Ministry of Altar Servers- Quasi Parish of St. John Mary Vianney

25/08/2026

Pagninilay sa Ikadalawampu't isang Linggo sa Karaniwang Panahon mula sa ating minamahal na Padre Eugene.

"𝐊𝐚𝐩𝐚𝐠 𝐧𝐚𝐠𝐝𝐚𝐝𝐚𝐬𝐚𝐥 𝐭𝐚𝐲𝐨, 𝐥𝐚𝐠𝐢 𝐧𝐚𝐭𝐢𝐧𝐠 𝐬𝐚𝐛𝐢𝐡𝐢𝐧 𝐧𝐚: '𝐋𝐨𝐫𝐝, 𝐈 𝐧𝐞𝐞𝐝 𝐲𝐨𝐮.' 𝐊𝐚𝐬𝐢 𝐡𝐢𝐧𝐝𝐢 𝐧𝐚𝐦𝐚𝐧 𝐧𝐚𝐭𝐢𝐧 𝐤𝐚𝐲𝐚𝐧𝐠 𝐦𝐚𝐛𝐮𝐡𝐚𝐲 𝐧𝐚 𝐰𝐚𝐥𝐚 𝐚𝐧𝐠 𝐃𝐢𝐲𝐨𝐬. Kasi kung minsan mataas ang ating pride: na kaya na nating mag-isa, ngunit kailangan lang natin aminin nang may kababaan ng loob na kailangan natin Siya."

-Rdo. Padre Eugene Cruz
Pagninilay sa lkadalawampu't isang Linggo sa Karaniwang Panahon

24/08/2026

Malapit na ang Birthday ni Mama Mary!

𝐁𝐄𝐑 𝐌𝐎𝐍𝐓𝐇𝐒 𝐍𝐀! 𝐁𝐄𝐑𝐓𝐃𝐀𝐘 𝐍𝐀 𝐍𝐈 𝐌𝐀𝐌𝐀!

Halos isang linggo na lamang at papasok na tayo sa 'Ber Months,' kaya naman marami sa atin ang nananabik na rito. Ngunit bago ang birthday ng Anak, magdiriwang muna ng birthday ang Ina.

Sa darating na Linggo, ika-30 ng Agosto, atin ng pasisimulan ang Misa Nobenaryo para sa Kapistahan ng Pagsilang ng Mahal na Birheng Maria sa ika-8 ng Setyembre. Kaya naman, halina at sama-sama nating paghandaan ang kaarawan ng ating minamahal na Ina!

23/08/2026

𝐈𝐊𝐀𝐃𝐀𝐋𝐀𝐖𝐀𝐌𝐏𝐔'𝐓 𝐈𝐒𝐀𝐍𝐆 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍
Agosto 23, 2026

𝐈𝐊𝐀𝐃𝐀𝐋𝐀𝐖𝐀𝐌𝐏𝐔'𝐓 𝐈𝐒𝐀𝐍𝐆 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍
Agosto 23, 2026

𝑨𝒏𝒈 𝑴𝒂𝒃𝒖𝒕𝒊𝒏𝒈 𝑩𝒂𝒍𝒊𝒕𝒂 𝒏𝒈 𝑷𝒂𝒏𝒈𝒊𝒏𝒐𝒐𝒏 𝒂𝒚𝒐𝒏 𝒌𝒂𝒚 𝑺𝒂𝒏 𝑴𝒂𝒕𝒆𝒐 (16: 13-20)

Noong panahong iyon, dumating si Hesus sa lupain ng Cesarea ng Filipos. Tinanong niya ang kanyang mga alagad, “Sino raw ang Anak ng Tao, ayon sa mga tao?” At sumagot sila, “Ang sabi po ng ilan ay si Juan Bautista kayo. Sabi naman ng iba, si Elias kayo. At may nagsasabi pang si Jeremias kayo o isa sa mga propeta.” “Kayo naman, ano ang sabi ninyo? Sino ako?” tanong niya sa kanila. Sumagot si Simon Pedro, “Kayo po ang Kristo, ang Anak ng Diyos na buhay.” Sinabi sa kanya ni Hesus, “Mapalad ka, Simon na anak ni Jonas! Sapagkat ang katotohanang ito’y hindi inihayag sa iyo ng sinumang tao kundi ng aking Amang nasa langit. At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking simbahan, at hindi makapananaig sa kanya kahit ang kapangyarihan ng kamatayan. Ibibigay ko sa iyo ang mga susi ng kaharian ng langit: ang ipagbawal mo sa lupa ay ipagbabawal sa langit, at ang ipahintulot mo sa lupa ay ipahihintulot sa langit.” At mahigpit niyang tinagubilinan ang kanyang mga alagad na huwag sabihin kaninuman na siya ang Kristo.

Ang Mabuting Balita ng Panginoon.

21/08/2026

May mga bigat ang ating puso na pinapagaan ni Jesus Nazareno.

"𝐈𝐈𝐘𝐀𝐊 𝐌𝐎 𝐍𝐀 𝐀𝐍𝐆 𝐋𝐀𝐇𝐀𝐓 𝐒𝐀 𝐋𝐀𝐍𝐆𝐈𝐓
𝐈𝐈𝐘𝐀𝐊 𝐌𝐎 𝐍𝐀 𝐀𝐍𝐆 𝐋𝐀𝐇𝐀𝐓 𝐒𝐀 𝐀𝐊𝐈𝐍."

