https://www.facebook.com/112181997784331/

Lamdag SA Grasya, Dumaguete City (2026)

25/11/2021

TOPIC: TINOOD NGA KAHIMTANG NI KRISTU HESUS
(Dios o tawo lamang sumala sa gipahayag sa Biblia?)
PANGUTANA:
Tawo ba ang Dios nga si Hesus nga nagpahayag nga siya tawo giila man nato nga Dios? May Dios ba nga mamatay?

05/09/2021

Lilim - Cover by Eis Antido

02/09/2021

LAMDAG SA GRASYA: SEPTEMBER 2, 2021

ROMA 8:9
"...kamo wala diha sa unod, kondili sa Espiritu, kong matuod nga ang Espiritu sa Dios nagapuyo diha kaninyo. Apan kong adunay tawo nga wala magbaton sa Espiritu ni Cristo, kini siya dili iya sa Dios"

Sa ganghaan sa mga pribadong establisyemento nakasulat ang mga pulong "NO ID NO ENTRY". Unsa ba diay ka importanti ang "ID" alang sa usa ka personalidad nga boot mosulod sa pribadong establisyemento?

Ang "ID" maoy mopaila sa usa ka personalidad...

HINUMDUMI:
Sila nga nanagtoo sa ebanghelyo sa grasya ni Kristu gipatikan sa Balaang Espiritu aron maila nga sila iyaha na sa Dios.

Walay makasulod sa puloy-anan sa langit nga walay patik sa Espiritu sa Dios. Ang Espiritu sa Dios maoy mopaila nga ang usa ka personalidad iyaha sa Dios.

KITA NAKABATON SA ESPIRITU SA PAGKA-INANAK DIHANG KITA NAPATIKAN SA ESPIRITU SA DIOS!!

31/08/2021

LAMDAG SA GRASYA; SEPTEMBER 1,2021

EFESO 4:5
Usa ka Ginoo, usa ka pagtoo, usa ka pagbautismo

Detalye kaayo ang mga tugon sa doctor kon siya mohatag og resita. Tungod niana tataw nga masabtan gayud kini sa pasyenti.

Pananglitan: Sa resita isulat sa doctor pila kabook tambal paliton ug isulat usab niya kon pila ang inumon sa buntag, sa udto ug sa gabei.

Ang ibutang sa doctor nga numero sa sukod ug gidaghanon sa tambal nga paga-imnon mahinungadanon kaayo nga sundon sa pasyenti kay ang pagpakyas niini mosangpot sa dili maayong resulta.

HINUMDUMI:
Mahinungadanon alang kanato karon ang pagtuman sa tugon sa atong Dios aron Siya atong mapahimut-an

Kalabot sa bautismo, detalye kaayo ang Iyang mga pulong nga nagpahayag kon pila ang pagabatonan sa Iglesya.

Sumala sa nasulat sa atong teksto, "USA KA BAUTISMO" ug kini mao ang "BAUTISMO PINAAGI SA ESPIRITU" (1 CORINTO 12:13)

Kon usa lamang ang bautismo nga mao ang bautismo pinaagi sa Espiritu, KARON NAGPASABOT BA NGA WALA NA KINAHANGLANA ANG BAUTISMO SA TUBIG?

ANG TUBAG OO, wala na kinahanglana. Ang pagbautismo sa tubig sa mga motoo sa ebanghelyo sa grasya wala gisugo sa Dios ngadto sa apostol sa ebanghelyo Grasya (1 Corinto 1:17)

(Alang sa dugang pa nga pagtuki sa mga kamatuoran padayona ang pagsunod sa Lamdag SA Grasya)

30/08/2021

LAMDAG SA GRASYA: AGUSTO 31, 2021

ROMA 4:4-5
4 Apan niadtong nagabuhat, ang balus dili pagaisipon kaniya ingon nga sa gracia, kondili ingon nga sa utang. 5 Apan niadtong wala magbuhat, kondili nga nagatoo kaniya nga nagapakamatarung sa dili-diosnon, ang iyang pagtoo ginaisip kaniya nga sa pagkamatarung.

Ang mga trabahanti migasto og panahon, kusog ug uban pa aron buhaton ang mga butang. Busa takus sila modawat sa balos sa ilang kahago; ang suhol nga tumbas sa ilang pagbudlay...

