https://www.facebook.com/376432389493303/

Sir Dan, Davao City (2026)

24/08/2026

HAN-AY - August 30, 2026

Pasiuna - Ang Gugma sa Ginoo
https://youtu.be/5e28729Oenw
Salmo - https://youtu.be/ovWUi2hGYrI
Fr. JAG’s version - https://youtu.be/7qQeE7FAu5g
Halad - Langitnon Namong Amahan
https://youtu.be/6W1wFddcwiE
Kalawat - Lawas ug Kalag
https://youtu.be/29LI3AupuK0
Katapusan - Busa sa Hiniusang Tingog
https://youtu.be/6whtVzzhO-Q

Your generosity keeps me going.
Asking for Donation - GCash 09666816090 (RO…N L.)
Salamat.

Playlist - Mga Awit sa Ordinaryong Panahon
i-click lang ang link
Mga Awit sa Pasiuna - https://youtube.com/playlist?list=PLPvrS24HugOYWWmpyzRM4fCG3YgSjeQkf&si=Nh-x9aEcKJ_03eCz
Mga Awit sa Halad - https://youtube.com/playlist?list=PLPvrS24HugOYolgG0eMbKRhVKDYHBar3X&si=faoFL8mY8cvX1A2t
Mga Awit sa Kalawat - https://youtube.com/playlist?list=PLPvrS24HugObAFVrdbYyhJ9yQQNKLydfl&si=F8H28oM4Fx-QCLde
Mga Awit sa Katapusan - https://youtube.com/playlist?list=PLPvrS24HugOarCxsh-m2WrWz6X-BwE3js&si=tm_lqlYgNe7lUBYa

24/08/2026

MGA PAGBASA - AUGUST 30, 2026
Ikakawhaan ug Duha nga Domingo sa Ordinaryong Panahon

PASIUNA
Mga igsoon:
Daghang mga tawo ang nangitag kasigurohan diha sa relihiyon. Apan nagsaad ba kanato’g kasigurohan ang Ebanghelyo? Ang tubag: Oo ug wala. Si Cristo mao ang atong dalangpanan ug siya usab ang naghatag kanato’g kalig-on.
Apan miingon siya nga walay kinabuhi kon walay kalisdanan. Gani miingon siya: “Dali, pas-ana ang inyong krus, atubanga ang mga pagsulay sa kinabuhi ug antosa ang mga kasakit sa pagkakristiyanos. Uban kanako puy-i ninyo ang usa ka kinabuhi sa kakabos ug pagkamanggihatagon, sa hustisya ug maalagarong gugma.”
Busa dili sayon ang pagsunod ni Cristo kay mag-agi usab kita’g mga kasakitan. Apan kon andam lang kita sa pagsunod kaniya, siya ang atong kalig-on diha sa atong kinabuhi. Ug dinhi sa Eukaristiya ihalad nato ang atong kaugalingon uban ni Jesus, atong Ginoo.

Unang Pagbasa - Jer. 20:7-9

ANG PAGBASA GIKAN SA BASAHON NI PROPETA JEREMIAS
GINOO, gilimbongan mo ako. Mas gamhanan ka kay kanako, busa wala akoy dag-anan. Ang tanan nagbiaybiay kanako, ug gikataw-an ako nila sa tibuok adlaw. Inigsulti ko, mosinggit ako sa pag-ingon, “Kamatay! Kalaglagan!” GINOO, gibiaybiay ug giyam-iran ako nila kanunay kay gisangyaw ko man ang imong gisulti. Apan kon moingon gani ako nga kalimtan ko ang GINOO ug dili na ako magsangyaw sa imong ngalan, bation ko nga daw kalayo nga nagdilaab ang imong gisulti sulod sa akong kasingkasing ug kabukogan. Naluya akog pinugong niini, ug dili ko na gayod kini kapugngan.
ANG PULONG SA GINOO. SALAMAT SA DIOS.

SALMO RESPONSORYO (Ps. 63:2, 3-4, 5-6, 8-9)

T. Ang akong kalag giuhaw kanimo, O Ginoo, akong Dios.

O Dios, ikaw ang akong Dios nga akong gipangita; kanimo nangandoy ang akong unod ug giuhaw ang akong kalag sama sa yuta nga uhaw, walay kinabuhi ug walay tubig.

T. Ang akong kalag giuhaw kanimo, O Ginoo, akong Dios.

Sa ingon nagsud-ong kanimo diha sa santuwaryo aron pagtan-aw sa imong gahum ug sa imong himaya, Kay ang imong kaluoy mas maayo kay sa kinabuhi; ang akong mga ngabil maghimaya kanimo.

T. Ang akong kalag giuhaw kanimo, O Ginoo, akong Dios.

Sa ingon niini daygon ko ikaw samtang buhi pa ako; sa pagbayaw ko sa akong mga kamut, sangpiton ko ang imong ngalan. Ingon sa kabuhong sa usa ka bangkite mabusog ang akong kalag, ug sa masadya nga mga ngabil magdayeg kanimo ang akong ba-ba.

T. Ang akong kalag giuhaw kanimo, O Ginoo, akong Dios.

Ikaw ang akong hinabang, ug diha sa landong sa imong mga pako nagasinggit ako sa kalipay. Ang akong kalag nagadangop pag-ayo kanimo; ang imong tuong kamut nagasapnay kanako.

T. Ang akong kalag giuhaw kanimo, O Ginoo, akong Dios.

Ikaduhang Pagbasa Rom 12:1-2

ANG PAGBASA GIKAN SA SULAT NI SAN PABLO NGADTO SA TAGA-ROMA
Busa, mga igsuon, tungod sa dakong kaluoy nga gipakita sa Dios kanato, hangyoon ko kamo sa pagtugyan sa inyong kaugalingon ngadto sa Dios, ingon nga buhing halad, balaan ug makapahimuot kaniya. Mao kini ang matuod nga pagsimba nga angay ninyong ihalad. Ayaw kamo pagpahiuyon niining kalibutana, kondili ipabag-o sa Dios ang inyong panghunahuna aron masayran ninyo ang kabubut-on sa Dios unsay maayo, hingpit, ug makapahimuot kaniya.
ANG PULONG SA GINOO. SALAMAT SA DIOS.

