22/05/2026
⏰Oras sa Lekyon | Lesson 8: Pagbaton og Pagtuo (Having Faith)
“Ang pagtuo mao ang kasegurohan sa mga butang nga gilauman, ug ang kaluwasan sa mga butang nga wala makita.” – Hebreohanon 11:1
Key Verses: Mark 8:11, 12; Matthew 15:21–28; Luke 7:1–10; Ephesians 2:8; Hebrews 11; Revelation 14:12
👉 Ang pagtoo dili lang pagbati nga positibo kini pagsalig sa Dios bisan dili pa nato makita ang tubag.
👉 Ang tinuod nga pagtoo dili atong hinimo sa kaugalingon gasa kini sa Dios ug tubag sa Iyang gibuhat alang kanato.
✅Background•
• Ang lesson niining semanaha naghisgot sa pagtoo isip sentro sa relasyon sa tawo ug sa Dios.
• Dili posible ang tinuod nga paglakaw uban sa Ginoo kon walay pagtoo. Kay ang pagtoo mao ang koneksyon sa kasingkasing ngadto sa dili makita apan tinuod nga Dios.
• Sa Biblia, makita nato ang contrast sa lain-laing responses ngadto kang Jesus: naay nangayo og sign apan dili motoo ug naay uban nga yano ra apan lig-on ang pagsalig.
• Ang lesson nagpakita usab nga ang pagtoo dili self-generated power. Dili kini “kaya nako motoo.”
Kini grasya sa Dios nga gidawat ug gipalambo sa tawo.
⛔️Punto sa Pagtoon•
🔎 1. Ang pagtoo mao ang ebidensya nga dili pa makita.
→ Hebrews 11:1 – ang pagtoo nagkupot sa saad bisan wala pa makita ang resulta.
🔎 2. Dili tanang nangita og sign adunay tinuod nga pagtoo.
→ Mark 8:11, 12 – ang uban nangita og ilhanan, apan dili tinuod nga nagasalig kang Jesus.
🔎 3. Ang lig-on nga pagtoo makita sa mapainubsanon ug mapadayonon nga pagsalig.
→ Matthew 15:21–28 – ang babayeng Canaanhon nagpabilin nga nagatoo bisan murag lisud ang tubag.
🔎 4. Ang pagtoo dili kinahanglan pirmi makita sa labing duol nga pagtan-aw usahay makita kini sa pagsalig sa pulong ni Jesus lang.
→ Luke 7:1–10 – ang senturyon misalig sa authority sa pulong ni Cristo.
🔎 5. Ang pagtoo gasa sa Dios.
→ Ephesians 2:8 – bisan ang pagtoo mismo dili atong ikapasigarbo.
🔎 6. Ang katawhan sa Dios sa katapusan mailhan pinaagi sa pagtoo ug pagkamainantuson.
→ Revelation 14:12 – ang pagtoo konektado sa pagtuman ug pagbarog nato sa katapusan.
🔐Susi sa Pagsabot•
✅ Ayaw sukda ang pagtoo pinaagi sa imong feelings lang. Sukda kini pinaagi sa imong pagsalig sa pulong sa Dios.
✅ Dili tanang nangayo og proof adunay tinuod nga faith. Usahay ang tinuod nga pagtoo nagasalig bisan walay visible sign.
✅ Kon dugay ang tubag, ayaw dayon hunahunaa nga wala ang Dios naglihok. Ang pagtoo kasagaran motubo sa panahon sa paghulat.
✅ Himoa nga ang imong prayer ug kinabuhi magpakita sa pagsalig sa gahum ni Cristo.
✅ Ayaw ipasigarbo ang imong pagtoo nga murag gikan sa imong kusog. Pasalamati ang Dios kay Siya ang naghatag ug nagpatubo niini.
✅ Ang tinuod nga pagtoo dili passive. Nagpabilin kini, nagatuman, ug nagabarog bisan lisud ang kahimtang.
Ang pagtoo usa sa pinakagamhanang butang sa Kristohanong kinabuhi.
Apan usahay sayop ang atong pagsabot niini.
Abi nato ang pagtoo mao ang:kusog lang nga feeling, confidence lang sa kaugalingon o paglaum nga basin matuman ang atong gusto.
