Christ In You Betis Ministry

Christ In You Betis Ministry WIN SOULS AND MAKE DISCIPLES
COLOSSIANS 1: 27 Christ in you, the hope of glory.

30/12/2023

Bible Devotion
Saturday, December 30, 2023

Genesis 28:15
Tandaan mo ,susubaybayan kita at ipagtatanggol saan kaman mag punta,at ibabalik kita sa lupaing ito.Hindi kita iiwan hanggang sa matupad ang lahat ng sinabi ko sa iyo".

Pagninilay :
Kahit ano pang problemang pagdadaanan mo sa buhay , kung ikaw ay isang mananampalataya sa Dyos ay sasamahan ka nya , hindi ka nya iiwan ni pababayaan man. Kung hindi mo naiintidihan at hindi mo kayang harapin ang mahirap na sitwasyon sa buhay mo , magtiwala ka at magpakatapamg , dahil kasama mo ang Dyos sa laban ng buhay at siguradong magtatagumpay ka, at sa bawat panalangin natin ng may pananampalataya ay kanyang ipagkakaloob dahil walang mahirap sa ating Dyos .

Panalangin :
Maawaing Diyos , salamat sa Iyong katapatapatan sa iyong mga pangakong aking panghahawakan habang ako’y nabubuhay , Amen🙏

We wish you a Merry Christmas CIY Betis Family. Take a peek at these joyful photobooth moments that happened yesterday ...
25/12/2023

We wish you a Merry Christmas CIY Betis Family. Take a peek at these joyful photobooth moments that happened yesterday 🎁🎉

“For unto us a child is born, unto us a son is given: and the government shall be upon his shoulder: and his name shall be called Wonderful, Counsellor, The mighty God, The everlasting Father, The Prince of Peace” - Isaiah 9:6

22/12/2023

Bible Devotion
Saturday, December 23, 2023

Genesis 27:28
Nawa'y bigyan ka ng Diyos ng lupaing masagana ang ani na palaging may hamog na biyaya niya para maging sagana ang pagkain at alak mo.

Pagninilay :
Ang pagpapala na hinihingi natin na nanggagaling sa Diyos ay siguradong ipagkakaloob niya sa mga taong matuwid gaya ni isaac. Bilang taga sunod ni Kristo anuman pagpapala na natamo ni Isaac ay ipagkakaloob din sa atin kung tayo’y magpapatuloy sa Dyos at sa pag gawa ng mabuti.

Panalangin :
Panginoong Dyos , ikaw ang kasagutan sa lahat ng aking pangangailangan , salamat sa iyong katapatan at sa iyong pag ibig na hindi nagmamaliw . Minamahal kita , Amen 🙏

17/12/2023

Bible Devotion
Sunday , December 17, 2023

Genesis 22 1-2 Sinubok ng Diyos si Abraham
Pagkalipas ng ilang panahon, sinubok ng Diyos si Abraham. Tinawag siya ng Diyos, “Abraham!” “Narito po ako,” tugon naman niya. Sinabi sa kanya, “Isama mo ang kaisa-isa at pinakamamahal mong anak na si Isaac, at magpunta kayo sa lupain ng Moria. Umakyat kayo sa bundok na ituturo ko sa iyo, at ihandog mo siya sa akin.”

Pagninilay :

Sa buhay ni Abraham, wala nang pagsubok na mas mahirap pa kaysa dito.“Sinubok ng Diyos si Abraham” (v. 1) Hindi man niya alam, sapat na para sa kanya yung pagkakilala nya sa Diyos for the last 40 years na lumalakad na kasama nya ang Diyos . Meron siyang napakalapit na relasyon sa Diyos. Tinawag siyang “A Friend of God,” Sinabi ng Diyos sa kanya, “Abraham”; sagot naman ni Abraham, “Narito po ako” (v. 1) - And Abraham responds in Obedience to God.

Panalangin :
Panginoong Diyos , nawa’y matularan kopo ang pananampalataya ni Abraham , tulungan mopo akong lalo pang lumalim ang relasyon ko sa Iyo dahil napakasarap na ibilang mo ako na katulad ni Abraham na kaibigan mo . Amen 🙏

13/12/2023

Bible Devotion
Wednesday , December 13, 2023

Genesis 19:28 -29
Mula roon, tinanaw niya ang Sodoma at Gomorra, at ang buong libis. Nakita niyang tumataas ang makapal na usok na parang nagmumula sa malaking hurno. Nang gunawin ng Diyos ang mga lunsod na iyon, hindi nawaglit sa kanyang isipan si Abraham kaya iniligtas niya si Lot.

