06/05/2026
Ang paglabas ng antigo at original na imahen ni San Vicente Ferrer ng Brgy. San Vicente sa Lungsod ng Gapan, Lalawigan ng Nueva Ecija
2nd Grand Vincentian Procession sa Diocesan Shrine of San Vicente Ferrer sa Mamatid, Cabuyao, Laguna
San Vicente Ferrer ng Gapan, Nueva Ecija
Sa patio ng Basilica ng Gapan ay makikita ang dalawang imahen ng santo. Sina San Lorenzo Diakono at San Vicente Ferrer. Ito ay sa kadahilanan ang kabayanan o poblacion ng Gapan ay nahahati sa dalawang barangay. Ang barangay San Lorenzo at San Vicente, na ang sinaunang hangganan o boundary ay ang pintuang malaki o ang gitna ng simbahan ng Gapan.
Sinasabing ang pagkakatatag ng Barangay San Vicente at San Lorenzo ay kaalinsabay ng pagkakatayo ng gusaling simbahan ng Gapan. Ang pinakamatandang parokya sa sa Nueva Ecija na itinatag ng mga paring Agustino noong 1595, at itinalaga bilang Parokya ng Tatlong Hari. Apat na raan, tatlumpuβt isang taon na ang nakakaraan, na sa kasalukuyan ay siyang Basilica Minore at Pambansang Dambana ng La Virgen Divina Pastora sa Lungsod ng Gapan.
Matapos ang ikalawang digmaang pandaigdig ay napabayaan ang kapilya at hindi naipagpipista si San Vicente.
Sa panahong iyon ay madalas na nagkakaroon ng sunog sa barangay, ngunit mahimalang tumitigil ang sunog bago pa dumating sa lugar ng kapilya ni Apo Inteng.
Mula noon ay muling pinasigla ang debosyon sa Santo, muling ipinagpista ng marangya si Apo Inteng.
Bago pa sumapit ang nobenaryo ng pista ay abala ang madla sa paggagayak at pag-aasikaso sa kanyang kapilya at imahen. Nagkakaroon ng araw-araw na Misa para sa nobenaryo at prusisyon hanggang sa araw ng kanyang kapistahan.
Ang pamunuang pastoral sa tuwina ay naglulunsad ng mga feeding program at pagtuturo ng katesismo sa mga maralitang kabataan.
Nagkaroon din ng Kauna-unahang Vincentian Procession noong ika-5 ng Abril 2026 at munting exhibit ng mga imahen ni San Vicente sa loob ng visita.
Ang panguluhan o hermandad naman ng pista simula po noong kalagitnaan ng siglo ay nagkakaroon din ng mga programa sa karangalan ni San Vicente sa pamamagitan ng pagdaraos ng mga bayle sa patio ng visita tulad ng Rigodon at Cotillion de honor. Pasasalamat, paghiling at pagpupugay sa mahal na Patrong Taumaturgo, San Vicente Ferrer, ang mapaghimalang anghel ng paghuhukom. Dakilang huwaran sa karunungan at kabanalan, Laging mapagkandili at mapanlunas sa mga namimintuho sa kanya.
San Vicente magdalita ka,
Sa Diyos mo ikalara ang hiling namin sa Kanya, ang langit na maligaya. Amen.
Pasasalamat at pagkilala sa mga sumusunod na upang ang gawaing ito ng paglahok sa 2nd Grand Vincentian Procession ay maging posible at mapagpala para sa lahat.
Rev. Fr. Aldrin Domingo PhL
Rector at Cura Parroco ng Gapan
Gng. Rebecca Abec Mallare
Pangulo-Pamunuang Pastoral
G. Harthus Tuazon
Pangulo ng Katandaan para sa Pista 2026
G. Edgardo Papena
Basilica and Shrine Ministry
Ministry of Altar Servers
Gapan Basilica
