘢 𝘴𝘢 𝘓𝘢𝘣𝘪𝘴 𝘯𝘢 𝘗𝘢𝘨-𝘶𝘭𝘢𝘯

Ama naming makapangyarihan,
Ikaw ang aming kanlungan at lakas.
Sa gitna ng malakas na ulan at habagat,
lingapin Mo ang Iyong bayan.

Patahimikin Mo ang unos,
pahupain ang tubig na umaapaw,
at ilayo sa kapahamakan
ang bawat tahanan at pamayanan.

Tulad ng mga alagad na tumawag sa Iyo sa gitna ng bagyo,
kami rin ay buong tiwalang sumisigaw:
“Panginoon, iligtas Mo kami!” (Mt 8:25)

Ipadama Mo ang Iyong awa sa mga nangangamba,
kalakasan sa mga naglilingkod,
at pag-asa sa mga nasalanta.

Sa Iyong salita, Panginoon,
“Pinatatahimik Mo ang unos, at humuhupa ang mga alon.” (Awit 107:29)

Sa pamamagitan ni Hesukristo kasama ng Espiritu Santo magpasawalang hanggan.
Amen.

𝐍. 𝐏𝐚𝐧𝐠𝐢𝐧𝐨𝐨𝐧 𝐧𝐚𝐦𝐢𝐧𝐠 𝐃𝐢𝐲𝐨𝐬, 𝐢𝐩𝐚𝐤𝐢𝐭𝐚 𝐌𝐨 𝐧𝐚 𝐚𝐧𝐠 𝐩𝐚𝐠-𝐢𝐛𝐢𝐠 𝐌𝐨𝐧𝐠 𝐰𝐚𝐠𝐚𝐬.
𝘉. 𝘒𝘢𝘮𝘪 𝘢𝘺 𝘭𝘪𝘯𝘨𝘢𝘱𝘪𝘯 𝘢𝘵 𝘴𝘢 𝘬𝘢𝘩𝘪𝘳𝘢𝘱𝘢𝘯 𝘢𝘺 𝘐𝘺𝘰𝘯𝘨 𝘪𝘭𝘪𝘨𝘵𝘢𝘴.

𝘚𝘢𝘯 𝘑𝘶𝘢𝘯 𝘉𝘢𝘶𝘵𝘪𝘴𝘵𝘢, 𝘮𝘢𝘩𝘢𝘭 𝘯𝘢𝘮𝘪𝘯𝘨 𝘱𝘢𝘵𝘳𝘰𝘯, 𝘪𝘱𝘢𝘯𝘢𝘭𝘢𝘯𝘨𝘪𝘯 𝘮𝘰 𝘬𝘢𝘮𝘪.
𝘚𝘢𝘯 𝘔𝘪𝘨𝘶𝘦𝘭 𝘈𝘳𝘬𝘢𝘯𝘨𝘩𝘦𝘭, 𝘪𝘱𝘢𝘯𝘢𝘭𝘢𝘯𝘨𝘪𝘯 𝘮𝘰 𝘬𝘢𝘮𝘪.
𝘚𝘢𝘯 𝘓𝘰𝘳𝘦𝘯𝘻𝘰 𝘙𝘶𝘪𝘻, 𝘪𝘱𝘢𝘯𝘢𝘭𝘢𝘯𝘨𝘪𝘯 𝘮𝘰 𝘬𝘢𝘮𝘪.
𝘚𝘢𝘯 𝘗𝘦𝘥𝘳𝘰 𝘊𝘢𝘭𝘶𝘯𝘨𝘴𝘰𝘥, 𝘪𝘱𝘢𝘯𝘢𝘭𝘢𝘯𝘨𝘪𝘯 𝘮𝘰 𝘬𝘢𝘮𝘪.

Sa gitna ng unos, manalig tayo sa awa at pag-ibig ng Diyos. Sama-sama tayong manalangin para sa kaligtasan, kalakasan, at pag-asa ng ating mga pamayanan.

29/08/2026

Ama naming mapagmahal, salamat po sa buong araw na Iyong ipinagkaloob. Patawarin Mo kami sa aming mga pagkukulang at pagkakasala, at pagkalooban Mo kami ng mapayapang puso habang kami ay nagpapahinga.
Sa paggunita namin sa Pagpapakasakit ni San Juan Bautista, tulungan Mo kaming maging matapang, tapat, at matatag sa pananampalataya. Nawa’y manatili kaming sumusunod sa Iyong kalooban sa bawat araw.
San Juan Bautista, ipanalangin mo kami.
Amen.

29/08/2026

Paggunita sa Pagpapakasakit ni San Juan, ang Tagapagbinyag, Martir

29/08/2026

⛪ St. John the Baptist Church sa Hagonoy, Bulacan, Lubog sa Baha

BULACAN — Nalubog sa floodwaters ang St. John the Baptist Church sa San Juan, Hagonoy, Bulacan noong August 22, kasunod ng tuloy-tuloy na malalakas na pag-ulan na dala ng Southwest Monsoon (Habagat).

