15/07/2026
Ing Kafiestan ning Mal a Virgen Maria, Indu ning Monte Carmelo.
Panalangin king Indu ning Monte Carmelo:
Birhen a Kakamal-kamalang maligayang
Indu, Templo at Sagrario ning Santisima
Trinidad, Ligaya ring banal, ampun at Tula
ring malungkut at makasalanan, Indu at
Tanda ring Carmelitas; uli ning lubus a
kalinisan king kasalanan a mana (orihinal),
uli ning grasya at kalam a gayak ning
kaladua mu; uli ning bie mung delanan
ban pagsalaminan ding Banal; uli ning maragul mung pamangayintulid Indu ning
Dios, mitaluktuk ka, mitas ka karing
sablang tau; uli ning kamatayan a mapalad
king Sinta king Dios: uli ning maligayang
Pamiyuli ban maging Reyna ning Banua at uli
ning Pangaputungan Ligaya a depatan da
Keka ban migit ka karing Santos at Koros
ding Angeles; panigapu ko pu Keka ning
makasulud king kekang Santo Excapulario
at magkapilit maging anak mu, saupan mu
ke pu kening bie ban maging kasantusantusan ning kaladwa at kalinisan ning
katawan, sumuyu ku king kekang Anak y
Jesus, tuparan ko ring keyang Santong
Kautusan, at antabayanan mu ku sa pu
king kamatayan ku ban king kapanganiban
na magwagi ku karing salang ku at mate
kung atyu king grasya at Sinta king Dios.
At katatawliyan ketang mabagsik a dusa
king Purgatoryo daptan mu sa pu kaku ing
masikanan mung pamamilatan, ban king
mumuna nang Sabado ume kung
numabang king Bie alang kapupusan.
Yanasa.
Agkatan dakayu ngan pu kekaming Kabarrio king Barrio Carmencita, a tumagun king Banal a Misa para king kapagmasusyan ning Kafiestan ning Patulunan tamung i Apung Carmen.