Pagninilay :

Bawat isa sa atin ay makasalanan ngunit ang Diyos ay gumawa ng paraan para tayo ay mailigtas sa pamamagitan ng pag-aalay ng Kanyang anak na si Jesus, bilang kabayaran sa ating mga kasalanan. Ang patuloy na pagtanggi kay Kristo ay humahantong sa kamatayan at pagkawasak na mas kakila-kilabot kaysa sa naranasan sa Sodoma at Gomorra. Nawa’y ibigay natin ang ating buhay sa dakilang Diyos na nag alay ng ka yang buhay dahil sa pag ibig Nya sa atin.

Panalangin :
Panginoong Diyos , isinusuko kopo ang aking kataasan at ang aking pagkamakasarili . Iniaalay kopo ang aking buhay sa Iyo . Dakilang Diyos salamat sa iyong Dakilang pag ibig na walang pasubali . Minamahal kita . Amen 🙏

11/12/2023

Bible Devotion
Monday, December 11, 2023

Genesis 17:19
Kaya't sumagot ang Diyos, “Hindi; ang asawa mong si Sara ay magkakaanak ng isang lalaki at tatawagin mo siyang Isaac. Makikipagtipan ako sa kanya at sa kanyang lahi magpakailanman.

Pagninilay :
Mayroon bang mahirap sa Diyos?
Ito ang napagtanto ni Abraham na siya ay nagkamali at handa siyang maniwala sa Diyos dahil makapangyarihan at walang imposible sa Diyos.
Ang Diyos ay hindi nagsisinungaling at dapat nating panghawakan ang Kanyang mga pangako na walang mahirap sa Kanya. Dapat nating tandaan na tapat ang Diyos sa kanyang mga pangako.

Panalangin:
Ama, sa pangalan ni Jesus, tulungan Mo akong panghawakan ang Iyong mga pangako , maraming salamat sa iyong katapatan , patuloy po aking magtitiwala sa Iyo., Amen 🙏

06/12/2023

Bible Devotion
Wednesday, December 06, 2023

Genesis 15: 1
Pagkaraan ng lahat ng ito, si Abram ay nagkaroon ng isang pangitain. Sinabi sa kanya ni Yahweh, “Abram, huwag kang matakot. Ako ang iyong kalasag na mag-iingat sa iyo. Bibigyan kita ng napakalaking gantimpala.”

Pagninilay :
Nasa isip ng Diyos ang Kanyang pangako magpakailanman.Tayo ay magalak yamang lahat tayo ay tunay na kanya.Ito’y nasaksihan ng mga alipi’t anak ni Abraham,gayun din ang lahat na anak ni Jacob na kanyang hinirang.Ang pangako ng Diyos ay unang ginawa niya kay Abraham, at may pangako ring ginawa kay Isaac na lingkod Niyang mahal, pangakong malaking gantimpala sa lahat ng umiibig sa Kanya.

Panalangin :
Panginoon, madalas na kami ay natutukso sa mga pagkakamali, na minsan ay nag-iisip na wala ng pag-asa o bukas na natitira pa para sa amin. Paalalahanan mo kami na ikaw ang Diyos ni Abraham , Isaac at ni Jacob, ang Diyos na hindi nagbabago at hindi kailanman susuko sa Iyong mga layunin para sa amin.Amen🙏

04/12/2023

Bible Devotion
Monday, December 04, 2023

Genesis 13:14 -15 Pagkaalis ni Lot, sinabi ni Yahweh kay Abram, “Tumanaw ka sa palibot mo. Ang buong lupaing natatanaw mo ay ibibigay ko sa iyo, at sa magiging lahi mo magpakailanman.

Pagninilay :
Ibinigay ni Cristo ang kanyang buhay para maibigay sa atin ang pagpapalang ipinangako kay Abraham. All the riches, the possession, the inheritance we have in Christ — ang lahat ng ‘yan ay higit pa sa anumang bagay sa lupa, yaman, o business success na maeenjoy natin sa mundong ito kung tayo’y nakay Cristo, our identity is secured in Christ, hindi na tayo dapat mahumaling sa mga bagay sa mundong ito. Hindi na rin kailangang makipagtalo sa iba, at ipaggiitan ang karapatan natin. Maging magpakumbaba, maging mapagparaya, maging mapagbigay, maging mapagpatawad. Bakit? Dahil anumang meron tayo kay Cristo ay siguradong sa atin na at hindi na maaagaw ninuman.

Panalangin :
Panginoong Diyos , salamat sa mga pagpapalang nararanasan namin sa araw araw , gawin mopo kaming mabuti po Ninyong katiwala , Amen 🙏

03/12/2023

Bible Devotion
Sunday, December 03, 2023
“ Tinawag ng Diyos si Abram “

Genesis 12:1 -2
Sinabi ni Yahweh kay Abram, “Lisanin mo ang iyong bayan, ang tahanan ng iyong ama at mga kamag-anak, at pumunta ka sa bayang ituturo ko sa iyo. Pararamihin ko ang iyong mga anak at apo at gagawin ko silang isang malaking bansa. Pagpapalain kita, at gagawin kong dakila ang iyong pangalan at ikaw ay magiging pagpapala sa marami.