Apan sa Biblia, ang pagtoo mas lalum pa niana.
Kini pagsalig sa Dios bisan wala pa makita ang tubag. Kini pagbarog sa saad bisan naa pay paghulat. Kini pagduol kang Jesus dili tungod kay klaro na ang tanan, apan tungod kay kabalo ka nga Siya masaligan.
Tan-awa ang uban sa lesson:
Naay nangayo og sign, apan walay tinuod nga pagtoo. Naay babaye nga gisulayan, apan wala mohunong sa pagsalig. Naay centurion nga wala mangayo og visible proof, kay igo na kaniya ang pulong ni Jesus.
Mao kana ang tinuod nga faith.
ang pagtoo dili lang para sa sayon nga adlaw.
Para kini sa adlaw nga naglibog ka. Para kini sa adlaw nga murag dugay ang tubag. Para kini sa adlaw nga wala pa nimo makita ang unahan.
Kay ang pagtuo dili paggunot sa posibilidad lang apan paggunit kini sa matinumanong Dios.
📮May 17, 2026| Sunday: Just Give Me a Sign!
Key Verses: Mark 8:11, 12; John 20:29; Hebrews 11:1
👉 Dili tanang nangayo og sign adunay tinuod nga pagtoo usahay ang problema dili Ang kakulang sa ebidensya, apan kakulang sa kasingkasing nga andam motoo.
👉 Ang tinuod nga pagtoo dili magsalig pirmi sa makita una, nagasalig kini sa Dios nga naghatag na daan og pa-igo nga hinungdan aron motoo.
✅Background•
• Sa panahon ni Jesus, daghan na kaayong ilhanan nga Iyang gihimo. Nag-ayo Siya sa masakiton, nagpagawas og demonyo, ug nagpakita sa gahum sa Dios.
• Apan bisan pa niana, ang ubang relihiyosong lider nangayo pa gihapon og laing sign. Dili tungod kay kulang ang ebidensya, tungod kay dili sila andam nga motoo.
• Sa Mark 8, ang mga Pariseo nangayo og timaan gikan sa langit aron sulayan si Jesus.
• Ang importante nga insight mao nga pwede diay nga ang tao makakita og daghang signs, apan magpabilin gihapon nga walay pagtoo.
• Busa, ang problema sa unbelief dili pirmi “kulang og proof.” Ang tinuod nga problema mao ang kasingkasing madudahon kaysa masaligon.
• Mao nga si Jesus nasubo pag-ayo sa ilang pangayo. Kay ang ilang gipangita dili Ang kamatuoran, apan ila lang gi-testingan ang Ginoo.
⛔️Punto sa Pagtoon•
🔎 1. Ang uban nangayo og sign dili aron motoo, apan aron sulayan lang ang Dios.
→ Mark 8:11
🔎 2. Si Jesus nasubo ang kasingkasing nga sige lang og pangayo og proof bisan klaro na ang ebidensya.
→ Mark 8:12
🔎 3. Ang tinuod nga pagtoo wala magsalig sa visible sign.
→ Hebrews 11:1 – faith is the evidence of things not seen.
🔎 4. Bulahan ang motoo bisan wala makakita.
→ John 20:29
🔎 5. Ang signs makatabang, apan dili kini makapuli sa “surrendered heart.”
→ Bisan daghan nang signs, apan ang kasingkasing nga gahi gihapon, dili gihapon motoo.
🔐Susi sa Pagsabot•
✅ Ayaw himoa nga kondisyon sa imong pagtoo ang “to see is to believe.”
✅ Hinumdumi nga ang Dios naghatag na og daghang hinungdan aron motoo pinaagi sa Biblia ug sa imong personal nga kasinatian.
✅ Bantayi ang imong kasingkasing batok sa pag testing sa Ginoo.
✅ Kon adunay doubt, ayaw lang pangayo og sign pangayo usab og softer heart ug stronger faith.
✅ Ang tinuod nga pagtubo sa pagtoo makita sa pagsalig sa pulong sa Dios, dili lang sa spectacular nga panghitabo.
✅ Focus on what builds faith.
Usahay makahunahuna ta:
1. “Ginoo, kung hatagan lang ko Nimo og klarong sign, motoo nako.”
