St. Francis of Assisi - Layco

02/08/2026

Mga igsoon, karon usa ka espesyal nga adlaw sa inyong kinabuhi. Ang inyong pagdawat sa pagka-Layco dili lamang pagdawat og responsibilidad, apan usa ka tubag sa tawag sa Ginoo. Gipili kamo dili tungod kay perpekto na kamo, kondili tungod kay andam ang Ginoo nga gamiton ang inyong kinabuhi aron mahimong panalangin sa uban.
Adunay mga higayon nga kapoyon, masayop, o mawad-an og kadasig. Apan hinumdumi nga ang Ginoo dili magpas-an kanato og buluhaton nga wala Siya maghatag og grasya aron matuman kini. Ang inyong matinud-anong pag-alagad, bisan sa gagmayng paagi, adunay dakong bili sa mata sa Diyos.
Padayon nga mahimong mga saksi sa gugma, pagkamapaubsanon, panaghiusa, ug paglaum. Hinaut nga ang inyong kinabuhi mahimong kahayag nga modala sa uban ngadto kang Kristo.

07/06/2026

https://suno.com/s/4txHmARF4KbAeuPe

Listen and make your own on Suno.

05/05/2026

MAYO 6, 2026- MIYERKOLES
Ikalimang Semana sa Pasko sa Pagkabanhaw
(White)

PUDYOT SA EBANGHELYO

UNSA MAN KITA NGA MATANG SA SANGA SA PUNOAN SA PARAS? Adunay duha ka klase sa mga sanga sa paras: ang mabungahon ug ang dili mabungahon. Kasagaran, ang mga sanga nga walay bunga putlon aron nga ang nutrisyon sa punoan dili mausik ug mapahimuslan sa mga sanga nga mabungahon. Matag karon ug unya, ang mga sanga nga mabungahon pul-ongan aron makabunga pag mas daghan. Kitang mga Kristiyano mao ang mga sanga; si Cristo mao ang atong punoan. Aron kita makabunga, kinahanglan kitang magpabilin kang Cristo. Ug aron kita mas labing magmabungahon, kinahanglan kitang pul-ongan sa garbo, kahakog, ug ubang daotang batasan. Matod pa sa usa ka magsusulat: “Every living thing needs to be pruned so it can reach its fullest potential – including you and me.”

ANG PAGBASA GIKAN SA MGA BUHAT SA MGA APOSTOLES (Acts 15:1-6)
May pipila ka tawo nga nangabot sa Antioquia, gikan sa Judea, ug nanudlo sila sa mga kaigsuonan. Sila nag-ingon, “Dili kamo maluwas gawas kon modawat kamo sa seremonyas sa pagtuli sumala sa gisugo sa Balaod ni Moises.” Kining pagtulon-ana gisupak pag-ayo ni Pablo ug ni Bernabe; busa gikauyonan nga Si Pablo ug Si Bernabe ug pipila ka mga tinun-an sa Antioquia mangadto sa Jerusalem ug makigkita sa mga apostoles ug sa mga kadagkoan bahin niining butanga. Busa gipagikan sila sa simbahan, ug sa ilang pag-agi sa Fenicia ug sa Samaria gitaho nila ang pagkakabig sa mga dili Judio ngadto sa Dios; kining balitaa nakalipay pag-ayo sa mga kaigsuonan.
Pag-abot nila sa Jerusalem gidawat sila sa simbahan, ug sa mga apostoles, ug sa mga pangulo sa simbahan ug ilang gisuginlan sila sa tanang gibuhat sa Dios pinaagi kanila. Apan may mga magtutuo nga sakop sa pundok sa mga Pariseo nga mibarog ug miingon, “Kinahanglan gayod nga tulion sila ug patumanon sa Balaod ni Moises.” Ang mga apostoles ug ang mga kadagkoan nagtigom aron paghusay niining butanga.
ANG PULONG SA GINOO.
SALAMAT SA DIOS.

