25/05/2026
15th Anniversary Thanksgiving Celebration 2026
“Pagpangandam Alang sa Umaabot nga Mas Dagkong Butang”
Isaias 43:19 "Tan-awa, magabuhat Ako ug bag-ong butang..."
Uban sa mapasalamaton ug malipayon nga kasingkasing, among gisaulog ang 15th Anniversary Thanksgiving Celebration sa Christ Blessed Family Church Outreach Church. Tinuod gayud nga matinumanon ang Ginoo sa tanang katuigan sa ministeryo. Sa tanang pagsulay, pag-ampo, sakripisyo, ug kalisdanan, wala gayud kami biyai sa Dios.
Niining mahinungdanong selebrasyon, makita ang dakong lihok sa Balaang Espiritu taliwala sa katawhan. Daghan ang nahikap sa presensya sa Ginoo, adunay mga luha sa kalipay, pagbag-o sa kinabuhi, pag-ayo sa kasingkasing, ug paglig-on sa pagtuo. Ang makagagahom nga hangin sa Dios gibati sa matag usa nga nagtambong.
Pinaagi sa mensahe nga gipadayag sa Ginoo ngadto kang Bishop Ian Samonte, gipahinumdoman ang tanan nga ang Dios nag-andam pa ug mas dagkong butang alang sa ministeryo. Ang umaabot nga mga adlaw puno sa paglaum, revival, milagro, ug daghang kalag nga madugang sa Gingharian sa Dios.
Mikabat sa 150 kapin o kolang nga mga tawo ang mitambong sa maong selebrasyon. Ang mga batan-on, ginikanan, pamilya, ug mga bisita nagkahiusa sa pagdayeg ug pag-ampo. Daghan ang mitubag sa tawag sa Ginoo ug miduol sa altar uban sa tinuoray nga pagtuo.
Dako kaayo ang among pagpasalamat sa tanang prayer partners, supporters, church workers, volunteers, ug sa tanan nga mitabang pinaagi sa pag-ampo ug pinansyal nga suporta. Ang inyong gugma ug sakripisyo nahimong dakong bahin sa kalampusan sa ministeryo.
Bisan sa yano nga lugar, ang himaya sa Dios makita ug mabati. Tungod kay dili ang katahum sa building ang importante, kundili ang presensya sa Ginoo nga nagalihok sa taliwala sa Iyang katawhan.
Padayon kitang maghiusa sa pag-ampo ug pagtuo. Magpadayon kita sa pagpangalagad aron daghan pang mga kalag ang maluwas, mga pamilya mahipasig-uli, ug mga komunidad