2. “Kung makita lang gyud nako ang milagro, dili na ko magduha-duha.”
3. “Kung naa lang unta ko’y klarong ebidensya, mas lig-on na unta angakong pagtoo.”
Apan ang lesson karon nagpahinumdom kanato
nga dili ang sign mao ang kulang.
Usahay ang kulang mao ang kasingkasing andam nga mosalig. Kay bisan sa panahon ni Jesus,
bisan daghan na kaayo’g signs, aduna gihapon daghan nga wala nitoo.
Ngano man? Kay ang problema dili ang kakulang sa kahayag. Ang problema anaa sa pagdumili sa kasingkasing.
Mao nga kinahanglan gyud kita magbantay.
Kay pwede man diay nga puno ta og Bible knowledge, nakakita na ki ta sa daghang kaayohan sa Dios, nakasinati na kita sa Iyang paggiya apan sige gihapon kita og pangayo, mo-ingon pa gyud “Usa pa ka sign, Ginoo.”
Apan ang tawag sa Dios wala mag-ingon, “Tan-awa una ang tanang ebidensya.”
Apan: Salig.Tuohi. Lakaw uban Kanako bisan dili pa nimo makita ang tanan.
Ang pinakabulahan nga tawo dili ang pinakadaghan og nakita apan ang motoo ug mosalig sa Dios bisan wala pa makita ang tanan.
📮May 18, 2026 | Monday: Jesus Sees Our Faith
Key Verses: Mark 4:40; Matthew 15:21–28; Luke 7:1–10; Mark 9:24; John 2:23–25
👉 Si Jesus dili lang maminaw sa atong words nakita Niya ang tinuod nga kahimtang sa atong pagtoo.
👉 Ang tinuod nga faith dili lang pag-angkon nga “nitoo ko” apan pagsalig gyud kang Cristo bisan lisud ang kahimtang.
✅Background•
• Sa mga Ebanghelyo, daghang tawo ang miadto kang Jesus. Apan dili tanan parehas og pagtoo.
• Ang uban niduol kang Jesus pero kulang og pagsalig. Ang uban wala nakita nato nga niduol, kay dili sila “showy” apan lig-on sab sila og faith.
• Sa Mark 4:40, bisan ang mga tinun-an, nga kauban na ni Jesus, nahadlok gihapon sa bagyo.
• Sa Matthew 15, ang babayeng Canaanhon nagpabilin sa pagsalig bisan murag lisud ang tubag ni Jesus.
• Sa Luke 7, ang centurion wala mangayo og visible proof. Misalig siya sa authority sa pulong ni Cristo.
• Ang punto sa lesson mao ni: dili sukdanan sa strong faith ang kalapad sa knowledge lang, apan ang giladmon sa pagsalig kang Jesus.
⛔️Punto sa Pagtoon•
🔎 1. Si Jesus nakabalo sa kalainan sa weak faith ug strong faith.
→ Mark 4:40 – ang mga tinun-an nga naa duol Kaniya, apan mahadlokon gihapon.
🔎 2. Ang strong faith makita sa padayon nga pagsalig bisan murag lisud ang tubag.
→ Matthew 15:21–28 – ang babayeng Canaanhon wala miundang sa pagpangita kang Jesus.
🔎 3. Ang tinuod nga pagtoo mapainubsanon ug dili mamugos.
→ Ang Canaanhon nga babaye ni-ampo nga adunay pagpaubos ug paglahutay.
🔎 4. Ang faith sa centurion nagsalig sa pulong ni Jesus lang.
→ Luke 7:1–10 – wala niya kinahanglana nga mo-adro pa si Jesus sa iyang balay.
🔎 5. Ang tinuod nga faith usahay mag-uban ang pagtoo ug pakigbisog.
→ Mark 9:24 – “Ginoo, nagatoo ako; tabangi ang akong pagka-madudahon.”
🔎 6. Dili tanan nga nagaingon nga nitoo nga adunay lalum nga faith.
→ John 2:23–25 – si Jesus nakakita sa tinuod nga naa sa kasingkasing.
🔐Susi sa Pagsabot•
✅ Ayaw pagsalig sa profession of faith lang.
Susiha kung naa ba gyud koy tinuod nga pagsalig kang Cristo.