ALELUYA (Eph. 1:17-18)
T. Aleluya.
Ang Amahan sa atong Ginoong Jesucristo maghayag unta sa mga mata sa atong mga kasingkasing ug makakita unta kita unsa kadako ang kalauman nga alang niini gitawag kita.
T. Aleluya.

ANG PAGBASA GIKAN SA EBANGHELYO SUMALA NI SAN MATEO (Mt. 16: 21-27)
Sukad niadtong higayona, giingnan ni Jesus ang iyang mga tinun-an sa tin-aw na gayud nga pagkasulti, “Kinahanglan nga moadto ako sa Jerusalem ug paantuson ako pag-ayo sa mga punoan sa mga Judio ug sa mga pangulong pari, ingon man sa mga magtutudlo sa Balaod. Patyon ako nila, apan sa ikatulo ka adlaw mabanhaw ako.”Tungod niini gidala siya ni Pedro pahilayo sa uban ug giingnan, “Dili unta kana mahitabo kanimo, Ginoo!”
Miliso si Jesus ug miingon kang Pedro, “Pahawa, Satanas! Nagbabag ka kanako, kay ang imong hunahuna, hunahuna sa tawo ug dili sa Dios!”
Unya miingon si Jesus sa iyang mga tinun-an, “Ang buot mahimong akong tinun-an kinahanglan nga hikalimtan niya ang iyang kaugalingon, pas-anon niya ang iyang krus, ug mosunod siya kanako. Kay ang buot magluwas sa iyang kaugalingong kinabuhi mawad-an hinoon niini; apan ang mawad-an sa iyang kinabuhi tungod kanako makabaton niini. May makuha ba ang tawo kon maangkon niya ang tibuok kalibutan apan kawad-an siya sa iyang kinabuhi? Wala gayud! Ang tawo walay bisan unsa nga ikahatag aron mabawi niya ang iyang kinabuhi. Kay ang Anak sa Tawo hapit na moabot uban sa himaya sa iyang Amahan, kinuyogan sa iyang mga anghel, ug unya balusan niya ang tagsatagsa sumala sa iyang nabuhat.”
ANG EBANGHELYO SA GINOO. DAYGON IKAW, O CRISTO.

KATILINGBANONG PAG-AMPO
P: Mag-ampo kita sa Amahan ug maghalad kita Kaniya og makanunayong pagpasalamat, kay Siya man ang nagsantos kanato ug sa ingon gitawag kita nga mga managsoon. Mag-ampo kita ngadto sa Amahan sa pag- ingon: GINOO, HIMOA KAMING BALAAN.

a) Sa usa ka pagtoo, among gihalad kining adlawa sa pagdayeg sa Imong pagkabanhaw, hinaut unta nga kining adlawa maghatag Kanimo og kalipay diha sa among mga matarong nga binuhatan ilabina sa tinugyanan sa Imong Simbahan. Mag-ampo kita sa Ginoo.
b) Sa hiniusang gugma, bag-oha ang matag usa ilabina ang tinugyanan sa among nasud diha sa katarong ug ipadala ang Imong Espiritu sa matag adlaw aron sila magmatinud-anon sa ilang pagserbisyo. Mag-ampo kita sa Ginoo.
c) Sa among pag-ila sa Imong presensiya diha sa among mga igsuon nga naglisodlisod, nag-antus tungod sa kagubot, mga masakiton ug niadtong nakasinati sa nagkadaiyang kalamidad sa kinabuhi nga makabaton unta og kahupayan diha sa among pagsuporta kanila. Mag-ampo kita sa Ginoo.
d) Sa among hugot nga pagsalig sa Imong mahigugmaong gahum amo untang masinati ang matuod nga kalinaw, gugma ug kaangayan. Mag-ampo kita sa Ginoo.
e) Sa Imong dakung kalooy, O Ginoo, among ihalad ang among mga kaigsoonan nga mipanaw na sa laing kalibutan. Mag-ampo kita sa Ginoo.

P: Dios sa gugma, dungga ang among mga pag-ampo ug tabangi kami sa pagsunod sa Imong dalan ug pagpuyo sa Imong kahayag ug kamatuoran si JesuCristo Imong Anak ug among Ginoo. Amen.

17/08/2026

HAN-AY - August 23, 2026

Pasiuna - Ania Kita Mag-ambahan
https://youtu.be/BdS0Lmi5d_M
Salmo - https://youtu.be/2pM_Gp-5Qjw
Aleluya - https://youtu.be/ON5ro2oyAXc
Halad - Dyutay'ng Halad
https://youtu.be/cVWaheVuolM
Kalawat- Karon Mao ang Higayon
https://youtu.be/TldRdkXEXkQ
Katapusan - Salamat sa Dios
https://youtu.be/DwatFFdoPx8

Your generosity keeps me going.
Asking for Donation - GCash 09666816090 (RO…N L.)
Salamat.