Kapag pagod na ang puso at tila hindi mo na kayang dalhin ang lahat, ilapag mo sa panalangin ang bawat bigat. Palagi mong tatandaan na mayroon tayong Diyos na nakikinig, yumayakap at nagbibigay ng pag-asa sa mga panahong pakiramdam natin ay walang-wala na. Lumapit ka lang sa Kaniya, ibulong ang lahat ng hindi mo kaya at manalig na bukas ay magaan na.

20/08/2026

Ngayong Biyernes, sama-sama po tayong manalangin at magpasalamat sa Mahal na Poong Jesus Nazareno.

𝐁𝐈𝐘𝐄𝐑𝐍𝐄𝐒 𝐍𝐀 𝐃𝐄𝐁𝐎𝐒𝐘𝐎𝐍 𝐒𝐀 𝐌𝐀𝐇𝐀𝐋 𝐍𝐀 𝐏𝐎𝐎𝐍𝐆 𝐉𝐄𝐒𝐔𝐒 𝐍𝐀𝐙𝐀𝐑𝐄𝐍𝐎

Mahal na Poong Jesus Nazareno, Ikaw na nagtiis ng hirap at pasakit alang-alang sa aming kaligtasan, mapagkumbaba po kaming lumalapit sa Iyo.

Sa aming mga krus at pasanin sa buhay, bigyan Mo kami ng lakas ng loob upang magtiwala sa Iyong pag-ibig at awa.

Poong Jesus Nazareno, sa iyong banal na sugat kami’y pagalingin, sa Iyong krus kami’y patatagin, at sa Iyong awa kami’y iligtas. Ikaw na nabubuhay at naghahari kasama ng Ama at ng Espiritu Santo magpasawalang hanggan. Amen.

20/08/2026

Muli nating balikan ang mga larawan sa pagdiriwang ng Misa Mayor at Maringal na Prusisyon sa Kapistahan ni San Juan Maria Vianney.

20/08/2026

Sama-sama po tayong manalangin at magpasalamat sa Panginoon sa pagbuti ng panahon.

𝐏𝐀𝐍𝐀𝐋𝐀𝐍𝐆𝐈𝐍 𝐍𝐆 𝐏𝐀𝐒𝐀𝐒𝐀𝐋𝐀𝐌𝐀𝐓 𝐏𝐀𝐑𝐀 𝐒𝐀 𝐏𝐀𝐆𝐁𝐔𝐓𝐈 𝐍𝐆 𝐏𝐀𝐍𝐀𝐇𝐎𝐍

Ama naming makapangyarihan, kami po’y nagpapasalamat sa magandang panahon na Iyong kaloob. Matapos ang sunod-sunod na mga pag-ulan, muling sumikat ang araw tanda ng pag-asa sa kabila ng unos at mga pagsubok. Dalangin po namin ang patuloy Mong pag-iingat at ang lakas para sa aming mga kababayan upang lubos na makabangon. Hinihiling namin ito sa pamamagitan ni Jesukristo kasama ng Espiritu Santo magpasawalang hanggan. Amen.

San Juan Maria Vianney, ipanalangin mo kami.
Mahal na Birhen ng Fatima, ipanalangin mo kami.
O Jesus, Hari ng Awa, kami ay nananalig sa Iyo.

19/08/2026

Baka Fr. Eugene 'yan! 👏

19/08/2026

𝐘𝐎𝐇𝐎𝐎 𝐃𝐈𝐓𝐎 𝐀𝐍𝐆 𝐓𝐈𝐍𝐆𝐈𝐍! 𝐁𝐈𝐑𝐓𝐇𝐃𝐀𝐘 𝐍𝐀 𝐍𝐈 𝐅𝐑. 𝐄𝐔𝐆𝐄𝐍𝐄! 🎉

Isang espesyal na araw para sa isang espesyal na tao sa buhay natin! Maligayang ika-50 Kaarawan sa ating minamahal na Paring Tagapamahala, Rev. Fr. Eugene C. Cruz!

Maraming salamat po sa patuloy ninyong paggabay, pagsuporta at pagmamahal sa buong Ministry of Altar Servers- Quasi Parish of St. John Mary Vianney. Makakaasa po kayo sa aming mga panalangin! 💛

18/08/2026

Happy 50th Birthday po, Padre Eugene! 💛

𝐇𝐀𝐏𝐏𝐘 𝟓𝟎𝐓𝐇 𝐁𝐈𝐑𝐓𝐇𝐃𝐀𝐘, 𝐏𝐀𝐃𝐑𝐄 𝐄𝐔𝐆𝐄𝐍𝐄!

Mula sa buong sambayanan ng Diyos sa Quasi-Parish of St. John Mary Vianney, isang malugod ng pagbati ng maligaya at pinagpalang ika-50 kaarawan sa ating minamahal na Paring Tagapamahala, Rdo. Padre Eugene Cruz!

Lubos po ang aming pasasalamat sa Diyos sa biyaya ng iyong buhay! Mabuting kalusugan at kalakasan ang patuloy po nawang ipagkaloob sa inyo ng Poong Maykapal. Mahal ka po ng buong Pamilya Vianney, Fr. Eugene! 💛