St. Gabriel of Our Lady of Sorrows Parish- Gensan

St. Gabriel of Our Lady of Sorrows Parish- Gensan This is the official page of St. Gabriel of Our Lady of Sorrows Parish (SGOLSP) Gensan. This is the official page of ST.

GABRIEL OF OUR LADY OF SORROWS PARISH GENSAN

"ALELUYA, ALELUYA, ALELUYA! ANG GINOO NABANHAW NA!"Niining gabhiona, ang tingog sa kadaogan mipatigbabaw --- tingog nga ...
04/04/2026

"ALELUYA, ALELUYA, ALELUYA! ANG GINOO NABANHAW NA!"

Niining gabhiona, ang tingog sa kadaogan mipatigbabaw --- tingog nga mibuntog sa kangitngit ug mihatag og kalipay sa atong kasingkasing.

Ang Holy Saturday mao ang adlaw sa paghulat... hilom, malinawon, ug puno sa paglaum. Apan sa pagsugod sa Easter Vigil, ang kangitngit napulihan sa kahayag.
Ang Paschal Candle, simbolo ni Kristo nga Kahayag, nagdan-ag ug nagpaambit sa kahayag ngadto sa tanan.

Nagpahinumdom kini kanato nga bisan unsa pa ka ngitngit ang kinabuhi, ang kahayag sa Ginoo kanunay nga modaog.

Naminaw kita sa iyang Pulong, gilawman sa paghinumdom sa iyang mga saad, ug giandam ang atong mga kasingkasing alang sa iyang pag-abot. Niining gabhiona, mitindog kita sa tumoy sa kadaogan, diin ang paglaum napuno ug kahulugan.

Ang kahilom sa kagabhion nabungkag na, ug ang kamatuoran mipatigbabaw sa tanan...

ANG GINOO WALA NA SA LUBNGANAN! SIYA NABUHI NA!

Busa, isinggit nato uban ang dakong kalipay:

"ALELUYA, ALELUYA, ALELUYA! ANG GINOO NABANHAW NA!"


𝐄𝐀𝐒𝐓𝐄𝐑 π’π”ππƒπ€π˜ EASTER SUNDAY OF THE LORD'S RESURRECTION ALELUYA! HE IS RISEN, ALELUYA!
04/04/2026

𝐄𝐀𝐒𝐓𝐄𝐑 π’π”ππƒπ€π˜
EASTER SUNDAY OF THE LORD'S RESURRECTION

ALELUYA! HE IS RISEN, ALELUYA!


π‘Ίπ’Šπ’π’‚π’Œπ’–π’π’ 2026 | π’‰π’Šπ’ˆπ’‰π’π’Šπ’ˆπ’‰π’•π’”
03/04/2026

π‘Ίπ’Šπ’π’‚π’Œπ’–π’π’ 2026 | π’‰π’Šπ’ˆπ’‰π’π’Šπ’ˆπ’‰π’•π’”


π’πˆππ€πŠπ”π‹πŽ πŸπŸŽπŸπŸ”IKA NAPULO’G UPAT NGA ESTASYON: ANG PAGKABANHAW NI HESUSPAGBASA: Mateo 28:1-8 PAMALANDONG: Mamalandong kit...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA NAPULO’G UPAT NGA ESTASYON: ANG PAGKABANHAW NI HESUS
PAGBASA: Mateo 28:1-8

PAMALANDONG:
Mamalandong kita kang Hesus, ang Nabanhaw nga Kristo. Ania ang atong kinabuhi. Sama kang Hesus ang Diosnong Magtutudlo, naglakaw kita β€œ latas sa daghang mga pag-antos ug mga pagsulay” aron modangat sa himaya. Dili ba diay gikinahanglan man nga si Hesus moantos, ug pinaagi sa iyang pag-antos mosulod ngadto sa himaya? Ang dalan padulong sa langit sama sa dalan sa Kalbaryo diin didto namatay si Hesus. Apan mibangon siya ug migula gikan sa iyang lubnganan nga mahimayaon diha sa iyang pagkabanhaw.

PAG-AMPO:
Dios sa kinabuhi ug gugma, nalipay kami karon tungod kay si Hesus nabanhaw ug nagsugod siya pagbanhaw kanamo diha sa pagbunyag. Padayona dinhi kanamo ang buhat sa pagkabanhaw. Ihatag kanamo ang kalipay ug gugma samtang nag-alagad kami kanimo ug sa usag-usa kanamo.
Itugot nga ang imong Espiritu maghimo kanamong gawasnon sa pagdala’g paglaum ug hustisya ngadto sa tanan nga anaa sa among palibot, hangtod nga banhawon mo kami aron makaambit sa imong way katapusang kalipay. Kini among gipangayo sa ngalan ni Hesus, ang among nabanhaw nga Ginoo, kinsa nagapuyo uban Kanimo ug sa Espiritu Santo, Dios hangtud sa kahangturan. Amen.


