Camareros de Gumaca

29/04/2026

👑 PAGDALAW NG MAHAL NA BIRHEN NG ANTIPOLO 👑

Nuestra Señora de la Paz y Buen Viaje

Isang biyaya ang muling darating sa ating bayan! Inaanyayahan po ang lahat na makiisa sa makabuluhang pagdalaw ng Imahen ng Mahal na Birhen ng Antipolo mula Mayo 4 hanggang Mayo 6, 2026.

Sa Kanyang pagdating, dalhin natin ang ating mga panalangin, pasasalamat, at mga kahilingan sa ating Mahal na Ina, nawa’y patuloy Niya tayong akayin patungo sa Kanyang Anak na si Hesus. Ito ay isang natatanging pagkakataon upang patatagin ang ating debosyon at maranasan ang biyaya ng Kanyang presensya bilang isang sambayanang mananampalataya.

📍 San Diego de Alcala Cathedral, Gumaca

🗓 MAY 4, 2026 (Lunes)10:30 n.u. – Pagdating at Pagsalubong
10:45 n.u. – Welcome Mass
2:00 n.h. – Marian Conference
3:00 n.h. – Veneration of the Image
4:00 n.h. – Serenata/Harana kay Maria
5:00 n.h. – Banal na Misa
• Susundan ng Solemn Procession

🗓 MAY 5, 2026 (Martes)
6:00 n.u. – Banal na Misa
7:30 n.u. – Pag-alis patungong Abuyon, San Narciso
7:00 n.g. – Pagbabalik ng Imahen sa Katedral

🗓 MAY 6, 2026 (Miyerkules)
6:00 n.u. – Banal na Misa
8:00 n.u. – Farewell Mass

Halina’t sama-sama nating salubungin ang ating Mahal na Ina at ipagdiwang ang biyaya ng Kanyang pagdalaw, isang paanyaya sa mas malalim na pananampalataya, pag-asa, at kapayapaan.

24/04/2026

𝗣𝗮𝗴𝗴𝘂𝗻𝗶𝘁𝗮 𝗸𝗮𝘆 𝗦𝗮𝗻𝘁𝗮 𝗠𝗮𝗿𝗶𝗮 𝗝𝗮𝗰𝗼𝗯𝗲
𝐈𝐤𝐚-𝟐𝟒 𝐧𝐠 𝐀𝐛𝐫𝐢𝐥

Si Sta. Maria Jacobe ay kilala din bilang si Santa Maria Cleofe na asawa ni San Cleofas na kapatid ni San Jose na ama ng ating Panginoon Hesukristo.
Si Maria Jacobe ay ina ni Apostol Santiago at Apostol Judas Tadeos. Ayon sa kasulatan si Maria Jacobe ay kasama ng Mahal na Birhen Maria na siya naman kanyang kapatid na nasa paanan ng ating Mahal na Panginoon Hesukristo noon ito ay nakapako sa krus. Isa si Maria Jacobe sa Tatlong Maria na nakasaksi sa muling pagkabuhay ng ating Panginoon.
Si Santa Maria Jacobe kasama si Maria Magdalena at Maria Salome ay patungo sa puntod ng ating panginoon para linisan ang bangkay at libingan niya. Ngunit sila ay nabigla ng makita nilang bukas ang libingan ni Hesus, Sa gitna ng kanilang kalungkutan sa pagaakalang ninakaw ang katawan ni Hesus may dumating na anghel dala ang mabuting balitang buhay si Hesus. At dali-dali silang pumunta sa mga apostol para ihayag ang balita.
Ang Kapiyestahan ni Santa Maria Jacobe ay ipinagdiriwang tuwing ika 24 ng abril. Ang imahen ay isinasama sa prusisyon tuwing Biyernes Santo
Ang imahe ni Santa Maria Jacobe ay naglalarawan na may dalang walis simbulo ng layunin nito na linisin ang libingan ng Panginoon Hesukristo.

Camarero: Oliveros at Basco Family

17/04/2026

Parokya bg Katedral ni San Diego de Alcala, Gumaca, Quezon

NGAYONG GABI✨: Ang Pailaw sa Facade at Bell Tower ng Makasaysayang Simbahan ng Gumaca o Katedral ni San Diego de Alcala. photoby Gelo Tapan

13/04/2026

✝️ 𝐕𝐈𝐒𝐈𝐓 𝐎𝐅 𝐓𝐇𝐄 𝐉𝐔𝐁𝐈𝐋𝐄𝐄 𝐑𝐄𝐋𝐈𝐂 ✝️

St. John of the Cross sa Diyosesis ng Gumaca

Isang pambihirang biyaya ang darating sa ating Diyosesis ng Gumaca! 🙏

Sa darating na Huwebes, atin pong sasalubungin ang pagbisita ng Jubilee Relic ni San Juan de la Cruz—isa sa mga dakilang santo sa kasaysayan ng Simbahan at isang Carmelitong monghe na kilala sa kanyang malalim na pananalig at buhay panalangin.

