St. Teresa of Calcutta Chapel - Bliss, Tabe

St. Teresa of Calcutta Chapel - Bliss, Tabe Contact information, map and directions, contact form, opening hours, services, ratings, photos, videos and announcements from St. Teresa of Calcutta Chapel - Bliss, Tabe, Church, Purok 7 Bliss, Tabe, Guiguinto.

IKADALAWAMPU'T ISANG LINGGO SA KARANIWANG PANAHON Sa Ebanghelyo ngayong Linggo, ipinaalala sa atin na ang ating Simbahan...
23/08/2026

IKADALAWAMPU'T ISANG LINGGO SA KARANIWANG PANAHON

Sa Ebanghelyo ngayong Linggo, ipinaalala sa atin na ang ating Simbahan at pananampalataya ay nakatayo sa isang matatag na pundasyon. Kapag si Kristo ang sentro at pundasyon ng ating buhay, walang anumang unos ang makapagpapatumba sa atin.

Nawa'y maging matatag ang ating pananalig at manatiling nakatayo sa batong pundasyon ng pag-ibig at katotohanan ni Kristo.

Reb. Padre Eugene C. Cruz
Paring Tagapagdiwang

IKADALAWAMPUNG LINGGO SA KARANIWANG PANAHON Ang kwento ng Babaeng Kananea ngayong Linggo ay isang paalala na walang pana...
23/08/2026

IKADALAWAMPUNG LINGGO SA KARANIWANG PANAHON

Ang kwento ng Babaeng Kananea ngayong Linggo ay isang paalala na walang panalangin ang hindi naririnig ng Diyos. Hindi kailanman nagkakait ang Panginoon sa pusong buong-pusong nagtitiwala.

Nawa'y magkaroon din tayo ng ganitong uri ng pananalig, pantay man ang hamon ng buhay, hindi napapagod lumapit at magtiwala sa Panginoon.

Reb. Padre Cristian T. Sison
Paring Tagapagtaguyod

Isang makabuluhang araw sa ating komunidad!Kaugnay ng nalalapit na kapistahan ng ating minamahal na patron, si Sta. Tere...
16/08/2026

Isang makabuluhang araw sa ating komunidad!

Kaugnay ng nalalapit na kapistahan ng ating minamahal na patron, si Sta. Teresa ng Calcutta, taos-puso po kaming nag-aanyaya sa lahat na tangkilikin ang ating Commemorative Shirts.

Ang TSHIRT na ito ay hindi lamang simpleng kasuotan, kundi simbolo rin ng ating pagkakaisa, pananampalataya, at pagpupugay sa buhay at halimbawa ng pagmamahal ng ating mahal na patron. Ang kikitain sa proyektong ito ay ilalaan para sa mga gawaing pang simbahan.

Ang cut off po ng orders ay sa ika-23 ng Agosto!

Maraming Salamat po!

IKALABINGSIYAM NA LINGGO SA KARANIWANG PANAHON ​Hindi sa malakas na hangin o lindol, kundi sa tahimik na bulong ng Diyos...
09/08/2026

IKALABINGSIYAM NA LINGGO SA KARANIWANG PANAHON

​Hindi sa malakas na hangin o lindol, kundi sa tahimik na bulong ng Diyos natin matatagpuan ang Kanyang kapayapaan (1 Hari 19:11-13).

​Ngayong Ikalabingsiyam na Linggo sa Karaniwang Panahon, ipinaaalala sa atin na kahit gaano kalakas ang unos sa ating paligid, sapat ang biyaya at kapangyarihan ng Panginoon upang tayo ay itayo at palakasin.

Nawa ay wag natin pagdudahan ang kapangyarihan at pag-ibig sa atin ng Panginoon kahit ano mang pagsubok ang ating harapin sa ating buhay.

Reb. Padre Eugene C. Cruz
Paring Tagapagdiwang

08/08/2026

MAYROON PO TAYONG MISA NGAYONG UMAGA 8:30AM SA ATING BISITA NG STA. TERESA NG CALCUTTA - BLISS.
MAG-INGAT PO TAYONG LAHAT.

IKALABING-WALONG LINGGO SA KARANIWANG PANAHONMinsan, naiisip natin: "Kulang ang kakayahan ko," o "Maliit lang ang maiaam...
02/08/2026

IKALABING-WALONG LINGGO SA KARANIWANG PANAHON

Minsan, naiisip natin: "Kulang ang kakayahan ko," o "Maliit lang ang maiaambag ko."