HINUMDUMI:
Ang pagkamatarung nga maangkon sa motoo sa Grasya ni Kristu dili suhol o balos sa tawo nga nagbudlay alang sa Dios, kon dili grasya.

Usa hinoon kini ka pabor nga gitanyag sa Dios ngadto sa tanang makasasala apan ang makadawat lamang niini kadto lamang motoo sa mensahi sa ebanghelyo sa grasya ni Kristu.

Siya nga motoo ug mibutang sa iyang pagsalig kang Kristu nga siya giluwas na gikan sa silot sa sala pagaisipon sa Dios nga matarung tungod sa iyang pagtoo sa buhat ni Kristu...

29/08/2021

LAMDAG SA GRASYA: AGUSTO 30, 2021

1 TESALONICA 5:5
Kay ngatanan kamo mga anak sa kahayag, ug mga anak sa adlaw; dili kita mga anak sa gabii, bisan sa kangitngitan.

Bisan pa kon dulom ang kangit-ngit sa kagabhion ang balay nga nakabinipisyo sa elektrisidad modan-ag tungod sa mga suga nga naghatag kahayag.

Apan may mga panahon nga ang kahayag sa suga dili modan-ag tungod sa nagdagtum nga mga hugaw ug uban pang mga butang nga misalimbog sa kahayag.

Aron mahibalik ang kadan-ag sa iyang kahayag ang tagbalay kinahanglan modisisyon nga hinloan ang bombilya gikan sa tanang mitabon nga abog ug uban.

HINUMDUMI:
Sama kadulom sa kangit-ngit sa kagabhion ang paglaum sa mga makasasala. Apan sa diha nga ang Grasya ni Kristu (nga Siya namatay didto sa krus aron pagtubos kanato gikan sa silot sa sala, gilubong Siya ug nabanhaw aron kita makabaton sa bag-ong kinabuhi) kinasing-kasing nga gitoohan ang magtotoo gihimo nga Dios nga mga anak sa kahayag.

Sa sulod nato wala nay pagkapalong ang kahayag. Ang kahayag sa magtotoo nagasukad sa presensya sa Balaang Espiritu nga gisilyo sa Dios sa tanang mga magtotoo.

Kon duna may mga takna nga ang pagkinabuhi sa magtotoo dili hinangpunon sa pagtan-aw sa tawo kini tungod kay ang kahayag gisalimbongan sa tinguha ug pagbati sa daang pagkatawo.

Aron modag-ag pag-usab ang kinabuhi sumala sa gidahum sa Dios ingon nga nahiusa kang Kristu, ang magtotoo kinahanglan modisisyon nga hinloan niya iyang kinabuhi gikan sa mga pagbati ug buhat nga makapasalimbong sa espirituhanong kahayag.

HINLOAN TA ATONG KAUGALINGON GIKAN SA MGA BUHAT SA KANGIT-NGIT ARON KITA INGON NGA MGA MAGTOTOO SA GRASYA NI KRISTU MAGAMADAUGON!!

27/08/2021

LAMDAG SA GRASYA: AGUSTO 28, 2021

ROMA 4:25
Kinsa gitugyan tungod sa atong mga paglapas, ug gibanhaw alang sa pagpamatarung kanato.

Matag bulan gikwentahan kita sa kompanya sa elektrisidad sa atong pagka-konsumanti. Ang sumada nga tumbas sa matag-oras ug minuto nga paggamit nato sa elektrisidad atong obligasyon ngadto sa kompanya nga dili angayan nato ibaliwala.

Kon kita dili mobayad sa atong obligasyon ngadto sa kompanya sa elektrisidad, posibli kining mohatod ngadto sa diskoneksyon. Kuhaan kita sa katungod nga mopahimulos sa kuryenti nga nadugtong sa atong panimalay.

Pangutana, ingon ba sab niini ang kahimtang espirituwal nga human kita nadugtong sa Dios pinaagi sa atong kinasing-kasing nga pagtoo sa buhat ni Kristu didto sa krus, kon kita pakyas sa kinabuhing kristuhanon adunay mahitabong espiritiwal nga diskoneksyon?

HINUMDUMI:
Sa pagbayad ni Kristu sa atong mga kasal-anan hingpit na kitang gawasnon gikan sa atong obligasyon busa ang Dios nagdeklara nga kita walay nay bayronon (Roma 8:33).

