Balangkare Youth Ministry-𝘽𝙔𝙈

23/08/2026

𝐈𝐤𝐚-𝟐𝟏 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧 | 𝐀𝐠𝐨𝐬𝐭𝐨 𝟐𝟑, 𝟐𝟎𝟐𝟔

“𝐈𝐤𝐚𝐰 𝐚𝐧𝐠 𝐊𝐫𝐢𝐬𝐭𝐨, 𝐚𝐧𝐠 𝐀𝐧𝐚𝐤 𝐧𝐠 𝐃𝐢𝐲𝐨𝐬 𝐧𝐚 𝐛𝐮𝐡𝐚𝐲.” — Mateo 16:16

Sa Banal na Pagdiriwang ngayong araw, muli nating pinagtibay ang ating pananampalataya kay Kristo—ang ating Panginoon at Tagapagligtas. Sa pamamagitan ng pagtitiwala kay Hesus at pananatili sa Kanyang Simbahan, nawa’y maging matatag tayo sa bawat pagsubok at manatiling tapat sa ating misyon bilang Kanyang mga tagasunod.

Nawa’y lagi nating isabuhay ang pananampalatayang hindi lamang sinasabi ng ating mga labi, kundi ipinapakita rin sa ating mga gawa.

𝐏𝐚𝐧𝐠𝐢𝐧𝐨𝐨𝐧, 𝐩𝐚𝐥𝐚𝐥𝐢𝐦𝐢𝐧 𝐌𝐨 𝐚𝐧𝐠 𝐚𝐦𝐢𝐧𝐠 𝐩𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚 𝐚𝐭 𝐩𝐚𝐭𝐚𝐭𝐚𝐠𝐢𝐧 𝐌𝐨 𝐤𝐚𝐦𝐢 𝐬𝐚 𝐈𝐲𝐨𝐧𝐠 𝐒𝐢𝐦𝐛𝐚𝐡𝐚𝐧.

09/08/2026

𝐊𝐀𝐇𝐈𝐓 𝐌𝐀𝐔𝐋𝐀𝐍, 𝐏𝐀𝐓𝐔𝐋𝐎𝐘 𝐏𝐀 𝐑𝐈𝐍 𝐒𝐀 𝐏𝐀𝐆𝐒𝐈𝐒𝐈𝐌𝐁𝐀

Hindi hadlang ang ulan para makapiling ang Panginoon. Sa bawat patak ng ulan, nawa’y maalala natin na tulad ng mga alon at unos sa Ebanghelyo ngayong Linggo, may mga pagkakataong tayo rin ay natatakot, nag-aalinlangan, at pinanghihinaan ng loob.

Ngunit sa gitna ng unos, naroon si Hesus. Tinuturuan Niya tayong huwag magpadaig sa takot, bagkus ay magtiwala at manatiling nakatuon sa Kanya.

Ngayong Linggo, pinatunayan natin na kahit maulan ang paligid, hindi kailangang mabasa ang ating pananampalataya.

Sapagkat ang tunay na pananampalataya ay hindi lamang nakikita kapag maganda ang panahon—mas lalo itong nasusukat kapag may unos, ngunit pinipili pa rin nating lumapit sa Diyos.

“𝐏𝐚𝐧𝐠𝐢𝐧𝐨𝐨𝐧, 𝐭𝐮𝐥𝐮𝐧𝐠𝐚𝐧 𝐌𝐨 𝐤𝐚𝐦𝐢𝐧𝐠 𝐦𝐚𝐧𝐚𝐭𝐢𝐥𝐢𝐧𝐠 𝐧𝐚𝐤𝐚𝐭𝐮𝐨𝐧 𝐬𝐚 𝐈𝐲𝐨, 𝐥𝐚𝐥𝐨 𝐧𝐚 𝐬𝐚 𝐦𝐠𝐚 𝐩𝐚𝐧𝐚𝐡𝐨𝐧𝐠 𝐤𝐚𝐦𝐢 𝐚𝐲 𝐧𝐚𝐭𝐚𝐭𝐚𝐤𝐨𝐭 𝐚𝐭 𝐧𝐚𝐠-𝐚𝐚𝐥𝐢𝐧𝐥𝐚𝐧𝐠𝐚𝐧.”

📖 Ika-19 Linggo sa Karaniwang Panahon (A)
⛪ Mateo 14, 22-33

09/08/2026

𝐈𝐬𝐚𝐧𝐠 𝐩𝐮𝐬𝐨𝐧𝐠 𝐧𝐚𝐠𝐩𝐚𝐩𝐚𝐬𝐚𝐥𝐚𝐦𝐚𝐭 𝐬𝐚 𝐃𝐢𝐲𝐨𝐬 𝐚𝐭 𝐬𝐚 𝐚𝐭𝐢𝐧𝐠 𝐦𝐠𝐚 𝐤𝐚𝐛𝐚𝐭𝐚𝐚𝐧 𝐧𝐠 𝐁𝐚𝐥𝐚𝐧𝐠𝐤𝐚𝐫𝐞 𝐍𝐨𝐫𝐭𝐞 𝐘𝐨𝐮𝐭𝐡 𝐂𝐡𝐨𝐫𝐮𝐬 at sa 𝐁𝐚𝐥𝐚𝐧𝐠𝐤𝐚𝐫𝐞 𝐍𝐨𝐫𝐭𝐞 𝐘𝐨𝐮𝐭𝐡 𝐀𝐧𝐢𝐦𝐚𝐭𝐨𝐫𝐬!