✅ Dili kahadlokan nga mo-angkon nga naa kay doubts. Dad-a kini kang Jesus, ayaw palayo Kaniya.
✅ Ang strong faith wala nagpasabor nga walay struggles. Ang Faith usa kini ka finisher bisan naay kahadlok ug paghulat.
✅ Kat-oni ang pagtoo sa pulong ni Jesus bisan dili pa nimo makita ang resulta.
✅ Ayaw ikumpara ang imong faith sa uban. Tugoti si Jesus nga magpatubo niini sa imong kasingkasing.
✅ Ang tinuod nga pagtoo makita sa dependence, humility, ug perseverance.
Makapahinumdom kaayo ni nga leksyon
nga dili tanan nga duol na gyud kang Jesus
Automatic nga lig-on og faith.
Ang mga tinun-an mismo, nga kauban Niya sa sakayan, nahadlok gihapon sa bagyo.
Apan tan-awa sab ang babayeng Canaanhon
ug ang centurion.
Dili sila pareho og spiritual privilege sa mga tinun-an, apan daku kaayo ang ilang pagsalig kang Cristo.
Mao nga kinahanglan nato masabtan: ang faith dili lang unsa ka familiar sa relihiyon, dili lang sa kadugayon nimo sa simbahan ug dili lang sa kadaghanon sa imong nahibaloan
Ang faith makita
sa dihang mosalig kita kang Jesus bisan lisud ang kahimtang. Bisan dugay ang tubag. Bisan dili pa klaro ang unahan.
Ug usahay, sama sa amahan sa Mark 9,
ang pinakatinuod nga pag-ampo mao ni:
“Ginoo, nagatoo ko—tabangi ang akong pagkadili-matinuohon.”
Kana nga klase sa pag-ampo dili kapakyasan.
Sincere kana nga faith nga nagapangayo og tabang.
si Jesus wala lang naminaw sa atong words nakita Niya ang atong kasingkasing.
Ug ang maayong balita mao ni: ang faith nga gamay pa karon, pwede Niyang patuboon ug palig-onon.
📮May 19, 2026 | Tuesday: Faith Is Not a Feeling
Key Verses: Ephesians 2:8; Romans 12:3; Mark 9:24
👉 Ang pagtoo dili susama sa feelings. Ang feelings man gud mag-usab-usab, apan ang pagtoo nagasalig sa Dios bisan unsa pa ang situation.
👉 Ang tinuod nga faith dili magsalig sa emotional high nagsalig kini sa grasya ug saad sa Ginoo.
✅Background•
• Daghang tawo maghunahuna nga kon wala sila’y strong spiritual feeling, kulang sila og pagtoo.
• Apan ang lesson nagklaro nga ang faith dili material nga butang o emotion lang. Kini tubag sa Dios.
• Ang Dios mao ang unang naglihok. Siya maoy nagdani, nagatawag, ug naghatag sa grasya diin ang tawo mag-response pinaagi sa pagtoo.
• Busa, ang kaluwasan dili tungod kay kusog kaayo ang atong feelings. Tungod kini sa grasya sa Dios nga gidawat pinaagi sa pagtoo.
• Ang punto mao ni: usahay dili ta mobati nga duol ta sa Dios, apan dili pasabot nga wala na ang faith. Sa maong higayon, kinahanglan nato i-exercise ang pagtoo.
⛔️Punto sa Pagtoon•
🔎 1. Naluwas ta pinaagi sa grasya pinaagi sa pagtoo. → Ephesians 2:8
🔎 2. Ang pagtoo dili atong ikapasigarbo.
→ Kini konektado sa gasa ug buhat sa Dios.
🔎 3. Ang matag tawo gihatagan og sukod sa pagtoo. → Romans 12:3
🔎 4. Ang pagtoo mahimong naa bisan naay pakigbisog sa sulod. → Mark 9:24 – “Nagatoo ako; tabangi ang akong pagkadili-matinuohon.”
🔎 5. Ang tinuod nga faith dili kinahanglan pirmi kauban ang joyful feeling.
→ Ang pagtoo magpabilin bisan sa kangitngit, kalibog, ug unos sa pagtop.