π’πˆππ€πŠπ”π‹πŽ πŸπŸŽπŸπŸ”IKA NAPULO’G TULO NGA ESTASYON: ANG PAGLUBONG KANG HESUS PAGBASA: Mateo 27:57-61 PAMALANDONG: Tan-awa ang ...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA NAPULO’G TULO NGA ESTASYON: ANG PAGLUBONG KANG HESUS
PAGBASA: Mateo 27:57-61

PAMALANDONG:
Tan-awa ang gugma sa Ginoo, ang iyang gugma alang kanato. Kinahanglan mahigugma kita sa atong langitnong Amahan, sama sa paghigugma nga gipakita ni Hesukristo. Angayan kitang mahigugma sama sa paghigugma ni Kristo sa atong isigkatawo bisan hangtud gayud sa paghalad sa iyang kinabuhi alang kanila.
Dunay usa ka matang sa gugma nga naglangkub sa pagpuyo diha sa grasya. Nagatubo kini hangtud nga maabot ang hingpit nga pagkahiusa kang Kristo Hesus.

PAG-AMPO:
Makagagahum ug way kinotubang Dios, ang imong Bugtong Anak mikunsad ngadto sa mga minatay ug nabanhaw sa himaya. Sa imong kaayo banhawa kaming imong mga katawhan nga gilubong uban ni Kristo diha sa bunyag, aron mahiusa uban kaniya diha sa kinabuhing way kataposan sa langit. Kaniya nga nagapuyo ug nagahari uban Kanimo ug sa Espiritu Santo, Dios hangtud sa kahangturan. AMEN.


π’πˆππ€πŠπ”π‹πŽ πŸπŸŽπŸπŸ”IKA NAPULO’G DUHA NGA ESTASYON: ANG KAMATAYON NI HESUSPAGBASA: Juan 19:28-30PAMALANDONG: Mag-ampo kita nga...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA NAPULO’G DUHA NGA ESTASYON: ANG KAMATAYON NI HESUS
PAGBASA: Juan 19:28-30

PAMALANDONG:
Mag-ampo kita ngadto sa Ginoong Hesukristo, nga pinaagi sa iyang maloloy-on ug balaan nga kasingkasing, madala niya ang tanan ngadto sa iyang kaugalingon. β€œUg kon iisa ako gikan sa yuta, danihon ko ang tanan ngari kanako mismo”. Gikan sa krus diin kita nakakaplag ug kaluwasan, gidani ni Hesus ang tanan ngadto sa iyang kaugalingon. Gihalad niya ang iyang kinabuhi aron pagdala diha sa iyang kaugalingon sa tanang mga kalag. Karon tua na siya sa langit nagapakita sa iyang mga samad ngadto sa iyang langitnong Amahan. Ug ang matag kalag nga maluwas pinaagi sa iyang gahom, pinaagi sa iyang dugo, maoy iyang himaya ug kadaogan. Buot siya nga mohimo ug usa ka piniling panon nga maluwas pinaagi sa iyang dugo ug pinaagi sa iyang krus; ang tunhayng gingharian nga iyang ipakita sa Amahan ingon nga iyang ganti ug himaya.

PAG-AMPO:
Ginoong Hesukristo, diha sa krus nagpakamatay ka ug giula mo ang imong dugo aron kami mabuhi ug takus nga maghigugma. Sa katapusang panihapon mikuha ka sa Pan ug Bino isip timaan sa paghatag mo sa imong kaugalingon nga among kalan-on ug ilimnon ug gitudloan mo kami sa paghigugma ug pag-alagad sama sa imong gibuhat. Pakig-uban kanamo ug tabangi kami pagsaksi kanimo aron mahimo kaming angayan sa pag-ambit sa imong pagkabanhaw. Kay ikaw ang among Ginoo hangtud sa kahangturan. AMEN.