Ang bawat nota at awit ng pagpupuri ay patunay ng buhay na pananampalataya. Ayon sa mga pagbasa ngayong Linggo (Agosto 9, 2026), tinatawag tayo ng Panginoon na magtiwala at mamuhay sa Kanyang pag-ibig—isang paaanyayang mas lalo nating nadarama sa pamamagitan ng inspirasyon at dedikasyon ng ating kabataan.

Maraming salamat, 𝐁𝐚𝐥𝐚𝐧𝐠𝐤𝐚𝐫𝐞 𝐍𝐨𝐫𝐭𝐞 𝐘𝐨𝐮𝐭𝐡 𝐂𝐡𝐨𝐫𝐮𝐬 at sa mga 𝐁𝐚𝐥𝐚𝐧𝐠𝐤𝐚𝐫𝐞 𝐍𝐨𝐫𝐭𝐞 𝐘𝐨𝐮𝐭𝐡 𝐀𝐧𝐢𝐦𝐚𝐭𝐨𝐫𝐬, sa inyong oras, sakripisyo, at paglilingkod gamit ang inyong mga tinig at galing sa pagsayaw. Nawa'y patuloy kayong maging tanglaw at patuloy na magbigay-luwalhati sa Panginoon!

Mahal na Birhen ng Santo Rosaryo, Ipanalangin mo kami.

07/08/2026

26/07/2026

𝐈𝐬𝐚𝐧𝐠 𝐩𝐢𝐧𝐚𝐠𝐩𝐚𝐥𝐚𝐧𝐠 𝐈𝐤𝐚-𝟏𝟕 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧!

Sa Mabuting Balita ngayon (𝐌𝐚𝐭𝐞𝐨 𝟏𝟑:𝟒𝟒-𝟒𝟔), inihambing ni Hesus ang Kaharian ng Diyos sa isang kayamanang nakabaon sa bukid at sa isang napakahalagang perlas—mga kayamanang handang ipagpalit ang lahat masungkit lamang ang tunay at walang-hanggang halaga.

Tulad rin ng idinalangin ni Haring Solomon sa Unang Pagbasa, nawa'y humiling din tayo ng isang pusong maunawain, marunong kumilala ng Kanyang kalooban, at inuuna ang mga espirituwal na bagay.

Sa gitna ng mga abala at mabilis na takbo ng buhay, nawa'y manatili sa ating mga puso na ang Panginoon at ang Kanyang paghahari ang ating pinakadakilang kayamanan.
Isang puspos-biyayang linggo sa ating lahat!

19/07/2026

𝐒𝐮𝐧𝐝𝐚𝐲 𝐖𝐞𝐥𝐥 𝐒𝐩𝐞𝐧𝐭

Growing in faith, together. Ang saya lang na magkasama-sama tayong muli sa simbahan! Puno ng pag-asa para sa linggong darating. Let's keep growing, keep shining, and stay rooted in the good seed. 🌾🙌

19/07/2026

𝐁𝐚𝐧𝐚𝐥 𝐧𝐚 𝐏𝐚𝐠𝐝𝐢𝐫𝐢𝐰𝐚𝐧𝐠: 𝐇𝐮𝐥𝐲𝐨 𝟏𝟗, 𝟐𝟎𝟐𝟔

Sa gitna ng mundong puno ng gulo at hindi pagkakaunawaan, madalas nating itanong: 'Bakit hinahayaan ng Diyos na magpatuloy ang kasamaan?' Ngayong Linggo, ipinaalala sa atin ng talinghaga ng mga damo sa triguhan na ang Diyos ay isang mapagmahal na Magsasaka.

Hindi Niya agad binubunot ang masama dahil alam Niyang baka madamay ang mabubuti. Ang Kanyang pagtitiis ay pagkakataon para sa ating lahat na magbago, magsisi, at lumago sa kabutihan. Hindi natin hawak ang oras ng anihan, kaya habang may pagkakataon, piliin nating maging 'trigo'—maging liwanag at pag-asa sa kapwa.

