Nuestra Señora de Soteraña

Nuestra Señora de Soteraña The official page of the Nuestra Señora de Soteraña Chapel under the Immaculate Conception Parish.

17/01/2026

17th of January 2026 | FEAST OF THE SANTO NIÑO

A Healing Mass with Rev. Fr. Agerico "Jerry" Orbos, SVD
Live at the Parroquia de la Inmaculada Concepcion de Guagua

11/01/2026

Kapabalwan pu!

Mika Limbun pung 9 days king mabilug tamung baryu mag umpisa pu pota. King oras a 5pm ning aldo aldo pu. Dakal Pung Salamat.

02/01/2026

Apu ming Soteraña,
Saupan mu kami!
Apu ming Soteraña,
Ipanalangin mu kami!

Viva, La Virgen!
Dakal pung salamat Apu Soteraña!

January 1, 2026 | Prusisyun Parangal kang Apu SoterañaDakal pung salamat kekayung midake grasya ban pasibayu yang maging...
02/01/2026

January 1, 2026 | Prusisyun Parangal kang Apu Soteraña

Dakal pung salamat kekayung midake grasya ban pasibayu yang maging masaplala ya ing gayak carozza nang Apu Soteraña king kayang kapyestan.

Sarah Jane Canlas & Family
Milton Vasquez
Jarren Pangilinan
Michael Gerald Pring
Keneth Sapnu

Dakal pung salamat king kekayung ganaka. Mananuna sanang saupan na kayu ning kekatamung malugud a patulunan nanuman ing kekayung kayadwanan.

Enero 1, 2026 | Solemnidad nang Maria, Indu ning Diyos, Nuestra Señora de Soteraña.
01/01/2026

Enero 1, 2026 | Solemnidad nang Maria, Indu ning Diyos, Nuestra Señora de Soteraña.

"Kasiyam A Aldo Nobenang Parangal kang Maria Indu ning Dios, Nuestra Señora de Soteraña."Panalangin ning Kasiyam A AldoO...
31/12/2025

"Kasiyam A Aldo Nobenang Parangal kang Maria Indu ning Dios, Nuestra Señora de Soteraña."

Panalangin ning Kasiyam A Aldo

O mabie sulu na ning kasantu-santusan,
at alimbawa ning kalinisan,
kawagas wagasan a Indung Birhen,
ika pu, lalu't e ka pa mikagli man,
simban mu neng mitmung kagalangan ing Dios,
at pepasalamatan mu na ya, ampat king uli mu
mebawi ing minunang kabigwan
at parusang maka-anyung dugpa
karing palipi nang Adan,
at mikanlasan kanwanan.
Daptan mu sa pu
king iting e mu nanung kalam a kanuanan
apakalukuwa' ne sa ing pusu king sinta king Dios;
palablaban me sa pu, ba keng apalsintan parati
at kaybat niting bie
apitutulan ku ne man sang alang angga karin banwa,
a nung nu ke tapat apasalamatan
king uli ding makasariling grasya a pigkalam na keka,
at akamtan da kang miputunganan
king nuan a kaligayan.
Amen.

Patulunan ming Nuestra Señora de Soteraña,
Saupan mu kami!

Panagkat pu!
31/12/2025

Panagkat pu!

"Kawalung Aldo Nobenang Parangal kang Maria Indu ning Dios, Nuestra Señora de Soteraña."Panalangin ning Kawalung AldoO a...
30/12/2025

"Kawalung Aldo Nobenang Parangal kang Maria Indu ning Dios, Nuestra Señora de Soteraña."

Panalangin ning Kawalung Aldo

O alang dungis at maslag a aldo,
kanuanan a Maria,
makitutula ku pu keka king ing Dios,
king pangapalyari mung tau
liguran na ka misnang degulan a grasya,
maygit a makalalu
king grasyang akayatinan da
ring sablang angeles ampong santos
king kapamisanan ning kabanalan at pangatuliran.
Pasalamat ku pu, layun pagmulalan
ing malusuk a kalam ning mal a Santisima Trinidad
a linugud keka keting e pasabing grasya;
uli na pu nita pangayntuliran na ku pung makayablas king grasya ning Dios,
at e ku sa sayangan gamitan kapilan man
king nanu man dewakan;
ibayu me wari pu ing pusu ku,
at pagkalub mu sa pu kaku
ing makasisi na ku sa ibat ngeni.
Amen.

Patulanan ming Nuestra Señora de Soteraña,
Saupan mu kami!

