Nguyễn Huyền Trang

30/09/2021

New San Jose Parish - Dumingag Official
page.. please like and Follow

SAN JOSE, ESPOSO NI MARIA PARISH
Dumingag, Zamboanga del Sur
DIOCESE OF PAGADIAN

19/09/2021

𝐈𝐤𝐚-𝐤𝐚𝐰𝐡𝐚𝐚'𝐠 𝐋𝐢𝐦𝐚 𝐧𝐠𝐚 𝐃𝐨𝐦𝐢𝐧𝐠𝐠𝐨 𝐬𝐮𝐥𝐨𝐝 𝐬𝐚 𝐓𝐮𝐢𝐠
𝐒𝐞𝐩𝐭𝐞𝐦𝐛𝐫𝐞 𝟏𝟗, 𝟐𝟎𝟐𝟏
___________________________________
𝐌𝐆𝐀 𝐏𝐀𝐆𝐁𝐀𝐒𝐀

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚 | (𝐖𝐢𝐬. 𝟐:𝟏𝟐, 𝟏𝟕-𝟐𝟎)

𝐒𝐀𝐋𝐌𝐎 𝐑𝐄𝐒𝐏𝐎𝐍𝐒𝐎𝐑𝐘𝐎 | (𝐏𝐬. 𝟓𝟒:𝟑-𝟒, 𝟓, 𝟔-𝟖)
"𝐀𝐧𝐠 𝐆𝐢𝐧𝐨𝐨 𝐦𝐚𝐨𝐲 𝐧𝐚𝐠𝐚𝐛𝐮𝐡𝐢 𝐤𝐚𝐧𝐚𝐤𝐨."

𝗜𝗸𝗮𝗱𝘂𝗵𝗮𝗻𝗴 𝗣𝗮𝗴𝗯𝗮𝘀𝗮 | (𝐉𝐚𝐬. 𝟑:𝟏𝟔 - 𝟒:𝟑)
___________________________________

𝐄𝐁𝐀𝐍𝐆𝐇𝐄𝐋𝐘𝐎

𝐀𝐧𝐠 𝐏𝐚𝐠𝐛𝐚𝐬𝐚 𝐬𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢
𝐒𝐚𝐧 𝐌𝐚𝐫𝐜𝐨𝐬 (𝐌𝐤. 𝟗:𝟑𝟎-𝟑𝟕)

Si Jesus ug ang iyang mga tinun-an mibiya gikan sa bukid ug mipadayon paglakaw latas sa Galilea.
Dili buot si Jesus nga may mahibalo kon hain siya, kay gipahimangnoan man niya ang iyang mga tinun-an nga ang Anak sa Tawo itugyan ngadto sa mga tawo ug patyon nila siya,
ug mabanhaw tapus sa tulo ka adlaw.
Wala sila makasabut kon unsay kahulugan sa iyang giingon kanila, apan nahadlok sila’ng mangutana kaniya.
Nahiabot sila sa Capernaum ug sa nakasulod na sila sa balay,
gipangutana ni Jesus ang iyang mga tinun-an,
“Unsa may inyong gilalisan didto sa dalan?”
Apan wala sila motubag kay naglalis man sila kon kinsay labing dako kanila.
Unya milingkod si Jesus ug iyang gipaduol sila ug giingnan,
“Bisan kinsa ang buot nga mahimo nga labing dako kinahanglan nga magpaubos siya ug mag-alagad sa tanan.”
Unya gikuha niya ang usa ka bata ug iyang gipatindog sa ilang atubangan.
Ug iyang gikugos ang bata ug miingon siya kanila,
“Ang modawat sa usa ka bata nga ingon niini sa akong ngalan, modawat usab kanako; ug ang modawat kanako,
wala modawat kanako lamang, kondili kaniya usab nga nagsugo kanako.”