Ug hinumdumi nga dili ang pagkamatarung ang gibayran ni Kristu aron mahimong maato pinaagi sa pagtoo; kita hinoon ang gipalit ni Kristu gikan sa mekado sa sala aron kita diha kang Kristu mahimong pagkamatarung atubangan sa Dios (2 Corinto 5:21;1 Corinto 6:19-20)

Ang pagkabanhaw ni Kristu ang hingpit nga garantiya ug kini gipamatod sa NOTARYADONG DOKOMENTO SA DIOS nga may silyo sa Balaang Espiritu timaan nga kita iyaha na sa Dios.

Wala nay mahitabo nga espirituhanong diskoneksyon gikan sa atong pagkadugtong ngadto sa Dios.

(Sunda ang dugang pang kamatuoran labot niini sa mosunod pa nga lamdag sa Grasya)

27/08/2021

LAMDAG SA GRASYA: AGUSTO 27, 2021
ROMA 5:1

"...ginapakamatarung kita pinaagi sa pagtoo..."

Bisan pa kon ang linya sa kuryenti nadugtong na sa balay nga gihatagan og pabor aron makapahimulos sa gigasa nga kuryenti wala kini nagpasabot nga ang mga aplayansis sulod sa balay moandar na.

Ang pagboot sa pagpahimulos sa kuryenti dili iya sa kompanya sa elektrisidad kondili iyaha sa konsumanti.

Kon pilion sa konsumanti nga isarado ang plangka dili makapamugos ang kompanya sa elektrisidad nga ablihan kini. Apan ang dili pag-abli sa plangka usa ka reyalidad sa dili usab niya pagpahimulos sa gitanyag nga kuryenti.

Tungod niana dulom gihapon ang iyang panimalay...

HINUMDUMI:
Ingon usab niana ang pagkamatarung nga gitanyag sa Dios ngadto sa mga makasasala. Ang hamili nga dugo nga basihan aron ang motoo matarungon sa Dios giula na ni Kristu sa krus.

Ug gisangyaw kini sa mga magwawali aron sama sa linya sa kuryenti moabot kini ngadto sa igdulongog sa mga makasasala.

Pinaagi sa ebanghelyo sa grasya ginapahibalo sa tanang makasasala nga "...ang Dios diha kang Cristo nagapasig-uli sa kalibutan ngadto sa iyang kaugalingon, nga wala Niya pag-isipa ang ilang mga paglapas..."(2 CORINTO 5:19)

Apan kon ang makasasala nga makadungog sa ebanghelyo pilion niya nga dili motoo kay dunay lain siyang gitoohan nga basihanan aron siya matarungon sa Dios nan dili niya mapahimuslan ang gitanyag nga pagkamatarung sa Dios.

Magpabilin gihapon nga dulom ang iyang kinabuhi ug ang iyang pagbati dili moandar alang sa kahimayaan sa Dios.

Gitoohan mo naba sa kinasing-kasing ang gibuhat ni Kristu alang sa imong pagkamatarung, nga Siya namatay didto sa krus aron ka matubos gikan sa silot sa sala, Siya gilubong dala ang imong pagkamasal-anon ug Siya nabanhaw aron pinaagi niini mabatonan nimo ang tinood nga paglaum?

KINASING-KASING NGA PAGTOO ANG GIDAHUM SA DIOS GIKAN KANIMO!!

25/08/2021

LAMDAG SA GRASYA: AGUSTO 26, 2021

ROMA 5:9
"...ginapakamatarung kita karon diha sa iyang dugo, malinuwas kita gikan sa kaligutgut sa Dios pinaagi kaniya"

Ang mga embintor sa atong kumonidad adunay dakong kontribusyon sa modernong pag-uswag. Usa sa mga imbensyon nga may dakong kontribusyon mao ang dinamo nga gipatoyok sa enerhiya sa kinaiyahan nga mimugna og elektrisidad.

Ang mga dagkong dinamo ang gibasihan o gisukaran sa kuryenti nga atong karong gipahimuslan

HINUMDUMI:
Kon duna may basihanan ang kuryenti nga atong gipahimuslan, ingon usab niana ang pagbaton sa pagkamatarung nga gikan sa Dios.

Dili pagamatarungon sa Dios ang makasasala kon wala siyay gibasihan niana.

Ang hamili nga dugo ni Kristu lamang ang basihanan sa pagmatarung sa Dios sa mga motoo. Dili mamatarung ang makasasala sa iyang kaugalingong binuhatan, dili sa iyang pag-ampo, dili sa iyang pagpasakop sa Iglesya, kon dili sa dugo lamang nga giula sa bugtong anak sa Dios.