π’πˆππ€πŠπ”π‹πŽ πŸπŸŽπŸπŸ”IKA NAPULO’G USA NGA ESTASYON: SI MARIA DIHA SA TIILAN SA KRUSPAGBASA: Juan 19:25-27PAMALANDONG: Sa dihan...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA NAPULO’G USA NGA ESTASYON: SI MARIA DIHA SA TIILAN SA KRUS
PAGBASA: Juan 19:25-27

PAMALANDONG:
Sa dihang naghingutas na si Hesus didto sa krus, gihatag niya kanato si Maria ingon nga atong inahan. Kining langitnong inahan may dakong pagtagad sa matag kalag. Gipili ni Hesus si Maria aron ma-iyang inahan. Ug mibuot siya sa paghatag kanato sa iyang kaugalingong inahan, ang labing pinili nga binuhat, walay buling sa sala ug ulay. Si Maria maoy atong espirituhanong inahan. Nagatabang siya kanato labi na sa takna sa kamatayon.
O Maria, among inahan, himoa nga tungod sa imong gamhanang panabang, dili unta makawang alang kanamo ang kamatayon ni Hesus. Pagpakita nga ikaw ang among inahan, ug uban sa grasya sa Dios, maningkamot kami kanunay pagpakita nga kami imong mga anak.

PAG-AMPO:
Dios among Amahan, sa naghingutas si Hesus didto sa krus, si Maria Santisima, iyang inahan miunong kaniya ug miambit sa iyang mga pag-antos.
Hinaut nga kaming mga sinagop nga anak ni Maria mahiusa uban ni Kristo diha sa iyang pag-antos ug kamatayon ug makaambit sa iyang pagkabanhaw ngadto sa bag-ong kinabuhi. Siya nga nagpuyo ug naghari uban Kanimo ug sa Espiritu Santo Dios hangtud sa kahangturan . Amen.


π’πˆππ€πŠπ”π‹πŽ πŸπŸŽπŸπŸ”IKA NAPULO NGA ESTASYON: SI HESUS NAGBITAY SA KRUSPAGBASA: Lukas 23:39-43PAMALANDONG: Ginoong Hesukristo...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA NAPULO NGA ESTASYON: SI HESUS NAGBITAY SA KRUS
PAGBASA: Lukas 23:39-43

PAMALANDONG:
Ginoong Hesukristo diha sa Krus nagbitay ikaw tungod kanamo. Labaw ikaw nga naghigugma kanamo kay sa among paghigugma kanimo, kay mibuot man ikaw nga magpakamatay tungod sa among kasal-anan.
Magpaubos kita ug magbaton sa pagtuo: Pagtuo nga makakita kita ug usa ka higala nga modala kanato ngadto sa kaluwasan. Aduna untay usa nga kanunay anaa, kinsa kanunayng uban kanato, si Hesus ang atong kauban diha sa atong paglawig sa kinabuhi.
Ang kawatan diha sa krus nakakita ug higala nga midala kaniya sa kaluwasan. Sama sa mahinulsolong kawatan mangayo kita ug kalooy nga mapasaylo ni Kristo ang atong mga sala.

PAG-AMPO:
Ginoong Hesukristo, gikawas mo ang mahinolsulong kawatan gikan sa pag-antos sa krus ug gidala mo ngadto sa kalipay sa imong gingharian. Sa adlaw sa among kamatayon, O Ginoo, mamatay unta kami diha sa imong grasya; mamatay unta kami diha sa imong gugma; mamatay unta kami diha sa imong kabubut-on ug manghinaut kami nga imo kaming dad-on agi sa pultahan sa langit aron among maangkon ang kalipay nga way katapusan sa imong gingharian, ikaw nga nagpuyo ug nagahari hangtud sa kahangturan. Amen.


π’πˆππ€πŠπ”π‹πŽ πŸπŸŽπŸπŸ”IKA SIYAM NGA ESTASYON: SI HESUS GILANGKATAN SA IYANG SAPOT UG GILANSANG SA KRUS PAGBASA: Juan 19:23-24PA...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA SIYAM NGA ESTASYON: SI HESUS GILANGKATAN SA IYANG SAPOT UG GILANSANG SA KRUS
PAGBASA: Juan 19:23-24

PAMALANDONG:
Giunsa kita paghigugma ni Hesus? Iya kitang gihugugma pinaagi sa pagsakripisyo sa iyang kaugalingon alang kanato. Ang pagbahinbahin sa iyang sapot maoy tataw nga timaan sa iyahang paghalad sa iyang kaugalingon alang kanato. Kon buot ka nga mahisama ni Hesus sa paghigugma, ihalad ang imong kaugalingon ingo’g sakripisyo alang sa imong isigkatawo. Mao kini ang tataw nga timaan nga ikaw migahin sa imong kaugalingon ngadto sa uban. 20
Kinahanglan nga mahisama kita ni Kristo, ang Dalan, ang Kamatuoran, ug ang Kinabuhi. Kini ang labing hingpit nga paagi ug malaumon kitang mosunod niini aron mahisama ang atong hunahuna, kabubut-on ug kasing-kasing ni Hesus. Mag-ampo kita nga si Hesukristo magpuyo dinhi kanato.