12/09/2021

𝐈𝐤𝐚-𝐤𝐚𝐰𝐡𝐚𝐚'𝐠 𝐔𝐩𝐚𝐭 𝐧𝐠𝐚 𝐃𝐨𝐦𝐢𝐧𝐠𝐠𝐨 𝐬𝐮𝐥𝐨𝐝 𝐬𝐚 𝐓𝐮𝐢𝐠
𝐒𝐞𝐩𝐭𝐞𝐦𝐛𝐫𝐞 𝟏𝟐, 𝟐𝟎𝟐𝟏
___________________________________
𝐌𝐆𝐀 𝐏𝐀𝐆𝐁𝐀𝐒𝐀

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚 | (𝐈𝐬𝐚𝐢𝐚𝐬 𝟓𝟎: 𝟒-𝟗)

𝐒𝐀𝐋𝐌𝐎 𝐑𝐄𝐒𝐏𝐎𝐍𝐒𝐎𝐑𝐘𝐎 | (𝐏𝐬.𝟏𝟏𝟔: 𝟏-𝟐, 𝟑-𝟒, 𝟓-𝟔, 𝟖-𝟗) "𝐌𝐚𝐠𝐥𝐚𝐤𝐚𝐰 𝐚𝐤𝐨 𝐬𝐚 𝐚𝐭𝐮𝐛𝐚𝐧𝐠𝐚𝐧 𝐬𝐚 𝐆𝐢𝐧𝐨𝐨, 𝐬𝐚 𝐲𝐮𝐭𝐚 𝐬𝐚 𝐦𝐠𝐚 𝐛𝐮𝐡𝐢."

𝗜𝗸𝗮𝗱𝘂𝗵𝗮𝗻𝗴 𝗣𝗮𝗴𝗯𝗮𝘀𝗮 | (𝐉𝐚𝐬.𝟐:𝟏𝟒-𝟏𝟖)
___________________________________
𝐄𝐁𝐀𝐍𝐆𝐇𝐄𝐋𝐘𝐎

𝐀𝐧𝐠 𝐏𝐚𝐠𝐛𝐚𝐬𝐚 𝐬𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚
𝐧𝐢 𝐒𝐚𝐧 𝐌𝐚𝐫𝐜𝐨𝐬 (𝐌𝐤. 𝟖:𝟐𝟕-𝟑𝟓)

Si Jesus ug ang iyang mga tinun-an miadto sa mga balangay sa Cesarea Filipo. Ug samtang naglakaw sila, iyang gipangutana ang iyang mga tinun-an, “Kinsa man kuno ako, sumala sa mga tawo?”
Mitubag sila, “Ang uban miingon nga ikaw mao si Juan nga Magbubunyag, ang uban usab miingon nga ikaw mao si Elias; ug miingon pa gayud ang uban nga ikaw usa sa mga propeta.”
“Apan kamo, unsa may inyong ikasulti? Kinsa man ako?”
nangutana si Jesus kanila. Ug mitubag si Pedro,
“Ikaw mao ang Mesiyas.”
Unya gidid-an sila ni Jesus sa pagpanugilon kang bisan kinsa bahin kaniya.
Unya gisuginlan ni Jesus ang iyang mga tinun-an nga mag-antus pag-ayo ang Anak sa Tawo ug isalikway sa mga punoan sa mga Judio ingon man sa kadagkoan sa mga pari,
ug sa mga magtutudlo sa Balaod. Patyon siya, apan sa ikatulo ka adlaw, mabanhaw.
Gisulti niya kini sa iyang mga tinun-an sa walay lipodlipod. Tungod niini gipahilayo siya ni Pedro sa uban ug gibadlong.
Apan miliso si Jesus ug mitan-aw sa iyang mga tinun-an; unya gibadlong niya si Pedro sa pag-ingon,
“Pahawa, Satanas! Ang imong hunahuna, hunahuna sa tawo, dili sa Dios!”
Unya gitawag ni Jesus ang katawhan ug ang iyang mga tinun-an, ug miingon Siya kanila,
“Kon buot ang usa ka tawo mahimo nga akong tinun-an kinahanglan nga kalimtan niya ang iyang kaugalingon, pas-anon niya ang iyang krus, ug mosunod siya kanako.
Kay ang buot moluwas sa iyang kaugalingong kinabuhi
mawad-an hinuon niini; apan kadtong maghalad sa iyang
kinabuhi alang Kanako ug sa Maayong Balita,
dili mawad-an niini.”

07/09/2021

God Our Father, give your chosen people your help and strength. The birth of the Virgin Mary’s son was the dawn of our salvation.
May our celebration of her nativity bring us closer to lasting peace and may the virtues that she modeled develop in our lives, to love you and our neighbors more perfectly.