Playlist - Mga Awit sa Ordinaryong Panahon
i-click lang ang link
Mga Awit sa Pasiuna - https://youtube.com/playlist?list=PLPvrS24HugOYWWmpyzRM4fCG3YgSjeQkf&si=Nh-x9aEcKJ_03eCz
Mga Awit sa Halad - https://youtube.com/playlist?list=PLPvrS24HugOYolgG0eMbKRhVKDYHBar3X&si=faoFL8mY8cvX1A2t
Mga Awit sa Kalawat - https://youtube.com/playlist?list=PLPvrS24HugObAFVrdbYyhJ9yQQNKLydfl&si=F8H28oM4Fx-QCLde
Mga Awit sa Katapusan - https://youtube.com/playlist?list=PLPvrS24HugOarCxsh-m2WrWz6X-BwE3js&si=tm_lqlYgNe7lUBYa

15/08/2026

MGA PAGBASA - Agosto 23, 2026
IKAKAWHAAG USA NGA DOMINGO SA ORDINARYONG PANAHON

ANG PAGBASA GIKAN SA BASAHON NI PROPETA ISAIAS (Is. 22:15, 19-23)
Mao kini ang giingon sa GINOO nga Labing Gamhanan, “Adtoa kining tinugyanan nga atua sa Sebna, nga maoy nagdumala sa palasyo sa hari ug ingna siya: Palagputon ko ikaw sa imong katungdanan, ug gikan sa imong nahimutangan.”
“Niadtong adlawa paanhion ko ang akong sulugoon nga si Eliakim anak ni Hilkias, ug sul-oban ko siya sa imong bisti, ug baksan ko siya sa imong bakos, ug itugyan ko kaniya ang imong gahom; ug mahimo siyang pangulo sa mga molupyo sa Jerusalem ug sa Juda. Ug isangon ko sa iyang abaga ang katungod sa pag-abli sa balay ni David; siyay moabli niini ug walay makasira; mosira siya niini ug walay makaabli. Ibutang ko siya sa usa ka lig-on nga dapit daw usa ka ugsok, ug mahimo siyang garbo sa iyang banay.”
ANG PULONG SA GINOO. SALAMAT SA DIOS.

SALMO RESPONSORYO Ps. 138:1-2, 2-3, 6, 8

T. Ginoo, ang imong gugma walay katapusan; ayaw pagbiyai ang buhat sa imong mga kamot.

Pasalamatan ko ikaw, O Ginoo, sa tibuok kong kasingkasing,
(kay imong gidungog ang mga pulong sa akong baba); sa atubangan
sa mga anghel awiton ko ang imong kadayganan; Nagasimba ako didto
Sa imong balaan nga templo.

T. Ginoo, ang imong gugma walay katapusan; ayaw pagbiyai ang buhat sa imong mga kamot.

Pasalamatan ko ang imong ngalan, tungod sa imong kaluoy
ug imong kamatuoran: Sa akong pagsangpit, gipatalinghugan mo ako;
imo akong gilig-on sulod sa akong kaugalingon.

T. Ginoo, ang imong gugma walay katapusan; ayaw pagbiyai ang buhat sa imong mga kamot.

Ang Ginoo hataas, apan nagatan-aw siya sa mapaubsanon, ug nakaila siya sa mapahitas-on gikan sa halayo. Ang imong kaayo, O Ginoo, nagalungtad sa Kahangturan; ayaw pagbiyai ang buhat sa imong mga kamut.

T. Ginoo, ang imong gugma walay katapusan; ayaw pagbiyai ang buhat sa imong mga kamot.

ANG PAGBASA GIKAN SA SULAT NI SAN PABLO NGADTO SA TAGA-ROMA (Rom. 11:33-36)
Mga igsoon: Pagkabahandianon gayod sa Dios ug pagkatulugkaron sa iyang kaalam ug kahibalo! Kinsay makasaysay sa iyang hukom? Kinsay makasabot sa iyang paagi? Susama sa giingon sa kasulatan: Kinsay nasayod sa hunahuna sa Ginoo? Kinsay makatambag kaniya? Kinsay makahatag kaniyag bisan unsa, aron iyang baslan? Kay siyay nagbuhat sa tanang butang, ug nahimong mao karon ang tanang butang pinaagi kaniya ug alang kaniya. Iya sa Dios ang himaya sa walay kataposan! Amen.
ANG PULONG SA GINOO. SALAMAT SA DIOS.

ALELUYA (Mt. 16:18)
T. Aleluya.
Ikaw si Pedro ug ibabaw niining bato tukoron ko ang akong iglesia,
ug bisan gani ang kamatayon dili gayod makabuntog niini.
T. Aleluya.

ANG PAGBASA GIKAN SA EBANGHELYO SUMALA NI SAN MATEO (Mt. 16:13-20)
Unya miadto si Jesus sa yuta duol sa lungsod sa Cesarea Filipo, ug didto nangutana siya sa iyang mga tinun-an, “Sumala sa mga tawo, kinsa man ang Anak sa Tawo”? Sila mitubag, “May nag-ingon nga siya mao si Juan nga Magbubunyag, ang uban nag-ingon nga siya mao si Elias; samtang ang uban nag-ingon nga siya si Jeremias o laing propeta.”
Si Jesus nangutana kanila, “Apan kamo, unsa may inyong ikasulti? Kinsa man ako?” Ug mitubag si Simon Pedro, “Ikaw mao ang Mesias, ang Anak sa Dios nga buhi.” Giingnan siya ni Jesus, “Simon, anak ni Jonas, bulahan ka gayod kay kining maong kamatuoran wala moabot kanimo bisan sa kinsang tawo, kondili gihatag kanimo sa akong Amahan nga atua sa langit. Busa sultihan ko ikaw: ikaw si Pedro ug ibabaw niining bato tukoron ko ang akong iglesia, ug bisan gani ang kamatayon dili gayod makabuntog niini. Ihatag ko kanimo ang mga yawi sa Gingharian sa langit: ang imong idili dinhi sa yuta, idili usab didto sa langit; ug ang imong itugot dinhi sa yuta, itugot usab didto sa langit.” Unya gipinahan ni Jesus ang iyang mga tinun-an nga dili sila manugilon kang bisan kinsa nga siya mao ang Mesiyas.
ANG EBANGHELYO SA GINOO. DAYGON IKAW, O CRISTO.