SALMO RESPONSORYO
(Ps. 122:1-2, 3-4, 4-5)
T. Nalipay ako nga giingnan ako nila: mangadto na kita sa balay sa Ginoo.
Nalipay ako kay giingnan ako nila, “Mangadto na kita sa balay sa Ginoo.” Ug karon nagabarog na kami sulod sa imong mga ganghaan, O Jerusalem.
T. Nalipay ako nga giingnan ako nila: mangadto na kita sa balay sa Ginoo.
Jerusalem, nga gitukod ingon usa ka siyudad nga gipundok sa kahiusa. Ngadto kaniya nanungas ang mga tribo, ang mga tribo sa Ginoo.
T. Nalipay ako nga giingnan ako nila: mangadto na kita sa balay sa Ginoo.
Sumala sa kasugoan alang sa Israel, aron pagpasalamat sa ngalan sa Ginoo. Diha kaniya gipabarog ang mga lingkoranan sa hukmanan, ang mga lingkoranan alang sa balay ni David.
T. Nalipay ako nga giingnan ako nila: mangadto na kita sa balay sa Ginoo.

ALELUYA (Jn. 15:4a,5b)
T. Aleluya.
Pabibilin kamo kanako ug ako magpabilin kaninyo. Ang magpabilin kanako ug ako diha kaniya mamungag daghan.
T. Aleluya.

ANG PAGBASA GIKAN SA EBANGHELYO SUMALA NI SAN JUAN (Jn. 15:1-8)
Si Jesus miingon sa iyang mga tinun-an, “Ako ang matuod nga punoan sa paras, ug ang akong Amahan maoy tig-atiman. Putlon niya ang tanang sanga nga dili mamunga ug pul-ongan niya ang tanang sanga nga mamunga aron kini mahinlo ug mamungag daghan. Nahinlo na kamo pinaagi sa mga pulong nga akong gisulti kaninyo. Pabilin kamo kanako ug ako magpabilin kaninyo. “Gawas kon magpabilin kamo kanako, dili kamo makabunga, ingon nga usa ka sanga dili makabunga gawas kon magpabilin kini sa punoan.”
“Ako ang punoan sa paras, ug kamo ang mga sanga. Ang magpabilin kanako ug ako diha kaniya mamungag daghan; kay kon wala ako wala kamoy mahimo. Ang dili magpabilin kanako mahisama sa usa ka sanga nga ibalibag ug malaya; pamuniton kini ug dauban. Kon magpabilin kamo kanako ug ang akong mga pulong magpabilin kaninyo, makapangayo kamog bisan unsa ug madawat ninyo kini. Sa inyong pagpamungag daghan kapasidunggan ang akong Amahan, ug sa ingon niini kamo mahimong akong mga tinun-an.”
ANG EBANGHELYO SA GINOO.
DAYGON IKAW, O CRISTO.

KATILINGBANONG PAG-AMPO
P: Nagkahiusa isip usa ka lawas sa mga magsisimba diha sa Dios, atong dalhon ang atong mga panginahanglan ngadto sa Ginoo nga masaligon: TIG-ALIMA SA PARASAN NGA BUHI SA KANUNAY, KAMI HIMOANG MABUNGAHON.
1. Nga ang kahiusahan nga nagagikan kang Cristo, ang matuod nga lawas, makakabig unta sa mga Kristiyanos ngadto sa Iyang Simbahan. Mag-ampo kita sa Ginoo.
2. Nga ang mga pari, mga relihiyoso ug mga misyonero, mahimong matinud-anon sa ilang bokasyon diha sa Simbahan ug magpabiling mahiusa kang Cristo sa tanan nilang mga buhat. Mag-ampo kita sa Ginoo.
3. Nga kadtong gisulayan sa mga kalisdanan sa kinabuhi magmaunongon kang Cristo ug sa Iyang Ebanghelyo. Mag-ampo kita sa Ginoo.
4. Nga ang mga masakiton makakita unta ni Cristo nga maoy gigikanan sa kusog ug pag-ayo. Mag-ampo kita sa Ginoo.
5. Nga ang mga magtotoo nga nangamatay magpabilin diha ni Cristo hangtod sa kahangturan. Mag-ampo kita sa Ginoo.
P: Ginoo, kon wala Ikaw wala kami mahimo. Patalinghugi ang among mga pag-ampo ug ampingi kami sa imong gugma. Kini among gipangayo pinaagi ni Cristo nga among Ginoo. Amen.

