Mary Help of Christians Parish

27/08/2026

𝗣𝗜𝗦𝗧𝗔𝗡𝗚 𝗔𝗚𝗨𝗦𝗧𝗜𝗡 𝟮𝟬𝟮𝟲 | 𝗕𝗶𝘀𝗽𝗲𝗿𝗮𝘀 𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗶 𝗦𝗮𝗻 𝗔𝗴𝘂𝘀𝘁𝗶𝗻 | 𝗞𝗮𝗿𝗮𝗸𝗼𝗹 | 𝗔𝗴𝗼𝘀𝘁𝗼 𝟮𝟳, 𝟮𝟬𝟮𝟲

Sa bisperas ng Kapistahan ni San Agustin, isinagawa ang Banal na Misa na pinangunahan ni Reb. Pd. Randy S. De Jesus.

Sa kaniyang homiliya, binigyang-diin niya ang katatagan at matiyagang pananalangin ni Santa Monica, ina ni San Agustin na siyang pinararangalan sa araw na ito. Sa kabila ng mahabang paghihintay at mga pagsubok, hindi siya tumigil sa pagdarasal para sa pagbabagong-loob ng kaniyang anak. Sa pamamagitan ng kaniyang pananampalataya at panalangin, nasaksihan niya ang pagbabago ni Agustin at ang kaniyang pagbabalik sa Diyos.

Ang buhay ni Santa Monica ay paalala na ang panalangin ng isang pusong matatag sa pananampalataya ay hindi kailanman nasasayang. Sa tamang panahon, ang Diyos ay kumikilos at nagbibigay ng panibagong buhay sa mga pusong patuloy nating ipinagdarasal.

Pagkatapos ng banal na misa, ito ay sinundan ng karakol kasama ang mga mananampalataya sa karangalan ni San Agustin.

𝑽𝒊𝒗𝒂, 𝑺𝒂𝒏 𝑨𝒈𝒖𝒔𝒕𝒊𝒏! 𝑽𝒊𝒗𝒂, 𝑻𝒂𝒕𝒂 𝑼𝒔𝒕𝒆𝒏𝒈

27/08/2026

𝗧𝗜𝗡𝗚𝗡𝗔𝗡 | 𝗞𝗮𝗿𝗮𝗸𝗼𝗹

Kasalukuyang ginaganap ang Karakol, isang sayaw-panalangin, sa karangalan ni San Agustin.

𝑽𝒊𝒗𝒂, 𝑺𝒂𝒏 𝑨𝒈𝒖𝒔𝒕𝒊𝒏! 𝑽𝒊𝒗𝒂, 𝑻𝒂𝒕𝒂 𝑼𝒔𝒕𝒆𝒏𝒈

26/08/2026

𝗣𝗔𝗚𝗚𝗨𝗡𝗜𝗧𝗔 𝗞𝗔𝗬 𝗦𝗔𝗡𝗧𝗔 𝗠𝗢𝗡𝗜𝗖𝗔, 𝗜𝗻𝗮 𝗻𝗶 𝗦𝗮𝗻 𝗔𝗴𝘂𝘀𝘁𝗶𝗻 | 𝗔𝗴𝗼𝘀𝘁𝗼 𝟮𝟳, 𝟮𝟬𝟮𝟲

Ang 𝗞𝗮𝗽𝗶𝘀𝘁𝗮𝗵𝗮𝗻 ni 𝗦𝗮𝗻𝘁𝗮 𝗠𝗼𝗻𝗶𝗰𝗮 ay ipinagdiriwang tuwing 𝗶𝗸𝗮-𝟮𝟳 ng 𝗔𝗴𝗼𝘀𝘁𝗼. Siya ang ina ni San Agustin at kilala bilang patron ng mga ina at kababaihang may-asawa.

Ngayon ay ipinagdiriwang natin ang inang hindi sumuko sa panalangin para sa kanyang anak. Siya ang patunay na kahit gaano kabigat ang ating pinagdaraanan, dinidinig ng Diyos ang bawat dasal basta’t patuloy tayong nagtitiwala sa Kanya.

Salamat, Inang walang sawang nanalangin. Nawa’y patuloy mo kaming turuan, gabayan, at palakasin ang aming pananalig sa Diyos. Tulad mo, huwag tayong sumuko—ang Diyos ay nakikinig sa bawat luha.

𝑺𝒂𝒏𝒕𝒂 𝑴𝒐𝒏𝒊𝒄𝒂, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒑𝒐 𝒌𝒂𝒎𝒊.