"Kapitung Aldo Nobenang Parangal kang Maria Indu ning Dios, Nuestra Señora de Soteraña."Panalangin ning Kapitung AldoO m...
29/12/2025

"Kapitung Aldo Nobenang Parangal kang Maria Indu ning Dios, Nuestra Señora de Soteraña."

Panalangin ning Kapitung Aldo

O mamuna a alaya ning kalinis linisan,
malinang a Birhen Maria,
makitutula ku pu keka at pagtingasan ku
king ibat na king kamumula' na pang kisap
ning pangapalyari mung tau
metibubus na kang kinapnung grasya,
e na malyaring mikasala kapilan man.
Pasalamat ku pu, layun sasaplala ke
ing mal a Santisima Trinidad
a migkalam keka keting makasariling lugud.
Pakiyabut mu sa kaku,
O malugud a Indu
ing akasumamyan ku't akasaman kapilan man ing kasalanan maygit king sablang dewakan
at mate ku pa sa, bayu miunan mikasala.
Amen.

Patulunan ming Nuestra Señora de Soteraña,
Saupan mu kami!

"Kanam A Aldo Nobenang Parangal kang Maria Indu ning Diyos, Nuestra Señora de Soteraña."Panalangin ning Kanam A AldoO ma...
28/12/2025

"Kanam A Aldo Nobenang Parangal kang Maria Indu ning Diyos, Nuestra Señora de Soteraña."

Panalangin ning Kanam A Aldo

O maslag a maningning a batwin king kalinisan,
malinang a Birhen Maria,
makitutula ku pu keka,
uling ing kalinis linisan a pangapalyari mung tau
meka pauling maragul a kaligayan
karing sablang angeles king paraiso.
Pasalamat ku pu,
layun pupuri king mal a Santisima Trinidad
a pepaputung keka keting e pasabing kalam.
Daptan mu sa pu king makapakinabang ku, misan a aldo
keting e mu nanung kaligayan,
layun makyabe magum karing angeles
parangal at panwan keka king alang angga.
Amen.

Patulunan ming Nuestra Señora de Soteraña,
Saupan mu kami!

"Kalimang Aldo Nobenang Parangal kang Maria Indu ning Diyos, Nuestra Señora de Soteraña."Panalangin ning Kalimang AldoO ...
27/12/2025

"Kalimang Aldo Nobenang Parangal kang Maria Indu ning Diyos, Nuestra Señora de Soteraña."

Panalangin ning Kalimang Aldo

O maslag at masalang bulan,
Mariang kalinis linisan,
makikitula ku keka,
ampat mong ing misteryuning wagas a pangapalyari mung tau
ya ing meging mula ning kasngawan
ning mabilug a ketawan,
at ligaya ning mabilug a yatu.
Pasalamatan ke't panwanan ing Mal a Santissima Trinidad,
a misaplala't minuan keka,
layun pagamu-amu ku pu keka
king pakiyabut mu sa kaku
ing mal a grasyang ikabyasa kung magsamantala at makinabang
king mal a pamaylasa na't kamatayan ning mal a Anak mu
at e sa mayalang kepakanan kaku
ing mal a daya nang misalwak king Krus;
nune, mituntun ku sang mie
king pamanyapat king kabanalan
at kamtan ku sa ing kakung pangakabus a alang angga.
Amen.

Patulunan ming Nuestra Señora de Soteraña,
Saupan mu kami!

26/12/2025

Babie mi pu ing maragul a kapasalamatan karing Camarero ning Sto. Niño, Henry & Mary Jane Miranda, Francis Calma & Family para king banua banuang prusisyun king aldo kapaskuan. Mayap a oras pu king kekayung pamilya!

Antimurin pu, kapasalamatan karing anggang midake grasya at migpagal,

Sarah Jane Canlas and Family
Shaynah Miranda
Ralph Calma
Kim Calma
Francis Laxa
Jarren Pangilinan
Kap. Bebot Pring
Samuel Bautista and Family
Michael Gerald Pring
Soteranians Choir
Chapel Pastoral Council
Kayanakan nang Apu Soteraña
Barangay Tanod

At kekayungan pung sablang tinagun, dakal pung salamat. Panuanan nakatamungan sana ning Diyos!

Address

Guagua

Website

Alerts

Be the first to know and let us send you an email when Nuestra Señora de Soteraña posts news and promotions. Your email address will not be used for any other purpose, and you can unsubscribe at any time.

Shortcuts

Share

Category