13/05/2026
𝗗𝗔𝗞𝗜𝗟𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡 𝗡𝗚 𝗙𝗔𝗧𝗜𝗠𝗔
Panalangin sa Mahal na Birhen ng Fatima
Kabanal-banalang Birhen ng Fatima, Ina ng totoong Diyos, Kami'y nabubuhay para sa iyo, yamang para sa amin ikaw ay inang mahabagin. Ikaw ang hinahanap namin at tinatawagan. Maawa ka at iyong bigyang pansin ang aming mga pagluha at kalungkutan.
Pagalingin mo ang mga nalulumbay, ang mga nagdadalamhati, at ang mga maysakit. Inang maamo at maibigin kanlungin mo kami sa iyong mga bisig. Huwag mong ipahintulot na mabagabag o mabalisa ang aming mga puso. Ipakita mo sa amin ang minamahal mong anak na si Hesus, upang aming matagpuan sa kanya, at kasama niya ang aming kaligtasan at ng sanlibutan.
Kamahal-mahalang Inang Maria, suguin kami, gawin kaming tagapaghatid ng balita sa mundo at ng salita ng Diyos. Amen.
Luwalhati sa Ama, sa Anak, at sa Espiritu Santo.
Kapara noong sa Una, Ngayon, at Magpasawalang Hanggan. Amen.