Mula April 16 hanggang April 19, 2026, mananatili ang banal na relikya sa ating Diyosesis at iikot sa iba’t ibang simbahan, kabilang ang San Diego de Alcala Cathedral sa Gumaca, Carmel of Our Lady Monastery sa Villa Padua, Immaculate Conception Parish sa Catanauan, at Our Lady of Mt. Carmel Parish sa Alabat.

Inaanyayahan ang lahat ng mga deboto at mananampalataya na makiisa sa mga pagdiriwang at gawain—isang natatanging pagkakataon upang dumulog, manalangin, at humingi ng gabay sa pamamagitan ng mapaghimalang relikya ni San Juan de la Cruz.

Halina’t sama-sama nating damhin ang biyaya ng Kanyang pagdalaw at patatagin ang ating pananampalataya.
Manatiling nakasubaybay para sa opisyal na talatakdaan ng mga gawain.

13/04/2026

👑 𝐕𝐈𝐒𝐈𝐓𝐀𝐓𝐈𝐎𝐍 𝐎𝐅 𝐓𝐇𝐄 𝐏𝐈𝐋𝐆𝐑𝐈𝐌 𝐈𝐌𝐀𝐆𝐄 👑
Nuestra Señora de la Paz y Buen Viaje (Birhen ng Antipolo)

Isang biyaya at karangalang darating sa ating Diyosesis ng Gumaca! 🙏

Buong galak nating sasalubungin ang pagbisita ng Pilgrim Image ng Nuestra Señora de la Paz y Buen Viaje (Birhen ng Antipolo)—ang ating Mahal na Ina na kinikilala bilang Reyna at Pintakasi ng Antipolo, na magbibigay pagpapala sa mga piling parokya sa ating lalawigan.

📅 May 4 at 6, 2026
📍 San Diego de Alcala Cathedral – Gumaca, Quezon

📅 May 5, 2026
📍 Our Lady of Peace and Good Voyage Parish – Abuyon, San Narciso, Quezon

Sa Kanyang pagdating, tayo ay inaanyayahang magtipon bilang isang sambayanang mananampalataya—upang manalangin, magpasalamat, at humingi ng patnubay sa ating paglalakbay sa buhay.

Halina’t ihanda ang ating mga puso at sama-sama nating salubungin ang ating Mahal na Ina, dala ang pag-asa, kapayapaan, at ligtas na paglalakbay para sa bawat isa.

Manatiling nakasubaybay para sa mas detalyadong talaan ng mga gawain kaugnay ng Kanyang pagbisita.

𝐕𝐈𝐒𝐈𝐓𝐀𝐓𝐈𝐎𝐍 𝐎𝐅 𝐓𝐇𝐄 𝐏𝐈𝐋𝐆𝐑𝐈𝐌 𝐈𝐌𝐀𝐆𝐄 𝐎𝐅 𝐍𝐔𝐄𝐒𝐓𝐑𝐀 𝐒𝐄Ñ𝐎𝐑𝐀 𝐃𝐄 𝐋𝐀 𝐏𝐀𝐙 𝐘 𝐁𝐔𝐄𝐍 𝐕𝐈𝐀𝐉𝐄 (𝐁𝐈𝐑𝐇𝐄𝐍 𝐀𝐍𝐓𝐈𝐏𝐎𝐋𝐎) 𝐓𝐎 𝐓𝐇𝐄 𝐃𝐈𝐎𝐂𝐄𝐒𝐄 𝐎𝐅 𝐆𝐔𝐌𝐀𝐂𝐀

Matuwa at maghanda Diyosesis ng Gumaca sapagkat ang iginagalang na Reyna at Pintakasi ng Antipolo ay bibisita sa atin sa mga piling parokya.

May 4, 2026/ May 6, 2026
- San Diego de Alcala Cathedral - Gumaca, Quezon
May 5, 2026
- Our Lady of Peace and Good Voyage Parish - Abuyon, San Narciso, Quezon

Manatiling nakasubaybay sa mas detalyadong
talaan ng gawain kaugnay ng pagbisita ng Birhen ng Antipolo sa ating Diyosesis.

12/04/2026

Simple Celebration for the Feast of Divine Mercy

No sin is greater than His mercy.
Come back. Trust again.

Jesus, I trust in You.

✨ AMEN

12/04/2026

HOLY HOUR FOR PEACE

11/04/2026

PAGTALAGA NG BUONG BANSA SA MABATHALANG AWA

Kabanal-banalang Maawaing Hesus,
Ikaw ang Mukha ng Awa ng Ama.
Mula sa Awa ay tinawag Mo kami.
Na maging maawain tulad ng Ama
ang misyong ipinagkatiwala Mo sa amin.

