https://www.facebook.com/175640955628057/

St. Francis Xavier Parish, Zone 3, Halawig-gogon, Goa (2026)

07/04/2026

An pasaSALAMAT kan Parokya sa Seminaristang destino ngonian na Semana Santa 2026. Pad***s man logod sa mahuyong boot na paglingkod sa Simbahan & marhay na pangarogan kan mga kajovenan! Padayon Bro. John Sedrick Bonita & advance Happy Graduation!

05/04/2026

Official Result of Winners for the "Pakunswelo sa Pascua" (Easter) Pa-Raffle Draw 2026

10 CONSOLATION Prizes:
(5Kls of Rice)

1. Edna Gasgas
2. Ethylyn D. Gutierrez
3. Blessa Midea F. Morata
4. Mildred B. Lim
5. Alma Bella B. Campana
6. Rhodora P. Turiano
7. Catherine B. Ortua
8. Catherine Ortua
9. Judy T. Pasiona
10. Jocelyn O. Culing

MAJOR Prizes:

5th (Steamer)
▪︎ Jennifer A. Belaro

4th (Air Frier)
▪︎ Ryan B. Prudente

3rd (Rice Dispenser w/25kls Rice) ▪︎ Jeyson Orlina

2nd Prize (32" Smart TV)
▪︎ Arlyn Albo Tuazon

1st Prize (Personal Refrigirator)
▪︎ Francis Rey G. Canlobo

CONGRATULATIONS dear Winners & DIOS MABALOS po sa saindong suporta!

"Maogma kita huli ta si Jesus, buhay na! alleluia, alleluia!"

05/04/2026

𝐀𝐁𝐑𝐈𝐋 3, 2026|𝐕𝐈𝐄𝐑𝐍𝐄𝐒 𝐒𝐀𝐍𝐓𝐎 - 𝐋𝐀 𝐒𝐎𝐋𝐄𝐃𝐀𝐃

An prosisyon kan La Soledad ginigibo kada Viernes Santo, pagkatapos kan Prosisyon kan Paglubong kan Kagurangnan. Ini simbolo kan mamundong paglakaw ni Maria pakatapos ilubong si Hesus habang silensyong rinoromdom an inagihang pagsakit kan saiyang Aki.

Katakod kaini, isinagibo an prosisyon kan La Soledad sa main street kan Barangay Halawig-gogon.

Iribahan kitang magpamibi, maghorop-horop, asin magsabuhay kan mga katukduan kan Biblia ngonian na Semana Santa bilang sarong Pamilya kan Dios!

📷: St. Carlo Acutis Media Ministry

04/04/2026

𝐀𝐁𝐑𝐈𝐋 3, 2026|𝐕𝐈𝐄𝐑𝐍𝐄𝐒 𝐒𝐀𝐍𝐓𝐎 - 𝐌𝐎𝐓𝐎 𝐏𝐑𝐎𝐂𝐄𝐒𝐒𝐈𝐎𝐍

Pakatapos kan pagsamba sa Krus, nagkatiripon an komunidad para sa ginibo na moto procession kung sain nilibot an mga Santo sa anom na barangay na nasasakupan kan parokya. Ini bilang tanda nin satuyang pagpad***s kan paglakaw ni Jesus hasta sa Kalbaryo asin pakisumaro sa pagmundo asin pad***s na paghagad tawad sa mga naginibong sala.

Lugod man na pad***s kitang gabos na maglakaw sa liwanag, pagkamoot asin pagtubod.

Dios mabalos sa gabos na nagpartisipar.

