29/07/2022
๐๐๐ข๐ฆ๐๐๐ข๐ฆ ๐๐๐๐ ๐๐ก๐ ๐ ๐๐ ๐๐ฆ๐ง๐๐ง๐ช๐ ๐๐๐ ๐ ๐๐ ๐๐ ๐๐๐ ๐ฆ๐๐ก๐ ๐ฆ๐๐ ๐๐๐๐๐ก ๐ก๐๐ ๐๐๐ง๐ข๐๐๐๐ข?
Siling sang iban nga mga sekta kag mga protestante diosdios kuno ang mga estatwa kag mga imahe sang simbahan, kag ginaakasuran pa ang mga katoliko nga mga pagano.
Agod masabat kag maathagan ang aton hunahona, aton hibaluon kon ano ang kahulogan sang diosdios sandig sa Biblia. Ang idolo ukon diosdios ginhatagan sang depinisyon nga:
1 Corinto 8:4 HLGN
Ang mga dios-dios indi matuod nga dios, kay may isa gid lang ka Dios.
Matin-aw ang pagpaathag sang Biblia nga ang mga diosdios "indi matuod nga Dios," buot silingon indi buhi nga Dios kag imbinto lang sang hunahona ang mga diosdios pero ginakabig kag ginapinsar sang mga tawo Dios.
๐ฆ๐๐ก-๐ข ๐๐ก๐ ๐ ๐๐ ๐๐๐๐๐ ๐๐๐ช๐ ๐ฆ๐๐ก๐ ๐ ๐๐ ๐๐ก๐๐ ๐ ๐๐ง๐จ๐ข๐ ๐ก๐๐ ๐๐๐ข๐ฆ ๐จ๐๐ข๐ก ๐๐๐ข๐ฆ๐๐๐ข๐ฆ ๐ฆ๐จ๐ก๐ข ๐ฆ๐ ๐๐๐๐๐๐?
Ginhingalanan sang Biblia kon sin-o ang mga diosdios, kag amo ini sila ang ginadili sang isa kag matuod nga Dios simbahon ukon alagaran.
1. Si Ashera (2Hari 23:13)
2. Si Astarte (1Hari 11:33)
3. Si Milcom (1 Hari 11:5)
4. Si Ashtoreth (2 Hari 23:13)
5. Si Baal (2 Cron. 23:17)
6. Si Chemosh (Hukom 11:24)
7. Si Dagon (Hukom 16:23)
8. Si Molech (1Hari 11:7)
9. Si Tammuz (Ezeq. 8:14)
10. Si Artemis (Bin. 19:27)
11. Si Zeus (Bin. 14:13)
12. Si Hermes (Bin. 14:12)
13. Ang adlaw, bulan, mga bituon, (2Hari 23:4-5)
Ang mga nasambitan amo ang mga halimbawa sang mga ginasiling sang Biblia nga mga diosdios ukon indi matuod nga dios kag indi buhi nga dios pero ginakabig, ginhunahona, ginaalagaran, kag ginasimba sang mga tawo bilang Dios.
๐๐ก๐ ๐ง๐๐ก๐๐ก ๐๐๐๐ ๐ก๐๐ ๐ ๐๐ ๐๐ ๐๐๐ ๐จ๐๐ข๐ก ๐ ๐๐ ๐๐ฆ๐ง๐๐ง๐ช๐ ๐๐๐ข๐๐ข ๐จ๐๐ข๐ก ๐๐๐ข๐ฆ๐๐๐ข๐ฆ?
Nahibaluan na naton ang kahulogan sang idolo ukon diosdios, nga "indi matuod nga Dios." Karon aton hibaluon kon ang tanan bala nga imahe kag estatwa sa Biblia diosdios.
