27/06/2026
𝗣𝗔𝗕𝗔𝗧𝗜𝗗 | Nakikiisa ang Sto. Nino Chapel sa White Ribbon Movement ng Diyosesis ng Cabanatuan.
Bilang pakikiisa sa panawagan ng Roman Catholic Diocese of Cabanatuan para sa katotohanan, pananagutan, katarungan, at matuwid na pamamahala, inaanyayahan ang buong sambayanan ng Sto. Nino Chapel na makibahagi sa White Ribbon Movement sa Bible Service ngayong Linggo, Hunyo 28, 2026.
Ang simpleng pagsusuot ng puti o paglalagay ng puting laso ay nagsisilbing tahimik ngunit makahulugang pahayag ng ating pagnanais para sa isang lipunang malaya sa korupsiyon at kawalang-katapatan. Higit sa isang simbolo, ito ay paanyaya sa panalangin, pagkakaisa, at sama-samang paninindigan para sa kabutihang panlahat.
Sa araw na ito, inaasahan ang inyong pakikiisa sa pamamagitan ng:
1. Pagsusuot ng puting kasuotan sa pagdalo sa Sunday Bible Service;
2. Paglalagay ng puting laso kung walang puting maisusuot; at
3. Pagsasabit ng puting laso sa mga tahanan, paaralan, opisina, at iba pang gusali bilang tanda ng ating sama-samang pag-asa.
Nawa’y maging paalala ang puting laso na ang tunay na pagbabago ay nagsisimula sa katotohanan, integridad, at pananampalatayang isinasabuhay.
Sama-sama tayong manalangin, makibaka, at manindigan!
Mangyaring magabayan nang naaayon.