KATILINGBANONG PAG-AMPO

P: Ang atong Magtutudlo nagtudlo kanato nga ang pagpangalagad nangahulugan og diha nga pagsalikway sa panulay. Mag-ampo kita uban sa katuyoan sa paghimo’g mga sakripisyo sa pagsunud sa Ginoo : DIOSNONG MAGTUTUDLO, KABIGA KAMI DIHA KANIMO.

1. Nga ang Simbahan makapatandog sa pagwali sa Ebanghelyo. Mag-ampo kita sa Ginoo.
2. Nga ang Ginoo mohatag kanato’g gasa sa pagpasaylo ug pagpakig-uli, ug pag-ayo sa mga hinanakit tungud sa pagkabahin ug sa pagsaway. Mag-ampo kita sa Ginoo.
3. Nga unta ang katawhan makabaton ug labi pang dako nga pagtamud sa kaayo isip latayan sa espiritu sa Dios nga nagalihok dinhi sa kalibutan. Mag-ampo kita sa Ginoo.
4. Nga ang mga tigulang, mga nag-inusara, mga baldado ug mga masakiton malig-on pinaagi sa kainit sa atong maamumahong presensiya. Mag-ampo kita sa Ginoo.
5. Nga ang atong mga higala nga nangamatay una kanato makaambit sa kalinaw ug kalipay sa Gingharian sa Dios. Mag-ampo kita sa Ginoo.

P: Langitnong Amahan, tabangi kami nga makakita sa tanang mga tawo pinaagi sa imong mga mata. Hatagi kami sa kalapad sa panghunahuna ug pagkamanggihatagon nga kasingkasing sa pagdawat kon unsay maayo gikan sa bisan diin nga tuboran. Kami naga-ampo pinaagi ni Cristo among Ginoo. Amen.

10/08/2026

MGA PAGBASA - AUGUST 16, 2026
IKAKAWHAAN NGA DOMINGO SA ORDINARYONG PANAHON

Pasiuna
Mga igsoon ko diha ni Cristo:
Gibati ba ninyo nga kabahin niining balay sa Dios?
Inyo ba kining puloy-anan diin dawaton ninyo ang tanan sa walay pagpili sa bulok sa ilang pagkatawo? Gihiusa kita sa Dios dinhi ug gusto niya nga mobati kita nga kabahin niining maong balay uban kaniya. Dinhi giandam niya ang bangkete sa iyang Anak. Ug sa samang higayon gusto niya nga magpakabana kita nga kining maong balay ug bangkete mahimong tagboanan sa tanang katawhan kay siya ang Amahan sa tanan ug ang iyang Anak mao ang paglaom sa tanan.

Unang Pagbasa Is 56: 1, 6-7

ANG PAGBASA GIKAN SA BASAHON NI PROPETA ISAIAS
Nag-ingon ang GINOO sa iyang katawhan, “Sunda ang hustisya ug buhata ang matarong, kay sa dili madugay luwason ko na kamo, ug ipaila ko ang akong katarong.
“Ang mga langyaw nga miduol sa GINOO aron pag-alagad kaniya, ug nagtamod sa Adlawng Igpapahulay ug nagtuman sa iyang mga sugo panad-on ko sa balaan kong bukid, ug lipayon ko sila didto sa akong Templo. Ang ilang mga halad-sinunug ug mga halad-inihaw dawaton ko didto sa akong halaran; kay ang akong Templo nganlan mag balay-alampoanan alang sa tanang katawhan.
ANG PULONG SA GINOO. SALAMAT SA DIOS.

SALMO RESPONSORYO (Ps. 67.2-3, 5, 6, 8

T. O Dios, magadayeg unta kanimo ang tanang mga nasod.

Kaluy-an unta kita sa Dios ug bendisyonan niya; ipadan-ag unta kanato ang iyang nawong. Mahibaw-an unta ang imong dalan dinhi sa yuta; diha sa tanang mga nasod ang imong kaluwasan.

T. O Dios, magadayeg unta kanimo ang tanang mga nasod.

Maglipay unta ang mga nasod ug magsadya tungod kay nagamando ka sa kanasuran diha sa katarong; ang mga nasod dinhi sa yuta imong agakon.

T. O Dios, magadayeg unta kanimo ang tanang mga nasod.

Daygon unta ikaw sa katawhan, O Dios; ang tanang kalungsuran magdayeg unta kanimo. Panalanginan unta kita sa Dios, ug ang tanang kautlanan sa yuta mahadlok unta kaniya.

T. O Dios, magadayeg unta kanimo ang tanang mga nasod.

Ikaduhang Pagbasa Rom. 11: 13-15, 29-32

ANG PAGBASA GIKAN SA SULAT NI SAN PABLO NGADTO SA TAGA-ROMA
Karon, bahin kaninyong mga dili Judio: ipasigarbo ko ang akong bulohaton ingon nga apostol ako sa mga dili Judio, aron masina ang akong isigka-Judio ug maluwas ko ang pipila kanila. Kon sa dihang gisalikway sila, ang kalibutan napasig-uli ngadto sa Dios, unsa pa kaha kon dawaton sila? Kinabuhi alang sa mga patay!
Kay dili gayod mag-usab-usab ang Dios sa iyang hunahuna labot sa iyang pilion ug panalanginan. Kamong mga dili Judio misupil sa Dios kaniadto, apan karon gikaluy-an kamo sa Dios tungod kay misupil man ang mga Judio. Sa maong pagkaagi, tungod sa kaluoy nga nadawat ninyo, ang mga Judio misupil sa Dios aron sila usab makadawat sa kaluoy sa Dios. Kay gihimo sa Dios ang tanang mga tawo nga masupilon aron ikapakita niya ang iyang kaluoy kanilang tanan.
ANG PULONG SA GINOO. SALAMAT SA DIOS.