Matud pa Hebrohanon 9:22, gawas sa pag-ula sa dugo walay pagpasaylo. Busa salamat sa hamili nga dugo ni Kristu nga giula didto sa krus, kay pinaagi niini kita gimatarung na sa Dios niadtong takna nga kita kinasing-kasing nga mitoo sa grasya sa Dios.

24/08/2021

LAMDAG SA GRASYA: AGUSTO 25, 2021

ROMA 8:33 "...Dios mao ang nagapamatarung"

Aron kita makabaton og kuryenti sa atong panimalay kinahanglan nato adtoon ang hustong opisina; ang opisina sa Electric Cooperative aron sayuron ang mga gikinahanglang dokomento nga atong e-proseso.

Human nato ma proseso ang tanang gikinahanglan sila nga tinubdan sa kuryenti mo padala og representanti aron mataod ang kuryenti.

HINUMDUMI:
Aron ang makasasala makabaton sa pagkamatarung kinahanglan niyang modool sa tinubdan sa pagkamatarung.

Dios lamang ang nagapamatarung busa Dios ang tinubdan sa pagkamatarung.

Kon sa pagpataud sa kuryenti kinahanglan nato e-proseso ang mga gikinahanglang dokomento; Sa pag-angkon sa pagkamatarung ang Dios na nga tinubdan sa pagkamatarung ang ni-proseso sa Iyang gikinahanglan aron ang makasasala makabaton sa pagkamatarung

24/08/2021

LAMDAG SA GRASYA: AGUSTO 24, 2021

ROMA 1:16
Kay dili ko igakaulaw ang Maayong Balita; kay kini mao ang gahum sa Dios alang sa kaluwasan sa tagsatagsa nga motoo: una sa tanan, sa Judio, ug ingon man sa Greciahanon.

Giingon sa seyensya, ang matag butang adunay kaugalingong potensyal nga enerhiya.

HINUMDUMI:
Ang potensyal nga enerhiya sa ebanghelyo sa Grasya ni Kristu magaluwas sa mga motoo gikan sa silot sa sala. Apan unsaon man pagtoo sa mga makasasala kon walay mowali sa maayong balita ngadto kanila?

Ang pagwali kaakohan sa mga kristuhanon (ang sakop sa lawas ni Kristu) busa sama sa gisulti ni apostol Pablo dili nato igakaulaw ang Maayong Balita; kay kini mao ang gahum sa Dios alang sa kaluwasan sa tagsatagsa nga motoo.

Iwali ta ang ebanghelyo sa grasya may kahigayonan man kita o wala.

23/08/2021

LAMDAG SA GRASYA: AGUSTO 23, 2021

PILIPOS 2:13
"...ang Dios mao ang nagabuhat diha kaninyo sa pagbuot ug sa pagbuhat usab, alang sa iyang maayong kahimut-an"

Ang presensya sa hydrologic fluid nga anaa sa hydraulic cylinders ug hydraulic motors sa backhoe importanti kaayo. Kon wala ang presensya sa hydrologic fluid ang mga parti sa backhoe nga gipalihok pinaagi niini kawad-an kagahum.

HINUMDUMI:
Niadtong takna nga kita kinasing-kasing nga mitoo sa grasya sa Ginoong Hesu Kristu (nga ang Iyang kamatayon sa krus, ang iyang paglubong ug ang iyang pagkabanhaw ang bugtong paagi sa Dios aron kita maluwas gikan sa silot sa sala), gipapuyo sa Dios ang presensya sa Balaang Espiritu nganhi sa atong mga kasing-kasing.

Kini nga Espiritu sa Dios ang nagpalihok sa magtotoo (sama nimo ug nako) sa pagtinguha ug pagbuhat sa mga butang nga gikahimut-an sa Dios.

Ang mga buhat lamang nga namugna gumikan sa paglihok sa Espiritu sa Dios ang hingpit nga makapahimoot sa Dios.

Lamdag SA Grasya

25/11/2021

05/09/2021

02/09/2021

31/08/2021

30/08/2021

29/08/2021

27/08/2021

27/08/2021

25/08/2021

24/08/2021

24/08/2021

23/08/2021

Address

Telephone

Website

Alerts

Contact The Place Of Worship

Shortcuts

Share

Category