14/07/2025
Repost!
Atong tubagon ning bakak sa "pari" sa parokya sa Guindulman. Iyang gibiaybiay ang Traditional Latin Mass kay kono matud sa iyang bakak ang mga tawo kaniadto wala konoy labot sa Misa. Ang pari ra konoy apil sa kalawat (nga gitawag niyag hab-hab) ug walay labot sa hab-hab ang mga nanimba. Dis-a kaha nga seminario ning paria nagtoon? Mao nay inyong nakat-unan anang inyong ipangandak nga 10 yrs nagtoon ang pagbugalbugal sa dul-an dosmil ka tuig na nga paagi sa pagsimba?
Dayag naman kaayo iyang bakak ug dayag iyang ka-ignorante.
Tiaw mo na, sa Misa kono nga karaan ang mga nanimba wala konoy apil sa mga pagtubag, labi na sa pag-ingon sa pari: "ang Ginoo ma-anaa kaninyo", ang tubag kono sa pari kay "ma-anaa sab kanako". Pagyaga-yaga kana sa orihinal nga Misa nga nakapasantos sa daghang mga Katoliko.
Pastilan, pagtoon pud tawon uy, ayaw pagpagarpar sa imong mga bakak. Makayodyod ka sa mga tawo nga ma-impierno tungod sa imong mga bakak ug pagtamay sa Karaang Misa. Naglambid lang nang imong wa-it sa pagpamakak ug pagbugalbugal. Ayaw lansisi ang mga nanimba. Ayaw sila idamay sa imong kaignoy. Nadugay nalang mig tambong sa Misa nga karaan nakakalawat tawon mi ug nakaapil sa pagtubag sa mga tubagonon.
Matud pa niya, "sukad nahuman ang Second Vatican Council sa tuig 1965 wala nay kalainan ang mga pari ug mga tawo." Mao diay na dre nga kamong mga pari dili na magsutana? Maalaan na gani mog sir, nong, bay o brad tungod kay dili na mo mailhang mga pari. Makauyab na gud ng uban. Mao diay siguro nay rason nganong matud sa imong nasundan nga pari sa parokya, ang pari dili celebrant sa Misa, kay presider ra kono, ang mga tawo kono ang celebrant. Unswaaa??? Pastilan dolor naunsa naman tawon ning kaparian sa novus ordo church dukot pas taay ang pagkasimang! Mao ba ng mga paria ang saligan ninyo ug pabunyagon sa inyong mga anak? Lagmit matakdan mos pagkasimang niana.
