Social Communications Ministry De Fatima - OLFP

06/06/2026

𝘿𝙖𝙠𝙞𝙡𝙖𝙣𝙜 𝙆𝙖𝙥𝙞𝙨𝙩𝙖𝙝𝙖𝙣 𝙣𝙜 𝙆𝙖𝙩𝙖𝙬𝙖𝙣 𝙖𝙩 𝘿𝙪𝙜𝙤 𝙣𝙞 𝙆𝙧𝙞𝙨𝙩𝙤

Inaanyayahan po ang lahat ng mananampalataya na makibahagi sa banal na pagdiriwang ng Santa Misa bilang pagpupugay at pasasalamat sa presensya ni Hesus sa Banal na Eukaristiya.

𝙎𝙠𝙚𝙙𝙮𝙪𝙡 𝙣𝙜 𝙈𝙜𝙖 𝙈𝙞𝙨𝙖:
⏰ 𝙐𝙣𝙖𝙣𝙜 𝙈𝙞𝙨𝙖 — 6:30 𝙖.𝙢.
⏰ 𝙄𝙠𝙖𝙡𝙖𝙬𝙖𝙣𝙜 𝙈𝙞𝙨𝙖 — 8:30 𝙖.𝙢.

Nawa’y sa pagtanggap natin sa Banal na Eukaristiya, mas mapalalim pa ang ating pananampalataya at pagmamahal sa Diyos at sa kapwa.

📌 Our Lady of Fatima Parish
Brgy. Poblacion, Gen. M. Natividad, Nueva Ecija. 3125

31/05/2026

Mayo 31, 2026

⛪ Dakilang Kapistahan ng Kabanal-Banalang Santatlo at Linggo ng Basic Ecclesial Community (BEC)

Sa pagdiriwang na ito, ating pinagninilayan ang hiwaga ng iisang Diyos sa tatlong Persona, Ama, Anak, at Espiritu Santo. Kasabay nito, ating ipinagdiriwang ang Linggo ng Basic Ecclesial Community bilang paalala ng kahalagahan ng pagkakaisa, pananampalataya, at pakikibahagi sa buhay ng Simbahan bilang isang pamayanang Kristiyano.

Nawa’y patuloy tayong maging buhay na saksi ng pagmamahal ng Diyos at maging instrumento ng pagkakaisa sa ating mga pamayanan.

24/05/2026

Mayo 24, 2026 | Linggo ng Pentecostes

𝙰𝚗𝚐 𝚃𝚊𝚐𝚊𝚙𝚊𝚐𝚋𝚞𝚔𝚕𝚘𝚍

Hindi tayo iniwang mag-isa. Sa pagdating ng Espiritu Santo, binigyan tayo ng lakas upang magpatuloy at maging saksi ng pagmamahal ng Diyos. Nawa’y maging apoy tayo na nagbibigay-liwanag sa buhay ng iba. Isang pinagpalang Linggo ng Pentecostes! 🕊️❤️

16/05/2026

[PAANYAYA] | Mayo 17, 2026

​Ang Kanyang Pag-akyat, Ang Ating Pagsisimula 🕊️✨

​Ngayong Ikapitong Linggo ng Pasko ng Pagkabuhay (Mayo 17), ipinagdiriwang natin ang Pag-akyat sa Langit ng ating Panginoong Hesukristo.

​Bago Siya umakyat sa kalangitan sa harap ng Kanyang mga alagad, iniwan Niya sa atin ang isang mahalagang utos: ang ipahayag ang Mabuting Balita sa buong mundo. Ang Kanyang pagbabalik sa Ama ay hindi wakas, kundi simula ng ating misyon bilang Kanyang Simbahan.
​Tayo nawa ay maging buhay na saksi ng Kanyang pagmamahal at kapayapaan sa ating sariling mga komunidad.

​Isang mapagpalang Linggo ng Pag-akyat sa langit ng Panginoon sa ating lahat mula sa Our Lady of Fatima Parish!

Tara na at Magsimba!

