Nuestra Señora del Carmen Parish

Nuestra Señora del Carmen Parish PAX ET BONUM! This is the official page of
Nuestra Señora del Carmen Parish.

26/08/2026

LIVE | Pamangading Novena Arapan ning Indu ning Alang Anggang Saup • Mumunang Aldo ning Triduo anting capagsadian king Walumpulu't Pitung Banuang Aniversario ning Parroquia • Ca-26 ning Agosto 2026 • 5:00 ning Gatpanapun.

Ing Magmisa: Rdo. Pd. Teodulo M. Franco, Cura Parroco
____
Payabut miya pu ing maglapong capasalamatan caring alang patnang mangadi at magdevocion king Indung Virgen ning del Carmen para king lalung icalagu ning casalpantayanan king mabilug a parroquia a milibutad na caring pusu ding balang memalen.
Antimurin pu, ipayabut mi ing macatagkil king pusu ming capasalamatan caring donasiun, ain, at financial a saup a kecayung dadake para king parroquia.

Dacal pung Salamat! Panuanan napa pu sana ning Guinu ing cayapan yu king capamilatan nang Apung Carmen!

“𝗦𝗶𝗻𝗶𝗻𝘂𝗽 𝗻𝗮𝗻𝗴 𝗠𝗮𝗿𝗶𝗮 𝗶𝗻𝗴 𝘀𝗮𝗯𝗹𝗮𝗻𝗴 𝗯𝗮𝗴𝗲 𝗶𝘁𝗶, 𝗮𝘁 𝗽𝗶𝗴𝘂𝗻𝗮𝗺𝗮𝗻 𝗻𝗮𝗹𝗮 𝗸𝗶𝗻𝗴 𝗽𝘂𝘀𝘂 𝗻𝗮.” - 𝗟𝘂𝗰𝗮𝘀 𝟮:𝟭𝟵𝐋𝐀𝐔𝐀𝐍 | 𝐈𝐍𝐆 𝐆𝐔𝐈𝐀 𝐃𝐈𝐍𝐆 𝐂𝐀𝐏𝐀𝐆𝐌𝐀𝐒𝐔𝐒𝐈...
25/08/2026

“𝗦𝗶𝗻𝗶𝗻𝘂𝗽 𝗻𝗮𝗻𝗴 𝗠𝗮𝗿𝗶𝗮 𝗶𝗻𝗴 𝘀𝗮𝗯𝗹𝗮𝗻𝗴 𝗯𝗮𝗴𝗲 𝗶𝘁𝗶, 𝗮𝘁 𝗽𝗶𝗴𝘂𝗻𝗮𝗺𝗮𝗻 𝗻𝗮𝗹𝗮 𝗸𝗶𝗻𝗴 𝗽𝘂𝘀𝘂 𝗻𝗮.” - 𝗟𝘂𝗰𝗮𝘀 𝟮:𝟭𝟵

𝐋𝐀𝐔𝐀𝐍 | 𝐈𝐍𝐆 𝐆𝐔𝐈𝐀 𝐃𝐈𝐍𝐆 𝐂𝐀𝐏𝐀𝐆𝐌𝐀𝐒𝐔𝐒𝐈𝐀𝐍 𝐊𝐈𝐍𝐆 𝐂𝐀-𝟖𝟕 𝐁𝐀𝐍𝐔𝐀𝐍𝐆 𝐀𝐍𝐈𝐕𝐄𝐑𝐒𝐀𝐑𝐈𝐎 𝐍𝐈𝐍𝐆 𝐏𝐀𝐍𝐆𝐀𝐓𝐀𝐓𝐀𝐆 𝐍𝐈𝐍𝐆 𝐏𝐀𝐑𝐑𝐎𝐐𝐔𝐈𝐀 𝐍𝐀𝐍𝐆 𝐍𝐔𝐄𝐒𝐓𝐑𝐀 𝐒𝐄𝐍̃𝐎𝐑𝐀 𝐃𝐄𝐋 𝐂𝐀𝐑𝐌𝐄𝐍

CACALUGURAN A CAPATAD ampon DEVOTOS, Ing Parroquia ning Nuestra Señora Del Carmen bubusli no ring cayang pasbul caniting daratang a capagmasusian king Ca-87 banuang Aniversario ning Pangatatag ning Parroquia. Iti magsilbi yang paganaca king pamanumbalic lub king Guinu capamalitan ning saup at panalangin ning Virgen ning Monte Carmelo.