Ngunit sa Ebanghelyo ngayon, limang tinapay at dalawang isda lang ang hawak ng mga alagad. Hindi iyon sapat para sa libu-libong tao, ngunit nang basbasan ni Hesus, sumobra pa ito.

Huwag mong maliitin ang maliit mong maiaambag dahil sa kamay ng Diyos, ang kulang ay nagiging sapat, at ang sapat ay nagiging labis-labis pa.

Reb. Padre Jose Francisco L. Teves, OSA
Paring Tagapagdiwang

IKALABING-PITONG LINGO SA KARANIWANG PANAHON Panginoon, tulad ni Solomon, bigyan Mo po kami ng pusong marunong at nakauu...
02/08/2026

IKALABING-PITONG LINGO SA KARANIWANG PANAHON

Panginoon, tulad ni Solomon, bigyan Mo po kami ng pusong marunong at nakauunawa upang sa gitna ng maraming abala sa mundo, Ikaw at ang Iyong pagmamahal pa rin ang piliin naming pinakadakilang kayamanan.

Reb. Padre Cristian T. Sison
Paring Tagapagdiwang

IKALABING-ANIM NA LINGGO SA KARANIWANG PANAHON Madalas nating itinatanong kung bakit hinahayaan ng Diyos na umiral ang m...
19/07/2026

IKALABING-ANIM NA LINGGO SA KARANIWANG PANAHON

Madalas nating itinatanong kung bakit hinahayaan ng Diyos na umiral ang masama kasabay ng mabuti. Ngayong Ika-16 na Linggo sa Karaniwang Panahon, ipinapaalala sa atin na ang Diyos ay mapagpasensya at may takdang panahon para sa lahat.

Nawa’y sa gitna ng mundong puno ng ingay at "damong ligaw," manatili tayong mabuting trigo na nagdadala ng pag-ibig at kapayapaan ng Diyos.

Reb. Padre Eugene C. Cruz
Paring Tagapagdiwang

IKALABINLIMANG LINGGO SA KARANIWANG PANAHONAng kabutihan ng Panginoon ay parang binhi na patuloy niyang itinatanim sa at...
12/07/2026

IKALABINLIMANG LINGGO SA KARANIWANG PANAHON

Ang kabutihan ng Panginoon ay parang binhi na patuloy niyang itinatanim sa ating mga puso. 🌱

Sa bawat araw ng ating buhay, nawa'y maging mataba ang lupa ng ating kalooban upang ang kanyang mga salita at pagmamahal ay lumago, mamunga, at maibahagi natin sa kapwa.

Patuloy tayong maghasik ng kabutihan at pag-ibig, dahil ang bawat maliit na simulain ay pinagpapala niya upang maging isang dakilang patotoo ng Kanyang katapatan.

Reb. Padre Christian T. Sison
Paring Tagapagdiwang

IKALABING-APAT NA LINGGO SA KARANIWANG PANAHON"Lumapit kayo sa akin, kayong lahat na napapagal at nabibigatan, at kayo'y...
05/07/2026

IKALABING-APAT NA LINGGO SA KARANIWANG PANAHON

"Lumapit kayo sa akin, kayong lahat na napapagal at nabibigatan, at kayo'y aking pagpapahingahin." – Mateo 11:28

May mga araw na kahit anong pilit natin, mabigat ang ating dinadala. Pagod ang katawan, pagod ang isip, at pagod ang puso.

Ngayong Ika-14 na Linggo sa Karaniwang Panahon, pinaaalalahanan tayo ng Ebanghelyo na ang tunay na kapayapaan at pahinga ay hindi matatagpuan sa pagtakas, kundi sa paglapit kay Hesus. Iwanan muna natin ang mga alalahanin at hayaang siya ang magpagaan ng ating mga pasanin.

Reb. Padre Eugene C. Cruz
Paring Tagapagdiwang

Address

Purok 7 Bliss, Tabe
Guiguinto
3015

Website

Alerts

Be the first to know and let us send you an email when St. Teresa of Calcutta Chapel - Bliss, Tabe posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to St. Teresa of Calcutta Chapel - Bliss, Tabe:

Shortcuts

Share

Category