Grant this through Christ our Lord. Amen

FEAST | Nativity of the Blessed Virgin Mary
September 08, 2021

04/09/2021

𝐈𝐤𝐚-𝐤𝐚𝐰𝐡𝐚𝐚'𝐠 𝐓𝐮𝐥𝐨 𝐧𝐠𝐚 𝐃𝐨𝐦𝐢𝐧𝐠𝐠𝐨 𝐬𝐮𝐥𝐨𝐝 𝐬𝐚 𝐓𝐮𝐢𝐠
𝐒𝐞𝐩𝐭𝐞𝐦𝐛𝐫𝐞 𝟎𝟓, 𝟐𝟎𝟐𝟏
___________________________________
𝐌𝐆𝐀 𝐏𝐀𝐆𝐁𝐀𝐒𝐀

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚 | (𝐈𝐬. 𝟑𝟓:𝟒-𝟕)
𝐒𝐀𝐋𝐌𝐎 𝐑𝐄𝐒𝐏𝐎𝐍𝐒𝐎𝐑𝐘𝐎 | (𝐏𝐬. 𝟏𝟒𝟔:𝟕, 𝟖-𝟗, 𝟗-𝟏𝟎)
"𝐃𝐚𝐲𝐠𝐚 𝐚𝐧𝐠 𝐆𝐢𝐧𝐨𝐨, 𝐤𝐚𝐥𝐚𝐠 𝐤𝐨."

𝗜𝗸𝗮𝗱𝘂𝗵𝗮𝗻𝗴 𝗣𝗮𝗴𝗯𝗮𝘀𝗮 | (𝐉𝐚𝐬.𝟐:𝟏-𝟓)

___________________________________
𝐄𝐁𝐀𝐍𝐆𝐇𝐄𝐋𝐘𝐎

𝐀𝐧𝐠 𝐏𝐚𝐠𝐛𝐚𝐬𝐚 𝐬𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢
𝐒𝐚𝐧 𝐌𝐚𝐫𝐜𝐨𝐬 (𝐌𝐤. 𝟕:𝟑𝟏-𝟑𝟕)

Unya mibiya si Jesus sa yuta duol sa Tiro ug milakaw latas sa Sidon ngadto sa Lanaw sa Galilea, agi sa yuta sa Decapolis.
Ug may usa ka tawo nga bungol ug amang nga gipadala sa pipila ka mga tawo ngadto kang Jesus, ug mihangyo sila kaniya nga ang iyang kamut itapion niya sa tawo.
Busa gipahilayo siya ni Jesus sa mga tawo, ug gikulkog niya ang iyang mga tudlo sa dalunggan sa tawo.
Unya gituthoan niya ang iyang mga tudlo ug iyang gihikap ang dila sa tawo. Ug mihangad si Jesus sa langit, nanghupaw siya,
ug miingon sa tawo, “Efata!” nga sa ato pa, “Maabli ka!”
Dihadiha makadungog na ang tawo ug maayo na siyang mosulti. Ug gipinahan silang tanan ni Jesus sa dili pagpanugilon niini kang bisan kinsa; apan hilabihan hinoon nilang panugilon niini.
Ug natingala pag-ayo ang tanan ug miingon sila,
“Maayo gayod niyang pagkabuhat ang tanan! Bisan gani ang mga bungol iyang gihimo nga makadungog, ug ang mga amang makasulti.”

28/08/2021

𝐈𝐤𝐚-𝐤𝐚𝐰𝐡𝐚𝐚'𝐠 𝐃𝐮𝐡𝐚 𝐧𝐠𝐚 𝐃𝐨𝐦𝐢𝐧𝐠𝐠𝐨 𝐬𝐮𝐥𝐨𝐝 𝐬𝐚 𝐓𝐮𝐢𝐠
𝐀𝐠𝐨𝐬𝐭𝐨 𝟐𝟖, 𝟐𝟎𝟐𝟏
___________________________________
𝐌𝐆𝐀 𝐏𝐀𝐆𝐁𝐀𝐒𝐀

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚 | (𝐃𝐭. 𝟒:𝟏-𝟐, 𝟔-𝟖)

𝐒𝐀𝐋𝐌𝐎 𝐑𝐄𝐒𝐏𝐎𝐍𝐒𝐎𝐑𝐘𝐎 | (𝐏𝐬. 𝟏𝟓:𝟐-𝟑, 𝟑-𝟒, 𝟒-𝟓)
"𝐀𝐧𝐠 𝐧𝐚𝐠𝐡𝐢𝐦𝐨 𝐬𝐚 𝐤𝐚𝐭𝐚𝐫𝐮𝐧𝐠𝐚𝐧 𝐧𝐚𝐠𝐚𝐩𝐮𝐲𝐨 𝐝𝐢𝐡𝐚 𝐬𝐚
𝐚𝐭𝐮𝐛𝐚𝐧𝐠𝐚𝐧 𝐬𝐚 𝐆𝐢𝐧𝐨𝐨."