Bibili mi la ring tuntunan ding cararaptanan caniting pamagmasusi king Aniversario a magsilbing Guia para caring capagmasusian a maganap king cabilugan ning kecatamung Parroquia. Mananu na sanang ing Santo Escapulario ning Virgen ning Monte Carmelo mie yang ditac a sala at ligaya king Dios at king Santa Mariang Virgen ampon makasaup ya caring libu-libung e pa makayanib king familia nang Maria Santisima.

O Sampaga ning Monte Carmelo, dalung mi pakiramdaman mu!

Cafiesta'nang San Roque | Ca-16 ning Agosto, 2026 | Patulunan ning Barrio Benedicto
24/08/2026

Cafiesta'nang San Roque | Ca-16 ning Agosto, 2026 | Patulunan ning Barrio Benedicto

𝐂𝐎𝐌𝐈 𝐅𝐮𝐧𝐝𝐫𝐚𝐢𝐬𝐢𝐧𝐠 𝟐𝟎𝟐𝟔 | 𝐌𝐨𝐧𝐭𝐡 𝐨𝐟 𝐭𝐡𝐞 𝐇𝐨𝐥𝐲 𝐑𝐨𝐬𝐚𝐫𝐲Ngening Oktubre pagselebran taya ing bulan ning Santo Rosario. Anting ka...
24/08/2026

𝐂𝐎𝐌𝐈 𝐅𝐮𝐧𝐝𝐫𝐚𝐢𝐬𝐢𝐧𝐠 𝟐𝟎𝟐𝟔 | 𝐌𝐨𝐧𝐭𝐡 𝐨𝐟 𝐭𝐡𝐞 𝐇𝐨𝐥𝐲 𝐑𝐨𝐬𝐚𝐫𝐲

Ngening Oktubre pagselebran taya ing bulan ning Santo Rosario. Anting kapagmasusyan kaniti, mika Living Rosary king parokya ngening daratang a Oktubre 25, 2026, 4:30 PM, a panimunan daring Children of Mary Immaculate.

Bilang parti ning pamagsadya, ikami pung COMI mamisali kami pung 𝗖𝗵𝗶𝗯𝗶 𝗦𝗮𝗶𝗻𝘁 𝘄𝗶𝘁𝗵 𝗥𝗼𝘀𝗮𝗿𝘆 bilang fund raising activity na mikahalagang ₱𝟮𝟬𝟬 na nung nukarin ding malikum a halaga magamit la karing miyaliwang aktibidades na ning organisasyun. Anyaran mipu ing kekayung saup at suporta kening mesabing fund raising activity.

Mag silbi tala pung i-check ding limus king kekatamu pung parokya, every Sunday (2nd Mass).

Antimurin, angga pung 2nd week ning Oktubre ing pamag collect karing order.

Dakal pung salamat!
To Jesus through Mary!💙🤍

𝐈𝐍𝐆 𝐏𝐔𝐒𝐔 𝐊𝐔 𝐏𝐔𝐏𝐔𝐑𝐈𝐀𝐍 𝐍𝐄 𝐈𝐍𝐆 𝐆𝐔𝐈𝐍𝐔 𝐊𝐔!Ngening Agosto 29, 2026, mipnung saya at kapasalamatan tayang pagmasusian ing Ca-87...
23/08/2026

𝐈𝐍𝐆 𝐏𝐔𝐒𝐔 𝐊𝐔 𝐏𝐔𝐏𝐔𝐑𝐈𝐀𝐍 𝐍𝐄 𝐈𝐍𝐆 𝐆𝐔𝐈𝐍𝐔 𝐊𝐔!

Ngening Agosto 29, 2026, mipnung saya at kapasalamatan tayang pagmasusian ing Ca-87 Banuang Anibersario ning Pangatatag ning kekatamung pakamalan a Parokya. Kilub ning 87 banua, asaksyan tamu ing alang anggang grasia ning Dios, ing ing milalablab a kasalpantayanan ampon debosyun, at ing pamisanmetung da ring balang talasalpantaya a bubuu king kekatamung komunidad parokya.