🔐Susi sa Pagsabot•
✅ Ayaw sukda ang imong relasyon sa Dios pinaagi sa imong feelings lang.
✅ Kon dili ka mobati nga duol sa Ginoo, ayaw dayon og hunong. Padayon sa pagsalig.
✅ I-exercise ang pagtuo bisan sa adlaw nga uga ang paminaw.
✅ Hinumdumi nga ang grasya sa Dios maoy pundasyon sa imong kaluwasan, dili ang imong emotional condition.
✅ Ayaw kahadlok moingon sa Ginoo, “Tabangi ang akong pagkadili-matinuohon.”
✅ Ang tinuod nga faith makita sa padayon nga paggunit sa Dios, dili lang sa nindot nga spiritual mood.
Usahay ang usa sa pinakadakung limbong sa kaaway mao ni: “Wala ka’y faith kay wala ka’y gibati.” “Wala ka duol sa Dios kay uga imong kasingkasing.” “Wala ka nagatubo kay dili ka excited sama sauna.”
Apan ang lesson karon nag-ingon nga
ang faith dili feeling.
Kay kon ang pagtoo nakabase lang sa feelings,
unsaon man nato pagbarog sa adlaw nga bug-at ang atong kasingkasing? Sa adlaw nga daghan og pangutana? Sa adlaw nga murag silent ang langit?
Mao gyud kana ang panahon nga ang pagtoo kinahanglan i-exercise.
Dili kay kusog imong paminaw apan kusog ang Dios nga imong gisaligan.
Dili kay klaro ang tanan apan matinumanon ang Ginoo nga imong gikapitan.
Mao nga bisan usahay dili ka kabalo unsay imong paminaw, pwede gihapon ka moingon:
“Ginoo, nagsalig ko Kanimo.” “Dili ko magsalig sa akong gibati lang.” “Nagtoo ko sa Imong grasya, saad, ug pagkamatinumanon.”
Ug sama sa amahan sa Mark 9, pwede gyud kita mo-ampo nga matinud-anon:
Ang tinuod nga faith dili magsulti lang sa adlaw nga nindot ang paminaw magpabilin usab kini sa adlaw nga silent, bug-at, ug malisud.
📮May 20, 2026 | Wednesday: Examples of Faith
Key Verses: Hebrews 11; Matthew 17:20; Romans 10:17; Luke 17:5; Mark 9:24; 2 Corinthians 5:7; Revelation 14:12
👉 Ang pagtoo dili kini idea nga gituohan kini pagkinabuhi nga nagasalig sa Dios ug mitubag sa Iyang pulong. Bisan gamay ra nga pagtoo, kon gitugyan sa buhi nga Dios, adunay dakung gahum.
✅Background
• Ang Hebrews 11 gitawag nga “faith chapter” kay mabasa nato ang sunod-sunod nga mga ehemplo sa mga tawo nga naglakaw uban sa Dios pinaagi sa pagtoo.
• Ang common sa ilang tanan dili kay pareho sila og personality, status, o panahon. Ang common nila mao ang pagsalig sa Dios bisan wala pa nila makita ang katumanan sa tanan Niyang saad.
• Ang lesson nagpakita nga ang pagtoo wala gi reserved para sa “special people” lang. Ang mga bayani sa Hebrews 11 mga ordinaryong tawo usab nga mitubag sa extraordinary nga tawag sa Dios.
• Importante usab nga masabtan nga ang faith dili static. Motubo kini pinaagi sa Pulong sa Dios, pag-ampo, ug adlaw-adlaw nga pagtubag sa Espiritu Santo.
⛔️Punto sa Pagtoon
🔎 1. Ang pagtoo mao ang pagsalig sa wala pa makita.
→ Hebrews 11:1 – ang faith nagkupot sa saad bisan wala pa’y visible nga ebidensya.
🔎 2. Ang pagtoo sentro sa relasyon sa tawo ug sa Dios.
→ Sa Hebrews 11, ang matag kinabuhi nga gihisgutan nailhan pinaagi sa ilang pagtubag sa Dios pinaagi sa faith.
🔎 3. Ang pagtoo nagdala sa pagtuman ug binuhatan.
→ Ang ilang faith wala nahabilin sa hunahuna lang; nakita kini sa ilang mga desisyon ug mga lakang.