𝗜𝗸𝗮𝗱𝘂𝗵𝗮𝗻𝗴 𝗣𝗮𝗴𝗯𝗮𝘀𝗮 | (𝐉𝐚𝐬. 𝟏:𝟏𝟕-𝟏𝟖, 𝟐𝟏-𝟐𝟐, 𝟐𝟕)
___________________________________
𝐄𝐁𝐀𝐍𝐆𝐇𝐄𝐋𝐘𝐎

𝐀𝐧𝐠 𝐏𝐚𝐠𝐛𝐚𝐬𝐚 𝐬𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢
𝐒𝐚𝐧 𝐌𝐚𝐫𝐜𝐨𝐬 (𝐌𝐤. 𝟕:𝟏-𝟖, 𝟏𝟒-𝟏𝟓, 𝟐𝟏-𝟐𝟑)

Ang mga Pariseo ug pipila sa mga magtutudlo sa Balaod nga gikan sa Jerusalem mialirong kang Jesus.
Ug namatikdan nila nga may mga tinun-an ni Jesus nga nangaon nga “hugaw” og kamut, sa ato pa, wala sila makapanghunaw sumala sa paagi nga gitudlo sa mga Pariseo nga buhaton sa mga tawo. (Kay ang mga Judio gud, labi na ang mga Pariseo, nagtuman man sa mga gitudlo sa ilang mga katigulangan.
Dili mokaon ang mga Pariseo kon dili una sila makapanghunaw sa hustong paagi ni mokaon sila og bisan unsa nga gikan sa merkado kon dili pa nila kini kahugasan. May daghan pang mga sugo nga ilang nadawat ug gituman, ingon pananglit sa hustong paagi sa paghugas sa mga tasa, mga kolon, mga panaksan nga tumbaga, ug mga higdaanan.) Busa nangutana kang Jesus ang mga Pariseo ug ang mga magtutudlo sa Balaod, “Ngano ba nga ang imong mga tinun-an wala man magtuman sa mga sugo nga gibilin sa atong mga katigulangan, kondili nangaon hinoon nga hugaw og kamut?”
Si Jesus mitubag kanila,
“Wala gayod masayop si Isaias sa iyang gipanagna mahitungod kaninyo.
Mga tigpakaaron-ingnon kamo, sumala sa giingon sa Dios nga gisulat ni Isaias: ‘Kining mga tawhana nagpasidungog kanako sa pulong lamang, apan ang ilang kasingkasing halayo kanako. Kawang lamang ang ilang pagsimba kanako, kay ilang gitudlo nga balaod sa Dios ang mga sugo nga hinimo lamang sa tawo!”’ Ug midugang si Jesus sa pag-ingon, “Gipasagdan ninyo ang mga sugo sa Dios ug mao hinooy inyong gituman ang mga pagtulon-an nga iya sa tawo.”

Unya gipaduol pag-usab ni Jesus kaniya ang panon sa katawhan, ug miingon siya kanila,
“Pamati kamong tanan ug sabta ninyo kini: bisan unsa nga mosulod sa baba sa tawo dili makahugaw kaniya.
Ang makahugaw sa tawo mao kadtong mogula kaniya.
Kay gikan sa sulod, gikan sa kasingkasing sa tawo,
manggula ang mga dautang hunahuna,
pagpakighilawas, pagpangawat, pagpatay, pagpanapaw, pagkaibog, pagpanlimbong, kalaw-ay, kasina,
pagbutangbutang, pagpagarbo, ug pagbinuang,
kining tanan naggikan sa sulod sa tawo ug
maoy makahugaw kaniya.”