📸: St. Carlo Acutis Media Ministry

04/04/2026

"𝑨𝒎𝒂, 𝒔𝒂 𝒔𝒂𝒊𝒎𝒐𝒏𝒈 𝒎𝒈𝒂 𝒌𝒂𝒎𝒐𝒕 𝒊𝒕𝒊𝒏𝒂𝒕𝒂𝒐 𝒌𝒐 𝒂𝒏 𝒔𝒂𝒌𝒖𝒚𝒂𝒏𝒉 𝑬𝒔𝒑𝒊𝒓𝒊𝒕𝒖" ( 𝐿𝑢𝑐𝑎𝑠 23:46 )

𝐀𝐁𝐑𝐈𝐋 3, 2026 | 𝐕𝐈𝐄𝐑𝐍𝐄𝐒 𝐒𝐀𝐍𝐓𝐎

𝐓𝐎𝐋𝐎𝐍𝐆 𝐊𝐀𝐁𝐓𝐀𝐍𝐆:

1. 𝐂𝐞𝐥𝐞𝐛𝐫𝐚𝐬𝐲𝐨𝐧 𝐤𝐚𝐧 𝐓𝐚𝐭𝐚𝐫𝐚𝐦𝐨𝐧
Sa pagtiripon na ini, an mga paratubod naghihinanyog sa mga babasahon hale sa Banal na Kasuratan na minagiromdom kan pagsakit asin pagkagadan ni Jesus. An pagbasa kan Pasyon kan Kagurangnan na Jesukristo iba sa ki San Juan.

2. 𝐏𝐚𝐠𝐬𝐚𝐦𝐛𝐚 𝐬𝐚 𝐂𝐫𝐮𝐳
Ini an panahon na iginagalang asin sinasamba kan mga paratubod an Banal na Cruz, simbolo kan sakripisyo ni Kristo asin dakulang pagkamoot sa tawo. Sa pagpasan, paghadok, o pagduko sa Krus, ipinapahayag ta an satong tunay na pasasalamat asin debosyon sa Saiya na nagsakripisyo kan Saiyang buhay para sa satong kaligtasan.

3. 𝐂𝐞𝐥𝐞𝐛𝐫𝐚𝐬𝐲𝐨𝐧 𝐤𝐚𝐧 𝐁𝐚𝐧𝐚𝐥 𝐧𝐚 𝐂𝐨𝐦𝐦𝐮𝐧𝐢𝐨𝐧 Sa pagtiripon na ini, itinatao an Banal na Komunyon na inandam pa kan misa Jueves Santo. Bako ining regular na misa, kundi an pag-ako kan Hawak ni Kristo bilang pagirumdom na dawa sa saiyang pagtios asin pagkagadan, an saiyang presensya asin biyaya nagpapad***s sa satong buhay.

📸: St. Carlos Acutis Media Ministry

04/04/2026

"𝑲𝒖𝒂𝒉𝒂 𝒂𝒔𝒊𝒏 𝒌𝒂𝒌𝒂𝒏𝒐𝒏 𝒏𝒊𝒏𝒅𝒐, 𝒕𝒂 𝒊𝒏𝒊 𝒂𝒏 𝒔𝒂𝒌𝒐𝒏𝒈 𝒉𝒂𝒘𝒂𝒌"

𝐀𝐁𝐑𝐈𝐋 𝟐, 𝟐𝟎𝟐𝟔 | 𝐀𝐍 𝐇𝐔𝐑𝐈𝐍𝐆 𝐏𝐀𝐌𝐀𝐍𝐆𝐆𝐈

Sa aldaw na Jueves Santo, ginigirumdom ta an Huring Pamanggi ni Jesus kaiba an saiyang mga disipulos. Ginibo ta man an pagromdom kan Huring Pamanggi sa Barangay Cagaycay, kaiba an mga nagkawat kan papel nin mga disipulo, bilang parte kan solemneng paghorop-horop asin pagromdom kan mga huring momento ni Jesus kaiba an saiyang mga disipulo bago an Saiyang Pasyon. Importante an pangyayaring ini nin huli ta ginigirumdom ta an institusyon ni Kristo sa Sakramento kan Eukaristiya.

Sa pagbaak kan tinapay asin paghiras kan kalis, itinao ni Jesus an saiyang sadiri bilang kakanon nin buhay.

