St.Francis Of Asisi Chapel - SJTWP Menisca Village - EBM

17/02/2026

𝗙𝗲𝗯𝗿𝘂𝗮𝗿𝘆 𝟭𝟴, 𝟮𝟬𝟮𝟲 𝗶𝘀 𝗔𝘀𝗵 𝗪𝗲𝗱𝗻𝗲𝘀𝗱𝗮𝘆 𝗮𝗻𝗱 𝗪𝗲 𝗯𝗲𝗴𝗶𝗻 𝘁𝗵𝗲 𝗦𝗲𝗮𝘀𝗼𝗻 𝗼𝗳 𝗟𝗲𝗻𝘁. 𝗜𝘁 𝗶𝘀 𝗮𝗹𝘀𝗼 𝗮 𝗗𝗔𝗬 𝗼𝗳 𝗙𝗔𝗦𝗧𝗜𝗡𝗚 𝗮𝗻𝗱 𝗔𝗕𝗦𝗧𝗜𝗡𝗘𝗡𝗖𝗘.

Amon kamo gina-agda sang pagsa-ulog sang Mierkules sang Pagbadlis diri sa aton Kapilya diri sa Menisca. Ini amo ang adlaw man sang pagpu-asa kag abstinensya.

Kabay magtambong kita, indi lamang sa pagbaton sang abo sa aton mga agtang kundi sa pagtambong man sa Santos nga Eukaristiya, sa selebrasyon sang Pulong kag sang Pagpakig-ambit sa Lawas kag Dugo ni Kristo.

Have a Blessed and a Meaningful Lenten Season!

19/10/2025

19/10/2025

Quotable qoute from the Homily of Rev. Fr. Ernie A. Larida, Parish Priest, during the 29th Sunday in Ordinary Time.

OCTOBER 12, 2025 | 7:30 AM
IKA-29 NGA DOMINGO SANG TUIG
World Mission Sunday
Sunday for Cultures
TEMA: "ANG PANGAMUYO: ISA KA PAGSUGILANON SA DIOS."

17/10/2025

17/10/2025

Mangin isa liwat kita sa sini nga Dominggo! Magputi kita tanan bilang tanda sang pagpangamuyo kag panawagan sa Ginoo. Dal-a ang imo pamilya kag mag-upod kita sa misa! 🏳️🤍

STARTING THIS SUNDAY (OCTOBER 19, 2025)

Crdts:Sto.niño Chapel- SJTWP BEC Tomongtong - EBM

05/10/2025

PRUCISYON SANG IMAHE NI SAN FRANCISCO DE ASISI, GINPATIGAYON SA MENISCA SINI NGA GAB-I

Ginpatigayon sini nga gab-i, Oktubre 5 ang prucisyon sang Image ni San Francisco de Asisi sa palibot sang Menisca bilang kabahin sang iya Kapiestahan.

Ini ang gintambungan sang mga kabataan, Pamatan-on, katigulangan kag pila ka mga tumuluo.

Samtang nagalibot, ginapangamuyo sang mga tumuluo ang Santo Rosaryo dala ang intensyon para sang katilingban.

Ginpangunahan naman ni SK Chairman Jerome Hermano ang paghalad sang garland sa Imahe kag ang akto sang paghalad sa Santo Patron.

Nalatana patigayunon ang Misa sa Kapiestahan ni San Francisco de Asisi sa Menisca bwas nga adlaw, Oktubre 6.

05/10/2025

HOUSE TO HOUSE IMAGE VISITATION SA BRGY GAHIT

Ginpatigayon sini nga adlaw, Oktubre 5 ang House to House Image Visitation sang Imahe ni San Francisco de Asisi sa mga panimalay sa Barangay Gahit Proper.

Ini ang kabahin sang pagsaulog sang Kapiestahan ni San Francisco nga nagaserbe bilang Santo Patron sa Basic Ecclesial Community (BEC) sang Menisca.

Sa amo nga hilikuton, malipayon nga ginbuksan kag gin-abi abi sang mga resident sa ila tagsa ka panimalay ang Imahe dala ang paglaum kag pangamuyo sa dugang pa nga grasya, pag-ayu sa mga ginabatyag kag pag-ubay sa matag-adlaw.

San Francisco de Asisi, Ig-ampo mo kami!