21/08/2021

𝐈𝐤𝐚-𝐤𝐚𝐰𝐡𝐚𝐚'𝐠 𝐔𝐬𝐚 𝐧𝐠𝐚 𝐃𝐨𝐦𝐢𝐧𝐠𝐠𝐨 𝐬𝐮𝐥𝐨𝐝 𝐬𝐚 𝐓𝐮𝐢𝐠
Agosto 22, 2021
___________________________________
MGA PAGBASA

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚 | (𝐉𝐨𝐬. 𝟐𝟒:𝟏-𝟐, 𝟏𝟓-𝟏𝟕, 𝟏𝟖)
𝐒𝐀𝐋𝐌𝐎 𝐑𝐄𝐒𝐏𝐎𝐍𝐒𝐎𝐑𝐘𝐎 | (𝐏𝐬. 𝟑𝟒:𝟐-𝟑, 𝟏𝟔-𝟏𝟕, 𝟏𝟖-𝟏𝟗, 𝟐𝟎-𝟐𝟏, 𝟐𝟐-𝟐𝟑)
"𝐓𝐚𝐠𝐚𝐦𝐭𝐚𝐦𝐚 𝐮𝐠 𝐭𝐚𝐧-𝐚𝐰𝐚 𝐚𝐧𝐠 𝐤𝐚𝐚𝐲𝐨 𝐬𝐚 𝐆𝐢𝐧𝐨𝐨"

𝗜𝗸𝗮𝗱𝘂𝗵𝗮𝗻𝗴 𝗣𝗮𝗴𝗯𝗮𝘀𝗮 | (𝐄𝐩𝐡. 𝟓:𝟐𝟏-𝟑𝟐)

___________________________________
𝐄𝐁𝐀𝐍𝐆𝐇𝐄𝐋𝐘𝐎

𝐀𝐧𝐠 𝐏𝐚𝐠𝐛𝐚𝐬𝐚 𝐬𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢
𝐒𝐚𝐧 𝐉𝐮𝐚𝐧 (𝐉𝐧. 𝟔:𝟔𝟎-𝟔𝟗)
Daghan sa iyang mga tinun-an nakadungog niini ug miingon,
“Lisod kaayong dawaton kining pagtulon-ana.
Kinsa bay makasabut niini?”
Bisa’g walay nagsulti kaniya, nahibalo si Jesus nga nagbagulbol ang iyang mga tinun-an bahin niini; busa giingnan niya sila,
“Nakapabugnaw ba kini sa inyong pagtuo kanako? Pananglit makita ninyo ang Anak sa Tawo nga mokayab balik sa iyang gigikanan, mabugnaw ba lang gihapon kamo?
Ang naghatag og kinabuhi mao ang Espiritu;
dili kini mahimo sa tawo. Ang mga pulong nga akong gisulti kaninyo Espiritu ug kinabuhi; apan pipila kaninyo wala manuo.”

(Nahibalo si Jesus sukad pa sa sinugdan kinsay dili motuo, ug kinsay magbudhi kaniya.) Ug midugang siya sa pag-ingon,
“Mao man gani nga gisultihan ko kamo nga walay makaari kanako gawas kon itugot kini sa Amahan.”
Tungod niini daghan sa iyang mga tinun-an mibiya ug wala na gayod mokuyog kaniya. Busa miingon si Jesus sa napulog-duha ka tinun-an,
‘Ug kamo, mobiya ba usab kamo kanako?”

Si Simon Pedro mitubag kaniya,
“Ginoo, kinsa may among kapaingnan? Anaa kanimo ang mga pulong nga naghatag og kinabuhing walay katapusan.
Nagtuo kami ug nasayod nga ikaw mao ang Balaan nga Dios.”

17/08/2021

𝐌𝐚𝐚𝐲𝐨𝐧𝐠 𝐀𝐝𝐥𝐚𝐰, 𝐤𝐚𝐭𝐚𝐰𝐡𝐚𝐧 𝐬𝐚 𝐃𝐢𝐨𝐬
𝐬𝐚 𝐏𝐚𝐫𝐨𝐤𝐲𝐚 𝐧𝐢 𝐒𝐞ñ𝐨𝐫 𝐒𝐚𝐧 𝐉𝐨𝐬𝐞

Ang prokya ni Señor San Jose nagpahibalo nga ang Anticipated Mass sa taknang alas quatro sa hapon (4:00 PM) gi-wala o gi-cancel tungod sa pastoral nga mga rason nga nakita sa atong kura paroko.

Hinuon, ang Anticipated Mass sa taknang alas sais sa gabii (6:00 PM) nagpabilin nga adunay misa.

