San Andres Apostol Chapel

15/07/2026

PAANYAYA!

Sa diwa ng pag-ibig at pananampalataya, malugod na inaanyayahan ng St. Nicholas of Tolentine Parish, San Nicolas, Gapan City ang mga magkasintahan at mag-asawang nagnanais gawing ganap ang kanilang pagsasama sa pamamagitan ng Sakramento ng Kasal na maging bahagi ng ating Kasalang Bayan 2026.

Inaasahan po namin ang inyong pakikiisa sa banal na pagdiriwang na ito.

Para sa iba pang detalye, mga kinakailangang dokumento, at pagpaparehistro, makipag-ugnayan lamang po sa Opisina ng ating Parokya

Maraming salamat po at pagpalain nawa kayo ng Poong Maykapal

30/04/2026

MALIGAYANG KAPISTAHAN NG LA VIRGEN DIVINA PASTORA!

Panalangin: Aming mahal na La Virgen Divina Pastora, sa araw na ito ng iyong kapistahan, kami ay lumalapit nang may buong pagpapakumbaba at pananampalataya. Ikaw na mapagkalingang Ina at Pastora, akayin mo kami sa tamang landas, tulad ng pastol na nagbabantay sa kanyang mga tupa. Sa gitna ng aming mga pangamba at pagsubok, ipaalala mo sa amin ang iyong presensya at pag-aaruga.

Ipanalangin mo kami sa iyong Anak, upang kami ay patuloy na patnubayan, pagpalain, at palakasin sa araw-araw. Pagkalooban mo kami ng kapayapaan sa puso, katatagan sa pananampalataya, at pag-asa sa bawat hakbang. Nawa’y maging buhay naming handog ang aming debosyon sa iyo — hindi lamang sa araw na ito, kundi sa bawat sandali ng aming buhay. Amen.

Ina ng Mabuting Pastol, ipanalangin mo kami!
VIVA! LA VIRGEN! 👒🌾💐🎉
IPAGBUNYI KA, DIVINA PASTORA! 🎉

26/04/2026

MASDAN | Si San Andres sa araw ng selebrasyon ng ika-62 anibersaryo ng Koronasyon Kanonikal ni Inang.

VIVA! La Virgen Divina Pastora! VIVA! 👒🐑🌾💐🎉

25/04/2026

𝐁𝐔𝐊𝐀𝐒 𝐍𝐀!
👒 🐏 🌿 💐 🌾 👑
𝐂 𝐎 𝐑 𝐎 𝐍 𝐀 𝐂 𝐈 𝐎 𝐍 𝟐𝟎𝟐𝟔

Sa darating na Linggo, ika-26 ng Abril 2026, ating ipagdiriwang ang ika-62 taong anibersaryo ng Kanonikal na Koronasyon ng ating pinipintuho at ipinagpipitagang Makalangit na Pintakasi ng Nueva Ecija at Reyna ng Gitnang Kapatagan—ang ating Mahal na Inang La Virgen Divina Pastora.

Kasabay nito ang ika-2 anibersaryo ng pagkakadeklara ng ating minamahal na simbahan bilang Basilica Minore, at ika-40 anibersaryo ng pagiging Pambansang Dambana.

Ang Banal na Misa ay gaganapin sa ganap na ika-3:00 ng hapon, na pangungunahan ni Lubhang Kagalang-galang Prudencio P. Andaya, Jr., CICM, DD, Obispo ng Cabanatuan.

Pagkatapos ng Misa ay susundan ito ng maringal na prusisyon bilang pagpapahayag ng ating taimtim na debosyon at pagmamahal sa ating Mahal na Ina.

Inaanyayahan ang lahat ng mga deboto at mananampalataya mula sa Gapan at iba’t ibang panig ng bansa na makiisa sa makasaysayang pagdiriwang na ito ng pananampalataya at pagkakaisa.

Tayo ay magbunyi at magdiwang, Gitnang Kapatagan! Sama-sama nating parangalan ang ating Mahal na Ina.

👒 🐏 🌿 💐 🌾 👑
𝐋𝐀 𝐕𝐈𝐑𝐆𝐄𝐍 𝐃𝐈𝐕𝐈𝐍𝐀 𝐏𝐀𝐒𝐓𝐎𝐑𝐀
👒 🐏 🌿 💐 🌾 👑

14/04/2026

PAANYAYA |

06/04/2026

03/04/2026

MASDAN | Ilang mga larawang kuha sa Prusisyon ng Paglilibing ngayong Biyernes Santo

01/04/2026

MASDAN | Ang gayak ni San Andres at ng kanyang karosa ngayong araw, Miyerkules Santo, sa prusisyon sa Karangalan ng Mahal na Birhen Dolorosa.