ALELUYA (Mt. 4:23)
T. Aleluya.
Si Jesus nagwali sa Maayong Balita bahin sa paghari sa Dios ug nag-ayo sa mga masakiton.
T. Aleluya.

ANG PAGBASA GIKAN SA EBANGHELYO SUMALA NI SAN MATEO (Mt. 15:21-28)
Mibiya si Jesus niadtong dapita ug miadto sa kayutaan duol sa mga siyudad sa Tiro ug sa Sidon. Usa ka babaye nga taga-Canaan, nga nagpuyo niadtong dapita, miduol kaniya ug mituwaw, “Sir, Anak ni David, kaloy-i intawon ako! Ang anak kong babaye giyawaan ug nag-antus pag-ayo.”
Apan wala motubag si Jesus. Miduol ang iyang mga tinun-an kaniya ug miingon, “Papahawaa siya kay nagsunodsunod siya kanato ug saba kaayo!”
Unya mitubag si Jesus, “Gipadala ako ngadto lamang sa nawalang mga karnero sa nasod sa Israel.”
Apan miduol ang babaye ug miluhod sa atubangan ni Jesus. “Sir, tabangi intawon ako!” miingon siya.
Si Jesus mitubag, “Dili maayo nga kuhaon ang kalan-on sa mga anak ug ipakaon sa mga iro.”
Ang babaye mitubag, “Tinuod kana, Sir, apan bisan gani ang mga iro makakaon man sa mga mumho nga mahulog gikan sa lamesa sa agalon.”
Ug si Jesus mitubag kaniya, “Inday, pagkadako sa imong pagsalig! Matuman ang imong gihangyo.” Ug niadto dayong gutloa naayo ang iyang anak.

ANG EBANGHELYO SA GINOO. DAYGON IKAW, O CRISTO

KATILINGBANONG PAG-AMPO
P: Ang atong Ginoong Dios sa kanunay nagdasig kanato sa pag-ila ug pagsinati sa Iyang presensiya diha sa atong nagkalainlaing buluhaton. Uban sa Balaang Espiritu Santo mangamuyo kita Kaniya sa pag-ingon: GINOO, PATALINGHUGI KAMI.
a.) Nga ang atong Santo Papa, mga kaobispohan, kaparian, ug mga relihiyoso magmapadayonon sa ilang pag-alagad sa Simbahan ug sa katawhan sa Dios sa tibuok kalibutan. Mag-ampo kita sa Ginoo.
b.) Nga ang atong mga pangulo sa nagkalainlaing kanasuran maglantaw unta sa kaayohan sa tanang katawhan ilabina gayud niadtong mga kabos ug naglisod tungod sa kapit-os sa ilang kinabuhi. Mag-ampo kita sa Ginoo.
c.) Nga ang mga nag-antus sa nagkalainlaing balatian nga tungod niini sila halos makabsan na sa paglaum nga tagaan unta sila sa Dios sa grasya sa kalig-on ug kaayohan aron makapadayon sila sa pagpakabuhi niining kalibutan. Mag-ampo kita sa Ginoo.
d.) Nga kitang tanan nga nagkatigom dinhi nga unta maila nato ang Ginoo pinaagi sa atong pagpadayag sa atong pagtoo diha sa pulong ug buhat. Mag-ampo kita sa Ginoo.
P: Langitnong Amahan, sayod ka sa tanan namong mga paningkamot. Himoa nga ang among mga buhat ug pagkinabuhi mahisubay sumala sa imong kabubut-on. Kini among gipangayo pinaagi ni Cristo, among Ginoo. Amen.

Your generosity keeps me going.
Asking for Donation - GCash 09666816090 (RO…N L.)
Salamat.

10/08/2026

HAN-AY - August 16, 2026
IKAKAWHAAN NGA DOMINGO SA ORDINARYONG PANAHON

Pasiuna - Ania Kami
https://youtu.be/nqsq9RriRAQ
Salmo - https://youtu.be/U9tEL9Vw1J8
Aleluya - https://youtu.be/n-h17Lr7AUo
Halad - Salig sa Atong Ginoo
https://youtu.be/ZGWacDA2jbQ
https://youtu.be/9wQdMebz6M8
Kalawat - Ikaw ang Buhing Pan
https://youtu.be/GM5aUAC_zsM
Katapusan - Pagpaambit sa Panahon
https://youtu.be/OQUkGmxxnIc

Your generosity keeps me going.
Asking for Donation - GCash 09666816090 (RO…N L.)
Salamat.

Playlist - Mga Awit sa Ordinaryong Panahon
i-click lang ang link
Mga Awit sa Pasiuna - https://youtube.com/playlist?list=PLPvrS24HugOYWWmpyzRM4fCG3YgSjeQkf&si=Nh-x9aEcKJ_03eCz
Mga Awit sa Halad - https://youtube.com/playlist?list=PLPvrS24HugOYolgG0eMbKRhVKDYHBar3X&si=faoFL8mY8cvX1A2t
Mga Awit sa Kalawat - https://youtube.com/playlist?list=PLPvrS24HugObAFVrdbYyhJ9yQQNKLydfl&si=F8H28oM4Fx-QCLde
Mga Awit sa Katapusan - https://youtube.com/playlist?list=PLPvrS24HugOarCxsh-m2WrWz6X-BwE3js&si=tm_lqlYgNe7lUBYa

01/08/2026

MGA PAGBASA - August 2, 2026
Ikanapulo’g Walo nga Domingo sa Tuig

ANG PAGBASA GIKAN SA BASAHON NI PROPETA ISAIAS (Is. 55:1-3)
Ang Ginoo miingon, “Kamong giuhaw, ngari kamo ug inom. Bisag wala kamoy kawarta, ngari palit ug kaon! Palit kamog bino ug gatas nga walay bayad. Nganong gastoon man ninyo ang inyong kwarta nianang dili makaon, ug nganong maghago man kamo nianang dili makabusog? Pamati kanako, ug makakaon kamog maayong pagkaon, ug matagbaw kamo. Pamati kamo ug duol kanako, aron dili kamo mamatay; maghimo akog walay kataposang kasabotan uban kaninyo ug panalinginan ko kamo sumala sa akong gisaad kang David.
ANG PULONG SA GINOO. SALAMAT SA DIOS.