Indi tanan nga mga estatwa kag imahe idolo ukon diosdios. Ang Biblia may ginakabig sagrado nga mga imahe, bangod ginhimo ini sa kadungganan sang isa kag matuod nga Dios. Halimbawa:
1. Estatwa sang Kerubin (Exo 25:18)
2. Imahe sang Kerubin (Exo 26:1)
3. Estatwa sang man-og (Num. 21:8)
4. Imahe sang Tawo (Eze. 41:19)
5. Imahe ang Leon (1 Hari 7:36)
6. Imahe sang Palma (1 Hari 6:32)
7. Imahe sang mga bulak (1 Hari 6:29)
8. Estatwa sang toro nga baka (1 Hari 7:29-36)
Mga handumanan nga bato:
1. Si Jacob nagpatindog sang handumanan nga bato para sa Ginoong Dios (Genesis 28:18-22)
2. Si Jacob nagpatindog sang Handumanan nga bato sa kasugtanan nila ni Laban (Gen 31:44-52).
3. Si Jacob nagpatindog sang handumaman nga bato para sa Ginoong Dios (Gen 35:13)
4. Si Isaiah nagsiling nga magatindog sang handumanan nga bato para sa Ginoong Dios (Isa 19:19).
5. si Josue nagpatindog sang hadumanan nga bato para sa 12 ka tribo sang Israel (Jos 4:5-6).
6. Si Moises nagpatindog sang Handuman nga bato para sa 12 ka tribo sang Israel (Exo 24:4).
Maathag nga indi tanan nga imahe kag estawa idolo ukon diosdios, kay kon ang tanan nga mga estatwa idolo ukon diosdios tani wala nagpahimo kag ginbalabagan sang Dios ang mga namitlang nga mga imahe kag estatwa. Buot silingon wala total nga nagadumili ang Dios sa paghimo sang imahe kag mga estatwa ukon mga handumanan, kag indi tanan nga estawa kag imahe nagakahulogan mga idolo ukon diosdios, ang ginadumilian sang Dios amo ang hunahunaon kag himuon mo ang isa ka butang Dios. Ang Biblia nagasiling:
Binuhatan 17:29 HLGN
Gani, tungod nga kita mga anak sang Dios, indi kita maghunahuna nga ang Dios pareho sang dios-dios nga bulawan, ukon pilak, ukon bato, nga pulos imbinto sang hunahuna kag kamot sang tawo.
Ang mga estatwa kag imahe sang simbahan wala ginahunahona Dios sang mga Katoliko. Ang Dios sang katoliko indi kahoy, indi bato, indi semento, indi imahe, kag indi estatwa.
๐ฆ๐๐ก-๐ข ๐๐ก๐ ๐๐๐ข๐ฆ ๐ฆ๐๐ก๐ ๐ฆ๐๐ ๐๐๐๐๐ก ๐ก๐๐ ๐๐๐ง๐ข๐๐๐๐ข?
Ang simbahan nga Katoliko nagatuo sa isa ka Dios. Ang Amay, ang Anak, kag ang Espiritu Santo, nga ginatawag naton Santisima Trinidad. Ang Katesismo nagasiling:
"Ang Santisima Trinidad amo ang sentro nga misteryo sang Kristiano nga pagtuo kag kabuhi. Ini ang misteryo sang Dios mismo. Ini busa ang gingikanan sang tanan nga iban pa nga mga misteryo sang pagtuo, ang kapawa nga nagpasanag sa ila. Ini amo ang labing nagapanguna kag mahalalon nga pagtuluohan sa "heirarchia sang mga kamatuoran sang pagtuo." Ang bug-os nga kasaysayan sang kaluwasan nga pareho sa kasaysayan sang banas kag mga pinaagi kon sa diin ang isa kag matuod nga Dios, Amay, Anak, kag Espiritu Santo, ginpahayag ang kaugalingon sa katawohan "kag ginpakig-uli kag ginpakighiusa sa iya kaugalingon ang mga nagliso palayo gikan sa sala" (CCC 234)
Maathag ang Dios sang Simbahan nga Katoliko indi diosdios bangod ang Dios sang Simbahan nga katoliko amo ang isa, Matuod, kag ang Buhi nga Dios.
Ang mga tawo nga nagatudlo kag nagahambal nga nagasimba ang mga katoliko sa mga diosdios, kag ang mga estatwa sang simbahan kuno mga diosdios kinahanglan maghatag sang mga opisyal nga mga dukomento sang simbahan agod mapamatud-an ang ila kabutigan, kon indi manabat sila sa Dios.
Hulobaton 19:5 HLGN
Ang butigon nga saksi pagasilutan, kag ang bisan sin-o nga nagabutig indi makaluwas sa silot.
Ctto.
