St. Gabriel the Archangel Parish

02/04/2026

Maligayang Araw ng mga Pari!

Sa araw na ito, buong pasasalamat na ipinagdarasal ng buong simbahayan ng San Gabriel Arkanghel Parish ang aming minamahal na kura paroko na si Rdo. Padre Ned Nazareno. Sa pamamagitan ng iyong pagtugon sa tawag ng Panginoon, ikaw ay naging buhay na saksi ng Kanyang awa at pag-ibig, tagapagdala ng Salita ng Diyos, tagapagdiwang ng mga banal na sakramento, at pastol na gumagabay sa kawan ng Panginoon.

Nawa’y patuloy kang patatagin ng biyaya ng Diyos sa iyong bokasyon, at manatili kang ilaw na nag-aakay sa amin tungo kay Kristo. Ang aming panalangin ay sumaiyo habang patuloy mong iniaalay ang iyong buhay sa paglilingkod sa Simbahan at sa sambayanan.

Maraming salamat, Padre, sa iyong tapat at mapagkalingang paglilingkod.
Pagpalain ka nawa ng Panginoon ngayon at magpakailanman.

02/04/2026

02/04/2026

Sa pagdating ng Semana Santa, inaanyayahan ang bawat mananampalataya na makiisa sa mga banal na pagdiriwang at pagninilay sa ating parokya.

Sa mga araw ng Kuwaresma, sama-sama nating alalahanin ang walang hanggang pag-ibig at sakripisyo ni Hesus para sa ating kaligtasan. Nawa’y ang bawat panalangin, misa, at pagninilay ay magbukas ng ating puso sa tunay na kahulugan ng pananampalataya, pagsisisi, at pag-asa.

Halina at makiisa sa banal na paglalakbay ng pananampalataya ngayong Semana Santa.

26/03/2026

Sa pagpasok natin sa mas malalim na pagninilay sa panahon ng Kuwaresma, inaanyayahan tayong pagnilayan ang sakit at dalamhati ng isang ina na buong pusong nakibahagi sa paghihirap ng kanyang Anak para sa kaligtasan ng sangkatauhan.

Ngayong Viernes de Dolores, ginugunita natin ang pitong dalamhati ng Mahal na Birheng Maria. Sa kanyang tahimik na pagtitiis at matibay na pananampalataya, ipinakita niya ang wagas na pag-ibig at ganap na pagtitiwala sa kalooban ng Diyos.

Nawa’y samahan tayo ng Mahal na Ina sa ating mga pagsubok at akayin tayo palapit kay Kristo.

Mahal na Birhen ng Hapis, ipanalangin mo kami.

19/03/2026

Magandang araw po sa lahat.

𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐀𝐋𝐀𝐋𝐀 | 𝐕𝐈𝐒𝐈𝐓𝐀 𝐈𝐆𝐋𝐄𝐒𝐈𝐀

Para sa mga makakasama sa Visita Iglesia ng San Gabriel Arkanghel Parish sa Marso 20, 2026, narito ang ilang mahahalagang paalala habang sama-sama nating ginugunita ang panahon ng Kuwaresma:

CALL TIME
• 1:00 AM – Dating ng mga bus / call time sa parokya
• 2:00 AM – Alis mula sa parokya (breakfast on board, may stop-over)
• 6:00 AM – Banal na Misa sa San Nicolas de Tolentino Shrine
• 10:30 PM – Estimated na pagbalik sa San Gabriel Arkanghel Parish

MGA DAPAT DALHIN
• Sariling packed breakfast, lunch at dinner
• Drinking water
• Sariling gamot o maintenance medicines

IBA PANG MGA PAALALA
• Panatilihin ang katahimikan at pagninilay habang bumibisita sa bawat parokya.
• Isuot ang prescribed t-shirt mula sa parokya at magsuot ng maayos at komportableng kasuotan.
• Panatilihing malinis ang bus at itapon ang basura sa nakalaang garbage bag.
• Ingatan ang mga personal na gamit at tandaan ang bus number, plate number, at bus leader para sa inyong gabay.
• Mahigpit na ipinapatupad ang 𝗡𝗢 𝗥𝗘𝗜𝗠𝗕𝗨𝗥𝗦𝗘𝗠𝗘𝗡𝗧 Policy sa mga hindi makakadalo.

Maraming salamat po at nawa’y maging makabuluhan at mapagnilay ang ating paglalakbay pananampalataya ngayong Kuwaresma.

𝐌𝐚𝐧𝐠𝐲𝐚𝐫𝐢𝐧𝐠 𝐭𝐢𝐠𝐧𝐚𝐧 𝐚𝐧𝐠 𝐧𝐚𝐬𝐚 𝐥𝐚𝐫𝐚𝐰𝐚𝐧 𝐬𝐚 𝐛𝐚𝐛𝐚 𝐧𝐠 𝐛𝐮𝐨𝐧𝐠 𝐢𝐭𝐢𝐧𝐞𝐫𝐚𝐫𝐲 𝐩𝐚𝐫𝐚 𝐬𝐚 𝐠𝐚𝐛𝐚𝐲 𝐧𝐠 𝐥𝐚𝐡𝐚𝐭.

08/03/2026

07/03/2026

PABATID: Narito ang bagong FB Page ng ating Parokya, mangyari na inyong i-follow. Maraming Salamat.

𝐏𝐚𝐧𝐚𝐥𝐚𝐧𝐠𝐢𝐧 𝐤𝐚𝐲 𝐒𝐚𝐧 𝐆𝐚𝐛𝐫𝐢𝐞𝐥 𝐀𝐫𝐤𝐚𝐧𝐠𝐡𝐞𝐥

01/03/2026

22/02/2026

Maligayang pagbati sa ika-11 anibersaryo ng ordinasyon sa pagkadiyakono, Rdo. Padre Ned Nazareno!

Maraming salamat sa iyong tapat at mapagkumbabang paglilingkod sa San Gabriel Arkanghel Parish. Nawa’y patuloy kang patnubayan ng Panginoon at gabayan ni San Gabriel Arkanghel sa marami pang taon ng iyong paglilingkod. 🙏🏻