Pagninilay :
Makikita natin na si Abraham ay isang natatanging indibidwal hindi dahil sa kanyang mabubuting gawa o perpektong buhay (dahil mayroon din siyang kahinaan gaya ng ating nalaman), kundi dahil ang kanyang buhay ang naglalarawan sa napakaraming katotohanan ng buhay Kristiyano. Tinawag ng Diyos si Abraham mula sa milyon-milyong tao sa mundo para tumanggap ng Kanyang mga pagpapala. Ginamit ng Diyos si Abraham para gumanap ng isang napakahalagang papel sa pagsasakatuparan Niya ng Kanyang plano ng pagtubos, na nagkaroon ng ganap na katuparan sa pagsilang ni Jesus. Si Abraham ay isang buhay na halimbawa ng pananampalataya at pag-asa sa mga pangako ng Diyos . Dapat nating ipamuhay ang ating mga buhay na sa paghantong natin sa kamatayan, gaya ni Abraham, ang ating pananampalataya ay mananatiling isang magandang patotoo para sa iba.

Panalangin :
Dakilang Dyos , maraming salamat sa katuparan ng iyong pangako na aking panghahawakan , katulad ni Abraham , nawa’y magawa ko ang layunin ng pagkatawag mo sa akin . Mamahalin at paglilingkuran kita O Dyos sa aking buhay , Amen 🙏

02/12/2023

Bible Devotion
Saturday, December 02, 2023

Genesis 11:7 -8 Ang mabuti'y bumabâ tayo at guluhin ang kanilang wika upang hindi sila magkaintindihan.” At ginawa ni Yahweh na ang mga tao ay magkawatak-watak sa buong daigdig, kaya natigil ang pagtatayo ng lunsod.

Pagninilay :
Babel ang itinawag nila sa lunsod na kung saan nagtayo nang. mataas na Tore ang mga tao, sapagkat doo'y ginulo ni Yahweh ang wika nila . At mula roon, nagkawatak-watak ang mga tao sa buong daigdig dahil sa ginawa ni Yahweh. Ito ay parang negatibo, ngunit natagpuan ng Diyos ang Pagkakaisa dito hindi para sa kaluwalhatian ng Diyos kundi para sa kanilang sariling layunin..
Ang pagkakaisa at pagkakaunawaan ay mabuti, kapag tama ang motibo. Madaling bumuo ng isang bagay kapag ito ay maayos na napag-usapan, kaya naman ginulo ng Diyos ang kanilang wika dahil masama ang layunin ng tao at gusto nilang malampasan ang Dyos . Isaisip natin na kung maganda ang ating motibo sa pag gawa sa kalooban ng Dyos , gagabayan Nya tayo at ng Banal na Espiritu at magugulat na lang tayo na ang tore ng kaluwalhatian ng Diyos ang syang maitataas natin sa ikararangal ng Dyos.

Panalangin :
Panginoong Diyos, tulungan mopo ako na laging magpakumbaba , gabayan mopo ako sa pagsunod sa kalooban mo . Nawa’y ikaw ang aking laging maitaas at madakila sa aking buhay sa pangalan ng Iyong Anak na aming Panginoong Hesus. Amen🙏

29/11/2023

Buble Devotion
Wenesday, Nivember 29, 2023

Genesis 8:1
Hindi nawaglit sa isipan ng Diyos si Noe at ang lahat ng hayop na kasama niya sa malaking barko. Kaya’t pinaihip niya ang hangin, at nagsimulang humupa ang tubig.

Pagninilay :
Kailanman ay di iiwan o tatalikuran ng Panginoon ang mga taong nagtitiwala sa Kanya . “Hindi nawaglit sa isipan ng Diyos si Noe…” ito ang nais Niyang ipaalala sa atin na hindi rin Niya tayo nakalimutan. Mapagtatagumpayan natin ang lahat ng hanon ng buhay dahil kasama natin sya , tandaan natin na lilipas din ang lahat , kailangan lang nating magtiwala sa Kanyang mga pangako.

Panalangin :
Panginoong Hesus , salamat sa iyong mga pangako na nagbibigay kasiguraduaan sa akin na kailanman ay hindi mo ako iiwan at hindi pababayaan ,. Ako’y magtatagumpay dahil nanagumpay kana sa aking buhay,Amen🙏

Address

Sta Ursula Betis
Guagua
2003

Telephone

+639228023463

Website

Alerts

Be the first to know and let us send you an email when Christ In You Betis Ministry posts news and promotions. Your email address will not be used for any other purpose, and you can unsubscribe at any time.

Shortcuts

Share

Category