📸: St. Francis Xavier Media Ministry

02/04/2026

"𝑴𝒂𝒈𝒌𝒂𝒎𝒊𝒏𝒐𝒐𝒕𝒂𝒏 𝒌𝒂𝒎𝒐 𝒔𝒊𝒓𝒊𝒏𝒈 𝒌𝒂𝒏 𝒑𝒂𝒈𝒌𝒂𝒎𝒐𝒐𝒕 𝒌𝒐 𝒔𝒂𝒊𝒏𝒅𝒐" (𝐽𝑢𝑎𝑛 13:34)

𝐉UEVES 𝐒𝐀𝐍𝐓𝐎 𝟐𝟎𝟐𝟔 | 𝐌𝐈𝐒𝐀 𝐒𝐀 PAGROMDOM KAN 𝐇𝐔𝐑𝐈𝐍𝐆 𝐏𝐀𝐌𝐀𝐍𝐆U𝐈 𝐍𝐈𝐍 KAGURANGNAN

Ngonian na Jueves Santo, ginigiromdom ta an sacrificio asin dayupot na pagkamoot ni Jesus para sato. Ipinahiling niya na an tunay na pagkamoot may kaibang kapakumbabaan asin pagigin andam na magtao na dai naglalaom nin ano man na balos.

Durante kan celebracion kan Banal na Misa, ginibo man an Paghanaw kan mga Bitis kan mga piling miembro kan mga relihiyosong organisasyon kan Parokya. Ini nagpapagirumdom sato kan halimbawa ni Jesus na may kapakumbabaan na paglingkodan an katwohan sa kinabahan.

Bago matapos an misa, ginibo man an pagprusisyon kan Santissimo Sacramento na nagserbing imbitasyon sa mga paratubod na magdanay sa pagpamibi asin pusog na paglaom na kaiba ta an satuyang Kagurangnan na si Jesucristo nuarin man.

Magserbi lugod ining pagirumdom sa sato na mamuhay na may malasakit, pagsabot, asin karahayan sa kapwa, kapakumbabaan asin pad***s na magsunod sa dalan nin paglingkod na itinukdo kan satuyang Kagurangnan na si Jesucristo.

📸: St. Carlo Acutis Media Ministry

01/04/2026

𝐌𝐈𝐄𝐑𝐂𝐎𝐋𝐄𝐒 𝐒𝐀𝐍𝐓𝐎 2026| 𝐏𝐑𝐔𝐒𝐈𝐒𝐘𝐎𝐍 𝐊𝐀𝐍 𝐏𝐀𝐒𝐘𝐎𝐍 𝐍𝐈 𝐊𝐑𝐈𝐒𝐓𝐎

Sa pagromdom kan Miercoles Santo, nagtiripon an mga paratubod tanganing makisumaro sa Prusisyon kan Pasyon ni Cristo—sarong solemneng paglakbay nin debosyon asin paghorop-horop kan Saiyang pagsakit asin sakripisyo para sa satong kaligtasan.

Sa Ebanghelyo ngunyan na aldaw, ipinapagirumdom sato an pagtraydor ni Judas ki Jesus. Ipinaheheling kaiyan kun paano an mga tawo puedeng paluyahon nin sugot asin pansadiring interes. Alagad sa ibong kaini, si Jesus nagdadanay na maimbod sa Saiyang misyon nin pagkamoot asin kaligtasan para sa katawohan.

Sa lambang lakdang kan prusisyon, hinohorophorop niato an malinig na pagkamoot ni Cristo na nagtao kan Saiyang sadiri para sa katawohan. Magserbi lugod ining pagirumdom na sa tahaw nin pagtios yaon an paglaom, asin sa paagi kan Saiyang krus itinao sato an kaligtasan.

Lugod na an satong mga puso mapano nin pamibi asin paghorop-horop mantang kita sarabay na ginigirumdom an Saiyang dakulang pagkamoot.