PAG-AMPO:
Maluluy-ong Amahan, gihigugma Mo ang tawong manggihatagon kinsa mohatag sa iyang kaugalingon sama sa paghatag mo kanamo sa imong kaugalingon diha sa larawan sa imong anak nga si Hesus. Ihatag kanamo ang matuod nga pagkakabus sa kasing kasing aron makakat-on usab kami sa pagtugyan sa among kaugalingon diha sa imong mga kamot ug paggahin sa bisan unsa nga ania kanamo ngadto sa mga tawo nga nanginahanglan.
Himoa kini nga sakripisyo nga among ihalad kanimo uban ni Hesukristo nga among Ginoo. Amen.


π’πˆππ€πŠπ”π‹πŽ πŸπŸŽπŸπŸ”IKA WALONG ESTASYON: GIKATAGBO NI HESUS ANG MGA BABAYE SA JERUSALEM PAGBASA: Lukas 23:27-28 PAMALANDONG: Sa...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA WALONG ESTASYON: GIKATAGBO NI HESUS ANG MGA BABAYE SA JERUSALEM
PAGBASA: Lukas 23:27-28

PAMALANDONG:
Sa dinhi pa si Hesus sa Kalibotan daghan ang nibabag sa iyang mga binuhatan: ang mga Judio, ang mga magtutudlo sa balaod, ang mga Pariseo, ang iyang mga kaaway. Apan sa takna gayud kanus-a daghan nanupak sa iyang makaluluwas nga mensahe, dihay usa ka pundok sa mga katawhan nga naghimo ug mga pagbayad sa sala, nagpakita’g tumang paghigugma nga nakahupay sa iyang kasing-kasing. Diha si Maria, ang 18 iyang santos nga Inahan, ug ang mga balaang babaye sa Ebanghelyo. Ngadto sa mga balaang babaye, diha sa dalan sa kalbaryo, miingon si Hesus, β€œ Ayaw paghilak alang kanako; hilakay hinuon ang inyong kaugalingon ug ang inyong mga anak”. Dinhi atong tan-awon ang kamanggiloy-on ni Jesus, nga bisan nag-antus sa labing pait nga kasakit may panahon pa siya paghunahuna ug paghatag ug paglaum sa mga masulob-on.
PAG-AMPO:
Ginoong Dios, makakagagahun nga amahan nasinati namo ang imong mamugnaong gahum sa panahon nga makigtagbo kami ni Hesus.
Tabangi nga makaila kami kaniya diha sa among kinabuhi ug makabuhat sama sa iyang gibuhat. Itugot nga makatabang kami sa mga tawo nga nagkinahanglan sa among panabang aron mahibalik diha kanila ang paglaum nga maoy makapabuhi sa ilang pagtuo kanimo.
Kini among gipangayo pinaagi sa imong bugtong Anak, si Hesukristo nga among Ginoo ug Manunubos. AMEN.


π’πˆππ€πŠπ”π‹πŽ πŸπŸŽπŸπŸ”IKA PITONG ESTASYON: SI SIMON CIRINEO MIPAS-AN SA KRUS NI HESUS PAGBASA: Lukas 23:26 PAMALANDONG: Ang tanan...
03/04/2026

π’πˆππ€πŠπ”π‹πŽ πŸπŸŽπŸπŸ”
IKA PITONG ESTASYON: SI SIMON CIRINEO MIPAS-AN SA KRUS NI HESUS
PAGBASA: Lukas 23:26

PAMALANDONG:
Ang tanan nagdumili pagpasan sa Krus ni Hesus. Tungod niini gipugas si Simon Sireneyo pagpapas-an sa Krus. Sama ni Simon Sireneyo, pas-anon ta ang krus. Ang krus magsantos kanato kay kini kinabuhi. β€œ Diha sa krus anaa ang kinabuhi ug ang kaluwasan.”

PAG-AMPO:
Dios among Amahan, tabangi kami sa pagsunod sa panag-ingnan sa mapailubong pag-antos sa imong Anak. Nangamuyo kami kanimo, hatagi kami sa grasya nga makatabang kami sa pagpas-an sa iyang krus diha sa paghupay namo sa kasakit ug kaguol sa among isigkatawo. Kini among gipangayo pinaagi ni Kristo nga among Ginoo. Amen


Address

General Santos City
9500

Opening Hours

Monday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Saturday 8am - 5pm
Sunday 8am - 8pm

Website

Alerts

Be the first to know and let us send you an email when St. Gabriel of Our Lady of Sorrows Parish- Gensan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category