​

14/05/2026

[TIGNAN] | Investiture
Mayo 10, 2026

Ganap nang naging Sakristan ang mga kabataang nagli-lingkod sa Altar ng ating Parokya. Ito ay ginanap sa Unang Araw ng ating pagti-triduo para sa Kapistahan ng ating Mahal na Patrona, ang Birhen ng Fatima. Isama po natin sila sa ating mga panalangin upang sila lubos na makapag-lingkod sa Diyos, at gabayan ng kanilang patron si San Lorenzo Ruiz.

San Lorenzo Ruiz, Ipanalangin mo kami!
Mahal na Birhen ng Fatima, Ipanalangin mo kami!

14/05/2026

[TIGNAN] | Pagdalaw ni San Jose ng Bangad
Mayo 10, 2026

Nitong linggo ay dumadalaw si San Jose sa ating parokya. Nawa'y ang pagdalaw na ito maging daan ito upang mas mapalalim pa natin ang ating pananampalataya at debosyon sa Kabiyak ng ating Mahal na Ina, ang Birheng Maria.

Viva San Jose!
Viva Maria!

14/05/2026

[TIGNAN] | First Day Triduum
Mayo 10, 2026

Unang Araw ng ating Banal na pag ti-triduo sa karangalan ng ating Mahal na patrona, ang Mahal na Birhen ng Fatima. Salamat po sa lahat ng mga nag-alay na Baranggay at mga Ministeryo ng ating Parokya.

Viva Maria!

12/05/2026

[KAPISTAHAN] | Mahal na Birhen ng Fatima
Mayo 13, 2026

Ang unang aparisyon ng Mahal na Birheng Maria sa Fatima

Sa gitna ng kaguluhan ng mundo noong 1917, nagpakita ang Mahal na Birhen sa Fatima sa tatlong batang pastol—sina Lucia, Francisco, at Jacinta. Ang kanyang mensahe ay simple ngunit makapangyarihan: Panalangin, Pagsisisi, at Pagbabalik-loob.

​Ngayong araw, muli tayong tinatawag ng ating Inang Maria na huwag mapagod sa pagdarasal ng Santo Rosaryo para sa kapayapaan ng sandaigdigan at para sa kaligtasan ng mga kaluluwa. Hindi lamang siya isang imahen ng nakaraan, kundi isang buhay na paalala na ang pag-ibig ng Diyos ay laging nariyan, naghihintay na tayo ay lumapit. Nawa’y maging katulad tayo ng mga batang pastol—may pusong mapagkumbaba at handang sumunod sa tawag ng langit. 🙏🌹

Viva Maria!

11/05/2026

𝕻𝖆𝖓𝖆𝖑𝖆𝖓𝖌𝖎𝖓 𝖘𝖆 𝕸𝖆𝖍𝖆𝖑 𝖓𝖆 𝕭𝖎𝖗𝖍𝖊𝖓 𝖓𝖌 𝕱𝖆𝖙𝖎𝖒𝖆

Kabanal-banalang Birhen ng Fatima, Ina ng totoong Diyos, Kami'y nabubuhay para sa iyo, yamang para sa amin ikaw ay inang mahabagin. Ikaw ang hinahanap namin at tinatawagan. Maawa ka at iyong bigyang pansin ang aming mga pagluha at kalungkutan.

Pagalingin mo ang mga nalulumbay, ang mga nagdadalamhati, at ang mga maysakit. Inang maamo at maibigin kanlungin mo kami sa iyong mga bisig. Huwag mong ipahintulot na mabagabag o mabalisa ang aming mga puso. Ipakita mo sa amin ang minamahal mong anak na si Hesus, upang aming matagpuan sa kanya, at kasama niya ang aming kaligtasan at ng sanlibutan.

Kamahal-mahalang Inang Maria, suguin kami, gawin kaming tagapaghatid ng balita sa mundo at ng salita ng Diyos. Amen.

Luwalhati sa Ama, sa Anak, at sa Espiritu Santo.
Kapara noong sa Una, Ngayon, at Magpasawalang Hanggan. Amen.

09/05/2026