15/05/2026
| "๐ด๐๐๐๐ ๐๐ ๐ญ๐๐๐๐๐: ๐ด๐๐
๐๐๐ ๐๐ ๐ท๐๐๐๐๐ ๐๐ ๐ซ๐๐๐๐๐๐๐๐ ๐๐ ๐ฒ๐๐๐๐๐๐"
Mayo 13, 2026 โ Malipayong gisaulog sa parokya ang atong ika-pito nga kapistahan ubos sa pagpangama sa Mahal nga Birhen sa Fatima. Ang Santos nga Misa gisaulog sa atong obispo, Most Rev. Guillermo D. Afable, uban sa mga paring Marista ug Diyosesano.
Sa homilya, gipahinumdoman kita nga, โAng dalan sa kalinaw ipaagi sa malinawong pamaagi,โ usa ka pahinumdom alang kanato nga ang tinuod nga kalinaw magsugod sa atong kasingkasing pinaagi sa gugma, pagsinabtanay, ug pagpasaylo sa isigkatawo.
Alang niini, atong balik-lantawon ug puy-an ang mga mensahe sa Mahal nga Birhen Maria didto sa Fatima, โPag-ampo, paghinulsol, ug pagbag-o.โ Kini ang magtabang kanato sa pagbag-o sa imahe sa atong komunidad karon. Mamahimo nato kining hinagiban batok sa mga gubat, kagubot, ug kalisdanan nga naglibot-libot sa kalibutan, ilabina sa atong nasud karon, ug aron nga kailisdan kini sa kalinaw ug panaghiusa.
Barugan nato kining maong mensahe uban ang hugot nga pagtuo ug pagsalig sama sa gipadayag sa atong Mahal nga Inahan. Luyo sa kabug-at ug kamakalilisang sa atong mga nasinati karon, padayon kitang modangop sa iyang panabang tungod kay siya, ang atong Inahan sa Kalinaw ug modelo sa pagtuo, uban kanato sa atong pangagho ug pangamuyo.