🔎 4. Bisan gamay nga pagtoo adunay gahum kon gitutok sa Dios.
→ Matthew 17:20 – mustard-seed faith.
🔎 5. Ang pagtoo motubo pinaagi sa pagpaminaw sa Pulong sa Dios.
→ Romans 10:17
🔎 6. Ang pagtoo ug pagduha-duha usahay mag-uban sa kasingkasing, apan pwede gihapon kita moduol sa Ginoo.
→ Mark 9:24
🔎 7. Ang tinuod nga paglakaw sa Kristohanon pinaagi sa pagtoo, dili unsa ang makita lang.
→ 2 Corinthians 5:7
🔐Susi sa Pagsabot
✅ Ayaw hulata nga makompleto ang tanang ebidensya bago ka mosunod sa Dios.
✅ Bisan gamay pa imong pagtoo karon, itugyan kini sa Ginoo ug tugoti Siyang patuboon kini.
✅ Himoa nga regular ang pagbasa sa Biblia kay ang faith motubo pinaagi sa Pulong.
✅ Kon naa kay mga pangutana ug pakigbisog, ayaw palayo sa Dios. Duol hinuon ug iingon, “Tabangi ang akong pagkadili-matinuohon.”
✅ Ang tinuod nga pagtoo dili lang sa pagsulti nga “nitoo ako.” Makita kini sa imong pagtuman, paglahutay, ug pagbarog.
✅ Ang pagtoo kinahanglan i-exercise adlaw-adlaw, dili lang sa panahon sa crisis.
Kon ato basahon ang Hebrews 11,
mura tag nagtan-aw sa hall of faith sa Biblia.
Apan importante nga masabtan nato:
ang mga tawo didto dili superhuman.
Sama ra usab nato, naga-atubang sila og kahadlok, paghulat, kasakit, ug mga pangutana.
Apan usa ka butang ang ilang gibuhat: misalig sila sa Dios, mitubag sila sa Iyang pulong ug milakaw sila bisan dili pa nila makita ang tanan.
Mao kana ang tinuod nga pagtoo.
Dili kay wala nay pangutana. Dili kay wala nay kahadlok. Bisan pa niana, mopili gihapon ka sa pagsalig sa Ginoo.
Ug nindot kaayo nga ang lesson nagpahinumdom kanato nga bisan mustard-seed faith ra, pwede gihapon gamiton sa Dios.
Busa ayaw ingna nga: Gamaya ra sa akong faith. Dili ko pareho sa uban.Dili ko strong nga Christian.
Kay ang importante dili lang ang kadak-on sa imong faith ang importante kung asa nimo gibutang ang imong faith.
Kon kini anaa kang Cristo, bisan gamay pa karon,
pwede Niyang palig-onon, patuboon, ug gamiton.
Ang mga bayani sa pagtoo wala nailhan tungod kay ilang nakita ang tanan nailhan sila tungod kay misalig sila sa Dios nga nakita ang tanan.
📮May 21, 2026 | Thursday: The Faith of Jesus
Key Verses: Revelation 14:12; Matthew 26:36–42; Hebrews 11:6
👉 Ang “faith of Jesus” dili lang pagtoo kang Jesus apil usab niini ang sama nga pagsalig ni Jesus ngadto sa Amahan.
👉 Ang tinuod nga pagtoo. dili lang moingon, “Motoo ako kang Cristo,” apan, “Ginoo, tudloi ako sa pagsalig sama sa Imong pagsalig.”
✅Background•
• Sa Revelation 14:12, ang katawhan sa Dios gihulagway nga nagtuman sa mga sugo sa Dios ug adunay “faith of Jesus.”
• Nagpasabot kini nga ang kinabuhi sa katawhan sa Dios dili lang legal obedience. Dapat naa usab kini’y buhing gospel faith nga sentro kang Cristo.
• Sa kasaysayan sa Adventist understanding, dako kaayo ni nga punto kay nagpahinumdom kini nga ang balaod ug ang ebanghelyo dili dapat magbulag. Mag-uban gyud ang pagtuman ug pagtoo.