Dahil sa mabilis na pagtaas ng lebel ng tubig, umabot ang baha sa mismong loob at buong paligid ng makasaysayang simbahan.

🌧️ Habagat, Nagdulot ng Patuloy na Pag-ulan

Naranasan ng malaking bahagi ng Bulacan ang walang humpay na buhos ng ulan nitong nakaraang linggo dahil sa epekto ng Habagat, na nagdulot ng malawakang pagbaha sa ilang komunidad.

Ang bayan ng Hagonoy ay kabilang din sa mga lugar sa lalawigan na naiuugnay sa mga usapin ukol sa umano’y “ghost” flood-control projects—mga proyektong iniulat o binayaran ngunit hindi umano aktwal na naisagawa.

📚 Quick Backstory:

Kilalang flood-prone area ang Hagonoy, Bulacan dahil sa mababang geographical elevation nito at sa kalapitan sa mga pangunahing ilog at baybayin. Bunsod nito, regular na nakararanas ang bayan ng pagbaha tuwing may matagalang buhos ng ulan o high tide. Samantala, ang mga alegasyon hinggil sa mga flood mitigation project sa lugar ay nananatiling bukas sa kaukulang pagsusuri at imbestigasyon ng mga kinauukulang ahensya.

28/08/2026

Ama naming mapagmahal, salamat po sa panibagong araw at sa Iyong mga biyayang patuloy Mong ipinagkakaloob. Sa paggunita namin sa Pagpapakasakit ni San Juan Bautista, turuan Mo kaming maging matatag sa pananampalataya at tapat sa katotohanan, tulad niya.
Bigyan Mo kami ng lakas na manindigan sa kabutihan, tapang sa harap ng mga pagsubok, at pusong laging handang sumunod sa Iyong kalooban. Gabayan Mo kami sa lahat ng aming gagawin ngayong araw at ilayo Mo kami sa anumang masama.
San Juan Bautista, ipanalangin mo kami.
Amen.

28/08/2026

PAGGUNITA SA PASYON NI SAN JUAN BAUTISTA

Ama naming Makapangyarihan, niloob mong si San Juan Bautista ay maging tagapagpauna ng iyong Anak sa kanyang pagsilang at kamatayan. Gawin mong tulad ng kanyang pag-aalay ng buhay para sa katotohanan at katarungan, kami rin ay maging matatag sa pagpapatotoo sa iyong mga aral. Sa pamamagitan ni Hesukristo kasama ng Espiritu Santo magpasawalang hanggan.

PAGGUNITA SA PASYON NI SAN JUAN BAUTISTA

Ama naming Makapangyarihan, niloob mong si San Juan Bautista ay maging tagapagpauna ng iyong Anak sa kanyang pagsilang at kamatayan. Gawin mong tulad ng kanyang pag-aalay ng buhay para sa katotohanan at katarungan, kami rin ay maging matatag sa pagpapatotoo sa iyong mga aral. Sa pamamagitan ni Hesukristo kasama ng Espiritu Santo magpasawalang hanggan.

𝘗𝘩𝘰𝘵𝘰 𝘤𝘰𝘶𝘳𝘵𝘦𝘴𝘺 𝘰𝘧 𝘈𝘯𝘨 𝘛𝘪𝘯𝘪𝘨 𝘚𝘰𝘤𝘪𝘢𝘭 𝘊𝘰𝘮𝘮𝘶𝘯𝘪𝘤𝘢𝘵𝘪𝘰𝘯𝘴

28/08/2026

Ama naming mapagmahal, salamat po sa Iyong paggabay sa amin sa buong araw na ito. Patawarin Mo kami sa aming mga pagkukulang at pagkakamali, at tulungan Mo kaming matuto mula sa mga ito.
Sa halimbawa ni San Agustin, turuan Mo kaming hanapin Ka nang buong puso at manatiling tapat sa Iyong pagmamahal. Bigyan Mo kami ng kapayapaan ng isip at puso habang kami ay nagpapahinga ngayong gabi.
Ingatan Mo kami at ang aming mga mahal sa buhay. Nawa’y magising kami bukas na may panibagong lakas at pusong handang maglingkod sa Iyo.
San Agustin, ipanalangin mo kami. Amen.

Tampok ang imahen ng San Agustin mula sa Ang Batingaw - Saint Augustine Parish Baliwag, Bulacan

28/08/2026

𝐏𝐀𝐁𝐀𝐓𝐈𝐃 𝐌𝐔𝐋𝐀 𝐒𝐀 𝐀𝐓𝐈𝐍𝐆 𝐏𝐀𝐑𝐎𝐊𝐘𝐀

Walang misa sa parokya bukas, Agosto 29, 2026, 6:30 ng gabi. Wala ring misa sa mga bisita sa araw ng linggo, Agosto 30, 2026. Ang mga misa sa araw ng linggo, Agosto 30, 2026 sa ating parokya ay sa ganap na ika-7:30 ng umaga at ika-5:00 ng hapon.

MARAMING SALAMAT PO!