📸: St. Carlo Acutis Media Ministry

29/03/2026

"𝑫𝒊𝒐𝒔 𝒌𝒐, 𝑫𝒊𝒐𝒔 𝒌𝒐, 𝒕𝒂𝒅𝒂𝒘 𝒕𝒂 𝒑𝒊𝒏𝒂𝒃𝒂𝒚𝒂𝒂𝒏 𝒎𝒐 𝒂𝒌𝒐"

𝐌𝐀𝐑𝐒𝐎 29, 2026| 𝐃𝐎𝐌𝐈𝐍𝐆𝐎 𝐃𝐄 𝐑𝐀𝐌𝐎𝐒

Sa Domingo de Ramos, ginigirumdom ta an paglaog ni Jesus sa Jerusalem—sarong paglaog na pano nin pag-omaw, alagad sarong anino man kan Saiyang pagsakit asin sakripisyo para sa satong kaligtasan.

An Pasyon ni Jesus sarong ladawan nin dalisay na pagkamoot asin kapakumbabaan. Dawa ngani Siya inosente, pinili Niyang akoon an pagsakit asin inhustisya para sa kapakanan kan katawohan. Sa tahaw nin pag-olog-olog asin kolog, nagpaheling Sia nin pasensya, pagpatawad, asin lubos na pagsarig sa Dios. Inaagda kita kan Ebanghelyo na arogon si Jesus sa satong aroaldaw na pagkabuhay—magpatawad imbes na magbalos, magtagal sa tahaw nin mga pagbalo, asin magdanay na marigon sa pagtubod. Huli ta an tunay na pagkamoot andam na magsakripisyo para sa iba.

Lugod an paghorop-horop kan Saiyang pagsakit magbukas kan satuyang mga puso sa paglaom, huli ta sa likod kan lambang krus yaon an kapangganahan asin bagong buhay na inaandam nin Dios para sato.

📸: St. Carlo Acutis Media Ministry

29/03/2026

"𝑯𝒐𝒔𝒂𝒏𝒏𝒂 𝒔𝒂 𝒂𝒌𝒊 𝒏𝒊 𝑫𝒂𝒗𝒊𝒅, 𝑷𝒂𝒍𝒂𝒅𝒂𝒏 𝒂𝒏 𝒎𝒊𝒏𝒂𝒅𝒂𝒕𝒐𝒏𝒈 𝒔𝒂 𝒏𝒈𝒂𝒓𝒂𝒏 𝒏𝒊𝒏 𝑲𝒂𝒈𝒖𝒓𝒂𝒏𝒈𝒏𝒂𝒏"

𝐌𝐀𝐑𝐒𝐎 29, 2026| 𝐃𝐎𝐌𝐈𝐍𝐆𝐎 𝐃𝐄 𝐑𝐀𝐌𝐎𝐒

Sa selebrasyon ni Domingo de Ramos, pinunan an aldaw sa paagi nin motor prosesion kun sain ilinuwas an imahe ni Kristo na nakasakay sa a**o. Ipinarada ini sa mga sakop na barangay kan parokya bilang pagromdom kan Saiyang paglaog sa Jerusalem.

Kasabay kaini, ginibo an pagbendisyon kan mga palma, tanda kan satong pagtubod asin pakikisumaro sa paglakbay ni Jesus pasiring sa Saiyang pagtios asin kapangganahan nin kaligtasan.

Lugod ini magserbing pagirumdom sa sato na akoon si Kristo sa satong buhay bako sanang sa pag-omaw kundi sa tunay na pagsunod asin pagkamoot sa Saiya.

📸: Carlo Acutis Media Ministry

28/03/2026

𝐌𝐀𝐑𝐒𝐎 28, 2026| 𝐒𝐀𝐁𝐀𝐃𝐎 𝐈𝐊𝐀𝐋𝐈𝐌𝐀𝐍𝐆 𝐒𝐄𝐌𝐀𝐍𝐀 𝐍𝐈𝐍 𝐂𝐔𝐀𝐑𝐄𝐒𝐌𝐀

Pagkatapos kan solemneng Penitential Walk asin Pagtugdas kan Banal na Cruz d***s man nag tiripon an komunidad para sa Santa Misa sa panginginutan kan satuyang Rev. Fr. Armand Christian Ortinero, sa Core Shelter kan Taytay bilang pagpapad***s kan satong paglakbay nin pagtubod ngonian na panahon nin Kwaresma.

