Panalangin Sa Araw-araw-3

16/07/2025

15/02/2025

Ang pagmamahal ay hindi lamang ipinaparamdam sa iisang araw sa loob ng isang taon kundi dapat araw-araw sa buong taon. Kaya kung wala kang matatanggap na regalo bukas mula sa mahal mo, okay lang 'yon. Ang importante araw-araw niyang ipinaparamdam sa'yo ang pagmamahal na deserve mo.

15/02/2025

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐋𝐀 𝐏𝐔𝐑𝐈𝐒𝐈𝐌𝐀 𝐂𝐎𝐍𝐂𝐄𝐏𝐂𝐈𝐎𝐍 𝐃𝐄 𝐁𝐀𝐋𝐈𝐔𝐀𝐆
(Ang Mahal na Birhen sa Patio)

O Santa Maria, aming Reyna at Ina, idalangin mo kami sa Panginoon upang kami'y mag-alay ng buong pag-ibig sa Kanya sa pamamagitan ng panalangin, pagsunod sa Kanyang mga utos, at paglilingkod sa lahat ng paraang abot-kaya namin.

Nababatid po naming mahalaga ang ibayong pagtingin sa kapwang nangangailangan, kaya nga't hinihiling namin sa iyong ipagkamit mo kami ng biyayang makapaglingkod sa mga taong nangangailangan ng aming tulong. Ayon nga sa kasabihan, "kung iniibig namin ang Diyos ay nararapat din naming ibigin ang mga taong ipinagkatiwala Niya sa amin."

O La Purísima Concepción de Baliuag, ibaling mo sa amin ang iyong paningin upang ang mga pagkukulang at kasalanan namin ay aming makilala at maamin sa iyong Anak nang kami'y magtamo ng kapatawaran sa iyong pamamagitan; at bilang pagbabayad-puri, kami'y nangangakong iibig sa Diyos at sa iyo, sa pamamagitan ng tapat na paglilingkod sa inyo at sa aming kapwa.

O Mahal na Ina, ilapit mo kami kay Hesukristong aming Panginoon. Amen.

(Banggitin ang pasasalamat para sa mga panalanging ipinagkaloob,
at gayundin ang mga kahilingan at mga intensyon.)

Ama Namin... Aba Ginoong Maria... Luwalhati...

La Purísima Concepción de Baliuag, ang Birhen sa Patio,
Ipanalangin mo kami.

Pasasalamat: Ang Batingaw - Saint Augustine Parish Baliwag, Bulacan Matt Estrella Pictures

30/12/2024