12/04/2026
𝐏𝐀𝐆𝐓𝐀𝐓𝐀𝐋𝐀𝐆𝐀 𝐍𝐆 𝐁𝐔𝐎𝐍𝐆 𝐁𝐀𝐍𝐒𝐀 𝐒𝐀 𝐌𝐀𝐁𝐀𝐓𝐇𝐀𝐋𝐀𝐍𝐆 𝐀𝐖𝐀 𝐍𝐆 𝐃𝐈𝐘𝐎𝐒
(National Consecration to the Divine Mercy)
Ngayong Linggo, ika-12 ng Abril, sama-sama nating iaalay ang ating bansa sa Mabathalang Awa ng Diyos. Sa gitna ng lahat ng pinagdaraanan, bilang mga indibidwal at bilang isang bayan, lumalapit tayo sa Kanya na may buong tiwala, dala ang ating mga kahinaan, pag-asa, at panalangin.
Inaanyayahan ang lahat na makiisa sa panalanging ito na maaaring ipanghalili sa Pangkalahatang Panalangin ng Bayan sa Banal na Misa, sa wikang Ingles at Tagalog.
𝐏𝐀𝐆𝐓𝐀𝐓𝐀𝐋𝐀𝐆𝐀 𝐍𝐆 𝐁𝐔𝐎𝐍𝐆 𝐁𝐀𝐍𝐒𝐀 𝐒𝐀 𝐌𝐀𝐁𝐀𝐓𝐇𝐀𝐋𝐀𝐍𝐆 𝐀𝐖𝐀 𝐍𝐆 𝐃𝐈𝐘𝐎𝐒
(Dasalin sa lahat ng Misa tuwing Ikalawang Linggo ng Pasko ng Muling Pagkabuhay, bilang kapalit ng Pangkalahatang Panalangin ng Bayan)
Kabanal-banalang Maawaing Hesus,
Ikaw ang Mukha ng Awa ng Ama.
Mula sa Awa ay tinawag Mo kami
na maging maawain tulad ng Ama,
misyong ipinagkatiwala Mo sa amin.
Sa ganap na pagtitiwala
sa Iyong walang hanggang karagatan ng pag-ibig,
itinatalaga namin ang aming sarili sa Iyo
at inilalagak ang aming sarili
sa ilalim ng pag-iingat ng Iyong maawaing pagkalinga.
Ipinagkakaisa namin ang aming sarili
sa Iyong ganap na pag-aalay,
kasama ng Espiritu Santo, patungo sa Ama,
upang kami ay ganap na mapanibago sa Iyong Awa.
Maawa Ka sa amin
sa digmaan ng mga bansa
at sa mga pananakot na gumugulo sa bawat isa sa amin.
Maawa Ka sa amin
sa malawakang pagkakasala laban sa katotohanan
at sa mga karumal-dumal na kasalanan
laban sa katarungan at pagkakapatiran ng sangkatauhan.
Maawa Ka sa amin
sa mga kalapastanganang ginawa laban sa Iyong
Mabathalang Awa
at sa kasuklam-suklam na panlilibak sa mahihina at mahihirap.
Maawa Ka sa amin
sa mga pang-aabuso sa dangal ng tao,
mga kasalanan laban sa buhay, pag-ibig, at pamilya.
Tulungan Mo kami, O Panginoon,
na maipamalas namin ang Iyong Awa sa aming kapwa.
Ingatan Mo kami bilang Iyo,
nang sa oras ng pagsubok ay ‘di kami mawalan ng pag-asa,
kundi may lubos na pagtitiwala
ay magpasakop kami sa Iyong Banal na Kalooban.
Gawin Mo kaming kasangkapan ng kaaliwan sa iba,
lalo na sa mga nawalan na ng pag-asa
at hindi na nagtitiwala sa Iyong Awa.
Nawa’y makilala ng lahat ng tao
ang Iyong hindi masukat na Awa,
magtiwala sa Iyong Awa, at luwalhatiin ang Iyong Awa
magpasawalang hanggan.
Jesus, Hari ng Awa,
kami’y nananalig sa Iyo.
Kami’y Iyo nang lubos.
Amen.
𝐍𝐀𝐓𝐈𝐎𝐍𝐀𝐋 𝐂𝐎𝐍𝐒𝐄𝐂𝐑𝐀𝐓𝐈𝐎𝐍 𝐓𝐎 𝐓𝐇𝐄 𝐃𝐈𝐕𝐈𝐍𝐄 𝐌𝐄𝐑𝐂𝐘
(To be prayed in all Masses on the Second Sunday of Easter, in place of the General Intercessions)
Most Merciful Jesus,
You are the Face of the Father’s Mercy.
Out of mercy you have called us
to be merciful like the Father,
the mission you have entrusted to us.
With complete trust and confidence
in your boundless ocean of love,
we consecrate ourselves entirely to you
and place ourselves
under the protection of your merciful care.
We unite ourselves to your perfect offering,
with the Holy Spirit, to the Father,
that we may be completely transformed into Your Mercy.
Have mercy on us
for the wars among nations
and terrors with which we harass one another.
Have mercy on us
for the widespread sins against truth
and gruesome sins
against justice and human brotherhood.
Have mercy on us
for the blasphemies to which Your Divine Mercy is subjected
and the abominable mockery of the weak and the poor.
Have mercy on us
for the abuses against human dignity,
sins against life, love, and family.
Help us, O Lord,
that we may reflect Your Mercy to those around us.
Guard us as your possession,
that in difficult moments we may not despair,
but with great confidence
submit ourselves to your holy will.
Make us instruments of consolation to others
who have lost hope and do not trust in Your Mercy.
May all people come to know Your unfathomable mercy,
trust in your mercy, and glorify Your Mercy forever and ever.
Jesus, King of Mercy,
we trust in You.
We are all yours.
Amen.
Sa simpleng pananalig at bukas na puso, sabay-sabay nating sabihin:
Jesus, Hari ng Awa, kami ay nananalig sa Iyo.