SALMO RESPONSORYO (Ps. 145: 8-9, 15-16, 17-18)

ANG KAMOT SA GINOO MAOY NAGAPAKAON KANATO;
IYANG GITAGBAW ANG TANAN NATONG MGA KINAHANGLAN.

Ang Ginoo maayo ug maloloy-on,
dugay nga masuko ug daku sa kalooy.
Ang Ginoo maayo alang sa tanan
ug maloloy-on sa tanan Niyang mga binuhat.

Ang mata sa tanan nagatan-aw nga malaumon Kanimo,
ug gihatagan Mo sila sa ilang kalan-on sa husto nga panahon;
Gibukhad mo ang Imong mga kamot
ug gitagbaw Mo ang tinguha sa tanang buhi.

Ang Ginoo matarung diha sa tanan Niyang mga paagi
ug balaan diha sa tanan Niyang mga buhat.
Ang Ginoo haduol sa tanan nga nagasangpit kaniya,
sa tanan nga nagasangpit Kaniya diha sa kamatuoran.

ANG PAGBASA GIKAN SA SULAT NI SAN PABLO NGADTO SA TAGA-ROMA (Rom. 8: 35, 37-39)
Busa, kinsay makapahimulag kanato sa gugma ni Cristo? Ang kasamok ba, ang kalisdanan, ang mga paglutos, ang gutom, ang kakabos, ang katalagman, o ang kamatayon?
Dili! Hinunoa, taliwala niining tanan, may hingpit kitang kadaogan pinaagi kaniya nga nahigugma kanato! Kay siguro ako nga walay bisan unsa nga makapahimulag kanato sa iyang gugma: bisan ang kamatayon, ni ang kinabuhi, ni ang mga anghel, ni ang mga langitnong punoan o mga gahom, ni ang mga butang karon ug sa umaabot nga kapanahonan; bisan ang kalibutan sa itaas o sa ilalom-wala gayoy bisan unsa sa mga binuhat nga makapahimulag kanato sa gugma sa Dios nga naato pinaagi sa atong Ginoong Cristo Jesus.
ANG PULONG SA GINOO. SALAMAT SA DIOS.

ALELUYA: Mateo 4: 4b
Aleluya! Aleluya!
Dili mabuhi ang tawo sa pan lamang,
kondili sa matag pulong usab nga isulti sa Dios.
Aleluya! Aleluya!

ANG PAGBASA GIKAN SA EBANGHELYO SUMALA NI SAN MATEO (Mt. 14: 13-21)
Sa pagkadungog ni Jesus sa balita nga gipatay si Juan, mibiya siya
niadtong dapita sakay sa usa ka sakayan ug miadto nga nag-inusara sa usa ka dapit nga awaaw. Nakabalita niini ang mga tawo, ug namiya sila sa ilang mga lungsod, ug milakaw sila aron pag-agpas kaniya. Si Jesus mikawas sa sakayan ug sa pagkakita niya sa dakong pundok sa mga tawo, giabot siyag dakong kaluoy kanila, ug giayo niya ang ilang mga masakiton.
Niadtong hapona ang iyang mga tinun-an miduol kaniya ug miingon, “Hapon na kaayo, ug awaaw kining dapita. Busa palakta ang mga tawo ug paadtoa sila sa mga balangay aron mamalit ug pagkaon.”
Si Jesus mitubag, “Dili kinahanglan nga manlakaw pa sila; kamo mismo ang maghatag kanilag pagkaon.”
Sila mitubag, “Lima ra ka pan ug duha ka isda ang among dala.”
Si Jesus miingon, “Dad-a ngari.” Unya iyang gipalingkod sa kasagbotan ang mga tawo ug gikuha niya ang lima ka buok pan ug duha ka buok isda; unya miyahat siya sa langit ug nagpasalamat sa Dios. Ug gipikaspikas niya ang mga pan ug gihatag ngadto sa mga tinun-an, ug gihatag usab kini sa mga tinun-an ngadto sa mga tawo. Nangaon ang tanan ug nangabusog, Unya gihipos sa mga tinun-an ang sobra nga nakapuno ug napulog-duha ka bukag. Lima ka libo ang gidaghanon sa mga tawo nga nangaon, walay labot ang mga babaye ug sa mga bata.
ANG EBANGHELYO SA GINOO. DAYGON IKAW, O CRISTO.

KATILINGBANONG PAG-AMPO:
Pangulo: Ang atong Langitnong Amahan maoy nagtagbaw kanato sa atong mga panginahanglan sa atong inadlaw adlaw nga pagpakabuhi. Busa ihalad nato Kaniya karon ang atong mga pag-ampo diha sa atong pagtubag: GINOO DUNGGA KAMI.