----------------------------
Mao kini ang Schedule sa mga Misa

𝗔𝗱𝗹𝗮𝘄'𝗻𝗴 𝗦𝗮𝗯𝗮𝗱𝗼

Daily Mass - 6:00 AM
Anticipated Mass - 6:00 PM

𝗔𝗱𝗹𝗮𝘄'𝗻𝗴 𝗗𝗼𝗺𝗶𝗻𝗴𝗴𝗼

1st Mass - 5:15 AM
2nd Mass - 7:00 AM
3rd Mass - 8:45 AM
4th Mass - 5:00 PM

Hinaut nga ato kining masabtan
Daghang Salamat ug amping sa kanunay

14/08/2021

Ika-kawhaan nga Dominggo sulod sa Tuig
𝐒𝐎𝐋𝐄𝐌𝐍𝐈𝐃𝐀𝐃 𝐒𝐀 𝐏𝐀𝐆𝐏𝐀𝐒𝐀𝐊𝐀 𝐒𝐀 𝐋𝐀𝐍𝐆𝐈𝐓 𝐒𝐀
𝐌𝐀𝐇𝐀𝐋 𝐍𝐆𝐀 𝐁𝐈𝐑𝐇𝐄𝐍 𝐌𝐀𝐑𝐈𝐀
Agosto 15, 2021

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚 | (𝐑𝐯. 𝟏𝟏:𝟏𝟗; 𝟏𝟐:𝟏-𝟔, 𝟏𝟎)
𝐒𝐀𝐋𝐌𝐎 𝐑𝐄𝐒𝐏𝐎𝐍𝐒𝐎𝐑𝐘𝐎 | (𝐏𝐬. 𝟒𝟓:𝟏𝟎, 𝟏𝟏, 𝟏𝟐, 𝟏𝟔)
"𝐍𝐚𝐠𝐚𝐛𝐚𝐫𝐮𝐠 𝐚𝐧𝐠 𝐑𝐚𝐲𝐧𝐚 𝐝𝐢𝐡𝐚 𝐬𝐚 𝐈𝐦𝐨𝐧𝐠 𝐭𝐮𝐨,
𝐝𝐢𝐧𝐚𝐲𝐚𝐧𝐚𝐧 𝐨𝐠 𝐛𝐮𝐥𝐚𝐰𝐚𝐧."
𝗜𝗸𝗮𝗱𝘂𝗵𝗮𝗻𝗴 𝗣𝗮𝗴𝗯𝗮𝘀𝗮 | (𝟏 𝐂𝐨𝐫. 𝟏𝟓:𝟐𝟎-𝟐𝟕)

𝐄𝐁𝐀𝐍𝐆𝐇𝐄𝐋𝐘𝐎
𝐀𝐧𝐠 𝐏𝐚𝐠𝐛𝐚𝐬𝐚 𝐬𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢
𝐒𝐚𝐧 𝐋𝐮𝐤𝐚𝐬 (𝐋𝐤. 𝟏:𝟑𝟗-𝟓𝟔)

Wala madugay, nangandam si Maria ug midali pag-adto sa kabungtoran, ngadto sa usa ka lungsod sa Judea.
Miadto siya sa balay ni Zacarias ug nangumusta kang Isabel. Sa pagkabati ni Isabel sa pangumosta ni Maria, milihok ang bata sulod sa iyang tiyan. Unya napuno sa Espiritu Santo si Isabel, ug misulti sa makusog, “Bulahan ka sa tanang mga babaye! Bulahan ang bata nga imong ianak! Ngano kaha nga miduaw man kanako ang inahan sa akong Ginoo? Kay pagkadungog ko gayud sa imong pangumusta miulpot sa kalipay ang bata nga akong gisabak. Bulahan ka nga mituo nga matuman gayod ang mensahe sa Ginoo kanimo!” Unya miingon si Maria, “Nagdayeg ang akong kasingkasing sa Ginoo, ug nagmalipayon ang akong kalag tungod sa Dios nga akong Manluluwas. Tungod kay nahinumdom siya kanako, nga iyang ubos nga sulugoon! Ug sukad karon ang tanang tawo motawag kanako’g bulahan, Tungod sa mga dakong butang nga gihimo kanako sa Gamhanang Dios. Balaan ang iyang ngalan; Nagpakita siya’g kaluoy sa tanan nga may kahadlok kaniya, gikan sa usa ka kaliwatan ngadto sa laing kaliwatan.
Gibakyaw niya ang iyang bukton nga gamhanan ug gipatibulaag ang mga tawo nga mapahitas-on uban sa tanan nilang laraw. Gipukan niya ang mga hari nga gamhanan gikan sa ilang mga trono, ug gituboy ang mga mapaubsanon.
Gibusog niya sa mga maayong butang ang mga gigutom,
ug iyang gipapahawa nga walay dala ang mga datu.
Gituman niya ang iyang gisaad sa atong mga katigulangan; mitabang siya kang Israel nga iyang sulugoon,
ug nahinumdom siya pagpakita’g kaluoy kang Abraham ug sa tanan niyang mga kaliwat hangtud sa kahangturan!”
Mipuyo si Maria og mga tulo ka bulan uban kang Isabel,
ug unya mipauli sila.

