12/03/2026
𝐁𝐈𝐘𝐄𝐑𝐍𝐄𝐒| 𝐃𝐄𝐁𝐎𝐒𝐘𝐎𝐍 𝐀𝐋𝐀𝐍𝐆 𝐒𝐀 𝐒𝐄Ñ𝐎𝐑 𝐒𝐀𝐍𝐓𝐎 𝐍𝐈Ñ𝐎
+ SA NGALAN SA AMAHAN, SA ANAK, UG SA ESPIRITU SANTO. AMEN +
O SEÑOR SANTO SANTO NIÑO, IKAW ANG AKONG HARI UG ANG AKONG DIOS, NAGASIMBA AKO KANIMO; IKAW ANG AKONG MALIG-ON NGA MANLALABAN. NAGAPALABAN AKO KANIMO; IKAW ANG AMONG PATRON, NAGADANGOP AKO KANIMO; IKAW NGA NAGBUHAT SA DAGHANG MGA KATINGALAHAN PINAAGI SA IMONG LARAWAN NGA MILAGROSO DINHI NIINING MGA KAPUPUD-AN, HINUMDUMAN MO AKO UG SUDONGA KINING KABUS NGA KALAG NGA NAGADANGOP KANIMO ARON IMONG TABANGAN.
AGAKA AKO SA IMONG KINAADMAN, TUDLO-I AKO PINAAGI SA IMONG KAMATUORAN, LIPAYA AKO SA IMONG KALUMO, PANALIPDI AKO SA IMONG GAHUM.
NAGAHALAD AKO KARONG ADLAWA SA AKONG MGA HUNAHUNA NGANHA KANIMO, DIHA LAMANG KANIMO AKO SILANG ITUMUNG; SA AKONG MGA PULUNG, MAHITUNGUD KAMANG KANIMO SILA MAGHISGUT; SA AKONG MGA KASAKIT ARON AKO MAKAANTUS NILA TUNGOD LAMANG KANIMO.
NANGAMUYO AKO KANIMO, SEÑOR SANTO NIÑO, HAYAGI ANG AKONG SALABUTAN, INITA ANG AKONG KABUBUT-ON, LINISA ANG AKONG LAWAS, SANTOSA ANG AKONG KALAG. BUUT AKO SA TANAN NGA PAGBUT-AN MO, TUNGUD KAY MAOY IMONG PAGBUOT, SUBAY SA IMONG PAGBUOT, KUTUB SA GIDUGAYON NGA IKAW MAGBUOT.
ITUGUT, SEÑOR SANTO NIÑO, NGA AKO MAGBATON SA GUGMA ALANG KANIMO, NGA DILI AKO MAGPATUYANG SA AKONG KAUGALINGON, NGA MAGMADASIGON AKO ALANG SA KAAYOHAN SA AKONG ISIGKATAWO, NGA MAGTAMAY AKO INGON SA ANGAY SA MGA BUTANG SA KALIBUTAN. TABANGI AKO PAGBUNTOG SA AKONG KAILIBGON PINAAGI SA MABINANTAYON NGA KALIGDONG, PAGDAOG SA KAHAKOG PINAAGI SA KAMANGGIHATAGON, PAGWAGTANG SA KASUKO PINAAGI SA KAAGHOP, PAGBIYA SA KATASPOK PINAAGI SA MADASIGONG KAKUGI. HIMOA AKO NGA MAKINAADMANON DINHA SA PAGPANGHUKUM, ISUG DINHA SA KATALAGMAN, MAPAILUBON DINHA SA PAGSULAY, MAPAUBSANON DINHA SA MAAYONG KAPALARAN.
TUDLO-I AKO, HINIGUGMANG SANTO NIÑO, SA KAWAYBILI SA KALIBUTAN, SA KAHAMILI SA LANGIT, SA KAMUBO DA SA PANAHON, SA KATAAS GAYUD SA ENTERNIDAD. IHATAG KANAKO, SA KATAPUSAN, NGA AKO DILI UNTA MAHIKALIMUT KANIMO, NGA AKO MAGSIMBA KANIMO, MAGHIGUGMA KANIMO, UG MAG-ALAGAD KANIMO DINHI SA YUTA ARON MAGMALIPAYON UBAN KANIMO HANGTUD SA WALA NAY PAGKATAPUS DIDTO SA LANGIT. AMEN.
+ SA NGALAN SA AMAHAN, SA ANAK, UG SA ESPIRITU SANTO. AMEN +