1. Alang sa tanang pangulo sa tibuok Simbahan nga diha sa ilang pagsaksi sa kaayo ug gugma sa Dios makanunayon unta nila kining ipaambit ngadto sa tibuok katawhan nga nangandoy sa iyang gugma ug kalooy. Mag-ampo kita.
2. Alang sa mga lideres sa atong nasud ug sa tibuok kalibutan nga lamdagan unta sila sa Espiritu Santo sa pagmugna og mga balaod nga makahatag og kaayohan alang sa tanang katawhan. Mag-ampo kita.
3. Alang sa atong matag katilingaban ilabi na sa atong GKK, nga unta magiyahan kita sa grasya ug panabang sa Dios aron sa kanunay atong ipakaylap ang matuod nga paghinigugmaay. Mag-ampo kita.
4. Alang sa tanang nag-antos tungod sa kapit-os sa panginabuhi makaangkon unta sila sa tumang kalooy ug gugma sa Dios. Mag-ampo kita.
5. Alang kanato nga ania karon dinhi nga sa kanunay magmadasigon kita sa atong kaakuhan sa paghatag sa atong gugma ug panabang ngadto sa mga nanginahanglan natong mga kaigsoonan. Mag-ampo kita.
6. Alang sa kaugalingong katuyuan atong i-ampo sa hilum.

Pangulo: Mahigugmaong Amahan, dungga ang mga pag-ampo ug pangamuyo sa Imong katawhan. Itugot nga mahiduol kami kanunay sa Imong presensya ug gugma aron mghupay kami sa among mga kalisdanan. Kini among gipangayo Kanimo pinaagi ni Kristo among Ginoo. Amen.

01/08/2026

Salmo Responsoryo
Aug 2, 2026

01/08/2026

HAN-AY - August 9, 2026
IKANAPULO’G SIYAM NGA DOMINGO SA ORDINARYONG PANAHON
Pasiuna - Magtigum mga Katawhan ss Dios
https://youtu.be/3fi3nhCYzhM
Salmo - https://youtu.be/3ewP0cwZLRg
Aleluya - Aleluya '85
https://youtu.be/vKe4cXU6eOo
Halad - Nagahalad Kami
https://youtu.be/HHqYa_jGcak
Kalawat 1 - Ikaw Ang Buhing Pan
https://youtu.be/AQOm7ioXyoo
Kalawat 2 - Ayaw Kahadlok
https://youtu.be/kNZ31cwb8UY
Katapusan - Atong Itudlo sa Uban
https://youtu.be/4VtnhnCUNTQ

Suspended akong channel guys, pls help by sending bisan pila lang
to my GCash account pang load sa internet 09666816090 (RO…N L.) salamat.

Playlist - Mga Awit sa Ordinaryong Panahon
i-click lang ang link
Mga Awit sa Pasiuna - https://youtube.com/playlist?list=PLPvrS24HugOYWWmpyzRM4fCG3YgSjeQkf&si=Nh-x9aEcKJ_03eCz
Mga Awit sa Halad - https://youtube.com/playlist?list=PLPvrS24HugOYolgG0eMbKRhVKDYHBar3X&si=faoFL8mY8cvX1A2t
Mga Awit sa Kalawat - https://youtube.com/playlist?list=PLPvrS24HugObAFVrdbYyhJ9yQQNKLydfl&si=F8H28oM4Fx-QCLde
Mga Awit sa Katapusan - https://youtube.com/playlist?list=PLPvrS24HugOarCxsh-m2WrWz6X-BwE3js&si=tm_lqlYgNe7lUBYa

01/08/2026

MGA PAGBASA - August 9, 2026
Ikanapulo’g Siyam nga Domingo sa Ordinaryong Panahon

PASIUNA

Ania na kita karon sa Ikanapulo ug Siyam nga Domingo sa Ordinaryong Panahon. “Ayaw kamo kahadlok, ako kini”. Naghulagway kini sa atong pagtuo diha sa Ginoo. Dali ra kitang malisang kon moabut na sa atong kinabuhi ang mga pagsulay. Kini usab nga mga pulong sa Ginoo makahatag unta kini og luna diha sa atong tagsatagsa ka mga kasingkasing kon aduna ba gayod kitay lig-on nga pagtuo sa Dios.

Busa, isip kita mga anak sa Dios giawhag sa pagpalambo ug paglig-on sa atong pagtuo kaniya aron kita sa kanunay ubanan sa atong pang-adlaw-adlaw nga kinabuhi pinaagi sa iyang Balaang Lawas ug Dugo niining atong pagsaulog sa Santos nga Eyukaristiya.
Manindog ang tanan.

ANG PAGBASA GIKAN SA UNANG BASAHON SA MGA HARI (1 Kgs. 19:9, 11-13)
Miabot si Elias sa usa ka langob ug mipuyo siya didto; ug giingnan siya sa GINOO, “Unsay gibuhat mo dinhi, Elias?” Ang GINOO miingon, “Lakaw ug barog sa tumoy sa bukid atubangan sa GINOO.” Unya miaagi ang GINOO ug may kusog nga hangin nga mihapak sa kabukiran, ug nangatipak ang ang mga bato, apan ang GINOO wala diha sa hangin, Ug human sa hangin, miabot ang linog, apan ang GINOO wala diha wala diha sa linog. human sa linog, misunod ang kalayo, apan ang GINOO wala diha sa kalayo ug human sa kalayo may hinay ug malumong tingog.
Sa pagkabati niini ni Elias, gitabonan niya ang iyang nawong sa iyang bisti ug migawas siya ug mibarog sa agianan sa langob. Ug may tingog nga miingon kaniya, “Unsay gibuhat mo dinhi Elias?”
Ang Pulong sa GINOO. Salamat sa DIOS.

SALMO RESPONSORYO (Ps. 85:9-10, 11-12, 13-14)

Ginoo, patan-awa kami sa Imong kaayo,
ug ihatag kanamo ang Imong kaluwasan.

Pamati-on ko ang gisangyaw sa Dios;
sa Ginoo-kay nagasangyaw siya sa kalinaw.
Haduol gayod ang Iyang kaluwasan kanila nga mahadlokon Kaniya,
ang himaya nagapuyo sa atong yuta.

Ang kaluoy ug ang kamatuoran magatagbo;
ang katarung ug kalinaw maghagkanay.
Ang kamatuoran mogitib gikan sa yuta,
ug ang katarong modung-aw gikan sa langit.

