Brgy. Kalawakan Catholic Mission - Diocese of Malolos

Brgy. Kalawakan Catholic Mission - Diocese of Malolos The Official page of the Brgy. Kalawakan Catholic Mission.

Lubos ang aming pasasalamat kina Sir Gilbert Serpajuan at sa kanyang mga kasamahan mula sa San Isidro Labrador Parish, B...
06/07/2026

Lubos ang aming pasasalamat kina Sir Gilbert Serpajuan at sa kanyang mga kasamahan mula sa San Isidro Labrador Parish, Bustos Bulacan, sa kanilang bukas-palad na pagbabahagi ng biyaya para sa Sitio Cambobuyugan noong ika-4 ng Hulyo 2026.

Ang inyong kabutihang-loob ay tunay na patunay ng pagkakaisa at malasakit sa kapwa. Nawa’y patuloy kayong pagpalain ng Poong Maykapal at maging inspirasyon sa marami.

Sa pagdiriwang ng Misa Pasasalamat para sa Unang Taon ng Pagkapari ni Rdo. P. Aidref R. Ronquillo, nagtipon ang Sambayan...
24/06/2026

Sa pagdiriwang ng Misa Pasasalamat para sa Unang Taon ng Pagkapari ni Rdo. P. Aidref R. Ronquillo, nagtipon ang Sambayanan ng Diyos ng Kalawakan Mission Station noong ika-19 ng Hunyo 2026 kasama ang mga mananampalata mula sa iba’t ibang pamayanang kanyang pinaglingkuran upang magpasalamat sa kabutihan at katapatan ng Diyos.

Sa pagtatapos ng kanyang paglilingkod bilang Paring Tagapamahala ng Kalawakan, baunin nawa ng bawat isa ang biyaya ng mga panahong pinagsaluhan, sapagkat ang tunay na misyon ay nagpapatuloy sa bawat pusong itinataguyod ng pag-ibig ng Diyos.

📷: Ang Hapag Social Communications - Parish of the Most Holy Eucharist



Kaisa ng Sambayanan ng Diyos sa Kalawakan Catholic Mission Station at ni Rdo. Aidref R. Ronquillo, amalugod naming tinat...
24/06/2026

Kaisa ng Sambayanan ng Diyos sa Kalawakan Catholic Mission Station at ni Rdo. Aidref R. Ronquillo, amalugod naming tinatanggap si Rdo. P. Kristian L. Tolentino bilang bagong Paring Tagapamahala ng ating pamayanan.

Maligayang pagdating, Padre Kristian! Nawa’y maging mapayapa, mabunga, at puno ng pagpapala ang iyong paglilingkod sa Kalawakan Mission Station.

📸: Balik Tanaw- May 11, 2026 | Isang mapagpalang pagdalaw at pagbabahagi ng biyaya ng Daughters of Mary Immaculate of th...
12/06/2026

📸: Balik Tanaw- May 11, 2026 | Isang mapagpalang pagdalaw at pagbabahagi ng biyaya ng Daughters of Mary Immaculate of the Holy Angels Parish sa Plaridel sa humigit-kumulang 100 mag-aaral at 30 magulang mula Sitio Tubigan. Sa mainit na pagtanggap ng komunidad, ipinagkaloob ang mga school bags, school supplies, bigas, at pagkain bilang tanda ng malasakit at pag-ibig na sumasalamin sa pag-aaruga ng Diyos sa Kanyang mga anak.

📸: Balika Tanaw- April 30, 2026 | Isang mapagpalang pagdiriwang ng kaarawan ni Ms. Camille Cruz-Limbo, kasama ang kanyan...
10/06/2026

📸: Balika Tanaw- April 30, 2026 | Isang mapagpalang pagdiriwang ng kaarawan ni Ms. Camille Cruz-Limbo, kasama ang kanyang pamilya at mga kaibigan mula Brgy. Basuit, San Ildefonso, na ibinahagi rin sa Sitio Cabiao ng Kalawakan Mission Station sa piling ng humigit-kumulang 100 bata at kanilang mga magulang. Taos-pusong pasasalamat kina Sis. Nenita Sison at Sis. Rhina Hernandez ng Commission on Social Action, at Sis. Rovy Ann Villanueva ng Commission on Youth, sa kanilang masiglang pakikiisa sa pagdaloy ng biyaya, kagalakan, at pag-ibig sa kapwa.

📸: Balik Tanaw- March 21, 2026 | Ilang kuhang larawan sa pagdalaw at pagbabahagi ng biyaya: sa pangunguna ni Fr. Angel S...
10/06/2026

📸: Balik Tanaw- March 21, 2026 | Ilang kuhang larawan sa pagdalaw at pagbabahagi ng biyaya: sa pangunguna ni Fr. Angel Santiago, Kura Paroko ng Parokya ng Mahal na Puso ni Hesus at Spiritual Director ng Vicariate Commission on Family and Life, ipinagdiwang ang Misa Pasasalamat at isinagawa ang pamamahagi ng damit, bigas, at grocery packs sa humigit-kumulang 250 pamilya sa Kawit, Durumugan, at Kalayakan, bilang paggunita sa anibersaryo ng Parokya sa Pinaod.

