09/08/2021
😉
Mahirap kumawala sa gapos ng nakaraan lalo na kung kinukulong ka pa rin nito sa mga pagbabakasali. Katulad na lamang ng mga katanungang "Paano kaya kung pinili kong lumaban?" "Paano kung kahit sa huling beses lang ay binigyan pa kita ng pagkakataon?". Siguro ay hindi ako babangungutin ng mga ala-ala na minsang nating pinagsaluhan.
Pero sa bawat gabing inilalabas ko ang bigat sa dibdib sa tuwing hindi ko napipigilan ang paglagas ng mga luha, doon ko unti-unting napapakawalan ang pagsisising palaging hadlang sa aking paglaya.
Ngayon ay tanggap ko na; at tatanggapin na ang mga nangyari sa nakaraan nang walang bahid ng pagsisisi. Hindi ko na isusumbat sa sarili ang mga mali kong nagawa na maaaring naging rason ng iyong pagkawala. Dahil kailanman ay hindi naman mali ang magkamali lalo na kung hindi naman ito sinadsadya, at pinlano talaga ng tadhana.
__
Sinag | Kessie
__