26/08/2026

26/08/2026

𝗕𝗜𝗦𝗣𝗘𝗥𝗔𝗦 𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗜 𝗦𝗔𝗡 𝗔𝗚𝗨𝗦𝗧𝗜𝗡 | 𝗠𝗴𝗮 𝗣𝗮𝗮𝗹𝗮𝗹𝗮 𝘀𝗮 𝗣𝗮𝗸𝗶𝗸𝗶𝗶𝘀𝗮 𝘀𝗮 𝗞𝗮𝗿𝗮𝗸𝗼𝗹 | 𝗔𝗴𝗼𝘀𝘁𝗼 𝟮𝟳, 𝟮𝟬𝟮𝟲

Nalalapit na ang Kapistahan ng ating Ama sa Pananampalataya na si San Agustin. Ilang mga paalala para sa gaganaping Karakol.

Ang 𝐾𝑎𝑟𝑎𝑘𝑜𝑙 ay isang uri ng sayaw-panalangin. Inaasahan na makikiisa ang lahat ng dadalo sa diwa ng tunay na debosyon.

Mangyaring iwasan ang paglalasing at huwag magdala ng anumang uri ng alak sa karakol. Ang sinumang nakainom ay hindi papayagang magbuhat ng andas ni Tata Usteng. Gayundin, iwasan ang pagsasayaw ng mga hindi kaaya-ayang galaw.

Ang inyong pakikiisa ay tanda ng tunay na paggalang at pananalig sa Diyos na kumikilos kay Tata Usteng na siyang inaalayan natin ng Karakol.

𝑽𝒊𝒗𝒂, 𝑺𝒂𝒏 𝑨𝒈𝒖𝒔𝒕𝒊𝒏! 𝑽𝒊𝒗𝒂, 𝑻𝒂𝒕𝒂 𝑼𝒔𝒕𝒆𝒏𝒈!

23/08/2026

𝗞𝗔𝗣𝗜𝗦𝗧𝗔𝗛𝗔𝗡 𝗡𝗜 𝗔𝗣𝗢𝗦𝗧𝗢𝗟 𝗦𝗔𝗡 𝗕𝗔𝗥𝗧𝗢𝗟𝗢𝗠𝗘 | 𝗔𝗴𝗼𝘀𝘁𝗼 𝟮𝟰

Ngayong ika-24 ng Agosto, ating ginugunita ang kapistahan ni Apostol San Bartolome, isa sa labindalawang Apostol ni Hesus. Kilala siya bilang isang tapat na alagad na buong tapang na nagpalaganap ng mabuting balita at nanatiling matatag sa kanyang pananampalataya hanggang sa huli.

Ipinagdiriwang natin si San Bartolome hindi lamang bilang isang banal na tauhan sa kasaysayan, kundi bilang halimbawa ng katapatan, tapang, at matibay na pananampalataya. Ang kanyang buhay ay nagpapaalala sa atin na ang pagsunod sa Diyos ay nangangailangan ng tapang at paninindigan, lalo na sa panahon ng mga pagsubok.

𝑨𝒑𝒐𝒔𝒕𝒐𝒍 𝑺𝒂𝒏 𝑩𝒂𝒓𝒕𝒐𝒍𝒐𝒎𝒆, 𝑰𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒑𝒐 𝒌𝒂𝒎𝒊!

22/08/2026

𝗣𝗔𝗚𝗚𝗨𝗡𝗜𝗧𝗔 𝗦𝗔 𝗣𝗔𝗚𝗞𝗔𝗥𝗘𝗬𝗡𝗔 𝗡𝗚 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔 | 𝗔𝗴𝗼𝘀𝘁𝗼 𝟮𝟮
‎
Ang Mahal na Birheng Maria ay tinatawag na Reyna ng Langit at ng buong sanlibutan. Siya ang Ina ng Diyos at ating Ina, na sa buong buhay niya ay buong pagpapakumbabang tumugon sa kalooban ng Diyos at naging tapat na alagad ng kanyang Anak na si Hesukristo.

Bilang Reyna, si Maria ay tanda ng pag-asa at halimbawa ng ganap na pagsunod sa Diyos. Ang kanyang pagiging Reyna ay nakaugat sa kanyang natatanging pakikiisa sa buhay at misyon ni Kristo. Siya ay patuloy na namamagitan para sa atin at, bilang Ina ng Simbahan, inaakay tayo palapit sa kanyang Anak. Kaya sa mga sandali ng pangangailangan, tayo ay may pagtitiwalang lumalapit sa kanyang pamamagitan, sapagkat ang lahat ng kanyang ginagawa ay laging nakatuon kay Kristo.
‎
𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏𝒈 𝑴𝒂𝒓𝒊𝒂, 𝑹𝒆𝒚𝒏𝒂 𝒏𝒈 𝑳𝒂𝒏𝒈𝒊𝒕 𝒂𝒕 𝑳𝒖𝒑𝒂, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊!