King uaga ning tema ngening banua ibat king Lucas 2:19 — “Sininup nang Maria ing sablang bage iti, at pigunaman na la king pusu na.” — apusan ta ya sana ing Nuan a Virgen Maria king pamamilatan, pamakiramdam, at pamanupad na king kaburyan ning Dios. Kabang pagmasusian taya ing ka-87 banuang anibersario ning kekatamung parokya, isundu ta la pung pakamalan ding grasiang mipagkalub kekatamu at arapan ta lang mitmung kasalpantayanan ding banuang daratang.

17/08/2026

WATCH LIVE: Pamanatad | St. John Marie Vianney Vicariate | August 17, 2026

Pamanatad karing Imahen ning Virgen de los Remedios at Santo Cristo del Perdon y Caridad ibat king Santa Lucia Parish (Sta. Lucia, City of San Fernando) papunta king University of the Assumption (Del Pilar, City of San Fernando).

MASAYANG CAFIESTAN, SAN ROQUE!MASAYANG CAFIESTAN, BARRIO BENEDICTO!Patulunan ming San roqueIka ing kekeng uliranMitmu ka...
16/08/2026

MASAYANG CAFIESTAN, SAN ROQUE!
MASAYANG CAFIESTAN, BARRIO BENEDICTO!

Patulunan ming San roque
Ika ing kekeng uliran
Mitmu ka king kabanalan
Talatuki king Dios a mal
Kekaming pasalamatan
Ing pakamal mu't kasaupan
Ban keng milapit kang Hesus a mal
A miniaklung king sikluban

Patulunan ming San Roque
Saupan mu ke king dalung mi
Antabayanan mu kami
King aldo aldo ning bie mi
Sopan mu keng manalangin
King Di-os a igpang tune
Ing kapayapan sana kamtan mi
Lugud ning Dios manatili

Ing kapayapan sana kamtan mi
Lugud ning Dios manatili.


King uran at king albug, Indu, lingapan mu cami!Patulunan ming Virgen del Carmen, ipanalangin mu cami!
10/08/2026

King uran at king albug, Indu, lingapan mu cami!
Patulunan ming Virgen del Carmen, ipanalangin mu cami!

ORATIO IMPERATA LABAN KARING KALAMIDADO lubus mayupayang Ibpa, tatas mi la ring pusu mi keka king kapasalamatan para kar...
09/08/2026

ORATIO IMPERATA LABAN KARING KALAMIDAD

O lubus mayupayang Ibpa, tatas mi la ring pusu mi keka king kapasalamatan para karing makapagmulalang lelangan mu, kareti kayabe kami, para king kalingapan mu a mamie kekami karing kailangan mi, at para king kabiasnan mu a mumugit king daralanan ning meto sikluban. Tatanggapan mi la ring kasalanan mi laban keka at karing sablang lelangan mu. E kami meging mayap a katiuala ning yatu. E mi ya pekaintindian ing kautusan mung pamangasiua king yatu.

Ing makapadurut kekami ya ngeni ing magdusa
pauli ning mali ming kararaptanan, at ngeni pupupulan mi ing pamanabusu at kealan masabal mi. Ing global warming atiu ne busal mi. Ding bagyu, albug, pamamakbung ring buklan, at aliua pang kalamidad lalu lang darakal at sisikan.

Lalapit kami keka, O malugud a Ibpa mi,
at manigapung kapatauaran para karing kasalanan mi.
Pagparalampu mi, king ding kaluguran mi at
ing pikapagalan ming atangkang pibandian
ing mikabus ibat king banta ning kalamidad, natural at gauang-tau. Pagamu-amu mi keka ing gauan mu kami ngan responsabling katiuala ning lelangan mu, at maganaka ampon mapaniaup a siping-bale karing atiu king pamangailangan.

AMEN!

—————

Mimingat at Mipapangadi tamu pu!

Address

Duat, Pulungmasle
Guagua
2003

Opening Hours

Wednesday 9am - 6pm
Thursday 9am - 6pm
Friday 9am - 6pm
Saturday 9am - 6pm
Sunday 6am - 12pm

Website

Alerts

Be the first to know and let us send you an email when Nuestra Señora del Carmen Parish posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Nuestra Señora del Carmen Parish:

Shortcuts

Share

Category