02/04/2026
HUGAS SA TIIL.
📖 ANG PAGHUGAS SA TIIL 📖
Unsa ang hinungdan ngano nga gihugasan man ni Ginoong Jesus ang tiil sa Iyang mga tinon-an? Unsa ang bout ipasabut niini nga tulomanon? Sunda ang mga pangutana nga gihan-ay niini nga giya aron sa pagsusi niining tanan.
💬 MGA PAGHISGOT 💬
❓ Pangutana
#238. Anus-a man gihimo ni Ginoong Jesus ang pagpanghugas sa mga tiil sa Iyang mga tinon-an
💬 Tubag
Juan 13:4 - Mitindog gikan sa panihapon.
❓ Pangutana
#239. Unsa man kini nga panihapon?
💬 Tubag
Juan 13:1, 2 - Fiesta sa pasko, miabut ang panihapon.
Lucas 22:15 - Pagkaon niini nga pasko.
❓ Pangutana
#240. Unsa man ang gigamit ni Jesus sa paghugas sa mga tiil sa Iyang mga tinon-an?
💬 Tubag
Juan 13:5 - Unya iyang gisudlan ug tubig ug ang dolang.
❓ Pangutana
#241. Sa dihang si apostol pedro mingbalibad sa paghugas sa iyang mga tiil, unsa man ang gisulti sa atong Ginoo kaniya?
💬 Tubag
Juan 13:8 - Kung dili ako magahugas kanimo, ikaw dili makaambit kanako.
❓ Pangutana
#242. Nganong nakasulti man ang atong Ginoo kang apostol Pedro nga kung dili mahugasan ang iyang mga tiil dili siya makaambit Kaniya?
💬 Tubag
I Corinto 10:16, 17 - kay ang copa sa panalangin mao ang pagpakig-ambit sa dugo ni Cristo ug ang tinapay maoy pagpakig-ambit sa Iyang lawas.
❓ Pangutana
#243. Sa adlaw ba nato paga-ambiton ang lawas ug dugo ni Cristo?
💬 Tubag
I Corinto 11:23-25 - Sa gabii. kay gabii nila kini gihimo
❓ Pangutana
#244. Sa nahuman sila nahugasi ni Jesus sa ilang mga tiil, Unsa ang giingon sa Ginoo kanila?
Tubag:
Juan 13:13-15 - Nga buhaton usab nila ang iyang gibuhat
💬 PAGPAHAYAG 💬
Ang buot ipasabut niini mao ang pagpaubos. Bisan siya Ginoo gipakita niya ang usa ka bulohaton sa usa ka ulipon nanghugas sa mga tiil sa mga tinon-an. Mao usab kini ang pagabuhaton, sa dili pa ang pagsaulog sa Balaang Panihapon.
❓ Pangutana
#245. Gisugo ba kini ni Ginoong Hesus nga pagabuhaton usab nato?
💬 Tubag
Juan 13:15 - Kay ako nagahatag kaninyo ug panig-ingnan, aron kamo magbuhat usab ingon sa akong gibuhat kaninyo.
❓ Pangutana
#246. Human sa paghugas ni Ginoong Jesus sa mga tiil sa Iyang mga tinon-an, Unsa dayon iyang gihimo?
💬 Tubag
Juan 13:12 - Milingkod sa lamesa.
❓ Pangutana
#247. Unsa man dayon ang sunod nga mga panghitabo?
💬 Tubag
Juan 13:18 - Ang mokaon sa tinapay uban kanako, gipatindog niya batok kanako ang iyang tikod.
❓ Pangutana
#248. Sa nakasulti si Ginoong Jesus niini, unsa ang reaksyon sa mga tinon-an?
💬 Tubag
Juan 13:22 - Nagtinan-away sila ug nagduhaduha kon kinsa kanila ang mahitungod sa Iyang gisulti.
❓ Pangutana
#249. Kay bout man silang masayud kung kinsa, unsa ang mga timailhan nga mao kadto siya ang magabudhi Kaniya?
💬 Tubag
Juan 13:26, 30 - Mao kadto nga alang kaniya pagahumdon ko ang tinapay ug ihatag ko kaniya.
❓ Pangutana
#250. Sa migawas na si Judas, unsa dayon ang gihimo sa Ginoo?
💬 Tubag
Mateo 26:26, 27 - Gikuptan ni Jesus ang usa ka tinapay; ug sa gipanalanginan niya, iyang gitipik-tipik, ug sa gihatag sa mga tinon-an, naga-ingon: “Kumuha kamo, kumaon kamo: kini mao ang akong lawas. Ug gikuptan niya ang copa; nagpasalamat, ug iyang gihatag kanila nga naga-ingon: Uminom kamo nga tanan niini.”
❓ Pangutana
#251. Sa nahuman silag pagkaon ug pag-inum, Unsa ang sunod nga programa?
💬 Tubag
Mateo 26:30 - Ug sa nakaawit sila ug usa ka alawiton nangadto sila sa bukid sa mga Olivo.
💬 PAGPAHAYAG 💬
Sa paghugas ni Cristo sa tiil sa Iyang mga tinon-an, anaa pa si Judas sumala sa Juan 13:10, 11. Busa kung ang pagkaon sa Balaang Panihapon gisunod lang usab dayon sa pasko, usa pa ang paghugas ni Cristo sa mga tiil sa mga tinon-an, nan mohatag kanato ug konklusyon nga nakakaon ug nakainom diay si Judas sa lawas ug dugo ni Cristo. Dili na unta panghimarautan siya sa Ginoo (Mateo 26:24); kay makabaton man gihapon siya sa kinabuhing dayon (Juan 6:54).
More topics
👉 https://kristohanong-duyog.blogspot.com/2020/11/mga-pangutanang-natubag-sa-biblia.html