31/07/2021

Ika-napulo'g walo nga Dominggo sulod sa Tuig
Agosto 01, 2021

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚 | (𝐄𝐱. 𝟏𝟔: 𝟐-𝟒, 𝟏𝟐-𝟏𝟓)
𝐒𝐀𝐋𝐌𝐎 𝐑𝐄𝐒𝐏𝐎𝐍𝐒𝐎𝐑𝐘𝐎 | (𝐏𝐬. 𝟕𝟖:𝟑-𝟒, 𝟐𝟑-𝟐𝟒, 𝟐𝟓-𝟓𝟒)
𝗜𝗸𝗮𝗱𝘂𝗵𝗮𝗻𝗴 𝗣𝗮𝗴𝗯𝗮𝘀𝗮 | (𝗘𝗳. 𝟰: 𝟭𝟳, 𝟮𝟬-𝟮𝟰)

𝐄𝐁𝐀𝐍𝐆𝐇𝐄𝐋𝐘𝐎
𝐀𝐧𝐠 𝐏𝐚𝐠𝐛𝐚𝐬𝐚 𝐬𝐚 𝐄𝐛𝐚𝐧𝐠𝐡𝐞𝐥𝐲𝐨 𝐬𝐮𝐦𝐚𝐥𝐚 𝐧𝐢
𝐒𝐚𝐧 𝐉𝐮𝐚𝐧 (𝐉𝐧. 𝟔:𝟐𝟒-𝟑𝟓)

Sa pagkakita sa mga tawo nga si Jesus wala didto ni ang iyang mga tinun-an, nanakay sila sa mga sakayan ug nangadto sa Capernaum aron pagpangita kaniya.
Sa nakaplagan na nila si Jesus didto sa tabok sa lanaw, miingon sila kaniya, “Magtutudlo, kanus-a ka pa mahiabot dinhi?”
Si Jesus mitubag, “Sultihan ko kamo: nangita kamo kanako kay nakakaon man kamo sa pan ug nangabusog ug Dili tungod kay nakasabut kamo sa mga milagro nga akong nahimo.
Ayaw kamo paghago alang sa kalan-on nga madunot,
kondili sa kalan-on nga molungtad ngadto sa kinabuhing walay katapusan.
Kining kalan-ona ihatag kaninyo sa Anak sa Tawo,
kay gipatikan man siya sa Dios nga Amahan sa timaan sa iyang pag-uyon.”
Busa gipangutana nila siya, “Unsa may among buhaton aron pagtuman sa gisugo sa Dios?” Si Jesus mitubag,
“Kini ang buluhaton nga ipabuhat sa Dios kaninyo:
nga motuo kamo sa iyang gipadala.” Sila mitubag, “Unsa mang milagroha ang ipakita kanamo aron manuo kami kanimo?
Unsa may imong himoon? Ang among mga katigulangan nangaon og mana didto sa kamingawan, sumala gayod sa giingon sa kasulatan: ‘Gihatagan niya silag pan gikan sa langit.”
Si Jesus miingon, “Sultihan ko kamo: ang gihatag ni Moises kaninyo Dili mao ang pan nga gikan sa langit; ang akong Amahan mao ang naghatag kaninyo sa matuod nga kalan-on gikan sa langit.”
“Kay ang pan nga gihatag sa Dios mao siya nga nanaog gikan sa langit ug naghatag og kinabuhi sa kalibutan.”
“Sir,” sila miingon kaniya, “Hatagi kami kanunay niining maong pan.” Si Jesus miingon kanila, “Ako mao ang pan nga naghatag sa kinabuhi. Ang moari kanako Dili gayod gutumon; ang motuo kanako Dili na gayod uhawon.”