28/04/2026

𝗔𝗕𝗥𝗜𝗟 𝟮𝟵, 𝟮𝟬𝟮𝟲 - 𝗠𝗜𝗬𝗘𝗥𝗞𝗢𝗟𝗘𝗦
𝗠𝗶𝘆𝗲𝗿𝗸𝗼𝗹𝗲𝘀 𝘀𝗮 𝗜𝗸𝗮-𝟰 𝗻𝗴𝗮 𝗦𝗲𝗺𝗮𝗻𝗮 𝘀𝗮 𝗣𝗮𝘀𝗸𝗼 𝘀𝗮 𝗣𝗮𝗴𝗸𝗮𝗯𝗮𝗻𝗵𝗮𝘄
𝗦𝗮𝗻𝘁𝗮 𝗖𝗮𝘁𝗮𝗹𝗶𝗻𝗮 𝘀𝗮 𝗦𝗶𝗲𝗻𝗮, 𝗕𝗶𝗿𝗵𝗲𝗻 𝘂𝗴 𝗗𝗼𝗸𝘁𝗼𝗿 𝘀𝗮 𝗦𝗶𝗺𝗯𝗮𝗵𝗮𝗻
(𝗪𝗵𝗶𝘁𝗲)

𝗔𝗕𝗥𝗜𝗟 𝟮𝟵, 𝟮𝟬𝟮𝟲 - 𝗠𝗜𝗬𝗘𝗥𝗞𝗢𝗟𝗘𝗦
𝗠𝗶𝘆𝗲𝗿𝗸𝗼𝗹𝗲𝘀 𝘀𝗮 𝗜𝗸𝗮-𝟰 𝗻𝗴𝗮 𝗦𝗲𝗺𝗮𝗻𝗮 𝘀𝗮 𝗣𝗮𝘀𝗸𝗼 𝘀𝗮 𝗣𝗮𝗴𝗸𝗮𝗯𝗮𝗻𝗵𝗮𝘄
𝗦𝗮𝗻𝘁𝗮 𝗖𝗮𝘁𝗮𝗹𝗶𝗻𝗮 𝘀𝗮 𝗦𝗶𝗲𝗻𝗮, 𝗕𝗶𝗿𝗵𝗲𝗻 𝘂𝗴 𝗗𝗼𝗸𝘁𝗼𝗿 𝘀𝗮 𝗦𝗶𝗺𝗯𝗮𝗵𝗮𝗻
(𝗪𝗵𝗶𝘁𝗲)

