Mahal na Birhen ng Lourdes - Sub-Parish Pastoral Council

21/05/2026

𝓕𝓛𝓞𝓡𝓔𝓢 𝓓𝓔 𝓜𝓐𝓡𝓘𝓐
🌹Halina't mag-alay ng bulaclac kay Inay Maria🌹

PANALANGIN:
O Maria, Reyna ng Kabutihan, ikaw ay puno ng banal na biyaya. Tulad ng sinasabi sa Biblia, ang mabuting puno ay nagbubunga ng mabuti. Turuan mo kaming gumawa ng kabutihan araw-araw. Alisin mo ang kasamaan sa aming puso. Nawa’y maging kalugod-lugod kami sa Diyos.

Ipanalangin mo kami, O Birheng Maria
Reyna ng mga Bulaklak!

17/05/2026

LIVE: REQUIEM MASS | 2:00 PM | Mayo 17, 2026
Requiem Mass +Mercedita S. Sumera

15/05/2026

Ang Ina at Reyna ng Abulalas sa Barrio ng San Isidro II

Buong galak at pananampalatayang nakiisa ang Ina at Reyna ng Abulalas sa banal at makabuluhang pagdiriwang ng Kapistahan ni San Isidro Labrador, patron ng Barrio San Isidro II, Bayan ng Paombong. Nawa’y patuloy na maging gabay ang ating patron sa pagkakaisa, kasipagan, at masaganang pamumuhay ng bawat pamilya at mamamayan.🙏✨

San Isidro Labrador, Ipanalangin mo po kami.

10/05/2026

Sa edad na 70, ang ating kapatid na lingkod na si Mercedita “Mercy” S. Sumera,ay muli ng bumalik sa tahanan ng Ama ngayong ika-10 ng Mayo.

Taus puso at mapanalanging pakikiramay po ang ipinaaabot ng Bisita ng Mahal na Birhen ng Lourdes, sa pangunguna ng ating SPPC Head at ng Sangguniang Pastoral.

Paalam sa iyo kapatid na pumanaw. Baunin mo ang aming mga panalangin na nawa ikaw ay silayan ng Ilaw na walang hanggan...yakapin ka ng ating Mahal na Birhen ng Lourdes sa iyong pagsapit sa buhay na walang hanggan. Amen.
• •
Mahal na Birhen ng Lourdes,
IPANALANGIN MO PO SIYA.

09/05/2026

Happy Mother’s Day Mama Mary!

23/04/2026

𝐒𝐈𝐌𝐁𝐀-𝐀𝐑𝐀𝐋𝐀𝐍 𝟐𝟎𝟐𝟔:
𝐏𝐚𝐠𝐥𝐚𝐥𝐚𝐤𝐛𝐚𝐲 𝐧𝐠 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚 𝐩𝐚𝐫𝐚 𝐬𝐚 𝐊𝐚𝐛𝐚𝐭𝐚𝐚𝐧

Sa patuloy na misyon ng Diyosesis ng Malolos na hubugin ang murang puso’t isipan sa liwanag ng Salita ng Diyos, isasagawa ngayong taon ang 𝐒𝐈𝐌𝐁𝐀-𝐀𝐑𝐀𝐋𝐀𝐍—isang 𝐒𝐮𝐦𝐦𝐞𝐫 𝐂𝐚𝐭𝐞𝐜𝐡𝐞𝐭𝐢𝐜𝐚𝐥 𝐏𝐫𝐨𝐠𝐫𝐚𝐦 na naglalayong palalimin ang pananampalataya ng ating mga kabataan sa pamamagitan ng makabuluhan at masayang pagkatuto.

Inaanyayahan ang mga bata na makiisa sa buwang paglalakbay mula 𝐌𝐀𝐘𝐎 𝟎𝟒 - 𝟑𝟏, 𝟐𝟎𝟐𝟔, tuwing 𝟏:𝟎𝟎 𝐏𝐌 - 𝟓:𝟎𝟎𝐏𝐌, sa 𝐬𝐚 𝐦𝐠𝐚 𝐁𝐢𝐬𝐢𝐭𝐚 𝐨 𝐂𝐡𝐚𝐩𝐞𝐥𝐬 𝐧𝐚 𝐬𝐚𝐤𝐨𝐩 𝐧𝐠 𝐚𝐭𝐢𝐧𝐠 𝐏𝐚𝐫𝐨𝐤𝐲𝐚 (𝐒𝐚𝐧 𝐏𝐚𝐛𝐥𝐨, 𝐒𝐚𝐧 𝐏𝐞𝐝𝐫𝐨, 𝐀𝐛𝐮𝐥𝐚𝐥𝐚𝐬, 𝐒𝐢𝐭𝐢𝐨 𝐁𝐮𝐠𝐚, 𝐒𝐢𝐭𝐢𝐨 𝐁𝐮𝐛𝐨𝐠, 𝐒𝐢𝐭𝐢𝐨 𝐒𝐚𝐧 𝐑𝐚𝐟𝐚𝐞𝐥 𝐚𝐭 𝐒𝐢𝐭𝐢𝐨 𝐁𝐚𝐧𝐠𝐮𝐧𝐠𝐨𝐧) kung saan ang bawat araw ay magiging pagkakataon ng pagtuklas, pagninilay, at paghubog ng buhay pananampalataya:

✨ 𝐏𝐫𝐞-𝐂𝐨𝐦𝐦𝐮𝐧𝐢𝐜𝐚𝐧𝐭𝐬 (𝟕–𝟖 𝐭𝐚𝐨𝐧𝐠 𝐠𝐮𝐥𝐚𝐧𝐠)
✨ 𝐏𝐨𝐬𝐭-𝐂𝐨𝐦𝐦𝐮𝐧𝐢𝐜𝐚𝐧𝐭𝐬 (𝟗–𝟏𝟐 𝐭𝐚𝐨𝐧𝐠 𝐠𝐮𝐥𝐚𝐧𝐠)

Sa pamamagitan ng kuwento, awit, talakayan, at malikhaing gawain, ang pananampalataya ay hindi lamang natututuhan kundi isinasabuhay—nagiging tanglaw sa araw-araw at lakas sa pagharap sa mga hamon ng kabataan.