Ang Ginoo mohatag sa Iyang mga kaayohan;
ug ang atong yuta mohatag sa Iyang abot;
Ang katarong maglakaw sa Iyang atubangan,
ug ang kaluwasan diha sa Iyang pagaagian.

ANG PAGBASA GIKAN SA SULAT NI SAN PABLO NGADTO SA TAGA-ROMA (Rom. 9:1-5)

Mga igsoon: Matood ang giingon ko nga iya ako ni Cristo ug wala ako mamakak. Ang akong konsensya nga gilamdagan sa Espiritu Santo maoy akong saksi nga wala ako magbakak. Gibati ko ang hilabihang kasubo ug kaguol nga walay hunong alang sa akong isigka-Judio-mga kabanay ug mga kadugo ko. Tungod kanila palabihon ko nga tunglohon ako sa Dios ug mahimulag kang Cristo. Sila mao ang piniling katawhan sa Dios; gisagop sila ingon nga mga anak sa Dios ug gipaambit sa iyang himaya; ug nagahimo siyag mga kasabotan uban kanila ug gihatagan sila sa balaod. Ila ang matuod nga pagsimba, ug nakadawat sila sa mga saad sa Dios. Kaliwat sila sa mga patriyarka, ug sa ilang kaliwatan natawo si Cristo. Ang Dios nga labaw sa tanan daygon unta hangtod sa kahangtoran. Amen.
Ang Pulong sa GINOO. Salamat sa DIOS.

ALELUYA(Ps. 130:5)
A leluya! Aleluya!
Naghulat ako nga mahinangpon sa panabang sa GINOO,
ug misalig ako sa iyang pulong.
Aleluya! Aleluya!

ANG PAGBASA GIKAN SA EBANGHELYO SUMALA NI SAN MATEO (Mt. 14:22-33)

Unya gipasakay ni Jesus ang mga tinun-an sa sakayan ug gipauna niya ngadto sa tabok sa lanaw, ug iyang gipalakaw ang mga tawo. Tapos niya palakta ang mga tawo, mitungas siya nga nag-inusara sa usa ka bungtod aron pag-ampo. Ug sa pagkagabii na, si Jesus nag-inusara didto. Niadtong tungora ang sakayan didto na sa lawod, gikusokuso sa mga balod, kay ang hangin sungsungon man.
Sa may mga alas tres sa kaadlawon, si Jesus miadto kanila nga naglakaw sa tubig. Sa pagkakita sa mga tinun-an kaniya nga naglakaw sa tubig, nangahadlok sila pag-ayo. “Anaay multo!” miingon sila, ug naniyagit sila sa kalisang.
Si Jesus miingon kanila, “Ayaw kamo kahadlok! Ako kini!”
Unya si Pedro miingon, “Ginoo, kon ikaw kana, palakta ako sa tubig nganha kanimo.”
“Dali ngari,” mitubag si Jesus. Busa mikawas si Pedro sa sakayan ug milakaw sa tubig ngadto kang Jesus. Apan sa pagkamatikod niya sa hangin, nahadlok siya ug misugod pagkaunlod. “Ginoo, luwasa ako!” misinggit siya. Dihadiha gidawat siya ni Jesus ug gibira ug miingon si Jesus kaniya, “Pagkadiyutay sa imong pagtuo! Nganong nagduhaduha ka man?” Ug nanakay silang duha sa sakayan, ug milurang ang hangin. Ang mga tinun-an nga didto sa sakayan misimba kang Jesus, ug miingon, “Ikaw gayod ang Anak sa Dios!”
ANG EBANGHELYO SA GINOO. DAYGON IKAW, O CRISTO.

KATILINGBANONG PAG-AMPO
P: Mag-ampo kita isip maunongong katawhan sa Dios nga naglantaw kang JesuCristo. Sa atong kasayuran sa iyang pagdasig sa nagka-awop nga pagtoo ni San Pedro, kita nakamatngon nga ania ra diay siya kanunay uban kanato, ang iyang kamot gituyhad aron sa paglig-on ug pagpabakod kanato: ANAK SA DIOS, LUWASA KAMI.

1. Nga ang Simbahan sa Dios nga tatawng nahiusa libot sa sumusunod ni Pedro ug sa mga apostoles, maggiyahan pinaagi sa gahum sa presensiya sa Dios taliwala sa mga suliran ug mga unos nga ilang nasugamak. Mag-ampo kita sa Ginoo.
2. Nga maanaa unta ang kalinaw ug hustisya sa mga nasud nga gibahin-bahin sa gubat ug sa panagbingkil. Mag-ampo kita sa Ginoo.
3. Nga kadtong gipadpad nga walay tumong sa unos sa kadagatan sa kinabuhi makadangup sa Simbahan nga maoy malinawon nga tagoanan. Mag-ampo kita sa Ginoo.
4. Nga ang mga masakiton makakaplag og kahupayan diha sa makaayong kalooy ni Cristo. Mag-ampo kita sa Ginoo.
5. Nga ang mga magtotoo nga nangamatay makadangat sa langitnong kapahulayan diha sa presensiya sa Ginoo. Mag-ampo kita sa Ginoo.

P: Ginoong Dios, sa imong pagdawat niining mga pag-ampo, hatagi kami sa kalig-on sa pagtoo ug masunoron nga pagsalig sa imong Anak among Manluluwas kinsa nagapuyo ug nagahari uban kanimo hangtod sa kahangturan. Amen

Sir Dan

24/08/2026

24/08/2026

17/08/2026

15/08/2026

10/08/2026

10/08/2026

01/08/2026

01/08/2026

01/08/2026

01/08/2026

Address

Website

Alerts

Shortcuts

Share

Category

Listing takedown request