ANG PAGBASA GIKAN SA MGA BUHAT SA MGA APOSTOLES (Acts 12:24 - 13:5)
Ang pulong sa Dios nagpadayon pagkaylap. Si Bernabe ug si Saulo nakatapos sa ilang misyon ug namalik sila gikan sa Jerusalem, dala si Juan Marcos.
Sa simbahan sa Antioquia dihay mga propeta ug mga magtutudlo nga si Bernabe, si Simon (nga gianggaag Negro), si Lucio (taga-Cirene), si Manaen (nga namatuto uban ni Gobernador Herodes), ug si Saulo. Usa ka adlaw niana, samtang nagsimba sila sa Ginoo ug nagpuasa, miingon kanila ang Espiritu Santo, “Igahin kanako si Bernabe ug si Saulo alang sa buhat nga maoy hinungdan sa pagtawag ko kanila.” Busa nagpuasa sila ug nag-ampo ug gipandongan nila sa ilang mga kamut si Bernabe ug si Saulo ug unya gipalakaw sila.
Sanglit mga sinugo man sa Espiritu Santo, si Bernabe ug si Saulo nangadto sa Seleucia ug gikan didto milawig sila ngadto sa pulo sa Cipre. Sa pag-abot nila sa Salamina, giwali nila ang pulong sa Dios sulod sa mga sinagoga. Kuyog kanila si Juan Marcos silbing katabang.
ANG PULONG SA GINOO.
SALAMAT SA DIOS.
SALMO RESPONSORYO
(Ps. 67:2-3,5, 6,
T. O Dios, magdayeg unta kanimo ang tanang mga nasod.
Kaloy-an unta kita sa Dios ug bendisyonan niya; ipadan-ag unta nganhi kanato ang iyang nawong. Mahibaw-an unta ang imong dalan dinhi sa yuta; diha sa tanang mga nasod, ang imong kaluwasan.
T. O Dios, magdayeg unta kanimo ang tanang mga nasod.
Maglipay unta ang mga nasod ug magsadya tungod kay nagamando ka sa kanasuran diha sa katarong; ang mga nasod dinhi sa yuta imong agakon.
T. O Dios, magdayeg unta kanimo ang tanang mga nasod.
Daygon unta ikaw sa katawhan, O Dios; ang tanang kalungsoran magdayeg unta kaniya. Panalanginan unta kita sa Dios, ug ang tanang kautlanan sa yuta mahadlok unta kaniya.
T. O Dios, magdayeg unta kanimo ang tanang mga nasod.
ALELUYA (Jn. 8:12)
T. Aleluya.
Ako mao ang kahayag sa kalibutan, nag-ingon ang Ginoo; ang tawo nga magsunod sa akong kabubut-on makabaton sa kahayag sa kinabuhi.
T. Aleluya.
ANG PAGBASA GIKAN SA EBANGHELYO SUMALA NI SAN JUAN (Jn. 12:44-50)
Unya si Jesus misultig kusog, “Ang nagtoo kanako wala lamang magtoo kanako kondili kaniya usab nga nagpadala kanako. Ang nakakita kanako nakakita usab kaniya nga nagpadala kanako. Mianhi ako nga kahayag sa kalibutan, aron ang tanan nga nagtoo kanako dili magpabilin sa kangitngit. Ang mamati sa akong mensahe ug dili magtuman niini dili ko hukman. Mianhi ako dili aron pagsilot sa kalibutan, kondili aron pagluwas niini. Adunay mosilot niadtong magsalikway kanako ug dili modawat sa akong mensahe. Ang pulong nga akong gisulti mao unya ang maghukom kaniya sa katapusang adlaw! Matuman gayod kini, kay wala man ako magsulti sa akong kaugalingong kabubut-on, kondili ang Amahan nga nagpadala kanako maoy nagsugo kanako kon unsay akong isulti. Ug nasayod ako nga ang iyang sugo naghatag og kinabuhing dayon. Busa ang akong gisulti mao ang gipasulti kanako sa Amahan.”
ANG EBANGHELYO SA GINOO.
DAYGON IKAW, O CRISTO.
KATILINGBANONG PAG-AMPO
P: Nagkatigum isip katawhan nga nanginahanglan, mag-ampo kita ngadto sa Dios Amahan uban sa mapainubsanong mga kasingkasing nagasalig sa iyang dakong kaluoy: AMAHAN, PANALANGINI KAMI PINAAGI NI CRISTO.
1.Nga kadtong nangulo sa Simbahan motuman sa ilang panaad nga buhi sa ilang pagsangyaw sa Ebanghelyo. Mag-ampo kita sa Ginoo.
2.Nga kadtong gisangonan sa gahum mag-una ug mogiya sa katawhan diha sa diwa sa pagpangalagad. Mag-ampo kita sa Ginoo.
3.Nga kadtong mitalikod sa ilang pagtuo, mahibalik ngadto sa pamilya sa Dios. Mag-ampo kita sa Ginoo.
4.Nga kadtong nasakitan sa mga pag-antus ug mga balatian makakaplag og kusog ug kahupayan gikan kang Jesus nga
nagmadaugon batok sa sala ug kamatayon. Mag-ampo kita sa Ginoo.
5.Nga ang mga matuohon nga nangamatay makadawat sa walay kinutubang ganti. Mag-ampo kita sa Ginoo.
P: Makagagahum nga Amahan, gitawag mo kami aron mahiusa kanimo. Mahimo unta kaming matinud-anon nga sumusunod sa imong Anak paingon sa imong Gingharian. Kini among gipangayo pinaagi ni Cristo among Ginoo. Amen.