• Sa Gethsemane, makita nato ang pinakalalum nga ehemplo sa faith of Jesus. Bisan sa bug-at nga takna, si Jesus wala magsalig sa kaugalingon. Misalig Siya sa Amahan ug mitugyan sa Iyang kabubut-on ngadto Kaniya.
• Busa, ang “faith of Jesus” dili shallow positivity.
Kini surrendered, obedient, suffering faith nga nagkupot sa Amahan bisan sa kasakit.
⛔️Punto sa Pagtoon•
🔎 1. Ang katawhan sa Dios mailhan sa pagtuman ug sa faith of Jesus.
→ Revelation 14:12
🔎 2. Ang faith of Jesus nakita sa bug-os nga pag-surrender sa kabubut-on sa Amahan.
→ Matthew 26:39
🔎 3. Si Jesus nagpabilin sa pagtoo bisan sa oras sa dakung kasakit.
→ Sa Getsemane, wala Siya mibulag sa Amahan.
🔎 4. Ang tinuod nga faith dili lang pagpangayo nga matuman ang atong gusto.
→ Nag-ingon si Jesus, “Dili ang akong kabubut-on, kondili Ang kabubot-on sa Amahan.”
🔎 5. Ang faith of Jesus mahimong modelo sa atong kaugalingong pagtoo.
→ Dili lang Siya atong Ginoo, Siya usab ang atong ehemplo.
🔎 6. Ang atong pagtoo maluya usahay, apan si Jesus mao ang lig-on nga pundasyon niini.
🔐Susi sa Pagsabot•
✅ Ayaw tan-awa ang pagtoo isip pagsalig lang nga matuman ang imong gusto.
✅ Kat-oni ang pag-ampo sama kang Jesus “Ginoo, buhata ang Imong kabubut-on.”
✅ Ang tinuod nga pagtoo makita sa obedience ug surrender, dili lang sa words.
✅ Kon maluya Ang imong faith, ayaw pagsalig sa imong kusog. Kupot lamang kang Jesus, kay Siya ang source sa tinuod nga pagtoo.
✅ Ang faith of Jesus kinahanglan makita sa adlaw-adlaw nga kinabuhi sa pagtuman, paglahutay, ug pagsalig sa Amahan.
✅ Pangayoa sa Dios nga iumol sa imong kasingkasing ang sama nga espiritu nga anaa kang Cristo.
Nindot kaayo ang pulong nga “the faith of Jesus.” Kay wala lang kini nagpasabot nga
Motoo kita kang Jesus.
Nagpasabot usab kini nga ang klase sa pagsalig nga naa kang Jesus sa Amahan mahimong makita usab sa atong kinabuhi.
Tan-awa si Jesus sa Gethsemane.
Wala Siya sa sayon nga kahimtang. Bug-at ang takna. Sakit ang dalan sa unahan. Apan sa maong higayon, wala Siya naghimo sa self-will.
Misalig Siya sa Amahan. Mitugyan Siya sa kabubut-on sa Amahan. Ug nagpabilin Siya nga matinumanon bisan lisod. Mao kana ang faith of Jesus.
Dili kini faith nga kusog lang sa comfortable days.
Faith kini nga nagbarog bisan sa Gethsemane.
Dili kini faith nga moingon lang, “Ginoo, ihatag ang akong gusto.”
Ang katawhan sa Dios dili lang mailhan nga motoo sila kang Jesus mailhan usab sila nga ang espiritu sa pagtoo ni Jesus makita sa ilang kinabuhi.
📮May 22, 2026 | Friday: Further Thought
Key Verses: Romans 5:1; Acts 26:18; John 1:12; Galatians 2:20; Hebrews 10:23
👉 Ang pagtoo dili lang sinugdanan sa Kristohanong kinabuhi kini mao usab ang paagi sa pagpadayon, pagdaug, ug pagkinabuhi uban kang Cristo adlaw-adlaw.
👉 Kon tinuod ang atong pagtoo kang Jesus, dili lang kita mapasaylo mausab usab ang atong kinabuhi.
✅Background•
• Sa katapusan sa leksyon, gipunting nga ang tibuok Kristohanong experience nalukop sa pagtoo.
• Naluwas ta pinaagi sa pagtoo.Nabantayan kita sa pagtoo. Nagkinabuhi ta sa pagtoo. Ug nagpadayon kita hangtud sa katapusan pinaagi sa pagtoo.