24/07/2021

HULYO 25, 2021
IKANAPULO’G-PITO NGA DOMINGO SULOD SA TUIG

𝗔𝗡𝗚 𝗣𝗔𝗚𝗕𝗔𝗦𝗔 𝗚𝗜𝗞𝗔𝗡 𝗦𝗔 𝗘𝗕𝗔𝗡𝗚𝗛𝗘𝗟𝗬𝗢 𝗦𝗨𝗠𝗔𝗟𝗔 𝗡𝗜 𝗦𝗔𝗡 𝗝𝗨𝗔𝗡
(𝗝𝗻. 𝟲:𝟭-𝟭𝟱)

Human niini mibalik si Jesus pagtabok sa Lanaw sa Galilea
(o Lanaw sa Tiberias).
Misunod kaniya ang daghan kaayong tawo, kay nakita man nila ang mga milagro sa iyang pag-ayo sa mga masakiton.
Mitungas si Jesus sa usa ka bungtod ug milingkod didto uban sa iyang mga tinun-an. Niadtong higayona duol na ang
Pangilin sa Pagsaylo. Unya mitan-aw si Jesus sa libot niya ug sa pagkakita niya sa daghang mga tawo nga nagpaingon
kaniya, miingon siya kang Felipe,
“Asa man kita makapalit og igong pagkaon alang niining mga tawo?” (Gisulti niya kini aron pagsulay kang Felipe,
apan ang tinuod mao nga nahibalo na siya kon unsay iyang buhaton.)
Si Felipe mitubag, “Bisag mopalit kitag pan nga balig duha ka gatos ka denario dili paigo nga ipakaon niining mga tawhana.”
Usa sa iyang mga tinun-an nga si Andres, igsuon ni Simon Pedro, miingon kang Jesus, “Aniay batang lalaki dinhi nga may lima ka pan nga sebada ug duha ka isda. Apan mag-unsa man kini alang niining tanang tawo?”
Si Jesus miingon kanila, “Palingkora ang mga tawo.”
(May daghang balili niadtong dapita.) Busa nanglingkod ang mga tawo nga may gidaghanon nga mga lima ka libo.
Unya gikuha ni Jesus ang pan, gipasalamatan niya ang Dios,
ug giapod-apod niya kini ngadto sa mga tawo.
Mao usab kini ang iyang gibuhat sa isda, ug silang tanan nakakaon kutob sa ilang gusto. Sa nangabusog na silang tanan,
miingon siya sa iyang mga tinun-an,
“Hiposa ninyo ang mga salin aron walay mausik.” Busa gihipos nila ang tanan, ug ang mga salin sa lima ka pan nga sebada nga gikaon sa mga tawo nakapunog napulog duha ka bukag.
Sa pagkakita sa mga tawo sa milagro nga nabuhat ni Jesus, miingon sila,
“Sa walay duhaduha siya gayod ang Propeta nga moanhi sa kalibutan.” Nakamatikod si Jesus nga moduol
sila kaniya ug kuhaon siya aron pugson nga
mahimong ilang hari; busa mibalik siya nga
nag-inusara ngadto sa kabungtoran.

16/07/2021

𝐀 𝐏𝐫𝐚𝐲𝐞𝐫 𝐭𝐨 𝐭𝐡𝐞 𝐁𝐥𝐞𝐬𝐬𝐞𝐝 𝐕𝐢𝐫𝐠𝐢𝐧 𝐎𝐮𝐫 𝐋𝐚𝐝𝐲 𝐨𝐟 𝐌𝐨𝐮𝐧𝐭 𝐂𝐚𝐫𝐦𝐞𝐥

O most beautiful Flower of Mount Carmel, Fruitful Vine, Splendor of Heaven, Blessed Mother of the Son of God, Immaculate Virgin, assist me this my necessity. O Star of the Sea, help me and show me herein you are my Mother.
O Holy Mary, Mother of God, Queen of Heaven and Earth, I humbly beseech you from the bottom of my heart, to succor me in this necessity; there are none that can withstand your power.
O, show me herein you are my Mother, O Mary, conceived without sin, pray for us who have recourse to thee. (3 times)
Sweet Mother, I place this cause in your hands. (3 times)
Amen.

Our Lady of Mt. Carmel
Pray for Us

July 16, 2021 | The Feast of Our Lady of Mount Carmel
=================
Prayer retrieved from
https://www.catholic.org/prayers/prayer.php?p=2289