20/08/2026

𝗣𝗔𝗕𝗔𝗧𝗜𝗗 | 𝗡𝗶𝗻𝗼𝘆 𝗔𝗾𝘂𝗶𝗻𝗼 𝗗𝗮𝘆 - 𝗡𝗼 𝗢𝗳𝗳𝗶𝗰𝗲

Ipinababatid sa lahat na pansamantalang 𝐢𝐬𝐚𝐬𝐚𝐫𝐚 𝐚𝐧𝐠 𝐓𝐚𝐧𝐠𝐠𝐚𝐩𝐚𝐧 𝐧𝐠 𝐏𝐚𝐫𝐨𝐤𝐲𝐚 bukas, 𝐁𝐢𝐲𝐞𝐫𝐧𝐞𝐬, 𝐀𝐠𝐨𝐬𝐭𝐨 𝟐𝟏, 𝟐𝟎𝟐𝟔, bilang paggunita sa 𝐍𝐢𝐧𝐨𝐲 𝐀𝐪𝐮𝐢𝐧𝐨 𝐃𝐚𝐲.

Bukas pa rin ang Simbahan bukas para sa lahat ng mananampalataya.

Muli itong magbabalik sa regular na operasyon sa 𝐒𝐚𝐛𝐚𝐝𝐨, 𝐀𝐠𝐨𝐬𝐭𝐨 𝟐𝟐, 𝟐𝟎𝟐𝟔.

Maraming salamat sa inyong pag-unawa.

20/08/2026

𝗣𝗔𝗚𝗧𝗔𝗧𝗔𝗟𝗔𝗚𝗔 𝗦𝗔 𝗜𝗞𝗔𝗟𝗔𝗪𝗔𝗡𝗚 𝗞𝗢𝗡𝗦𝗘𝗛𝗢 𝗡𝗚 𝗞𝗡𝗜𝗚𝗛𝗧𝗦 𝗢𝗙 𝗖𝗢𝗟𝗨𝗠𝗕𝗨𝗦: 𝗖𝗼𝘂𝗻𝗰𝗶𝗹 𝗡𝗼. 𝟭𝟴𝟲𝟰𝟳 | 𝗔𝗴𝗼𝘀𝘁𝗼 𝟭𝟱, 𝟮𝟬𝟮𝟲

Ginanap ang pagtatalaga ng mga bagong opisyales ng Knights of Columbus, Council No. 18647, noong sabado, Agosto 15, 2026.

20/08/2026

𝗚𝗔𝗪𝗔𝗗 𝗠𝗔𝗥𝗜𝗔 𝗠𝗔𝗣𝗔𝗚-𝗔𝗠𝗣𝗢𝗡 | 𝗕𝗮𝗻𝗮𝗹 𝗻𝗮 𝗠𝗶𝘀𝗮 𝘀𝗮 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻𝗴 𝗜𝗻𝗶𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁 𝗮𝘁 𝗣𝗮𝗿𝗮𝗻𝗴𝗮𝗹 | 𝗔𝗴𝗼𝘀𝘁𝗼 𝟭𝟱, 𝟮𝟬𝟮𝟲

Sa ikatlong pagkakataon, binigyang-parangal ang mga kabataang nagkamit ng medalya noong nagdaang taong akademiko 2025–2026.

Nagsimula ang pagdiriwang sa isang banal na Misa bilang paggunita sa Dakilang Kapistahan ng Mahal na Birheng Maria na Iniakyat sa Langit, na dinaluhan ng mga kabataan ng ating Parokya.

Kasabay nito, binigyang-pagkilala rin ang mga Iskolar ng Parokya na nagsipagtapos na, gayundin ang mga benefactors na patuloy na umalalay at nagbahagi ng kanilang kakayahan at suporta upang matulungan ang mga kabataan ng Parokya.

Taos-puso ang aming pasasalamat sa lahat ng ating mga benefactors at sa bawat taong naging bahagi ng programang ito. Sa inyong kabutihan, suporta, at patuloy na pagtulong, mas maraming kabataan ang natutulungan sa kanilang pag-aaral at maabot ang kanilang mga pangarap. Maraming salamat sa inyong pagiging katuwang ng Parokya sa paghubog at pagsuporta sa ating mga kabataan.