📌 𝐏𝐚𝐫𝐚 𝐬𝐚 𝐦𝐠𝐚 𝐊𝐀𝐁𝐀𝐓𝐀𝐀𝐍𝐆 𝐧𝐚𝐠𝐧𝐚𝐧𝐚𝐢𝐬 𝐦𝐚𝐤𝐢𝐛𝐚𝐡𝐚𝐠𝐢 𝐬𝐚 𝐒𝐢𝐦𝐛𝐚-𝐀𝐫𝐚𝐥𝐚𝐧, 𝐦𝐚𝐚𝐚𝐫𝐢𝐧𝐠 𝐦𝐚𝐤𝐢𝐩𝐚𝐠-𝐮𝐠𝐧𝐚𝐲𝐚𝐧 𝐬𝐚 𝐢𝐧𝐲𝐨𝐧𝐠 𝐦𝐠𝐚 𝐒𝐢𝐦𝐛𝐚-𝐀𝐫𝐚𝐥𝐚𝐧 𝐏𝐚𝐫𝐢𝐬𝐡 𝐂𝐨𝐨𝐫𝐝𝐢𝐧𝐚𝐭𝐨𝐫𝐬, 𝐒𝐏𝐏𝐂 𝐌𝐞𝐦𝐛𝐞𝐫𝐬 𝐨 𝐡𝐢𝐧𝐝𝐢 𝐤𝐚𝐲𝐚 𝐚𝐲 𝐦𝐚𝐠-𝐢𝐰𝐚𝐧 𝐧𝐠 𝐦𝐞𝐧𝐬𝐚𝐡𝐞 𝐬𝐚 𝐚𝐭𝐢𝐧𝐠 𝐅𝐚𝐜𝐞𝐛𝐨𝐨𝐤 𝐩𝐚𝐠𝐞, Baclaran ng Bulacan - Parokya ng Ina ng Laging Saklolo ng Hagonoy

Halina’t sama-samang maglakbay sa pananampalataya ngayong tag-init!

05/04/2026

30/03/2026

𝐁𝐔𝐇𝐀𝐘 𝐍𝐀 𝐃𝐀𝐀𝐍𝐆 𝐊𝐑𝐔𝐒 𝟐𝟎𝟐𝟔

Ang "𝙆𝙖𝙡𝙗𝙖𝙧𝙮𝙤" ng Kahoy na Krus ay sumisimbolo sa paglalakbay ng paghihirap, pag-ibig, at pagtubos ni Hesus para sa sangkatauhan. Sa paraan ng istasyon ng krus na ito, ipapakita ang mga mahahalagang yugto ng Kanyang pagdurusa—mula sa pagkakahatol, pagbubuhat ng krus, pagbagsak, pagtulong ng kapwa, hanggang sa Kanyang kamatayan sa krus.

Inihahandog ng Pamparokyang Komisyon ng Kabataan at Ministeryo ng mga Tagapaglingkod ng Dambana ng Ina ng Laging Saklolo ang Buhay na Daan ng Krus na pinamagatang “𝗞𝗔𝗟𝗕𝗔𝗥𝗬𝗢.” Sa krus nasilayan ang sukdulang pag-ibig—isang pag-ibig na handang mag-alay ng lahat para sa sangkatauhan.

Halina at makiisa sa isang mataimtim na pagninilay ngayong ika-7 ng gabi sa Patio ng Parokya ng Ina ng Laging Saklolo—isang gabi ng tahimik at makabuluhang paglalakbay ng pananampalataya.

28/03/2026

𝐋𝐈𝐍𝐆𝐆𝐎 𝐍𝐆 𝐏𝐀𝐋𝐀𝐒𝐏𝐀𝐒 | 𝐌𝐚𝐫𝐬𝐨 𝟐𝟗, 𝟐𝟎𝟐𝟔
𝐬𝐚 𝐩𝐚𝐠𝐩𝐚𝐩𝐚𝐤𝐚𝐬𝐚𝐤𝐢𝐭 𝐧𝐠 𝐏𝐚𝐧𝐠𝐢𝐧𝐨𝐨𝐧

Mga kapatid kay Kristo, makiisa tayo sa pagbubukas ng Semana Santa 2026. Halina’t iwagayway ang ating mga palaspas bilang pagpupugay sa muling pagpasok ng ating Panginoong Hesus sa Jerusalem.

Narito ang ating iskedyul para sa Marso 29, 2026:

📍 Pagtitipon at Prusisyon
3:30 AM – Pagtitipon sa Bisita ng Mahal na Birhen ng Abulalas.

4:00 AM – Pagsisimula ng Pagbabasbas ng Palaspas at Prusisyon.

Ruta: Magsisimula sa Bisita ng Mahal na Birhen ng Lourdes, Abulalas patungo sa Simbahan ng Ina ng Laging Saklolo.

⛪ Oras ng mga Banal na Misa
Kung hindi makakaabot sa madaling-araw, maaari ring dumalo sa mga sumusunod na oras:

6:00 AM
9:00 AM
6:00 PM

Samantalahin natin ang pagkakataong ito para sa pagninilay at pananalangin bilang isang pamayanan. Kita-kits po tayo, mga ka-Baclaran ng Bulacan!