21/03/2026
๐๐๐๐๐๐๐๐๐ ๐๐๐๐๐๐ ๐๐ ๐๐๐๐๐๐๐๐๐ (๐๐๐ฌ๐ฌ๐ข๐จ๐ง๐ญ๐ข๐๐ ๐๐ฎ๐ง๐๐๐ฒ)
Marso 22, 2026
๐จ๐๐ ๐ด๐๐๐๐๐๐๐ ๐ฉ๐๐๐๐๐ ๐๐ ๐ท๐๐๐๐๐๐๐๐ ๐๐๐๐ ๐๐๐ ๐บ๐๐ ๐ฑ๐๐๐ (Juan 11, 3-7. 17. 20-27. 33b-45)
Noong panahong iyon, nagpasabi kay Hesus ang mga kapatid na babae ni Lazaro, โPanginoon, ang kaibigan mong minamahal ay may sakit.โ Ngunit nang marinig ito ni Hesus ay sinabi niya, โHindi magwawakas sa kamatayan ang sakit na ito. Nangyari ito upang maparangalan ang Diyos at sa pamamagitan nitoโy maparangalan ang Anak ng Diyos.โ
Mahal ni Hesus ang magkakapatid na Marta, Maria at Lazaro. Gayunmaโy pinaraan pa niya ang dalawang araw matapos mabalitaang may sakit si Lazaro bago sinabi sa kanyang mga alagad, โMagbalik tayo sa Judea.โ Pagdating ni Hesus, nalaman niyang apat na araw nang nakalibing si Lazaro. Nang marinig ni Marta na dumarating si Hesus, sinalubong niya ito; ngunit si Mariaโy naiwan sa bahay. Sinabi ni Marta, โPanginoon, kung kayo poโy narito, hindi sana namatay ang aking kapatid. Ngunit nalalaman kong kahit ngayoโy ibibigay sa inyo ng Diyos ang anumang hingin ninyo sa kanya.โ โMuling mabubuhay ang iyong kapatid,โ wika ni Hesus. Sumagot si Marta, โNalalaman ko pong siyaโy mabubuhay uli sa huling araw, sa muling pagkabuhay.โ Sinabi naman ni Hesus, โAko ang muling pagkabuhay at ang buhay. Ang nananalig sa akin, kahit mamatay ay muling mabubuhay, at sinumang nabubuhay at nananalig sa akin, ay hindi mamamatay kailanman. Pinaniniwalaan mo ba ito?โ โOpo, Panginoon!โ sagot niya. โNananalig ako sa inyo. Kayo po ang Anak ng Diyos, ang Mesiyas na inaasahang paparito sa sanlibutan.โ
Si Hesus ay napahimutok. โSaan ninyo siya inilibing?โ tanong niya. Sumagot sila, โPanginoon, halikayo at tingnan ninyo.โ Tumangis si Hesus; kayaโt sinabi ng mga Judio, โTalagang mahal na mahal niya si Lazaro!โ Ngunit sinabi ng ilan, โNakapagpadilat ng bulag ang taong ito. Bakit hindi niya nahadlangan ang pagkamatay ni Lazaro?โ
Muling napahimutok si Hesus pagdating sa libingan. Itoโy yungib na natatakpan ng isang bato โAlisin ninyo ang bato,โ sabi ni Hesus. Sumagot si Marta, โPanginoon, nangangamoy na po siya ngayon; apat na araw na siyang patay. Sinabi ni Hesus, โHindi ba sinabi ko sa inyo na kung mananalig ka sa akin ay makikita mo kung gaano kadakila ang Diyos?โ At inalis nila ang bato. Tumingala si Hesus at ang wika, โAma, nagpapasalamat ako sa iyo, sapagkat dininig mo ako. Alam kong lagi mo akong dinirinig. Ngunit sinabi ko ito dahil sa mga taong nasa paligid ko, upang maniwala silang ikaw ang nagsugo sa akin.โ Pagkasabi nito, sumigaw siya, โLazaro, lumabas ka!โ Lumabas nga si Lazaro; napupuluputan ng kayong panlibing ang kanyang mga kamay at paa, at nababalot ng panyo ang kanyang mukha. Sinabi ni Hesus sa kanila, โKalagan ninyo siya, at nang makalaya.โ
Marami sa mga Judiong dumalaw kay Maria ang nakakita sa ginawa ni Hesus at nanalig sa kanya.
Ang Mabuting Balita ng Panginoon.
