17/09/2023
๐ฆ๐๐ป๐ฑ๐ฎ๐ ๐๐ผ๐๐ฝ๐ฒ๐น
๐ฆ๐ถ๐
๐๐ฒ๐ฒ๐ป๐๐ต ๐ฆ๐๐ป๐ฑ๐ฎ๐ ๐ฎ๐ณ๐๐ฒ๐ฟ ๐ฃ๐ฒ๐ป๐๐ฒ๐ฐ๐ผ๐๐
๐ฆ๐ฒ๐ฝ๐๐ฒ๐บ๐ฏ๐ฒ๐ฟ ๐ญ๐ณ
Mateo 18:21-35
Ang Pulong Sang Dios
Ang Paanggid Parte sa Suluguon nga Indi Magpatawad
21 Nagpalapit si Pedro kay Jesus kag nagpamangkot, โGinoo, kon ang akon utod permi lang makasala sa akon, kapila ko gid bala siya patawaron? Kapito gid bala?โ
22 Nagsabat si Jesus sa iya, โIndi lang kapito, kundi ka-77.
23 Kay ang paghari sang Dios mapaanggid sa sini nga estorya: May isa ka hari nga nagahusay sang mga utang sang iya mga suluguon.
24 Samtang nagahusay siya sang ila mga utang, may gindala sa iya nga suluguon nga ang iya utang minilyon.
25 Tungod nga indi siya makabayad nagsugo ang hari nga ibaligya siya bilang ulipon pati ang iya asawa kag ang iya mga bata. Kag ibaligya man ang tanan niya nga pagkabutang agod mabayaran niya ang iya utang.
26 Ang ginhimo sang suluguon, nagluhod siya sa hari kag nagpakitluoy nga nagasiling, โPasensyaha lang ako anay kay bayaran ko gid ikaw sang tanan!โ
27 Naluoy ang hari sa iya, gani ginpatawad siya kag wala na pagpabayara sang iya utang, kag ginpapauli siya.
28 โPagpauli sang ato nga suluguon, nasugata niya ang kapareho niya nga suluguon nga may utang sa iya nga gamay gid lang. Gindakop niya siya kag ginkuga dayon nga nagasiling, โBayari ako sang imo utang!โ
29 Nagluhod sa iya ang iya kapareho nga suluguon nga nagapakitluoy, โPasensyaha lang ako anay kay bayaran ko gid ikaw!โ
30 Pero wala gid siya nagpasugot. Ginpapriso gid niya ang suluguon nga ato hasta makabayad.
31 Pagkakita sadto sang iban pa gid nga mga suluguon naglain ang ila buot, gani nagkadto sila sa ila hari kag ginsugid ang parte sa natabo.
32 Ginpatawag sang hari ang suluguon kag nagsiling, โMasyado ka kalain nga suluguon. Ginpatawad ko ikaw sa imo utang sa akon tungod kay nagpakitluoy ka sa akon.
33 Ngaa bala wala mo pagkaluoyi ang imo kapareho nga suluguon pareho sang akon pagkaluoy sa imo?โ
34 Naakig gid ang hari sa iya, gani ginpapriso siya kag ginpasilutan hasta mabayaran ang tanan niya nga utang.โ
35 Dayon nagsiling si Jesus sa ila, โAmo man ini ang himuon sa inyo sang akon Amay sa langit kon indi kamo magpatawad sa inyo kapareho sing tinagipusuon.โ