28/04/2026

𝗔𝗕𝗥𝗜𝗟 𝟮𝟵, 𝟮𝟬𝟮𝟲 - 𝗠𝗜𝗬𝗘𝗥𝗞𝗢𝗟𝗘𝗦
𝗠𝗶𝘆𝗲𝗿𝗸𝗼𝗹𝗲𝘀 𝘀𝗮 𝗜𝗸𝗮-𝟰 𝗻𝗴𝗮 𝗦𝗲𝗺𝗮𝗻𝗮 𝘀𝗮 𝗣𝗮𝘀𝗸𝗼 𝘀𝗮 𝗣𝗮𝗴𝗸𝗮𝗯𝗮𝗻𝗵𝗮𝘄
𝗦𝗮𝗻𝘁𝗮 𝗖𝗮𝘁𝗮𝗹𝗶𝗻𝗮 𝘀𝗮 𝗦𝗶𝗲𝗻𝗮, 𝗕𝗶𝗿𝗵𝗲𝗻 𝘂𝗴 𝗗𝗼𝗸𝘁𝗼𝗿 𝘀𝗮 𝗦𝗶𝗺𝗯𝗮𝗵𝗮𝗻
(𝗪𝗵𝗶𝘁𝗲)

ANG PAGBASA GIKAN SA MGA BUHAT SA MGA APOSTOLES (Acts 12:24 - 13:5)
Ang pulong sa Dios nagpadayon pagkaylap. Si Bernabe ug si Saulo nakatapos sa ilang misyon ug namalik sila gikan sa Jerusalem, dala si Juan Marcos.
Sa simbahan sa Antioquia dihay mga propeta ug mga magtutudlo nga si Bernabe, si Simon (nga gianggaag Negro), si Lucio (taga-Cirene), si Manaen (nga namatuto uban ni Gobernador Herodes), ug si Saulo. Usa ka adlaw niana, samtang nagsimba sila sa Ginoo ug nagpuasa, miingon kanila ang Espiritu Santo, “Igahin kanako si Bernabe ug si Saulo alang sa buhat nga maoy hinungdan sa pagtawag ko kanila.” Busa nagpuasa sila ug nag-ampo ug gipandongan nila sa ilang mga kamut si Bernabe ug si Saulo ug unya gipalakaw sila.
Sanglit mga sinugo man sa Espiritu Santo, si Bernabe ug si Saulo nangadto sa Seleucia ug gikan didto milawig sila ngadto sa pulo sa Cipre. Sa pag-abot nila sa Salamina, giwali nila ang pulong sa Dios sulod sa mga sinagoga. Kuyog kanila si Juan Marcos silbing katabang.
ANG PULONG SA GINOO.
SALAMAT SA DIOS.
SALMO RESPONSORYO
(Ps. 67:2-3,5, 6,
T. O Dios, magdayeg unta kanimo ang tanang mga nasod.
Kaloy-an unta kita sa Dios ug bendisyonan niya; ipadan-ag unta nganhi kanato ang iyang nawong. Mahibaw-an unta ang imong dalan dinhi sa yuta; diha sa tanang mga nasod, ang imong kaluwasan.
T. O Dios, magdayeg unta kanimo ang tanang mga nasod.
Maglipay unta ang mga nasod ug magsadya tungod kay nagamando ka sa kanasuran diha sa katarong; ang mga nasod dinhi sa yuta imong agakon.
T. O Dios, magdayeg unta kanimo ang tanang mga nasod.
Daygon unta ikaw sa katawhan, O Dios; ang tanang kalungsoran magdayeg unta kaniya. Panalanginan unta kita sa Dios, ug ang tanang kautlanan sa yuta mahadlok unta kaniya.
T. O Dios, magdayeg unta kanimo ang tanang mga nasod.
ALELUYA (Jn. 8:12)
T. Aleluya.
Ako mao ang kahayag sa kalibutan, nag-ingon ang Ginoo; ang tawo nga magsunod sa akong kabubut-on makabaton sa kahayag sa kinabuhi.
T. Aleluya.