•Ang pagtoo dili mahimong mabulag sa pag-ampo, sa Pulong sa Dios, ug sa pagpaubos sa kasingkasing.
• Ang Great Controversy batok sa dautan dili madaog pinaagi sa kusog sa tawo, apan pinaagi sa kinabuhi nga nagsalig ug nagakupot kang Cristo pinaagi sa pagtuo.
⛔️Punto sa Pagtoon•
🔎 1. Ang justification mahitabo pinaagi sa pagtoo.
→ Romans 5:1 – pinaagi sa pagtoo, ang tawo mapasig-uli sa Dios.
🔎 2. Ang pagtoo dili lang para sa kapatawaran—apil usab ang sanctification ug bag-ong kinabuhi.
→ Acts 26:18; John 1:12
🔎 3. Ang Kristohanong kinabuhi ipadayon pinaagi sa pagtoo kang Cristo.
→ Galatians 2:20
🔎 4. Ang tawo nga mobati sa iyang kahuyang ug mokupot kang Jesus mahimong dili matarog sa tinuod.
→ Ang iyang kusog dili na sa kaugalingon, apan sa Manluluwas.
🔎 5. Ang kusgan nga pagtoo nagkinahanglan og pag-ampo, Pulong sa Dios, pagpaubos, ug perseverance.
→ Ang faith dili motubo pinaagi sa pride ug self-reliance.
🔎 6. Ang pagtoo importante sa pagbarog batok sa dautan.
→ Dili kita makig-away sa espirituhanong panag-away nga walay total dependence sa Dios.
🔐Susi sa Pagsabot•
✅ Ayaw tan-awa ang pagtoo isip usa lang ka doctrine. Himoa kini nga adlaw-adlaw nga paagi sa pagkinabuhi.
✅ Kon mobati ka nga weak ka, ayaw dayon kawad-i og paglaum. Kana mismo mahimong higayon nga mas mokupot ka kang Jesus.
✅ Lig-ona ang imong pagtoo pinaagi sa prayer, Bible study, ug humble surrender.
✅ Ang battle batok sa sala ug sa dautan dili madaog sa human effort lang. Kinahanglan ang faith nga nagasalig sa gahum sa Dios.
✅ Hold fast sa imong confession of faith bisan sa panahon sa pagsulay.
✅ Ayaw pagsalig sa imong kaugalingong kusog.
Salig sa Manluluwas nga dili gyud mobiya nimo.
Human niining semanaha nga pagtoon bahin sa faith, klaro kaayo ang usa ka kamatuoran:
Ang pagtoo dili lang para sa pagsugod sa relasyon sa Dios. Kini mao usab ang paagi sa pagpadayon niini.
Daghan usahay ang gusto moingon,
“Motoo ko kang Jesus para maluwas ko.”
Apan ang Biblia nagpakita nga mas lalum pa gyud diay ana.
Pinaagi sa pagtoo kita mapasaylo.
Pinaagi sa pagtoo kita mausab.
Pinaagi sa pagtoo kita mahimong anak sa Dios.
Ug pinaagi sa pagtoo kita makabarog sa pakig-away batok sa dautan.
Mao nga ang pagtoo dili side issue sa Kristohanong kinabuhi. Kini mao gyud ang kinabuhi sa Kristohanon.
Ug nindot kaayo nga ang lesson nagpahinumdom kanato nga ang tawo nga mobati sa iyang kahuyang apan mokupot nga bug-os kang Jesus dili hopeless.
Sa tinuod, kana nga kalag kusgan diha kang Cristo.
Ngano man?
Kay sa dihang nahurot na ang atong pagsalig sa kaugalingon, didto magsugod ang tinuod nga pagsalig sa Manluluwas.
Kay sa katapusan, ang pinakamalig-on nga faithful dili ang walay kahuyang apan ang kahibalo ka nga weak ug tungod niana mokupot siya pag-ayo kang Cristo.
Ug hinaut nga sa matag adlaw sa atong kinabuhi,
makakat-on kita dili lang sa paghisgot bahin sa faith sa pagkinabuhi pinaagi sa faith sa Anak sa Dios.
Happy Sabbath!