Ipinagirumdom sato nin Dios an Saiyang panuga nin pagkasararo asin katoninongan sa tahaw kan Saiyang banwaan. Sa Ebanghelyo, pagkatapos na mahiling kan kadaklan an milagro ni Jesus, may nagtubod asin may nagsikwal. Ini nagpapahiling na an presensya ni Cristo nagpapahiling kan tunay na laog kan puso nin tawo. Iniimbitaran kita na maghorop-horop: aakoon daw niato si Jesus asin an Saiyang dalan nin pagkamoot asin kaligtasan.

SFXP-Youth Ministry
📸: St. Carlo Acutis Media Ministry

Lugod an satong pagtubod asin pagsarig sa Saiyang daing kasagkoran na pagkaherak asin pagkamoot orog na magrarom sa kada pag-atendir sa Santa Misa asin paghinanyog sa Tataramon nin Dios.

28/03/2026

"𝑵𝒊𝒏 𝒉𝒖𝒍𝒊 𝒔𝒂 𝒎𝒂𝒉𝒂𝒍 𝒎𝒐𝒏𝒈 𝑪𝒓𝒖𝒛 𝒕𝒊𝒏𝒖𝒃𝒐𝒔 𝒎𝒐 𝒂𝒏𝒈 𝒌𝒊𝒏𝒂𝒃𝒂𝒏"

𝐌𝐀𝐑𝐒𝐎 28, 2026| 𝐏𝐄𝐍𝐈𝐓𝐄𝐍𝐓𝐈𝐀𝐋 𝐖𝐀𝐋𝐊 𝐀𝐒𝐈𝐍 𝐀𝐍𝐆 𝐏𝐀𝐆𝐓𝐔𝐆𝐃𝐀𝐒 𝐊𝐀𝐍 𝐁𝐀𝐍𝐀𝐋 𝐍𝐀 𝐂𝐑𝐔𝐙

Sa paagi kang banal na Penitential Walk asin Pagtugdas kan Banal na Cruz, sarabay niatong ginigirumdom an pagsakit asin sakripisyo ni Jesukristo para sa satong kaligtasan. An lambang lakdang sarong imbitasyon sa sinserong pagsolsol, pamibi, asin pagkombertir sa Dios.
Sa paghorop-horop kan Dalan nin Krus, hinohorophorop niato an dalisay na pagkamoot ni Cristo—pagkamoot na andam na isakripisyo an sadiri para sa kapakanan kan katawohan. An Pagtugdas kan Banal na Cruz nagseserbing pagirumdom kan kapangganahan kan pagkamoot asin paglaom sa tahaw nin kasakitan asin pagtios.
Sa banal na panahon na ini nin Kuwaresma, iniimbitaran niamo an gabos na makisumaro sa samuya sa sarong sinserong paglakbay nin pagtubod. Lugod na an momentong ini nin pamibi asin paghorop-horop magbukas kan satong mga puso sa pagkaherak asin biyaya nin Dios.

Sa lambang lakdang kan pagbaklay, idolot niato an satong mga pamibi—para sa satong sadiri, para sa satong pamilya, asin para sa katoninongan kan bilog na kinaban. Lugod sa paagi kan krus, madiskubre mi giraray an paglaom, pagtubod, asin pagkamoot sa Dios sa samong buhay.

📸: St. Carlos Acutis Media Ministry

St. Francis Xavier Parish

07/04/2026

05/04/2026

05/04/2026

04/04/2026

04/04/2026

04/04/2026

02/04/2026

01/04/2026

29/03/2026

29/03/2026

28/03/2026

28/03/2026

Address

Website

Alerts

Shortcuts

Share

Category