📸: Balik Tanaw- March 19, 2026 | Ilang kuhang larawan sa pasasalamat at pagdiriwang ng kanyang kaarawan, ibinahagi ni Ms...
09/06/2026

📸: Balik Tanaw- March 19, 2026 | Ilang kuhang larawan sa pasasalamat at pagdiriwang ng kanyang kaarawan, ibinahagi ni Ms. Ynah Cruz ng Brgy. Basuit, San Ildefonso ang biyaya ng pagmamahal sa halos 250 batang mula sa Sitios ng Cambubuyugan, Talamsi I, Tubigan, at Cabiao sa Mission Station—isang tanda ng kagalakan na ang tunay na kapistahan ay natutupad sa pagbabahagi ng biyaya sa kapwa.

📸: Balik Tanaw- Disyembre 18, 2025| Isang makabuluhang pagdalaw ng Ama ng Diyosesis sa Kalawakan Catholic Mission Statio...
09/06/2026

📸: Balik Tanaw- Disyembre 18, 2025| Isang makabuluhang pagdalaw ng Ama ng Diyosesis sa Kalawakan Catholic Mission Station upang kamustahin ang mga kapatid nating IP sa Sitio Tubigan. Kasama ang Confraternity of St. Dominic – Malolos Chapter sa pangunguna ni Sis. Marita Santos at mga kasama, naging tanda ito ng pagkakaisa at malasakit ng Simbahan sa mga pamayanan. Taos-pusong pasasalamat kina Sis. Lea Hernandez at mga kasama ng Bisita ng Nuestro Padre Hesus Nazareno sa pag-organisa ng pagtitipon at paghahanda ng meryenda para sa lahat, bilang pagbabahagi ng pag-ibig at pagkalinga sa bawat isa.

📸: Flores de Maria 2026Sa pagbabalik-tanaw sa makulay at mapagpalang pagdiriwang ng Flores de Maria noong Mayo 30, 2026 ...
05/06/2026

📸: Flores de Maria 2026

Sa pagbabalik-tanaw sa makulay at mapagpalang pagdiriwang ng Flores de Maria noong Mayo 30, 2026 sa Kalawakan Catholic Mission Station, muling nagniningning ang debosyon ng buong pamayanan sa Mahal na Birheng Maria.

Sa pagkakaisa ng 12 sitios ng Mission Station, bawat sagala na kumakatawan sa iba’t ibang titulo ng Mahal na Ina ay naging buhay na patotoo ng pananampalataya—isang taimtim na pag-alay ng ganda, panalangin, at pag-ibig sa Kanya na patuloy na umaakay sa atin patungo kay Kristo. Nagsimula ang banal na pagtitipon sa sama-samang pagdarasal ng Santo Rosaryo, na sinundan ng Banal na Misa na pinamunuan ni Fr. Aidref Ronquillo, Paring Tagapamahala ng pamayanan.

Ang pagdiriwanb ay pinagyaman ng pag-aalay ng mga bulaklak at panalangin sa Mahal na Birhen, tanda ng isang pusong nagkakaisa sa debosyon at pasasalamat.

Taos-pusong pasasalamat sa Pastoral Council sa pangunguna ni Vice Chairperson Sis. Elvie de Sagun, sa Kalawakan Proper Chapel sa pamumuno ni Sis. Rowena Tesnado, at sa PCY na pinangungunahan ni Sis. Rovy Villanueva, kasama ang Ministry of Altar Servers sa pamumuno ni Bro. John Llyod Opeña, gayundin sa lahat ng kinatawan ng bawat sitio na buong pusong nakibahagi sa pagdiriwang.

Natatangi rin ang pasasalamat sa Pamilya Sanchez sa kanilang alay na bulaklak para sa Mahal na Ina bilang pag-alala sa yumaong papal awardee na si † Sir Knight Dr. Domingo Sanchez—isang buhay na saksi ng pananampalataya at paglilingkod.

Sa lahat ng ito, ang Flores de Maria ay nananatiling paalala: ang tunay na kagandahan ay ang pusong nag-aalay sa Diyos sa pamamagitan ng Mahal na Birhen.

Address

Doña Remedios Trinidad

Telephone

+639691540526

Website

Alerts

Be the first to know and let us send you an email when Brgy. Kalawakan Catholic Mission - Diocese of Malolos posts news and promotions. Your email address will not be used for any other purpose, and you can unsubscribe at any time.

Shortcuts

Share

Category