ANG PAGBASA GIKAN SA EBANGHELYO SUMALA NI SAN JUAN (Jn. 12:44-50)
Unya si Jesus misultig kusog, “Ang nagtoo kanako wala lamang magtoo kanako kondili kaniya usab nga nagpadala kanako. Ang nakakita kanako nakakita usab kaniya nga nagpadala kanako. Mianhi ako nga kahayag sa kalibutan, aron ang tanan nga nagtoo kanako dili magpabilin sa kangitngit. Ang mamati sa akong mensahe ug dili magtuman niini dili ko hukman. Mianhi ako dili aron pagsilot sa kalibutan, kondili aron pagluwas niini. Adunay mosilot niadtong magsalikway kanako ug dili modawat sa akong mensahe. Ang pulong nga akong gisulti mao unya ang maghukom kaniya sa katapusang adlaw! Matuman gayod kini, kay wala man ako magsulti sa akong kaugalingong kabubut-on, kondili ang Amahan nga nagpadala kanako maoy nagsugo kanako kon unsay akong isulti. Ug nasayod ako nga ang iyang sugo naghatag og kinabuhing dayon. Busa ang akong gisulti mao ang gipasulti kanako sa Amahan.”
ANG EBANGHELYO SA GINOO.
DAYGON IKAW, O CRISTO.
KATILINGBANONG PAG-AMPO
P: Nagkatigum isip katawhan nga nanginahanglan, mag-ampo kita ngadto sa Dios Amahan uban sa mapainubsanong mga kasingkasing nagasalig sa iyang dakong kaluoy: AMAHAN, PANALANGINI KAMI PINAAGI NI CRISTO.
1.Nga kadtong nangulo sa Simbahan motuman sa ilang panaad nga buhi sa ilang pagsangyaw sa Ebanghelyo. Mag-ampo kita sa Ginoo.
2.Nga kadtong gisangonan sa gahum mag-una ug mogiya sa katawhan diha sa diwa sa pagpangalagad. Mag-ampo kita sa Ginoo.
3.Nga kadtong mitalikod sa ilang pagtuo, mahibalik ngadto sa pamilya sa Dios. Mag-ampo kita sa Ginoo.
4.Nga kadtong nasakitan sa mga pag-antus ug mga balatian makakaplag og kusog ug kahupayan gikan kang Jesus nga
nagmadaugon batok sa sala ug kamatayon. Mag-ampo kita sa Ginoo.
5.Nga ang mga matuohon nga nangamatay makadawat sa walay kinutubang ganti. Mag-ampo kita sa Ginoo.
P: Makagagahum nga Amahan, gitawag mo kami aron mahiusa kanimo. Mahimo unta kaming matinud-anon nga sumusunod sa imong Anak paingon sa imong Gingharian. Kini among gipangayo pinaagi ni Cristo among Ginoo. Amen.

04/04/2026

Veneration of the Cross

03/04/2026

Via Crucis April 3, 2026