Salamat sa Banal na Pagdiriwang ngayong araw na nagpapaalala sa atin na hindi tayo nag-iisa sa ating paglalakbay. 🌾📖

"

14/07/2026

𝐈𝐤𝐚𝐥𝐚𝐰𝐚𝐧𝐠 𝐚𝐫𝐚𝐰 𝐧𝐠 𝐓𝐫𝐢𝐝𝐮𝐮𝐦 𝐩𝐚𝐫𝐚 𝐬𝐚 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧 𝐧𝐠 𝐁𝐮𝐧𝐝𝐨𝐤 𝐂𝐚𝐫𝐦𝐞𝐥. 🙏🎶

Taos-pusong pasasalamat sa Panginoon sa pagkakataong makapaglingkod bilang kabataang choir. Nawa’y ang bawat awit na aming iniaalay ay maging papuri sa Kanya at magdala ng pag-asa at pananampalataya sa bawat puso.

“𝐀𝐧𝐠 𝐩𝐚𝐠𝐥𝐢𝐥𝐢𝐧𝐠𝐤𝐨𝐝 𝐬𝐚 𝐃𝐢𝐲𝐨𝐬 𝐚𝐲 𝐡𝐢𝐧𝐝𝐢 𝐤𝐚𝐢𝐥𝐚𝐧𝐦𝐚𝐧 𝐧𝐚𝐬𝐚𝐬𝐚𝐲𝐚𝐧𝐠.” 💙

12/07/2026

𝐒𝐚 𝐁𝐚𝐰𝐚𝐭 𝐁𝐢𝐧𝐡𝐢, 𝐌𝐚𝐲 𝐏𝐚𝐠-𝐚𝐬𝐚

Sa ating paggunita ng Ika-15 Linggo sa Karaniwang Panahon, ipinaalala sa atin ng Mabuting Balita ang mahalagang talinghaga ng "Magsasaka" (Mateo 13:1-23). Sa ating paglalakbay, madalas nating itanong: "Ano nga ba ang kalagayan ng aking puso ngayon?"

Ang Salita ng Diyos ay parang binhi na patuloy na inihahasik sa ating mga buhay. Minsan, dahil sa sobrang pagod at mga alalahanin sa mundo, parang nalulunod ang mensahe Niya (dawagan). Minsan naman, dahil sa mga pagsubok, madali tayong nanlalamig (kabatuhan). Ngunit, patuloy ang tawag sa atin: ang maging "mabuting lupa."

Ang pagiging mabuting lupa ay hindi nangangahulugang wala tayong pinagdadaanan. Ito ay ang pagkakaroon ng pusong handang tumanggap, umunawa, at higit sa lahat, magbunga. Ang bunga ng pananampalataya ay hindi lamang nararamdaman sa loob ng simbahan, kundi isinasabuhay sa pagmamahal sa kapwa, pagtitiis, at paggawa ng mabuti kahit walang nakakakita.

“𝙉𝙜𝙪𝙣𝙞𝙩 𝙖𝙣𝙜 𝙗𝙞𝙣𝙝𝙞𝙣𝙜 𝙣𝙖𝙡𝙖𝙜𝙡𝙖𝙜 𝙨𝙖 𝙢𝙖𝙗𝙪𝙩𝙞𝙣𝙜 𝙡𝙪𝙥𝙖 𝙖𝙮 𝙣𝙖𝙜-𝙪𝙝𝙖𝙮: 𝙢𝙖𝙮 𝙩𝙞𝙜𝙨𝙖𝙨𝙖𝙣𝙙𝙖𝙖𝙣, 𝙢𝙖𝙮 𝙩𝙞𝙜-𝙖𝙖𝙣𝙞𝙢𝙣𝙖𝙥𝙪, 𝙖𝙩 𝙢𝙖𝙮 𝙩𝙞𝙜𝙩𝙖𝙩𝙖𝙩𝙡𝙪𝙢𝙥𝙪𝙣𝙜 𝙗𝙪𝙩𝙞𝙡 𝙖𝙣𝙜 𝙗𝙖𝙬𝙖𝙩 𝙪𝙝𝙖𝙮." - 𝙈𝙖𝙩𝙚𝙤 13:23

Nawa'y sa linggong ito, hayaan nating patubuin ng Panginoon ang pag-asa sa gitna ng ating mga hamon. Huwag lang tayong maging tagapakinig ng Salita, kundi maging mga manghahasik din ng kabutihan sa ating pamilya, trabaho, at komunidad.
Isang mapagpalang Linggo sa ating lahat!

Mahal na Birhen ng Santo Rosaryo, Ipanalangin mo kami!

12/07/2026

𝐁𝐚𝐥𝐚𝐧𝐠𝐤𝐚𝐫𝐞 𝐘𝐨𝐮𝐭𝐡 𝐂𝐡𝐨𝐢𝐫🎶

Balangkare Norte ang naging tagapagtaguyod sa Banal na Misa ngayong Linggo — sa pangunguna ng magagaling na kabataan ng Balangkare Norte Youth Choir.

Maraming salamat po sa nanguna saating Banal na Misa, Rev. Fr. Jessie C. Salac.

Para kay Lord, lahat ay handang maglingkod.
Mahal na Birhen ng Sto. Rosario, Ipanalangin mo kami!💙🙏✨