Sa ganap na pagtitiwala at
pananalig sa Iyong walang hanggang karagatan ng pag-ibig,
itinatalaga namin ang aming sarili sa Iyo
at inilalagak ang aming sarili
sa ilalim ng pag-iingat ng Iyong maawaing pagkalinga.
Ipinagkakaisa namin ang aming sarili
sa Iyong ganap na pag-aalay,
kaisa ng Espiritu Santo, patungo sa Ama,
upang kami ay ganap na mapanibago sa Iyong Awa.

Maawa Ka sa amin
dahil sa digmaan ng mga bansa
at sa mga pananakot na gumugulo sa bawat isa sa amin.
Maawa Ka sa amin
sa malawakang pagkakasala laban sa katotohanan
at sa mga karumal-dumal na kasalanan
laban sa katarungan at pagkakapatiran ng sangkatauhan.
Maawa Ka sa amin
sa mga kalapastanganang ginawa laban sa Iyong
Mabathalang Awa
at sa kasuklam-suklam na panlilibak sa mahihina at mahihirap.
Maawa Ka sa amin
sa mga pang-aabuso sa dangal ng tao,
mga kasalanan laban sa buhay, pag-ibig, at pamilya.

Tulungan Mo kami, O Panginoon,
na maipamalas namin ang Iyong Awa sa aming kapwa.
Ingatan Mo kami bilang Iyo,
nang sa oras ng pagsubok ay ‘di kami mawalan ng pag-asa,
kundi may lubos na pagtitiwala
ay magpasakop kami sa Iyong Banal na Kalooban.

Gawin Mo kaming kasangkapan ng kaaliwan sa iba,
lalo na sa mga nawalan na ng pag-asa
at hindi na nagtitiwala sa Iyong Awa.
Nawa’y makilala ng lahat ng tao
ang Iyong hindi masukat na Awa,
magtiwala sa Iyong Awa, at luwalhatiin ang Iyong Awa
magpasawalang hanggan.

Hesus, Hari ng Awa,
kami’y nananalig sa Iyo.
Kami’y Iyo nang lubos.
Amen.

06/04/2026

✝️ BIYERNES SANTO: PAGLILIBING NG ATING PANGINOON ✝️
Isang Tahimik na Paggunita ng Pananampalataya

Bagama’t huli na ang aming pagbabahagi, taos-puso pa rin ang aming pasasalamat sa lahat ng nakiisa sa ginanap na prusisyon ng Paglilibing kay Hesus nitong nakaraang Biyernes Santo—isang banal at makabagbag-damdaming paggunita sa Kanyang sakripisyo at wagas na pag-ibig para sa sangkatauhan.

Ang Biyernes Santo ay araw ng katahimikan at malalim na pagninilay. Sa prusisyong ito, muli nating sinundan ang huling yugto ng Kanyang paglalakbay—mula sa Kanyang paghihirap hanggang sa Kanyang paglilibing—isang sandali ng dalamhati na nagbibigay-daan sa pag-asa ng muling pagkabuhay.

Tampok sa prusisyon ang 27 na banal na imahen, na nakalulan sa naglalakihan at naggagandahang karosa mula sa iba’t ibang pamilya sa ating bayan. Bawat isa ay may dalang kwento ng sakripisyo at debosyon—mga larawang patuloy na nagbibigay-buhay sa ating tradisyon at pananampalataya.

Sa liwanag ng mga kandila at katahimikan ng gabi, dama ang pagkakaisa ng bawat debotong nakiisa—isang kolektibong panalangin ng bayan na puno ng pananalig at pag-asa.

Maraming salamat sa mga camareros, sa mga pamilyang nag-alaga ng mga imahen, at sa lahat ng nakiisa sa banal na gawaing ito. Nawa’y ang ating paggunita ay magsilbing paanyaya na patuloy nating isabuhay ang Kanyang pag-ibig at sakripisyo sa ating araw-araw na pamumuhay.

04/04/2026

SALUBONG 2026

04/04/2026

𝗔𝗯𝗿𝗶𝗹 𝟬𝟰,𝟮𝟬𝟮𝟲|𝗦𝗮𝗯𝗮𝗱𝗼 𝗦𝗮𝗻𝘁𝗼
- 𝐁𝐢𝐡𝐢𝐥𝐲𝐚 𝐧𝐠 𝐏𝐚𝐬𝐤𝐨: 𝐌𝐚𝐠𝐝𝐚𝐦𝐚𝐠𝐚𝐧𝐠 𝐏𝐚𝐠𝐝𝐢𝐫𝐢𝐰𝐚𝐧𝐠 𝐏𝐚𝐬𝐤𝐨 𝐧𝐠 𝐏𝐚𝐠𝐤𝐚𝐛𝐮𝐡𝐚𝐲